dimanche, septembre 27, 2009

النشيد الرّسمي الجديد للمواطن التونسي



منير الطرودي - حسرة على أيّامك


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى

تعدّي في أيّامك تستنى
في منحة وفي راس شهر
تجبد منا تصرف منا
وحسابك طوّالي صفر
إمتى يا حمّة تتهنّى
وتطلع فوق الميّة شبر
ويعطوك طريّف من الجنّة
عدّك بيه العمر وفى


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى


إجري ناضل يا مناضل
خلّص كريدي بكريدي
وإحلم بالزّايد والفاضل
حلمة بلّوشي يا سيدي
يا طيّب إنتا يا فاضل
نسيت النكتة وإنتا جريدي
إكبس روحك واصل ناضل
باش تدبّر طرف هواء

و شوف و شوف
غطّست أيّامك في الخوف
خايف من كرني المصروف
والضو و تسكرة الماء


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى
إلّي تجري شهر تلمّه
في جمعة تلقاه وفى

at

3 commentaires:

  1. Z Y E D5:42 PM

    tristement vrai..

    RépondreSupprimer
  2. lutfi5:02 PM

    بالحق حسرة على أيامك يا بيق

    RépondreSupprimer
  3. Unknown8:36 PM

    Joli hymne national.

    Je vous invite à venir visiter mon propre blog

    http://utopia-666.over-blog.com

    N'oublie pas de me dire ce que tu en penses!

    Merci

    RépondreSupprimer

علـّق وربّي معاك
(مع إحتفاظي بحقي في إزالة كلّ تعليق خارج عن إطار التدوينة أو يحتوي على عبارات بذيئة من قبيل كلام السفاهة والتربريب وذكر الأعضاء التناسليّة في غير إطارها الطبّي أو البيولوجي والتعرّض إلى أعراض الناس والتحريض على العنف المادي والمعنوي، كما تحذف بلا تردّد التعليقات التي تحتوي على إشهار لمواد تجاريّة أو مواقع أخرى وكلّ ما شابه ذلك من التعليقات التي تعبّر على درجة عالية من التجوبير والإنحطاط ويرجع تقييم هذا الأمر وتقديره إلى صاحب المدوّنة يعني سيادتي أنا ابقاني الله ذخرا للمجتمع)