samedi, avril 28, 2007

باك سبور... عملتو العار



توّة نهارين في جرّة بعضهم نتعطل على خدمتي ونوصل "روتار" في جرّة هالفروخ متاع الباك سبور. كل صباح مهرجان في الكياس بالكراهب جايبين المفرخ متاعهم للباك سبور، ومن قوة الزهر متاعي لازمني نتعدّى في ثنيتي على زوز مراكز إمتحان ونضرب درجين "سيركيلاسيون" قدام كل واحد منهم. بالله قولولي ياخي آش فمّا هذا الكلّ؟ ياخي كاس العالم يلعبو عليه هالفروخ وإلاّ كيفاش؟ أنا كيف عدّيت الباك كان اللّي لاباس عليه عندو بسكلات واللّي يجي في "فسبا" يتسمّا بوه طوم كروز، وتوّة هالمفرخ تحوس في الكراهب قبل ما ياخذو الباك؟ ولت البارح في ثنية الخدمة زوز "بيامات" جدد مالباكو نلقاهم داخلين في بعضهم، نقّصت باش نشوف آش فمّا نلقاهم 6 وإلاّ 7 فروخ من جماعة الباك سبور داخلين في بعضهم ويضحكو تقول أمبولة تفلقت موش زوز كراهب الوحدة بـ40 مليون

توة هاذي عباد؟ فرخ كبّول ما زال ما خدمش 5 دقائق في حياتو و "ديجا" مخسّر البلاد في 100 مليون "دوفيز"؟

خلّي عاد من هاك الشطيح والرديح في الكياس بعد ما كمّلو عدّاو باك خرى متاعهم، والله كان جاو فالحين صحّة وفرحة، يشطحو حتى فوق راسي، أما هالجيل الجديد هذا كان البهامة والتسطيكة، أذكى واحد فيهم بهيم، وهاك الوالدين عادة جايين محضّبين بكراهبهم في الكياس تقولش سعيد عويطة باش يجري وإلاّ كارل لويس... ياخي هو مازال فيها باك باش العباد تعمل هالقاوق هذا الكلّ؟ تي ماهم تو ينجحو الجحوشة متاعكم وياخذو الشهايد الكلّ... لازم تـقـلـّقـوني أنا؟؟

12 commentaires:

Nadia a dit…

wassa3 balek, c'est vrai que la géneration actuelle est trés gatté mais tu exagére un peu en disant qu'ils sont bête, c'est les conditions dans les quelles ils ont évolué qui ont fait d'eux ce qu'ils sont, c'est une géneration aculturé et apolitisé sans aucun type d'idéal sauf la consomation.
Je pense qu'il ya encore des choses à récuperer , en tout cas en donnant l'exemple d'une alternative possible, et essaynat de pas tomber dans le jugement.

Big Trap Boy a dit…

Je ne tombe pas dans le jugement,je veux juste sortir le matin et ne pas les trouver sur mon chemin!

Aprés ça qu'ils aillent au diable ces petits cons!

Oui, j'avoue qu'ils m'énervent!

:(

Nasnoussa a dit…

adhka we7ed fihom bhiim loooooooooool 9taltni bedho7k hne :D

Kaiser a dit…

Yodh'horli ta7ki 3la mafrakh el pere blanc ...

Wassa3 balek haw 3iddou wfa, kan ma wfach dejà !

Big Trap Boy a dit…

Apparamment ça va encore durer ce cirque parceque tout les lycées ne passent pas les épreuves le même jour!

:S

houssem a dit…

ajma3 w atra7 ya 5ouya mouch elli 3and'hom bac elkoll frou5!!! en tout cas fi mo55hom

hiyahoua a dit…

http://echangistes-tunisiens.blogspot.com/

Anonyme a dit…

Je suis tout à fait d'accord avec le dernier paragraphe.

Hal jil essa3ed he4eya y5aouef, et pas seulement en Tunisie d'ailleurs. J'ai remarqué la même décadence en France.

Je pense qu'il faut ré-instaurer "el-3sa" dans les écoles primaires et l'introduire (pourquoi pas) dans les lycées :-D

charismatic a dit…

Non vraiment 3amlou il 3ar...je suis à 100 % d'accord avec toi BTB....en faite nasma3 fi tazmir wou n9oul ech koun illi bech yi3aerris 3a sbéh.....après on m'a informé que ce sont jmé3it il Bac sport !!...3amlou il 3ar wallah !!

Skan! a dit…

OUallahgi el klém elli 9oltou choukéni ou hazzli kayéni -_- ....






















Bé-ém Jdida mel bacou eb 40 malioune ?! O_o

:-p

Big Trap Boy a dit…

@ Skan! :

Bon mahich tout à fait mel bakou, c'etait une série 3 noire qui devait avoir deux/trois ans, en tout cas pas le tout dernier modèle mais elle était "état neuf" kima i9oulou fi les annonces :)

Je ne crois pas que le prix dépasse les 40 mille

7asilou a3ti soumék enti ;)

Anonyme a dit…

DIRTOUNA EL3AR YA TOUANSA YA BHAYEMMM