بعد ما شهده مجمع المدوّنات التونسيّة من هجوم قزوردي عنيف خلال الأيّام الأخيرة في حركة هي أشبه بالبروباغاندا السياسيّة السوفياتيّة، واللّي خلاّت برشة ناس (منهم أنا شخصيّا أما شوف زادة تعليقات عدد من المدوّنين الأخرين كيف طارق هنا ونوفراج هنا) تستغرب مثل هالرّيق البارد ونحن في هذه الأيّام الباردة من أواخر عام 2008..
وأمام الشعور الغريب إلّي لقيت روحي أمامه بما أنّي إنسان أتيحت لي الفرصة باش نتعامل مع برشة ناس من "المنظّرين" متاع الدولة والنظام، وإلّي مهما إختلفت معاهم في الرؤى يبقاو في أغلبهم ناس عندهم مستوى علمي وثقافي محترم، وما تنقصهمش الكفاءة ولا القدرة باش يكتبوا أو يبرّروا سياسات معيّنة أو توجّهات معيّنة بصفة محترمة ويمكن حتى تكون مقنعة، وبالتالي فإنّي أجد من الغريب والمريب أن يشعر إنسان متوسّط جدّا مثل المدوّن "نوفل القزوردي" بأنّه مؤهّل للدفاع عن النظام وتقديم وجهة نظره من خلال مجمع المدوّنات التونسيّة بطريقة مقرفة تجعله أقرب ما يكون للسبام وأبعد ما يكون عن فلسفة المدوّنات والحوار، وكأنّ البلاد ما قعد فيها كان هالبهلول هذا باش يفهّمنا كيفاش تجي الأمور وكيفاش ما تجيش.
قلت عاد أمام هالمشاعر التي تبعث على القرف وأمام الطقس التعيس إلّي يشجّع على تعاطي الهرقمة على الأقلّ ثلاث مرّات في اليوم، شعرت بالرغبة في كتابة شيء من الشعر لعلّ ذلك يبعث الدفئ في روح المدوّن القزوردي فيذوب الجليد المكوّم على عقله ويخرج من ظلمات كهفه القزوردي إلى عالم تتعدّد فيه الألوان فيكون لنا من الشاكرين، فكان أن كتبت ما يلي:
يا المكوّن منهو كوّنك،
ومنهو بالقزوردي لوّنك؟
ويا الشعبة لمّي مدوّنك
عمل الفضح وجاب العار
***
مدوّن قصّاص ويلصّق
لا يناقش لا يحبّك تعلّق
قفّاف وياسر متملّق
بوجادي ما عرف الكار
***
دخل إستعمر المجمّع
مرّة يطحّن مرّة يلمّع
ولاّتش دار التجمّع
دربوكة وبندير وطار؟
***
يا البوجادي لواش عليك
موش هكّاية البوليتيك
تحبّ توصل إيجا نورّيك
هذا لعب أولاد صغار
***
نوفل ما غلطش إل سمّاك
صنديد وراجل ما أحلاك
في هاك الصورة شفناك
مستقبل قدّامك نوّار
***
تتسمّى في منصب عظيم
تنمو فيه وتستديم
تنحّي الصبّاط والكيستيم
وتمشي تسيّق البطوار
***
البلوغوسفير خلطتو عليها
حريّة حسدتونا فيها
تقولش البلاد نخلّيها
للجربوع وخوه الفار
***
كلام بلا معنى يقولوه
كيفما البهايم حفظوه
وحديثهم بالخشب عبّوه
تقولش حانوت النجّار
***
تلوّج على الفكرة فين هي
وعلى المبادرة الفرديّة
تلقى ناس بلاش شخصيّة
تكتب بلا رأي ولا أفكار
***
جربوعستان يخلّيها
نحبّوها ونحنا أمّاليها
ومستحيل تغوروا عليها
وطنيّين وأحرار
كتبنا وحكينا إلّي فيها
وعمرنا ما بخلنا عليها
والحقيقة ما يحبّ يخبّيها
كان إلّي عندو الخنّار
بحلوّها بمرّها نحكيها
موش بالكذب نحامي عليها
ولا تشدّينا بقلة ليها
يتشال معانا عمّار
وفاز عن جدارة بجائزة الكشطة الذهبيّة لشهر ديسمبر
BRAVOOOOOOOOOOOO !! ya biga abda3t !! hihihihihih !! 9taltni beltha7ek rabi yetwalek !! ti haw 3andek 7atta fel chi3r !! 3ala ana ba7r brabi ??? el ba7r el move ???
RépondreSupprimerwallahi chehi nchouf khli9tou hal metkhalef w howa ya9ra fel tadwina hethi :))))))))))))))))))
ههههههههههههه
RépondreSupprimerهاو الضرب
بره ينوّرك يا أحلى بليد القسيم نزل بردا وسلاما
:)
fi hathi jebet fiha 2eme edo3aji mé ya bid 3ndi soual za3ma entham haseb rayek mafih chay ye3jeb ya welouldi hana nas kan incho edmakratiya el masir fina kima rowanda sayeb alik ya rajel el beld hathi yelzemha kan ili chadaha init wahed men nes kan ijik el pouvoir ili matnkob nokba fi sama.
RépondreSupprimerena yothroli hakka 5ir ..
RépondreSupprimernawfel 9azwardi
ههههههههههه برجوليّة لازم شكون يلحّنها..
RépondreSupprimerJe ne peux que m'incliner devant les trois derniers couplet du poème, sincèrement ça résume tout : "on ne critique pas par haine, mais,par jalousie envers cette patrie" merci beaucoup pour cet instant de plaisir que j'ai eu à lire votre article :)
RépondreSupprimerوالله موسع بالك هههههه أما هاك ردّيتو هندي. تقولش عليه من السيخ و إلا من الهندوس
RépondreSupprimerA sa place, je ne toucherai plus à Internet... :))))
RépondreSupprimerBarradtli 3ala 9albi, yer7am bouk... :D
يا بيغ... دمت ذخرًا لأولاد الفكرونة... برّا "اللّه يعلّيك على من يعاديك" :)
RépondreSupprimerBravo et merci!
RépondreSupprimerhéhéhéhéhéhéhé mabldek ya big wallah dha7aktni héhéhéhé
RépondreSupprimerl'idéologie RCDiste , ne croit pas a l'égalité, ni à la justice, ni à l'état de droit,ni méme l'amour du prochain.
RépondreSupprimertous ceux qui adhérent a ce parti fachiste , n'ont qu'n seul but commun : l'oppotunisme + le mépris la digniété humaine . leur arme le plus retoutable : la violence physique et morale. c'est la seul idéologie qui connaissent comme une méthode de dialogue contre tout ceux qui n'obéit pas a leur dieu unique élu à 99%
2 millions partisan qui se réclament a ce parti soit disant Rassemblement démocratique , un chiffre énorme pour un si petit pays de 10 millions .
en réalité , le RCD est considéré par tout ceux qui interressent a la chose politique parmi les partis le plus anti-démocratique de la planéte .
ramzi.
تستاهل نهبطوها في المرصد والا ايجا احضر معانا في المسامرة الشعرية في دوز خلي يولي الضرب تحت الركبة
RépondreSupprimerممتازة يعطيك الصحة
هاني اكتشفت فيك موهبة الشعر
yé 3ini 3ala che3er . éyahhhhhhh tu as calmé mes esprits avec ce que ce connard ecrit hedha lezmou kachta diamant. w ken jé rajél rahou 5alla les commentaires tji fil blog mta3 etahawol c comme ca la democratie. merci beaucoup trap pour ce poeme que tu nous a offert.
RépondreSupprimerTrap Boy...dis moi, t'as pas un lien de parenté avec Ali Douagi???? Vraiment Chapeau...Bravissimo...
RépondreSupprimerJ'ai lu et beaucoup apprécié! tbarkala a3LIK, sa5sa5tou ama yistehel min andi ana houwa willi kiffou! ZIDDOU!
RépondreSupprimerZa3MA lotfi bouchnak mayitawa3ch wi yganihelna cette chanson!
BRABBI ya BTB kopnt tetsawer rouhek enti wala ghirek bech terb7ou kont el condidat el 3adhim hedha ????? .... ya rajel akhtak, ti ena ki rit el blog mte3ou tdhakkart chkoun ken yerbe7 fi mouseb9at errasm w nahna sghar ... wel fehem yefhem
RépondreSupprimerأيا يمسيكم بالخير هالأخخ...تفوه على التصلب الذهني متاعو لازمو مكافأة أخرى مع الكشطة ما تنساوش الي هو من شباب تونس الواعد... تراب قدر المسألة هاذي زيد اتكرم عليه بوسام الكذا وشي
RépondreSupprimerle caravane passe et les chiens aboient
RépondreSupprimerti chbik BTP?! éna ken jit fi blastik ma na5sarch 3lih ken yji 1/4 post? 5allih yidabbir rassou, y7ib youssil. T'as oublié ce que t'as dis dans un ancien post:
RépondreSupprimer"الظاهرة هاذي ماهيش أخطر ظاهرة تواجه المجتمع متاعنا، وماهيش ظاهرة جديدة وما نتصوّرش أنّها باش تنقطع نهار من النهارات من المجتمعات اللي متغلغل فيها التجربيع كمنهج ومبدأ في الحياة الإجتماعيّة، كما أنّي ما إنّجمش نلوم على برهان بسيّس أو غيره إذا كانه يحبّ "يوصل" بطريقة أو بأخرى.. في الدنيا كلّ واحد قاعد يحاول، و لازمو يحاول، باش يعيش بالوسائل المتاحة بين يديه: الباندي بتبوريبه، القاري بقرايته، الغني بفلوسه، الحاكم بسلطته، الفنان بفنّه، البلعوط بتبلعيطه والطحان بطحينه، وهذا في حدّ ذاته ينجّم يكون نوع من المشروعيّة "الطبيعيّة" متاع تدبير الراس والبقاء على قيد الحياة.."
Donc normalllll ya farid
En plus tkassir fi rasik m3a robot mta3 copier coller. Bich yifhim za3ma chiktibit. El chari7a hedhi mta3 il mouatenin bich man 9oulich 7aja o5ra, ma3andhoumch 7atta jrana m9ayla fi mo5houm.
Missalich, 3ala kolli 7al at7aftna bil 9sid :p ta3bik ma mchech 5sara :D
Autre chose,
RépondreSupprimerSes post sur tn-bogs, ça me fait penser aux messages publicitaires mensongères sur les forums et auxquels personne ne répond car ils savent que c du toc ;)
HAHAHA HA HA HAH HAHAHAHAH HAHHAH HAHAHAHAHHA
RépondreSupprimer@ anonyme :
RépondreSupprimer!!!!!عرف بنفسك يا بنفسج
mat9ollich nawfel il masri loooooooool
RépondreSupprimerFFFFFfffiiiiiioooooffffeeeettt.. (long sifflement)
RépondreSupprimerBRAVO ...
el kachta dhahabia hazouha
RépondreSupprimerbel t7... reb7ouha
lebled 3abouha
zid chwaya wenbi3ouha !
(:
merciiiiiiiii
RépondreSupprimer