mercredi, avril 25, 2007

تـكــســيــــر



أهلا بالجموع

اليوم حكاية أخرى ماهيش عاجبتني، وهو كي تجي تشوف الحكايات اللّي ماهيش عاجبتني أكثر من حكاية واحدة أما ما يهمّش، كل نهار وقسمو في إنتظار أنّها تعجبني حاجة في هالبلاد حاشى صلاّحها

أنا كيما لاحظو القرّاء الأوفياء - باش ما نقولش القدم ونزيدو نعملو أصناف متاع قديم وجديد في القرّاء بعد ما عملو التصنيف هذا في المدوّنين- حاسيلو كيما لاحظتو وإلاّ ما لاحظتوش، فإنـّي نعطي ساعات أهمـية كبيرة للكلمات سواء اللّي نستعملها أنا أو اللّي يستعملوها الناس في المجتمع، والسبب هو أني نعتقـد أنّها اللّغة المستعملة تعكس فهم المجتمع في فترة معينة لأفكار ومعاني معينة، سواء كان الأمر بصفة واعية إرادية أو بصفة لاواعية وعفويّة، على خاطر حسب رأيي موش كان الأفراد عندهم وعي ولا وعي بمعنى علم النفس، بل حتى المجموعة كيف تعيش مع بعضها يولّي عندها لاوعي وخيال وأفكار مشتركة ولو كان حتى حدّ ما يقولها ويصرّح بيها على وجه وقفى، وهنا يجي دور اللغة اللّي ساعات تفضح وتكشف اللي يدور في لاوعي المجتمع من أفكار وأحلام و "فانـتاسموات" وكوابيس

حاسيلو ما نعرفش علاش طوّلت في المقدّمة هكّا وفاش نستنـّى باش ندخل في الموضوع على خاطر ماهوش من عاداتي باش نضيّع وقت الناس وخاصة وقتي في الحديث الزايد، لكن المقدمة ماهيش خارج الموضوع، على خاطر الموضوع يتعلّق بكلمة أو عبارة من العبارات اللّي نستعملوها في تونس في عدّة ميادين ألا وهي كلّ ماهو مشتق من فعل كسّر يكسّر تكسيرا، واللّي يهمّني أكثر في هذا الإطار هو إستعمالها في المجال الجنسي والعياذ بالله، بحيث يستعملو الكلمة هاذي للدلالة على فقدان الفتاة لعذريّتها عند ممارستها للجنس لأول مرّة أو عند أية مناسبة أخرى، بحيث يقال فلانة مكسّرة، وفلانة موش مكسّرة، و فلان كسّر فلانة، وتكسّرها تاخذها، ومكسّرة من كذا ومكسّرة من كذا وهذا الكلّ كلام راكم سمعتوه، يعني من غير ما تدوخولي لهنا على خاطر ما عندي لا زهر ولا عطرشية باش نفيّقكم، عندي كان الشلابق للّي يحبّ أما ماهوش آفار

نرجعو للموضوع بالله... تي قولولي يعيّشكم، شنوّة هالكلام هذا؟ شنوّة هـ"الفيناس" هاذي؟ شنوّة كسّرها وما كسّرها؟ ياخي صحن هي وإلاّ كاس باش يطيح يتكسّر؟ واللّه أنا نعرف في الكورة واحد ينجـّم يكسّر واحد، يعني يهبطلو "طاكل" يقسملو القصبة متاعو كيما كان يعمل لطفي المحايسي هاك العام، أما هاذي زوز من ناس رقدو مع بعضهم في فرش، يهبط واحد صحيح والآخر عايب يا رسول الله، بصراحة ما فهمتهاش

بالطبيعة العبارة هاذي فيها برشة تحقير للمرأة، يعني تقولش عليها كعبة ياغورت وإلاّ حكّة سردينة تحلّت وما عادش تصلح، وفيها زادة موقف واضح من الحريّة الجنسية بصفة عامة واللّي مازالت ما عندهاش معنى في بلاد الكرب. تي إنتي شوف في اللغة العربية الفصحى آش يقولو؟ إفتضّ بكارتها، من الإفتضاض وأصلها يرجع للفضّ بالفتحة على الفاء، والفض حسب "قاموس الحلّوف في تركيب الحروف" هو الجادور البوجادي والعضروط، يعني معاني بكلّها رومانسية وحنان، حاجة تذوّب القلب بصراحة، حاسيلو ملّي تسمعها تبدى طول تخمم في صفحة صدى المحاكم

شوفو توّة الفرنسيس مثلا آش يقولو لوصف نفس العملية اللّي قريب نردّوها حرب إبادة جماعية:
Dévirginer, dépuceler, déflorer...
و "ديفلوري" هاذي تعني قطف النوّارة أو الوردة، ومن هنا جات كلمة "القطيف"، والمفيد هنا هو أنو موش لازم التقوعير والتجودير باش نحكيو على مسائل بسيطة ينجم كل واحد يبدى عندو منها موقفو الخاص ويتكلّم عليها كيما البشر موش كيما التمساح

إلى جانب الاستعمال هذا، عندنا في لغتنا معاني أخرى للتكسير، وباش ما نظلمش اللاوعي الجماعي للمجتمع التونسي، لازمني نقول أنّهم الرجال زادة ما منعوش من التكسير في عديد الحالات، ولكن على عكس المرأة فإنّ التكسير اللّي يتعرّضلو الراجل أخف وطأة وأرفق بما أنه تكسير جزئي، يهبط على عضو واحد من أعضاء الرجل، فتلقى منّو أنواع كيما تكسير البطاطا، تكسير الكرايم، تكسير الراس، تكسير الـكذا وحتى تكسير الكذا بيدو، والنوع الأخير هذا هو اللّي أنا واحد من الناس نكرهو ونهرب منّو وتلقاني ديما نقول "ما تكسّروليش الكذا متاعي يرحم والديكم" أما برشة ناس ما تفهمش

المفيد الحمد الله أنّو الواحد ما ينجـّمش يتكسّر بصفة كاملة ، ولو هو فمّا ديما إمكانية للتكسير للّي يحبّ يتبّع القلم هذا، وفي الحالة هاذي ما يهمّش أنو يكون راجل وإلاّ مرا، صبيّة وإلاّ هجّالة، المفيد أنّو يكون عندو منصب باهي تحسدو عليه العباد وإلاّ مسؤولية في القطاع العام ، التكسيرة في الحالات هاذي أخيب ياسر من التكسيرات اللّي سمعتو بيها الكلّ على خاطرها ضربة خاطية وما تعرفهاش لا كيفاش ولا وقتاش ولا منين تجيك، والناس عادة في بلادنا ماهمش ناقصين تنبير، وإنتوما اللّي تقراو المدوّنات متاعنا على "النبّاروسفار" عندكم أكيد فكرة على المسألة. تلقاها عاد هاك البطالة الكلّ لاممين بعضهم ويورّيو فيه المسكين بالصبع، في "هاذاكا وزير مكسّر"، و"الآخر والي مكسّر" حتى يوصلو للبوليس المكسّر والشاوش العايب والسوجيقات المجبّر، حاسيلو ماهو كيما يقولو فيها "البقرة كيف تطيح تكثر سكاكنها"، أما المشكلة فاش، النوع هذا من العباد اللّي يجبدو السكاكن للبقرة الطايحة عمرهم ما يجبدو كي يكون مغرفة على جربوع واقف، وتلقى قرونهم أكبر من قرون أكبر بقرة، هذا إذا كان ما هبّطوش سراولهم مرّة وحدة وقالولو "كسّرنا يا سيدي الجربوع"

هيّا يزّي من الخرافات، برّى أرقد



20 commentaires:

naufrage a dit…

ina3en bouk izin :)

Mohamed a dit…

Au dela du choix deplorable de la terminologie "flena mkassra walla mouch mkassra", notre plus grand malheur c'est la médisance, le denigrement, et la diffamation des gens wala3idhou billah! walla y9oul el9ayel ech yhimna fi flena mkassra well 7adda mdagdga. ti mahi binha wou bin moulaha. ti mouch hakka?

zizou from Djerba a dit…

bravo xtravaganza!!!

عماد حبيب a dit…

يا راجل كان على حد التكسير يمكن تتعدى
;)

أما أحنا في وعينا و لاوعينا و حسب أصلنا و فصلنا و حضارتنا الهايلة ياسر المرا كيفها كي حاشاكم البهيم و الكلب و الخرى، تنقض الصلاة و كان سلمت عليها بيدك تنقض الوضوؤ كايني منجوسة

احفر هنا

:))
مكانة المرأة في الإسلام !!؟؟
http://imedhabib.blogspot.com/2007/04/blog-post.html

takamaka a dit…

oui c'est vrai que le terme en soi imkassra est un peu agressif, mais dans un même contexte ya BTB, déflorée walla imkassra ça revient au même, en gros, un beau truc qui a disparu, qu'on a perdu ; une fleure cueillie est équivalant à un vase cassé, on a déjà perdu le truc quoi...
ce n'est qu'un terme, et un terme n'est qu'un moyen, et un moyen ne vaut rien en tant que fin.
donc si on se concentre sur les termes utilisés on passera à coté du problème de fond, willi houwa, une fille, déflorée ;o) fi hal bled, echnouwa maaélha, comment elle est vu par nous.
moi je vois que le problème est beaucoup plus grand que ça ; en tant que mal, imkasser (pour vous faire plaisir) j'ai pas apprécié que l'une de mes ex-compagne soit déjà défleurée, ça me donnait la chère de poule.
après tout, une fleure âpres l'avoir cueilli, au bout de quelques jour elle meurt, elle n'est plus une fleur quoi.
bon, on peut parler des semaines et des semaines à propos de ça, et on ne s'en sortira jamais.
mais une seule et simple question.
si ce truc (el bakara) ne sert à rien, alors pourquoi Dieu (s'il existe bien sur) l'a créer...
trouvez une réponse à ça revient à résoudre tout les problèmes de ce monde ;o)

Anonyme a dit…

berjoulia wahdek ya trap boy !! hatta "lebléda"(pour certains) enta3ek est civilisée & class !!

bech na3mloulek club de fans ensammiwoh:
"trapboy addicted people"
avec un de ses deux départements hassbb ton choix:
-trapboy's girls
walla
-trapboy's men (au cas ou :p chkoun ya3ref tatla3chi menhomm )


bkhatrek ya moudir !

Anonyme a dit…

Tout en appréciant ton article, je tiens à préciser que le verbe DEFLORER est aussi grave voir pire que son équivelent dans notre DIALECTE et qui veux peut être dire aussi, à l'origine qui sait!, casser un tabou, la virginité. Je vous laisse admirer le larousse à ce sujet:
Déflorer = Faire perdre sa virginité; Enlever la fraîcheur, la nouveauté . Þ gâter. Déflorer un sujet, lui enlever de l'intérêt en le traitant d'une manière maladroite ou incomplète.
Ce ne sont que des expressions d'ailleurs en français, en plus de ceux d'origines étrangères dont le nôtre, des termes sont employés comme : sauter, se taper, se la faire, monter...et bien d'autres.
En tout cas tu as cassé un tabou et c'est déjà bien comme ça!

adam a dit…

اما البوست هذا باش يكسر الدنيا
:D

MoZZitude a dit…

@@Anonyme
>> (au cas ou :p chkoun ya3ref tatla3chi menhomm )
ma t9ollich zeda BTB "mkasser" ?!!!

Original Prankster a dit…

Trés trés bien.
de 1 : Bravo pour le sujet de la textualité (oups) sexualité et tout ce que nous présentons comme esprit borné.(désoli mais il ne faut pas voir ton cercle d'ami ou de conaissance uniquement pour jugé: 90% des tunisien mrabbtin)
de 2: Bravo car tu as mis l'accent sur le language pauvre qu'on utilise
de 3: merci de nous rappeler que la finesse ça doit être de l'acquis pas optionel (kima l'airbag)
de 4: ou berrjoulia, ou fi hathi 3jibtni, ettakssir fil idarat oual les organisme public. Mais ce n'est pas logique a quel point les tunisiens ne sont pas patriote (je ne demande pas que le nationalisme coule de la bouche mais un minimum)
eu bosse pour qui et pourquoi!
bref je ne peut developper un truc pareil par un simple post dans un blog qui n'est pas le mien.

cl: Ya3tik essaha ou ynahi alik el kaha oual baha ya BTB.

charismatic a dit…

Juste un truc...mais kilmit "makasra" est du langage vulgaire tunisien récent qui est apparu avec d'autres mots pourris d'ailleurs...donc il faudrait faire attention....ça ne fait vraiment pas partie de notre language patrimoinale..je ne sais pas mais je ne pense pas que nos grands grands pères "falléha" à la base rigolaient de leurs femmes et disaient que: "celle là est kassarrtha" ou bien "lokhra rahi mkassra"...
Mkassra pour moi c comme du Z* ou N*....des mots vulgaires malheureusement qui ne seront pas aussi imprégnés dans le langage tunisien sans l'aide d'ignorants abrutis alcooliques irrespectueux envers la femme....
Personnellement et d'après ma modeste petite expérience. .je n'ai jamais vu des hommes respectueux prononcer ce mot..par contre j'ai mainte fois entendu ce mot prononcé juste par des adolescents en recherche de leur personnalité ou d'hommes extrêmement bourrés.

العروي a dit…

أنا في بالي ها المشكلة اتحلت على خاطر الشيخ متع الأزهر ،الله يرحم والديه،طلّع فتوى وقلهم أتنّجم اللي هي مكسرة تعمل بكارة جديدة.وماهي قامت عليه الدّنيا ومازالت ماقعدتش.على خاطر ثم ياسر يحبوا كان اللي هو دورجين وها الجماعة هاذم حاججوه ب:من غشنا فليس منا.قالهم هو ياأولادي راهوا دين يسر مهواش عسر.قالولو يضهرلك ياسيد. فى كل شئ نقبل ها اليسر في مثلا مانعطيش الزكاة ،نصلوا منغير ووضوء.نعمل بنوك كيف ما الأخرين وانسميها إسلامية نسافروا لبلادالنصارى ونعمل اللي انحب وكيف نكبر وما عادش فيها وين نعمل ليها حجة باش نغسل ها الذنوب .اقتنع الشيخ وقلهم امّاله برجوليه الفتوى راني عملتها على خاطر الحكومة قالتلي راهي البلاد اتخذت والمحاكم اتعبّت بالرجال اللي تحب الطلق بسبب افتضاض البكارةوراهوا ضاهرلي لمكسير ثلثين والبقية ثلث وما ذبي ما نفضحوش أرواحنا قدام الغرب.عاد ها الجماعة بهتواوهوما أصل فيهم أشكون بالع اسكينة بدمها وساكت على داه .خرجو. فيهم أشكون سلم أمر الرب وفيهم أشكون ارجع يقيم الليل ويقرأ في القرآن يهدّي به في أعصابو واكتشف الحل كيف يلقى امراة دورجين .اما ثمنها غالي ياسر ومتمثل فى حزام ناسف يطيروا قطايع هوا وجماعة اللي قبلو السلعة المضروبة.يا خويا راهي حتى هي دورجين .

Original Prankster a dit…

@charismatic:
hey, fait attention a tes mots!
oh là! c'est quoi cette reflexion a propos de l'alcool, moi je suis un homme qui se respecte, et qui respecte enormement les femme, et pourtant je ne boi pas l'alcool que quelque jour par an (pour tout dire moin que 30 jour).
et cette hypothése de cause a effet que tu vient citer montre a quel point tu n'es pas objectif. Désolé, mais on ne juge pas les gens par ce qu'ils mangent, ce qu'ils fument ou ce qu'ils boivent.

cool4ever a dit…

Salut chef : j'ai crée un site de communoté tunisienne (sharekna) ya une section ou chaqun peut écrire une histoire et j'aimerai bien me faire l'honneur et y écrire parfois. voici le lien Sharekna
sharekna
j'espère que tu aime. ce que j'ai essayé de faire c'est de faire une site communotaire enrichit par les participations de tout le monde pour la joie de tout le monde. vous pouvez y trouvez un forum , des jeux , chat , cours des devises , une section recette (ya rien dedan pour le moment :) ) des petites annonces ....

charismatic a dit…

Khouya "original prankster"..je crois que tu n'as pas compris le commentaire Ou bien tu ne l'as pas bien lu....j n'ai visé AUCUNE personne..j'ai decrit une propre vision d'après ce que j'a cotoyé comme gens..
yékhi ech mdakhlik inti béch tahkili 3ala dosit il alcool mté3ik ??....d'ailleurs cette vision peut être vraie ou fausse et je n'ai rien affirmé..

Original Prankster a dit…

NON JE N'AI PAS COMPRIS TON COMMENT, AYECHEK EXPLIQUE MOI ENCORE UNE FOI PEUT ETRE J'ETTAIT BOUREE!
"...des mots vulgaires malheureusement qui ne seront pas aussi imprégnés dans le langage tunisien sans l'aide d'IGNORANTS ABRUTIS ALCOOLIQUES envers la femme...."
OU BIEN JE N'AI PAS BIEN LU!
"j'ai mainte fois entendu ce mot prononcé juste par des adolescents en recherche de leur personnalité ou d'hommes extrêmement BOURREé"

Non je ne me fait aucune conclusion a propos de ça, non pas du tout, c'etait quoi, tu as raisonner par rapport au personne qui boivent l'acool c'est tout, ben comme moi je peut raisonner par rapport au certains integristes qui soutienne le même language pauvre de mkassra et autre.
Et a propos, ce probleme de mkassara et de ce language pauvre et plusentretenu par ceux qui ont attraper la religion que les gens qui boivent le sang du christ.

Que dieu te benisse, mon fils.

m0ntassar a dit…

wallahi sujet heyel yesser .. yatik issa77a ya BTB ..
Amma ena netsawer illi houa akber chwaya men annou tkhasseslou une simple note sur ton blog :D
Un blog tout entier ou chouf yezzi ou chfou lé, ou hawka ikoun forsa nbadlou chwaya il mat3em 3al tunisphère :D

carmen a dit…

سي عماد حبيب ننصحك تتعلم أخلاق الحوار على خاطر كلامك ’ المرا كيفها كي حاشاكم البهيم و الكلب و الخرى، تنقض الصلاة و كان سلمت عليها بيدك تنقض الوضوؤ كايني منجوسة
’ حتى إنتي تنقض الوضوء متاع مرا كيف تسلم عليك بما يعني حتى إنتي كذلك

carmen a dit…

يا خويا ربي قال :’ و مكروا و مكر الله و الله خير الماكرين’ إمالا كل راجل يحس في روحوا معديها على لخرين هاو يخرج مع هاذي و من بعد مع هذيكا و يطيح هذي و هذيكا...لازم ربي يطيحوا في شر أفعالو.حتى سيدنا النبي قال ’ من زنى يزنى عليه و لو في عقر داره’ بما يعني لازم واحد يعديها على المرا و إلا أختو و إلا بتوا و لا حتى أمو...و ربي يبقي علينا الستر

Kameltreiber a dit…

كسرتني بالضحك يا بيغ هاهاهاها

زايد الأمور هاذيا يحبلنا مياة متين سنة بش نتطورو فيها و نولو كيما عباد ربي لوخرين

آه ياناري

خوكم ولد الصحرا