mardi, novembre 05, 2013

من خرافات "الثورة": خرافة عبد الوهاب والفيل




كان يا مكان في أرض تدعى جربوعستان، وزير يقال له عبد الوهاب معطر،
هيّا عاد سي عبد الوهاب معطر، ذلك الوزير القادم من حزب المؤتمر، متاع الثورة والمبادئ والأيادي النظيفة، ومتاع مقاومة الفساد والقضاء على المحسوبيّة والمحاباة والرشوة والأكتاف والمعارف، لمّا كان على رأس وزارة التشغيل كان من أهم إنجازاته أنّه أحدث موطن شغل هايل للمدعو حمزة الفيل، عضو حزب المؤتمر من أجل الجمهورية، الذي تم تعيينه في خطة مدير عام الوكالة التونسيّة للتكوين المهني الخاضعة لإشراف وزير التشغيل، سي عبد الوهاب معطر..
هيّا سيدي برا يا زمان وإيجا يا زمان، مشاشي سي عبد الوهاب معطر وزير للتجارة؟ دخلشي سي حمزة الفيل في حيط وصارت مشاكل بينو وبين الأعوان متاع الوكالة؟ رصّاتشي لوزير التشغيل الجديد ينحّيه من هاك البلاصة؟ شنيّة المشكل؟ يعاود سي عبد الوهاب معطر يعيّط للنابغة الألمعي وحيد زمانه إلّي ما فمّاش خوه سي حمزة الفيل عضو حزب المؤتمر (وعضو الهيئة "المستقلّة" للإنتخابات بدائرة نابل 2) ويعاود يعيّنو مدير عام على رأس ديوان الصناعات التقليديّة الخاضع لإشراف وزير التجارة، إلّي أكيد راكم عرفتوه (مين غيره؟): سي عبد الوهاب معطر..
إي عادة يا سادة يا مادة ما نطوّلش عليكم الحديث، من نهارتها وقع الأزلام مغشيّا عليهم وإنتحر كلّ الفاسدين وتنحّات المعارف والأكتاف والمحسوبيّة من الإدارة التونسيّة و تحقّقت كل أهداف الثورة وعاش عبد الوهاب معطر وحمزة الفيل في سعادة وهناء وجابوا صبيان وبنات ربّاوهم في رعاية المنصف المرزوقي وحزب المؤتمر من أجل الجمهوريّة.. 
وحكايتنا طابة طابة وكل ثورة تجينا عصابة
 #تونس_في_عيون_المؤتمر


ﻻ تفكر في ربيع عربنا


القصيدة التالية مستوحاة من قصيدة الشاعر الشعبي الكبير علي لسود المرزوقي (أنظر الفيديو أسفله)، وهو ما يستوجب منّي الإعتذار لصاحب القصيدة الأصليّة على التشويهات إلّي ألحقتها بها وهي تشويهات فرضتها حالة نفسيّة تعيسة وواقع أتعس..





لا تفكر في ربيع عربنا
ربيع الوبنة
ربيع لي قعدنا عليه ركبنا..

لا تفكر في ربيع النم
ربيع الهم
ربيع لي خرجنا فيه قلم
وضع منيك زاد عدم
هبطنا رضعنا على ركايبنا
طاح فينا هاك العلم
وفي أرض بلادي تغربنا
لا تفكر في ربيع عربنا..

لا تفكر في ربيع شياح
ربيع سلاح
ربيع لي هانت فيه الأرواح
ربيع بجهاد النكاح
كنا قحاب وزدنا قحبنا
ربيع صلى بينا السفاح
وفي جوامع ربي تضاربنا
لا تفكر في ربيع عربنا..

لا تفكر في ربيع عرب
ربيع كرب
ربيع ربحنا منو الشب
ربيع كوليرا معاها جرب
في مكاتبنا
فرحنا قلنا الزين هرب
وتقوحبنا
ياخي خرجنا منها بزب
وسط جعبنا
لا تفكر في ربيع عربنا

لا تفكر في ربيع الكبّي
ربيع كي الزبّي
ربيع إلّي طاح فيهم ربّي
كمشة جواعة جات تعبّي
من لحية جبري إنتخبنا
وطرطور فيه الناس تسربي
حمص وجبنة
دزو فينا وطالب هدنة
لا تفكر في ربيع عربنا

لا تفكر في ربيع القصبة
ربيع العصبة
ربيع البزولة والنصبة
ربيع لي تناكت فيه الحسبة
نهار إل بصوابعنا لعبنا
ضحكو علينا ولاد القحبة
ونحنا زربنا
لا عملنا راي ولا حسبنا
لا تفكر في ربيع عربنا

لا تفكر في ربيع مقعور
ربيع الزور
ربيع إلي حكمنا الطرطور
منين شفنا هالزبور
زاد غلبنا
الدولة ولت ماخور
وعدونا ولى صاحبنا
ناكونا حمايم و صقور
وهبط الماء في ركايبنا
ﻻ تفكر في ربيع عربنا..

لا تفكر في ربيع الحاوي
ربيع شتاوي
ربيع المجاعة والفتاوي
العصبة وصلت للكلاوي
يا قايدنا
نيك الملاوي غير إبعدنا
بهاك الطلّة ما تنكّدنا
عبيط وأقرع زمباوي
شطر العالم فيه حسدنا
يخرف تقولش فداوي
يحكي على الخراب خربنا
لا تفكر في ربيع عربنا
ربيع الوبنة
ربيع لي قعدنا عليه ركبنا..

dimanche, janvier 27, 2013

مظلومة يا نهضة، ردّوه فيك العيب


والله وعلى رغم إختلافي العميق مع النهضاويين إلاّ أنّي في بعض الأحيان أشفق عليهم (وخاصة على من إنتخبهم أو حتى تحالف معهم طمعا في تحقيق أهداف "الثورة") من هذا الوضع الذي هم فيه اليوم.. توة هالنهضة هاذي وقتاش كان من بين مشاريعها كحزب أو حتى كتيّار فكري أنّها تقوم أو حتى تشارك أو حتّى تنظّر لحدوث "ثورة".. تي ماهو الجماعة معروفين من هاك العام، حدّهم حدّ بعض محاولات الإنقلاب الفاشلة، يعني أن برنامجهم الأصلي هو الركوب على المنظومة الموجودة (متاع بن علي وبورقيبة) وقيادتها في إتّجاه مشروع معيّن هو مشروع أسلمة المجتمع على طريقتهم الخاصة، يعني مشروعهم المعروف منذ البداية يختصر في بعض الشكليات التافهة من نوع نشر الحجاب عند البنات ودعوة الناس للصلاة والعبادة وتركهم يطوّلوا لحيتهم ويصلّيو الفجر حاضر من غير ما يهزّهم البوليس، وكان طارت القضاء تدريجيا على شرب الخمر ومظاهر كل ما هو "حرام" في المجتمع.. توة بالله ناس كيما هاذي تجي تعطيهم الحكم في فترة ما بعد "الثورة" وتطالبهم بتحقيق "الشغل والحريّة والكرامة الوطنيّة" موش يتسمّى هذا من قبيل تكليف النفس ما ليس بوسعها؟ منين ليهم مساكن الهداري هاذي؟ وقتاش نظّر زعيمهم الغنّوشي للتشغيل مثلا (ما عدى قوله أنه لا يصح أن تشتغل النساء والرجال قاعدون في البيوت).. وقتاش نظّروا لإقامة دولة ونظام حكم يختلف عن النظام البائد ويكون "ثوري" من حيث إعتماده آليّات الديمقراطية والشفافية وما عدى ذلك من مفاهيم هي أصلا بعيدة كل البعد من حيث مرجعيّاتها عليهم وعلى مرجعيّاتهم؟ باش ينجّموا هؤلاء يفيدو لو جمّعنا كل أدبيّاتهم ولخّصناها في كتاب واحد في موضوع التنمية في الجهات المحرومة؟؟ كيفاش ينجّموا يصنعوا جامعات ومدارس ترتقي بالإنسان وتتصنّف ضمن الأفضل في العالم وهوما كل ما عندهم هي بعض الكتب الصفراء والخطابات الأخلاقويّة والشعارات الفضفاضة هم أوّل من يعجز عن تطبيقها (وما القرض الربوي الأخير بقيمة 500 مليون دينار من صندوق النقد الدولي -الإسلامي جدّااا- إلاّ خير دليل على صحّة ما أقول).. مساكين أنتم ومساكين كل أولئك الحمقى الذين طمعوا في أن ينالوا عسل الثورة من عند الفرززّو الإخوانجي. حالتكم متعبة أصل