dimanche, avril 29, 2007

MDR!!!!


C'est fou ce qu'on peut trouver par hasard en surfant sur internet!

Allez plutot voir ce blog!! :D

طــلـّع تــربــح



على عشرة ملاين في بلاد، هاززهم الواد.

كان قراو ما نجحوا، وكان نجحوا ما خدموا، وكان خدموا ما ربحوا، وكان ربحوا راهم غشـّوا، وكان ما غشـّوا راهم سرقوا، وكان ما سرقوا راهم فكّوا. كان تسلّفوا ما رجّعوا، وكان كلاو ما شبعوا.

على بلاد داخلة في حيط وتقول أموري ماشية كيف الزيت

هيّا يزّي لا نقول حاجة ما تتقالش توة تطلّعوها طول.

اللّي يطلّع يربح إقامة بـ25 سنة في البلاد اللّي نحكي عليها، مبروك عليه بالمسبـّق، كان لزم نعطيه بلاصتي


samedi, avril 28, 2007

باك سبور... عملتو العار



توّة نهارين في جرّة بعضهم نتعطل على خدمتي ونوصل "روتار" في جرّة هالفروخ متاع الباك سبور. كل صباح مهرجان في الكياس بالكراهب جايبين المفرخ متاعهم للباك سبور، ومن قوة الزهر متاعي لازمني نتعدّى في ثنيتي على زوز مراكز إمتحان ونضرب درجين "سيركيلاسيون" قدام كل واحد منهم. بالله قولولي ياخي آش فمّا هذا الكلّ؟ ياخي كاس العالم يلعبو عليه هالفروخ وإلاّ كيفاش؟ أنا كيف عدّيت الباك كان اللّي لاباس عليه عندو بسكلات واللّي يجي في "فسبا" يتسمّا بوه طوم كروز، وتوّة هالمفرخ تحوس في الكراهب قبل ما ياخذو الباك؟ ولت البارح في ثنية الخدمة زوز "بيامات" جدد مالباكو نلقاهم داخلين في بعضهم، نقّصت باش نشوف آش فمّا نلقاهم 6 وإلاّ 7 فروخ من جماعة الباك سبور داخلين في بعضهم ويضحكو تقول أمبولة تفلقت موش زوز كراهب الوحدة بـ40 مليون

توة هاذي عباد؟ فرخ كبّول ما زال ما خدمش 5 دقائق في حياتو و "ديجا" مخسّر البلاد في 100 مليون "دوفيز"؟

خلّي عاد من هاك الشطيح والرديح في الكياس بعد ما كمّلو عدّاو باك خرى متاعهم، والله كان جاو فالحين صحّة وفرحة، يشطحو حتى فوق راسي، أما هالجيل الجديد هذا كان البهامة والتسطيكة، أذكى واحد فيهم بهيم، وهاك الوالدين عادة جايين محضّبين بكراهبهم في الكياس تقولش سعيد عويطة باش يجري وإلاّ كارل لويس... ياخي هو مازال فيها باك باش العباد تعمل هالقاوق هذا الكلّ؟ تي ماهم تو ينجحو الجحوشة متاعكم وياخذو الشهايد الكلّ... لازم تـقـلـّقـوني أنا؟؟

vendredi, avril 27, 2007

بـــــريــــد الـــقـــرّاء



السلام عليكم يا أولاد مدونتي الأفاضل

جاني إي-مايل (إي نعم، إي مايل ماهوش إي مستوي) من عند قارئ سامباتيك فيه تعليق على البوست "تكسير"، ياخي قلت مافيها باس ننشروه في بوست وحدو. صاحب النص إسمو "العروي" ويكتب مليح، نتصوّر يعمل مدوّن باهي كان تخليوه يدخل للبلوقو-زقوقو معاكم، على كل حال كان يحب يعمل مدونة هاني معاه، نعرف مانيش كتف صحيح صحيح بالمقارنة مع الصحاح والقدم وكبار الحومة، أما نعاونو باللي نقدر.
على كل حال ما عندي حتى مانع من نشر مواضيع يكتبوها القراء على شرط تبدى باهية وتتماشى مع روح المدونة وخاصة ما تهزّش لبوشوشة. هيا نخليكم مع سي العروي ( خسارة ما عنديش هاك الطبق اللي كان يضرب عليه عبد العزيز العروي الله يرحمو قبل ما يبدى في الحكايات وكيف يوفاها)
:)


أنا في بالي هالمشكل متاع مكسرة وإلا لا اتحل. من وقت اللي شيخ الأزهر طلّع هاك الفتوى، الله يرحم والديه، وحلّل فيها (كل شي فيه حلال وحرام) تصليح البكارة المفتضّة. الحاصل من هاك التاريخ متاع الفتوى والدنيا قامت وما قعدتش. جوه جماعه وحاججوه ب: من غشنا فليس منا. قالهم صحيح أما راه ديّنا دين يسر وتسامح وما هواش عسر. قالولوا آش تخرف انت؟ هذا كلام مثّل بيه على جماعة الغرب. اليسر اللي تحكي عليه راهوا في واحد ما يعطيش الزكاة وإلاّ صلى من غير وضوء ولاّ يحسب روحو مريض وما يصومش والاّ يسافر لبلاد النصارى ويعيث فيها فسادا، والا حتى في بلادو بعد ما يكبر وما عاد بها وين يعمل حجّة يغسل بها ذنوبو ويبدا يحضر في روحو للشيخات في الجنة آما باش تحكيلنا على اليسر اللي خلي الواحد يقبل امرأة ماهياش دوريجين هذا يسموه بعنا ديننا للشيطان وتخلينا عليه وما قعد فيه شيء. خمم خمم وقالهم أسمعوا بالرجولية راهي الفتوى قلتها على خاطر برشه احكومات قالولي راهي المحاكم اتعبات بالرجال اللي قاعدين يدخلوا في دين الله أفواجا ويحبوا يطلقوا النساء اللى مهماش دورجين. خزروا هاك الجماعة لبعضهم وفيهم برشه بالع السكينه بدمها وساكت على داه. خرجوا وما تفاهمو حتى على حل. كانك من شيخ الأزهر بقى حاطط إيدو على قلبوا يلزم يكمبس ويلقى حل أحسن لا يفرضوا هاك الجماعة الحل متاعهم. توكل على ربي وكلم واحد ساكن في الجزيرة ظاهر لي اسمو القراض والا حاجة كيف هكة وواحد آخر في الدنمارك وياسر اخرين في برشة بلايص وكلات بعضها الطايح أكثر من الواقف ملاين خرجت. آش ثم ؟ راهو ثم واحد طيش مصحف في مرحاض ،هاو آخر عمل كاريكاتور ،البابا طالع آش قال... وعاد نحنا منحبوش الحضب والتعفيس. لكن ثم جماعه دوختهم حكاية امرة دورجين على خاطر ينجموا يعدوها عليهم: تجيه مرا يحسبها دورجين لكن هي عاملة عملتها ومدلستها بالطبيب. اماله كيفاش الحل؟ جاهم الزميم متاعهم قالهم راني لقيت حل للمشكل متاع امرا دورجين. يا خويا وكانو عاقلين ياتهليل ياتكبير يا سيدي ما ركحوا كان كي تعبوا. وماعدوش ينجموا يتحركو ويتكلموا. انطق الزميم وقال راهي امرا دورجين ثمنها غالي ياسر ياسر المهم تكونوا انتم مستعدين تدفعوه. ثم جماعة تململوا شويه وقالوا بصوت خافت ما هو يعرفنا أغلبنا فقراء و معندناش فلوس من وين باش ندفعوا. كمل الزميم يحكي وقال الثمن هذا يلزم شويه إعداد نفسي ،إماله راهي حتى هي دورجين. فاقو جماعه شويه من التعب ورددوا بصوت واحد : دورجين، دورجين، كل شئ يهون على خاطر الدورجين. وتخمر الجماعة وتطاير الشرر من عيونهم. ورددت الجبال المحيطة صدي أصواتهم وشحنوا وأصبح الواحد منهم يحس بأنه قادر على اقتلاع جبل. لم لا فالمرأة عالم مجهول ولا يعرف لها وجه الا على معلقات الإشهار. وها قد حانت الفرصة للحصول على واحدة دورجين. واحدة لا مسها جان ولا إنس وتلمع لمعان وتولي متاعو وما يشاركوشو فيها حتى بالعين. يا بابا شي كبير. كمل يا شيخ كمل آش هو الثمن؟ تيقن الزميم أنهم مستعدين لكل شيء. الثمن حزام ناسف يطيروا طروف هو واللي دايرين بيه. آش ماش نقول المراه المكسرة سبب في تكسير ها الدنيا الكل. إن كيدهن لعظيم وخاصة إذا كانت مكسرة
العروي.


J'allais quitter tn-blogs...



J'allais quitter tn-blogs parcequ'il y'a un blog gay mais là je vais rester parceque il y'a un blog de lesbiennes! :D



mercredi, avril 25, 2007

تـكــســيــــر



أهلا بالجموع

اليوم حكاية أخرى ماهيش عاجبتني، وهو كي تجي تشوف الحكايات اللّي ماهيش عاجبتني أكثر من حكاية واحدة أما ما يهمّش، كل نهار وقسمو في إنتظار أنّها تعجبني حاجة في هالبلاد حاشى صلاّحها

أنا كيما لاحظو القرّاء الأوفياء - باش ما نقولش القدم ونزيدو نعملو أصناف متاع قديم وجديد في القرّاء بعد ما عملو التصنيف هذا في المدوّنين- حاسيلو كيما لاحظتو وإلاّ ما لاحظتوش، فإنـّي نعطي ساعات أهمـية كبيرة للكلمات سواء اللّي نستعملها أنا أو اللّي يستعملوها الناس في المجتمع، والسبب هو أني نعتقـد أنّها اللّغة المستعملة تعكس فهم المجتمع في فترة معينة لأفكار ومعاني معينة، سواء كان الأمر بصفة واعية إرادية أو بصفة لاواعية وعفويّة، على خاطر حسب رأيي موش كان الأفراد عندهم وعي ولا وعي بمعنى علم النفس، بل حتى المجموعة كيف تعيش مع بعضها يولّي عندها لاوعي وخيال وأفكار مشتركة ولو كان حتى حدّ ما يقولها ويصرّح بيها على وجه وقفى، وهنا يجي دور اللغة اللّي ساعات تفضح وتكشف اللي يدور في لاوعي المجتمع من أفكار وأحلام و "فانـتاسموات" وكوابيس

حاسيلو ما نعرفش علاش طوّلت في المقدّمة هكّا وفاش نستنـّى باش ندخل في الموضوع على خاطر ماهوش من عاداتي باش نضيّع وقت الناس وخاصة وقتي في الحديث الزايد، لكن المقدمة ماهيش خارج الموضوع، على خاطر الموضوع يتعلّق بكلمة أو عبارة من العبارات اللّي نستعملوها في تونس في عدّة ميادين ألا وهي كلّ ماهو مشتق من فعل كسّر يكسّر تكسيرا، واللّي يهمّني أكثر في هذا الإطار هو إستعمالها في المجال الجنسي والعياذ بالله، بحيث يستعملو الكلمة هاذي للدلالة على فقدان الفتاة لعذريّتها عند ممارستها للجنس لأول مرّة أو عند أية مناسبة أخرى، بحيث يقال فلانة مكسّرة، وفلانة موش مكسّرة، و فلان كسّر فلانة، وتكسّرها تاخذها، ومكسّرة من كذا ومكسّرة من كذا وهذا الكلّ كلام راكم سمعتوه، يعني من غير ما تدوخولي لهنا على خاطر ما عندي لا زهر ولا عطرشية باش نفيّقكم، عندي كان الشلابق للّي يحبّ أما ماهوش آفار

نرجعو للموضوع بالله... تي قولولي يعيّشكم، شنوّة هالكلام هذا؟ شنوّة هـ"الفيناس" هاذي؟ شنوّة كسّرها وما كسّرها؟ ياخي صحن هي وإلاّ كاس باش يطيح يتكسّر؟ واللّه أنا نعرف في الكورة واحد ينجـّم يكسّر واحد، يعني يهبطلو "طاكل" يقسملو القصبة متاعو كيما كان يعمل لطفي المحايسي هاك العام، أما هاذي زوز من ناس رقدو مع بعضهم في فرش، يهبط واحد صحيح والآخر عايب يا رسول الله، بصراحة ما فهمتهاش

بالطبيعة العبارة هاذي فيها برشة تحقير للمرأة، يعني تقولش عليها كعبة ياغورت وإلاّ حكّة سردينة تحلّت وما عادش تصلح، وفيها زادة موقف واضح من الحريّة الجنسية بصفة عامة واللّي مازالت ما عندهاش معنى في بلاد الكرب. تي إنتي شوف في اللغة العربية الفصحى آش يقولو؟ إفتضّ بكارتها، من الإفتضاض وأصلها يرجع للفضّ بالفتحة على الفاء، والفض حسب "قاموس الحلّوف في تركيب الحروف" هو الجادور البوجادي والعضروط، يعني معاني بكلّها رومانسية وحنان، حاجة تذوّب القلب بصراحة، حاسيلو ملّي تسمعها تبدى طول تخمم في صفحة صدى المحاكم

شوفو توّة الفرنسيس مثلا آش يقولو لوصف نفس العملية اللّي قريب نردّوها حرب إبادة جماعية:
Dévirginer, dépuceler, déflorer...
و "ديفلوري" هاذي تعني قطف النوّارة أو الوردة، ومن هنا جات كلمة "القطيف"، والمفيد هنا هو أنو موش لازم التقوعير والتجودير باش نحكيو على مسائل بسيطة ينجم كل واحد يبدى عندو منها موقفو الخاص ويتكلّم عليها كيما البشر موش كيما التمساح

إلى جانب الاستعمال هذا، عندنا في لغتنا معاني أخرى للتكسير، وباش ما نظلمش اللاوعي الجماعي للمجتمع التونسي، لازمني نقول أنّهم الرجال زادة ما منعوش من التكسير في عديد الحالات، ولكن على عكس المرأة فإنّ التكسير اللّي يتعرّضلو الراجل أخف وطأة وأرفق بما أنه تكسير جزئي، يهبط على عضو واحد من أعضاء الرجل، فتلقى منّو أنواع كيما تكسير البطاطا، تكسير الكرايم، تكسير الراس، تكسير الـكذا وحتى تكسير الكذا بيدو، والنوع الأخير هذا هو اللّي أنا واحد من الناس نكرهو ونهرب منّو وتلقاني ديما نقول "ما تكسّروليش الكذا متاعي يرحم والديكم" أما برشة ناس ما تفهمش

المفيد الحمد الله أنّو الواحد ما ينجـّمش يتكسّر بصفة كاملة ، ولو هو فمّا ديما إمكانية للتكسير للّي يحبّ يتبّع القلم هذا، وفي الحالة هاذي ما يهمّش أنو يكون راجل وإلاّ مرا، صبيّة وإلاّ هجّالة، المفيد أنّو يكون عندو منصب باهي تحسدو عليه العباد وإلاّ مسؤولية في القطاع العام ، التكسيرة في الحالات هاذي أخيب ياسر من التكسيرات اللّي سمعتو بيها الكلّ على خاطرها ضربة خاطية وما تعرفهاش لا كيفاش ولا وقتاش ولا منين تجيك، والناس عادة في بلادنا ماهمش ناقصين تنبير، وإنتوما اللّي تقراو المدوّنات متاعنا على "النبّاروسفار" عندكم أكيد فكرة على المسألة. تلقاها عاد هاك البطالة الكلّ لاممين بعضهم ويورّيو فيه المسكين بالصبع، في "هاذاكا وزير مكسّر"، و"الآخر والي مكسّر" حتى يوصلو للبوليس المكسّر والشاوش العايب والسوجيقات المجبّر، حاسيلو ماهو كيما يقولو فيها "البقرة كيف تطيح تكثر سكاكنها"، أما المشكلة فاش، النوع هذا من العباد اللّي يجبدو السكاكن للبقرة الطايحة عمرهم ما يجبدو كي يكون مغرفة على جربوع واقف، وتلقى قرونهم أكبر من قرون أكبر بقرة، هذا إذا كان ما هبّطوش سراولهم مرّة وحدة وقالولو "كسّرنا يا سيدي الجربوع"

هيّا يزّي من الخرافات، برّى أرقد



Déja mercredi? ==> Playlist of the week

C'est grave comme les jours passent vite! Ma playlist de la semaine, toujours aussi variée en termes de genres musicaux. 7 morceaux pour 7 jours de la semaine. U already know!

Otis Redding - I've got dreams to remember

Soul des 60's pour les puritains


Stevie Wonder - Free

Mon classique de la semaine.


Charles Aznavour et Edith Piaf - Le bleu de tes yeux

Mon classique français de la semaine.


سمير لوصيف - إسم الله عليك

oui, oui, sans transition! :D Samir chante toujours sa maman!


Method Man featuring Laurin Hill - Say

Excellent morceau que vous ne connaissez pas ( je parie ce que tu veux!). Le tube de la semaine.


Fabolous feat. Lil Wayne & Young Jeezy - Diamonds on my damn chain

Mon Rap US de la semaine


Akon feat. Snoop Dogg - I wanna F*** You

Non, je ne m'adresse à personne en particulier. U already know ;)




La conditionnalité, أو شرط العــازب على الهجّـالة

هيّا على سلامتكم ومرحبا بيكم كيف العادة

اليوم باش نحكي على ظاهرة، ولو هي ماهيش ظاهرة للناس الكلّ ولكنّها ظاهرتلي لي أنا وزيد ظاهرة بمعنى "فينومان" يلاحظوه الناس المهتمين بالأمور السياسية والإقتصادية في العالم، ألا وهي حكاية ما يسمّى بالمشروطية أو الكونديسيوناليتي اللّي تشكي منها البلدان الفقيرة كيف تجي باش تاخذ فلوس من عند البلدان أو المنظمات المالية الدولية اللّي عندها الفلوس، ولهنا نقصد بالأساس البنك الدولي وصندوق النقد الدولي أف ام إي.

المشروطية هاذي فاش تتمثـّل؟ الحكاية بسيطة برشة: البلدان الأوروبية وكيفها أمريكيا والمنظمات اللي تعطي الهبات والقروض وتموّل المشاريع الكبيرة في البلدان الفقيرة قالتلك يا سيدي أنا ما نعطيك فرنك إلاّ ما تستويلي روحك وتمشي على السكـّة، والسكة هاذي هوما بالطبيعة اللّي يسطروهالك.

بالأساس الأطراف المانحة ( باش ما نقعدوش نعاودو نسميو فيها في كل مرّة) تشرط على البلدان اللّي جاية تساسي في يا كريم متاع الله أنّها تعمل إصلاحات للإقتصاد متاعها (ومن هنا جات مخططات "الميز آنيفو" في برشة بلدان) باش يضمنو من ناحية نجاعة الإستثمارات، يعني موش نعطيك فلوس باش تعملّي بيها قنطرة في بلاصة يتعدّى فيها بهيم كلّ جمعتين، ومن ناحية أخرى باش يضمنو إسترجاع فليّساتهم بالنسبة للقروض.

وكيف تجي تشوف، الشيء هذا معقول ومعمول بيه حتى في المعاملات الخاصة، يعني إنتي كيف تمشي للبانكة باش تتسلّف فلوس ما يوافقولك كان ما تجيبلهم دراسة متاع المشروع وإلاّ ما يثبت أنّك باش تشري كرهبة وإلاّ دار ولاّ إلّي هو، على خاطر كيف تاخو قرض بـ60 مليون باش تسكر بيهم وإلاّ تشري بيهم هدايا لصديقاتك اللّي تعرّفت عليهم البارح في مطعم "السّـعدي" أو "الموّال"، فمّا إحتمال كبير أنّك ناوي باش تعمل "عو" للبنكاجي وتجيه من بعد بخيالك بعد ما يضربك الصبّاط، وهذا علاش الأطراف المانحة ولاّت تاخو حذرها من البلدان الفقيرة وتشرط عليها باش تخدم حسب مقتضيات "لابون قوفرنانس" أو ما يسمّى بالعربي "القيادة الرشيدة"، على خاطر تبيّن أنّها البلدان الفقيرة طلعت كيفك إنتي، تحبّ تفرفش وتسهر في "السعدي" و"الموّال" ساعة ساعة.

الحكاية تطوّرت في المدّة الأخيرة على خاطر فمّا نوع متاع شروط قاعد يكثر والجماعة في بلدان "لله يا محسنين" متقلّـقين منّو ياسر: البلدان اللّي تعطي في الفلوس ولاّت تشرط عليهم في إصلاحات تدخل في مجال السياسة وبالأساس ولاّو يشرطو أنّها البلدان الفقيرة تعمل خطيوتين وإلاّ ثلاثة في ميدان الديموقراطية وحقوق البشر، على خاطرهم إكتشفو أنها المشاريع تنجح أكثر في البلدان اللّي فيها ديموقراطية بما أنهم المسهولين متاعها معرّضين للمحاسبة بالفرنك والناس الكلّ تعسّ على بعضها والعياذ بالله، واللي يتحرّك هكّا ولاّ هكّا يعطيوه الكلاط. وزيد قالوا يا سيدي نحنا متاع آش نعطيو فيكم في الفلوس إذا كان إنتوما في عوض تحسّنو بيها حياة البشر وتنهضو بيه شدّيتو نحّيتولو والديه وحرمتوه من حقوقو وعفستولو على كرايمو؟ لا ياخويا، نحنا ناس متاع فلسفة
الحريّات و الأنوار ما يجيش منّو نشاركوكم بفلوسنا في إرساء الدّمـّار

هو صحيح الأمور هاذي فيها تدخـّل في الشؤون الداخلية متاع الفقراء، أما يا خويا اللّي يحبّ روحو بقدرو وبكلمتو آش لزّو ماشي يساسي ويمدّ في يديه؟ ماهو يقعد هو حر مستقلّ ياكل في قلب الشعب متاعو بالضرب ويبدا
الشرّ ياكل فيهم الكلّ في كامل العزّة والكرامة كيما عامل هاك القمبور بومرايات متاع كوريا الشمالية... موش خير؟

أما إنتي آش تحبّ تعمل؟ فمّا ناس كيما يقولوها "الفقر والعفرتة"، يحبّو ياخذو الفلوس والإعانات وما يحاسبهم حدّ كيفاش يتصرّفوا فيها، وكان ما عجبكشي زادة يزيدو يسمّعوك الكلام وإنتي لازمك ترحّملهم على والديهم وتبدى تشكر وتمجّد في سياستهم الحكيمة اللّي عملوها بفلوسك. البلدان هاذي عاملة كيف الطالب الركيك حاشاكم، لا حشمة ولا جعرة، ياكلو في الغلّة ويسبّو في الملّة، وعلى رأسهم للأسف العريــبة الّي كيف العادة ردّوها مؤامرة إمبريالية صهيونية أمريكية للإعتداء على سيادتهم المقدّسة والتدخـّل في أمورهم العائليّة جدّا جدّا

توّة تقولو إنتوما أنا آش مجبّدني في الحكاية هاذي من أصلو؟ ماهو أنا الجمعة اللّي فاتت مشيت باش نشرب حاجة مع صديق من أصدقائي الأوفياء في نزل في جهة البحيرة، موش بعيد ياسر من المقر الرسمي للتدوين التونسي في "البيوا" ، حاسيلو حبّيت نعمل كاسين من ما يسمّى بالجعّة الممتازة بعد يوم من العمل الشاق في خدمة الوطن، ولكن ويالهول المصيبة، تبيّن أن النزل وهو من صنف 5 نجوم ما عندوش رخصة لبيع المشروبات الكحولية لأمثالي من السوكارجية، وقتها عاد تذكّرت أنّهم المموّلين الخليجيين وقت اللّي عطاونا الفلوس باش نردمو بحيرة تونس أو ما كان يسمّى بـ"قمبطـّة" ونردّوها ما أصبحت عليه من بناءات فخمة ومقاهي للبورجوازية وجو كبير، إشترطو علينا باش المنطقة هاذي لا يباع فيها لاكحول ولا خمور بمختلف أنواعها، وكأنها السعودية بيدها ما فيهاش شراب وإلاّ السعوديين ما يشربوش البيرة.

عادة ما نطوّلش عليكم أنا قلت شوف كيفاش الكرب متاع وذني، النهار وطولو يتشكّاو من البنك الدولي ومن الإتحاد الأوروبي كيفاش يحبو يفرضو عليهم الإصلاحات الاقتصادية والسياسية، وما شافوش هالسعودي بوكشطة هذا اللّي يحبّ يحرّم عليّا حتى كعبات بيرّة في بلادي الحرة المستقلة من عام 56. توّة هاذا موش استعمار زادة؟ ياخي يحبّو يحكمو فينا في بلادنا بفلوسهم؟ يا سيدي أنا واحد من الناس ما يساعدنيش الريق هذا، رجّعولو فلوسو السيّد هذا ورجّعوهالنا قمبطّة سبخة شايطة كيما كانت أتوّة نهزّ معايا كعباتي في شكارة ثـلج ونقعد نسكر حر مستقلّ على روحي، ونبدى عادة حاطط ساق على ساق ونشمّ في ريحة السيادة الوطنية ونصلّي عالنبي

حاسيلو جاب ربّي ماجات كان في الشراب، تصوّروا كان زادو حرّموها البحيرة على البنات من هاك النوع، ظاهرلي ماعاد يدور فيها حدّ ويولّي الكراء فيها أرخص من حي التضامن

هيّا أنّستو ببعضكم
:)

dimanche, avril 22, 2007

samedi, avril 21, 2007

Lionel "Baby Maradona" Messi


Maradona lui même l'a dit: "Messi est mon succésseur", et le gamin est sur les traces du maitre: le but suivant est peut être un signe du ciel.



Et dire que chez nous les gens s'insultent et piquent des crises du foie pour "el barguougui", "el 7arbéoui" ou "el chikhaoui"... Malla miziria!!


mercredi, avril 18, 2007

قــولــو آمــــيــــن


إيــمـان الــبـكــري - ماكــريــنا


احمد فؤاد نجم - البتاع



Playlist Of The Week




Voilà, je lance une nouvelle rubrique dans le blog: "Playlist of the week", donc je vous mettrais ici les quelques titres qui ont tourné sur mes divers lecteurs pendant la semaine passée. 7 titres pour les 7 jours de la semaine.

Pour cette semaine il faut dire que j'ai écouté de la musique orientale bien plus que d'habitude. Allez je ne vais pas passer la nuit à écrire. Place à la musique:

Belgaçem Bouguenna- Chayya3t'hom bel 3in


Cheb Mami- (Un excellent morceau dont j'ai pas le nom)


Grâce à DJ Stup' ;) Cheikh El Efrit- Kad ma 3malt m3ak


Diana Karazon- El Omr machi


Adam- Kheles eddama3


Marvin Gaye- Trouble Man


Lil Wayne- Upgrade U (freestyle)

mardi, avril 17, 2007

يـــا ديــن الـــرّب



الدنيا ماكلة بعضها، حروبات وصوارخ والدم للركبة

قال شنوة كلّ واحد لازم يحارب ويدافع على دينو ودين ربّو

وهاذي حكاية بصراحة ماهيش داخلة لمخـّي، على خاطر الناس الكلّ يقولوا أنـّهم قاعدين يعبدو في رب واحد، ومن بعد درجين تلقاهم كلّ واحد جابد على الآخر سيف وإلاّ مدفع ويحبّ ينحـّيلو الرّب متاعو ويعوّضهولو بربّ آخر يظهرلو خير من ربّو


يعني المشكلة كيف تجي تشوف ماهيش مشكلة متاع ربوبة، على خاطر
الربوبة الصحاح كيف يجيو باش يتحاربو ماهمش في حاجة لبعابص الكبّار باش تضرب معاهم وإلاّ باش تحزّ حزّة باجيـّة كيما يقولو فيها

مادام ربّنا هو بيدو ربّهم، يعني نحنا نعبدو في ربّ واحد بطرق مختلفة و بأديان مختلفة

أنا كان ماشي في بالي المشكلة في ربّهم هوما. تلقاني خوك نبدا نخمّم بيني وبين روحي، ونقول آشبي ربّهم؟

ومن بعد قلت الحكاية ما تكون كان منهم هوما بيدهم وموش من ربّهم: يا خويا بعد اللّي مسيّبين ربّهم ولاهين بربّنا...ماهو لاباس؟

هو كي تجي تشوف، نحنا زادة ما عرفناش نتصرّفوا معاهم: كانو قايليننا وعمرهم ما يدورو بينا، ياخي مشينالهم بساقينا، قال شنوّة نحبّو ندخـّلوهم معانا ونردّوهم يعبدو في ربّنا، وتوّة كيف ولاّو مسيّبين مشاكل الدنيا الكلّ وعابدين ربّنا، ولّينا متـقـلّـقين وماهوش مساعدنا


أما زادة في الواقع عندنا الحق، على خاطرنا نحنا نعرفو اللّي كلّ واحد كيف يتولد يهبط من كرش أمّو على ديننا الحنيف، ومن بعد يمشي يتبع دين والديه اللّي يهوّدوه وإلاّ ينصّروه وإلاّ يمجّسوه. وهذا يعني اللي نحنا منعنا، على خاطر دين والدينا هو الدين الأصلي اللي تولدنا بيه، يعني دين دوريجين، موش معاود كيما دين والديهم هوما

نولّيوش نحنا كل مرّة شادّين واحد منهم إنـّحيولو في والديه باش يقعد على دينو الأصلي؟

آش عملنا وجاء مليح تراه ؟

خلاصة القول، وبما أنها الربوبة بطبيعتها ما تحتاجش لشكون باش يدافع عليها، أنا شخصيا ولّيت نرى اللّي أيّ واحد يدّعي أنّو يحارب باسم دين ربّو، مهما كان هذا الربّ، فهو في الحقيقة قاعد يحارب باش يدافع على دين والديه، لا أكثر ولا أقل

تي ربّي يهدي وبرّة








samedi, avril 14, 2007

تـخـــديـــم مــــخ


شفت كيفاش يخدّم في مخـّو؟

"تي شبيك تخـدّّم في مخـّك برشة؟"

توّة هكّة ديما تخدّم في مخـّك؟

عيب والله عيب عليك تخدّم في مخـّك معايا

عمريش خدّمت مخّي معاك أنا؟

...

كيف يولّي الجهل والبهامة هي الموضة في بلاد من البلدان، يولّي "تخديم المخ" كلمة عيب

لواش تحبّو يخدم المخ؟

خلّي والديه راقد خير

jeudi, avril 12, 2007

UMA: Union des Massacres Anonymes





Une pensée pour nos frères algériens et marocains victimes des attentats des deux derniers jours.

Une pensée pour la jeunesse maghrébine, à ses rêves brisés de libérté et de vie.

A ses intellectuels éxpatriés, à sa nouvelle religion de merde, à ses démagogues opportunistes et à ses colonels millionnaires. A ses femmes en deuil, à ses politiciens pourris et ses institutions en panne.

A son Union du Maghreb Arabe

A sa NessmaTV

Ce soir nous sommes tous algériens... et demain?


mercredi, avril 11, 2007

المـلـّـولـي: مـن البيسين لهزّان الـطـ...ين



هيّا مبروك عليكم رجوع الدايلي موتيون، بالمناسبة هام جماعة الملّولي ظهرو عائلة رياضية بو عن جدّ، انشالله ما يطلعوش مزرّقينلهم وبرّة ... والله يستاهل كيف استقبلوه بهاك البوهالي متاع فيراج الافريقي وصاحبو المتخـلـّف الآخر
،

الــــشـّــلايـــــك



فـي الدنيا هاذي، نحبّو وإلاّ نكرهو، الواحد منـّا محكوم عليه باش يعيش مع بعض الشلايك، والشلايك حاشاكم وحاشا قدركم يا قرّائي الكرام أنواع ورهوط وأزناس ينجـّم الواحد يخدم عليها أطروحة دكتوراه، على خاطر الأرقام الحالية تورّي اللّي الشلايك تنجم تولّي قطاع المستقبل وتولّي أهم من صناعة الصوارخ والكمبيوتر. تقول إنتي كيفاش؟ تي ياخويا لواش نبعدو لبعيد؟ تي هاو هوني في الدورة، 35 معمل متاع شلايك حلـّو فرد نهار وفرد نهج، والكلّ يخدمو الله مصلّي عالنبي... ويقولولي عندنا مشكل متاع بطالة... الله يهدي الشبيبة وبرّة

كيف تجي تشوف نحنا عندنا إمتيازات كبيرة في ميدان الشلايك بالمقارنة بالبلدان الأخرى: عندنا الشلايك بوصبع، عندنا الشلايك البلاستيك، عندنا الشلايك البيوديقرادابل، عندنا القباقب وجوه اللّوح، عندنا الشلايك اللي تخرج من المعامل وعندنا اللّي تخرج من كروش أمّاتها حاضرة باش، من غير ما تقلق روحك توصلك السلعة حاضرة باش لباب الدار

وعندنا زادة التشليك، يعني كيف مانحبّوش نلوّثو الطبيعة بالبلاستيك إنّجمو نشدّو واحد يكون بشر لاباس عليه ونشلّكوه حتى هو بيدو يقتنع بأنّو شلاكة. وفي هذا الإطار جات غناية "شلّك شلّك يا مشلّك والفريق بلا مدلـّك" تكريسا لتوجهاتنا الاستراتيجية لدعم القطاعات التشليكية البصرية على أساس المساواة في نسب التشليك بين الجهات والطبقات الإجتماعية في جميع أنحاء المعمورة وقربة ومنزل تميم

وكيما قلتلكم الشلايك أنواع، أما أحسن ما تكسب وأحسن ما تعفس بساقيك في ميدان الشلايك وعلوم الشلاكيّات هو النوع اللّي يبدا ما في بالوش بروحو شلاكة، هاذوكم أكيد راكم قابلتو منهم ياسر، هاك اللّي يبداو ينفخو في رواحهم بالبلّوط وماشي في بالهم جابو الصيد من وذنو، ويبداو عادا يسيبو في المرض متاعهم والعسّول والرّيق والترونيق والفيس والتبهنيس، وتبدا إنتي تقول يا ربّي هالشكل المقلّب آش جابو عندي وآش جابني ليه؟

حاسيلو نصيحتي ليكم في الحالات هاذي هي أنكم وين تشوفو شلاكة مقلوبة ترجّعوها على وجهها، على خاطر ناس بكري علمونا اللّي الشلاكة المقلوبة يركز عليها إبليس النزيس ويبدا عاد يوسوسلها حتى تولّي تشوف في روحها حاجة أخرى وتولّي تتقبـّح وتسمّعك الكلام كان لزم

الحاسل عالم الشلايك عالم عندك فيه ما تتفرّج، ويبقى الحلّ الوحيد في الحالات هاذي هو كيما يقول المثل الشعبي متاعنا: ما دواء الشلاكة الناتـنـة كلن الـعـفـس الـحــار، وأعفس على الشلاكة قبل ما يـسـيـّب عليك الركاكة، ومادام النبي مولاك أشطح وربّي معاك

lundi, avril 09, 2007

Citation du jour



'La politique et le sort des hommes sont formés par des hommes sans idéal et sans grandeur. Ceux qui ont une grandeur en eux ne font pas de politique. Ainsi de tout. Mais il s'agit maintenant de créer en soi un nouvel homme. Il s'agit que les hommes d'action soient aussi des hommes d'idéal et des poètes industriels. Il s'agit de vivre ses rêves, - de les agir. Avant, on y renonçait ou s'y perdait. Il faut ne plus s'y perdre et n'y pas renoncer. '

Albert Camus

عـــــيــــد الـــشــهــداء


في العيد الكبير نضربو المشوي،

في العيد الصغير نضربو الحلوّ،

في المولد نضربو العصيدة،

في راس العام العربي نضربو الملوخية والكسكسي بالقدّيد،

في راس العام السوري نضربو الشراب

وفي عيد الشهداء؟ ... نضربو النوم

هيّا آش قولكم كان نتفاهمو باش نولّيو نعملولها صحيّن عقد وإلاّ مرقة لوبيا، وإلاّ حتـّى صحفة هرقمة كلّ ما يدخل علينا عيد الشهداء؟ على خاطر ظاهرلي ما نتفكّرو تاريخنا ومناسباتنا وأعيادنا كان بالماكلة

تي هي حتى من الثورة كيف عملناها سمّيناها ثورة الخبز

هاو راسي كولوه


dimanche, avril 08, 2007

قراءات دستورية- أشغال تطبيقية: دراسة نص



في مثل هذا اليوم منذ 51 سنة إنعقد المجلس القومي التأسيسي لصياغة أول دستور للدولة التونسية المستقلّة (واللّي وقتها مازلت مملكة موش جمهورية) برئاسة جلّولي فارس، وبالمناسبة هاذي ألقى الرئيس الراحل الحبيب بورقيبة الخطاب التالي، واللّي حبّيت ننشرو على المدوّنة لعدّة أسباب: أولا هو في إطار برنامجنا السنوي لدراسة الدستور التونسي بحيث يعطينا فكرة عن
" l'état d'esprit"...
-ما لقيتش الترجمة بالعربي-...
التي تم في إطارو وضع الدستور، أي الإطار الفكري والسياسي والنفسي العام للبلاد في تلك الفترة. وثانيا الخطاب هذا هو عبارة عن صفحة هامة من تاريخ البلاد لازم كلّ تونسي يكون مطلع عليها إذا كان موش برشة على الأقل شويّة

ملاحظاتي الشخصية بعد قراءة الخطاب هي أنه:

- يعكس بصفة واضحة تصوّر بورقيبة لمشروع متكامل فيه رؤيته الخاصة للمجتمع التونسي بجوانبه السياسية والحضارية والفكرية وهذا من السنوات الأولى للإستقلال

- خطاب يمكن إعتماده كمرجع لتقييم فترة حكم بورقيبة بالمقارنة مع الأهداف التي كان ضبطها بنفسه كمشروع للدولة الجديدة

- الخطاب يبيـّن أن بورقيبة هو صاحب الكلمة الأولى والأخيرة حتى في علاقته بالمجلس التأسيسي بحيث عديد العناصر التي تحدث عنها في الخطاب نجدها بعد ذلك في نصّ الدستور وكأنّه تمّ نقلها على حالها

- و
الأهم حسب رأيي هو أنو جزء كبير من كلام بورقيبة يمكن نغمضو عينينا ونسمعوه وكأنّه يحكي على مواضيع الساعة في 2007 موش في 1956 وهذا يخلينا نتساءلو: آش عملنا ووين وصلنا بعد 51 سنة من الخطاب هذا؟

على كل حال، نخلّيكم مع الزعيم الله يرحمو ويرحمنا معاه، حلـّل وناقش النصّ التالي



خطاب الرئيس الحبيب بورقيبة في افتتاح أعمال المجلس القومي التأسيسي يوم 8 أفريل 1956

"لأول مرة في حياتي أشعر بعجز عن الكلام لأعبّر عمّا يختلج بفؤادي من الإحساس والتأثر في هذه اللحظة الرهيبة التي أرى فيها حلما يتحقق بعد أن كافحت الأمة كفاحا لاقت فيه الأمرّين وأبدت فيه من الرأي السديد والبطولة ما وفر لها أسباب النجاح وجعلها قدوة لغيرها من الشعوب

إنه يوم عظيم هذا اليوم الذي نجتمع فيه قد كلّل جهاد أمّة طال كفاحها مدة 75 سنة يحق لها ويحق لي شخصّيا أن أتذكر ولو في لمحة من الوقت الإخوان الرفقاء الذين رافقوني في أوّل مرحلة من هذا الكفاح وأجمعوا معي للقضاء على نظام جائر كان يسود البلاد والخروج بها من حياة الذل والإستعباد

واستمر كفاحنا حتى رأينا إخواننا جندلو بالرصاص وماتوا شهداء وآخرهم أحد رفقائكم ورفقائنا في هذا المجلس التأسيسي المرحوم السيد الحسين بوزيان الذي جندل أخيرا ومات مطمئنا بعد أن شاهد إنتصار أمته ووطنه

أمام هذا النصر العظيم أرى من واجبي أن أبتهل إلى الله أن يقينا مواطن العثر والمزالق وجميع الأسباب التي تسبب في تفرقنا من أغراض وجهل وأوهام، أن يجنبنا هذه الآفات التي كافحنا لاجتثاثها من قلوب هذا الشعب، أن يجنبنا الرجوع إلى التناحر وأن يلهمنا ويوفقنا سواء السبيل

حضرات النواب المحترمين

تجتمعون في هذا المجلس التأسيسي بإرادة الشعب، لا تنسوا أن تلك الإرادة متجسمة في جمعكم واضحة جليّة، فالسيادة في تونس سيادة الشعب، صاحبها الشرعي الحقيقي. ففي هذا اليوم المشهود المبارك نتذكر بخشوع إخوانا لنا في الكفاح أمثال الملك المنعم محمد المنصف والحبيب ثامر وفرحات حشاد والهادي شاكر وغيرهم استشهدو في ساحة الشرف في سبيل تلك الغاية، وكأنّ أرواح شهداء 9 أفريل الذين سقطوا تحت رصاص الاستعمار وهم ينادون "برلمان تونسي" ترفرف فوقنا، لأنّ أمانيهم قد تحققت، فأرجو منكم أن تقفوا وقفة ترحّم على تلك الأرواح الزكيّة (دقيقة وقوف) ا

أيها المواطنون الكرام

لقد اختاركم الشعب عن تمحيص وتجربة وانتخبكم عن رضى بحرية تامة وبأغلبية كادت تكون إجماعا ووضع ثقته فيكم وقلّدكم أمانته في أعناقكم لتسهروا على مصالح الوطن العليا. وأرى أن أوّل عمل يقوم به المجلس هو أن يسجّل أنّ تونس دولة حرّة مستقلة ذات سيادة كاملة ليوفـّر الضمانات القانونية اللازمة ولكي يتخلص من كلّ القيود في سنّ دستور لا يلائم وضعية البلاد

يجب أن نتعض بغيرنا فلا نضيع عن الأمة أوقاتا ثمينة في المجادلات اللفظية أو النظرية لا جدوى فيها بل سنختار منهاجا ناجعا للعمل يعتمد على واقعنا التونسي ليكون اجتهادنا إيجابيا سريع الإنجاز فيتم وضع دستورنا في أقرب وقت ممكن وعلينا أن نحافظ على وحدة الأمة داخل المجلس لأنّ كلّ عضو منّا وإن وقع انتخابه في منطقة معينة إلاّ أنّه يمثل أمة جمعاء فلا يدافع عن مصالح خاصة أو مصالح جهة دون جهة أو مصالح طبقة دون طبقة

وبقدر ما تنتفع تونس بتنوّع الآراء والتعبير عن وجهات النظر المتعددة بقدر ما يكون الخلاف والعناد بعد أخذ القرارات النهائية ضارا بما يحدثه من تصدّع في الصفوف وانقسام عقيم وعرقلة في الأفعال

وعندما ندعو إلى الإتعاض بالغير لا نقصد التقليد الأعمى، فلا يخفاكم أن دولتنا التونسية لها شخصيتها منذ مئات السنين، وقد اعتراها قبل الحماية وأثناءها الإضطراب والخلل لاختلاط السلطات فيها ولتضخم الإدارة واستيلائها على النفوذ السياسي. ولا يمكن أن يستمرّ هذا الوضع المزري بكرامتنا وعزتنا، المنافي للعدل والتقدّم، فنحن اليوم بصدد بعث دولة جديدة ينبغي أن يقام نظامها على أسس واضحة متينة، وسيطبع هذا النظام بطابع عصركم هذا وهو ككل شيء بشري قابل للتطور والتعديل، ولكن المسؤولية الثقيلة الملقاة على عاتقنا توجب علينا التروي ومراعاة الواقع وعقلية الشعب حاضرة وواضحة لكي يضمن الدستور البقاء لدولتنا واستقرار الحكم فيها

فلا يمكن أن ننسى أننا عرب ننتسب إلى الحضارة الإسلامية وأننا أيضا نعيش في النصف الثاني من القرن العشرين نريد أن نساهم في ركب الحضارة وأن نكون في عصرنا هذا، ولهذا نمقت الفوضى والاستبداد ونرفض الجمود والرجعية والاستعباد بأنواعه، فالدستور سيضع حدّا لكلّ طغيان وكلّ ظلم داخلي أو أجنبي، فمن اليوم لن يتصرّف في حقوق الشعب التونسي غير الشعب التونسي ولن يكون الحكم في البلاد لفائدة فرد أو جماعة أو طبقة بل لفائدة مجموع الأمة التونسية. وتفريق السلطات وتحديدها ضروري حتى يوجد بينها التوازي فيسود العدل الذي لا دوام لمجتمع بشري من دونه والمساواة بين المواطنين والعدالة الإجتماعية التي تقضي على الامتيازات وتجعل الامكانيات متعادلة لدى الأفراد والجماعات وتوفر للجميع أسباب العيش والرفاهية والرقي وتحقق الحرية للأفراد والجماعات بحرية الرأي وحرية المعتقد، تلك الحرية التي دفعنا ثمنها غاليا والتي ينبغي أن يتمتع بها جميع المتساكنين في البلاد التونسية

فإن كانت الحرية تكسب المواطنين حقوقا مقدسة فهي تفرض عليه واجبات مقدسة أيضا، فليست الحرية هي الفوضى ومن يعتدي على حرية غيره أو على رزقه وحياته لا يستحق أن يكون حرّا

أيها المواطنون

نحن كنواب مسؤولون على حقوق هذا الشعب وعلى مصير هذا الوطن وعلى حفظ كيان الدولة التونسية، فينبغي أن لا نسمح بأي اضطراب وأن نضع حدّا لأعمال الفوضى بين الهدامين الذين يريدون عرقلتنا في إقامة دولتنا الفتية، فالواجب يدعونا للدفاع عن دولتنا بقبضة من حديد وبعزيمة ثابتة لكي لا ترجع تونس إلى الوراء فيسودها الظلم والعبودية والتعصب الأعمى البغيض أو الحكم الأجنبي

أيها المواطنون

إننا نحمل آمال شعب يريد الحياة، والحياة عزة وكرامة وقد تحققت ولكنها في آن واحد حريّة في نظام وتقدم في حكمة وثبات وازدهار اقتصادي في عدالة اجتماعية، فليحقق دستورنا للشعب بلوغ تلك الغاية السامية

لكن أرى لزاما علي أن أنبهكم إلى أنه مهما تبلغ تـلك النصوص من الدقة والكمال فهي لا تأتي بثمرتها ولا تكون مفيدة صالحة إلاّ بالرجال الذين سيطبقونها بالنية الخالصة والعزيمة الصادقة

وإننا لنعلم أن انزواء الشعوب وعزلتها من أكبر أسباب انحطاطها وتدهورها، ولذا يريد الشعب أن تأخذ تونس المكان اللائق بها بين الأمم الحرة المستقلة وأن تشارك في المنظمات العالمية وأن تتعاون مع دول العالم في كنف احترام السيادة وأن توثق اتصالاتها السياسية والاقتصادية والثقافية بالدول الشقيقة وبالدول الصديقة على أساس المسواة في السيادة وبقدر ما يفرضه علينا الواقع التونسي ومصلحة الوطن العليا، فموقعنا الجغرافي يجعل مصيرنا مرتبطا بمصير بقية أقطار شمال افريقيا ويحتم علينا الاتصال بدول البحر الأبيض المتوسط، كما يوجب علينا صغر رقعتنا وحاجيات نهضتنا أن نتعاون مع دول العالم في كنف احترام السيادة"



samedi, avril 07, 2007

Super-Federer (ou le Smash-Passing-Shot!)



The Hole - video powered by Metacafe


Pour les blogs c'est moi (oui je suis trop modeste), pour la paix c'est Ghandi, pour le foot c'est Maradonna, pour le basket c'est Jordan, mais pour le tennis c'est lui!

Regardez-moi ce qu'il fait sur ce point! Un coup de génie, j'ai jamais rien vu de pareil!

jeudi, avril 05, 2007

Et par la même occasion...

Je Lance ma propre maison de disques! :)



A la demande des lecteurs



J'ai été agréablement surpris par la grande réaction d'admiration des lecteurs du blog hier suite au post sur Bouguenna. Les tunisiens n'ont donc pas complétement rejeté leurs origines et c'est tant mieux!

Voici donc (comme vous l'avez demandé) le lien pour télécharger des mp3 de Belgacem Bouguenna en attendant que Adam finisse le boulot sur saharaclub.org, je vous avoue que c'est avec un lèger pincement dans le coeur que je donne ce lien car c'est un peu du vol du travail de cet artiste, mais puisqu'il n'y'a aucun autre moyen de trouver un CD de Bouguenna (surtout pas à Tunis ou à l'étranger) et comme ce sont surtout des vieux titres qui sont disponibles, vous pouvez aller sur le site fann-cha3bi.com qui est à l'origine un site consacré au mezoued, mais dans lequel vous trouverez une base de données de plusieurs artistes tunisiens classés par ordre alphabétique et dont Belgacem Bouguenna; il vous faudra d'abord vous incrire au site mais ne vous inquiétez pas, c'est gratuit.

Je vous recommande les titres suivants, ce sont mes préférés avec les deux que j'ai posté hier: Chayya3thom bel 3in, Ya sem7 Essifa, 7ess el Guita, Khatar Tif, Nar el Forga... tout est bon quoi!

Voilà, j'éspère que vous apprécierez la musique et que vous ferez vous aussi la promo de ce talent tunisien. Allez cassez vous, j'ai du travail à finir! :)

Belgacem Bouguenna ou la voix du Sahara



Je vais -une fois n'est pas coutume- faire de la promotion pour un chanteur tunisien que j'ai découvert il y'a quelques années et qui (allez savoir pourquoi) n'arrive pas à percer auprés du grand public tunisien (ailleurs que dans sa région je veux dire), ce "grand" public dont l'oreille s'est habituée à d'autres styles et d'autres repertoires.

Il s'appelle Belgacem Bouguenna, il est instituteur originaire de la ville de Douz et il lui arrive souvent d'écrire, composer et chanter. Le résultat est quelque chose comme ça:

ou encore ça:

Moi j'adore, et je ne suis apparamment pas le seul: Bouguenna a participé récemment à un festival international de musique à Dubaï où il a fait un carton. Je suis vraiment heureux pour lui, j'ai toujours senti que sa musique avait tout ce qu'il faut pour réussir au niveau international. Bouguenna, c'est un peu un Akon à l'état brut (Akon pour ceux qui ne le connaissent pas est un chanteur d'origine Sénégalaise devenu une superstar internationale avec le tube "Locked Up" sorti aux USA en 2004). La voix, les mélodies et les paroles -pour ceux qui se donnent la peine d'essayer de les comprendre- sont vraiment excellentes, certaines chansons sont carrément des interprétations du grand poète populaire tunisien Mohamed Touil. Reste juste un petit effort de promotion et de commercialisation et Belgacem deviendra peut être le "Akon" tunisien.

Ceci dit, je trouve vraiment dommage que la culture de notre pays exclut implicitement ce genre musical trés authentique qui fait partie de notre patrimoine national. Notre ami Adam nous en dira certainement plus à ce sujet. :)

mardi, avril 03, 2007

Alanis Morisette fais le remix de "My Humps"!!



Et oui, c'est difficile à croire mais elle a de l'humour! J'adore ce remix ainsi que la parodie qu'elle a fait du clip du fameux tube des Black Eyed Peas, c'est bien fait pour leur gueule à cette bande de cons qui me cassent les couilles à chaque fois avec un nouveau clip plus débile que le précédent. 9allou "my humps", tga33éd !!

Dans le port d'Amsterdam




Paroles et Musique: Jacques Brel 1964

Dans le port d'Amsterdam
Y a des marins qui chantent
Les rêves qui les hantent
Au large d'Amsterdam
Dans le port d'Amsterdam
Y a des marins qui dorment
Comme des oriflammes
Le long des berges mornes
Dans le port d'Amsterdam
Y a des marins qui meurent
Pleins de bière et de drames
Aux premières lueurs
Mais dans le port d'Amsterdam
Y a des marins qui naissent
Dans la chaleur épaisse
Des langueurs océanes

Dans le port d'Amsterdam
Y a des marins qui mangent
Sur des nappes trop blanches
Des poissons ruisselants
Ils vous montrent des dents
A croquer la fortune
A décroisser la lune
A bouffer des haubans
Et ça sent la morue
Jusque dans le cœur des frites
Que leurs grosses mains invitent
A revenir en plus
Puis se lèvent en riant
Dans un bruit de tempête
Referment leur braguette
Et sortent en rotant

Dans le port d'Amsterdam
Y a des marins qui dansent
En se frottant la panse
Sur la panse des femmes
Et ils tournent et ils dansent
Comme des soleils crachés
Dans le son déchiré
D'un accordéon rance
Ils se tordent le cou
Pour mieux s'entendre rire
Jusqu'à ce que tout à coup
L'accordéon expire
Alors le geste grave
Alors le regard fier
Ils ramènent leur batave
Jusqu'en pleine lumière

Dans le port d'Amsterdam
Y a des marins qui boivent
Et qui boivent et reboivent
Et qui reboivent encore
Ils boivent à la santé
Des putains d'Amsterdam
De Hambourg ou d'ailleurs
Enfin ils boivent aux dames
Qui leur donnent leur joli corps
Qui leur donnent leur vertu
Pour une pièce en or
Et quand ils ont bien bu
Se plantent le nez au ciel
Se mouchent dans les étoiles
Et ils pissent comme je pleure
Sur les femmes infidèles
Dans le port d'Amsterdam
Dans le port d'Amsterdam.


lundi, avril 02, 2007

Peace In The Tunisphere!



J'ai été un peu déçu aujourd'hui de lire sur 2 blogs tunisiens, que j'aime bien d'ailleurs, des centaines de lignes gaspillées dans les accusations et les justifications. J'espère que ces deux (Stupeur et Massir) viendront faire la paix et mettre fin à cet incident ici même pour couper cour aux mauvaises langues et leur dire qu'ils valent mieux que ça.

Cet incident a surtout été l'occasion de vérifier la bonne présence et l'enthousiasme des nabbara qui ont, par leurs commentaires, dégagé une haine gratuite et insoupçonnée. Si c'est ça la tunisphere qui se réunit chez Biwa et compagnie, bélléhi ne me demandez plus pourquoi je n'assiste pas à ces pseudo meet-ups mta3 ettrahdin!

Oui oui, bien sûr que je dois faire la part des choses et ne pas généraliser... Je ne veux pas me trouver mêlé à ce genre de bagarres où on ne peut blaisser que les sentiments, en plus à ce jeu là je n'ai que quelques petites armes à ma disposition ;)

Bon, bref, pour en finir je dirais juste un truc pour tout ceux qui prennent cette histoire de tunisphère trop au sérieux, souvenez vous de ce que Buddha a dit un jour:


"Fuck A Blog, Get a LIFE!"