jeudi, avril 30, 2009

عودة للكتابة

بالرجوع للبدايات الأولى لهذه المدوّنة وبإعادة طرح السؤال على نفسي حول سبب الكتابة على مدوّنة إلكترونيّة يملكها "غوغل" ويؤمّها جمهور من خيار الناس ومن حثالة العربان، عرفت أنّي في الحقيقة لم أكتب ولا أكتب لشيء آخر سوى للإستجابة لحاجة داخليّة في نفسي، جرثومة أو فيروس أقوى من أنفلونزا الحلّوف يخلّي الدماغ يغلي بالكلام والصوابع تتحرّك على لوحة المفاتيح (لاحظ هنا كيفاش العرب ما نجّموش يمنعو أنفسهم، وعلى قدّ ما عملولهم فيها فلس من تسميتها بمجرّد "لوحة"، يعني من الكتّاب ما خرجناش).

صحيح أنّ المجال البلوغوسفيري "تفريس" هو الآخر و"مساط" وحاولت بعض الأطراف باش تركب عليه لخدمة بعض الأفكار، وهذا شأنهم، ولكن شأني أنا مازال وسيبقى في تلبية حاجتي الأنانيّة لتحريك أصابعي على اللوحة ورسم بعض الأفكار ببعض الكلمات.

صحيح أيضا أنّ بعض الإهتمامات الجديدة والمستجدّات السعيدة في حياتي الخاصّة ساهم إلى جانب تراكم إلتزامات مهنيّة قديمة-جديدة-متجدّدة في تحويل إنتباهي عن هذا العمل الجنوني والسخيف إلّي يتمثّل في تقاسم وليمة أفكاري مع من هبّ ودبّ دونما مقابل، ما عدى بعض الحوارات الشيّقة والقليل من تبادل وجهات النظر والكثير الكثير من سبّان جدّ والدين الرهوط المقلّبة. الحقيقة لمّا ننظر للأمور بالمنطق هذا نقول الواحد آش لزّو؟ ولكن كيما قلت كلّ واحد ربّي باش بلاه، فمّا إلّي تجيه بحاجات أخيب من هكّا، أنا جاتني بالحكاية هاذي.

لن أرجع للعديد من الأحداث وما أكثرها، من تلك التي لم يتسنّ لي التعليق عليها في المدّة السابقة، ولكن فقط حبّيت نقول أنّي ورغم تعدّد المؤشّرات السلبيّة المحيطة بينا خلال الفترة هاذي، سواء على المستوى الجربوعستاني أو العالمي، فإنّي مازلت محافظا على شيء من التفاؤل، وكيما يقولوها "إشتدّي أزمة تنفرجي"، أو ربّما تلك قناعتي بأنّنا لامسنا القاع في العديد من المجالات ولم يعد بالإمكان إلاّ أحسن ممّا كان. تفاؤلي قد يكون مرتبطا بالأحداث السعيدة إلّي صارتلي في الفترة إلّي تعدّات، وبالتالي ما فيها باس كيف نساهم في بثّ القليل من السعادة والتفاؤل في عوض ديما ما عاجبني شيء، ولذا يسامحوني الناس إلّي جاو يقراو ويستنّاو في شكون يطيّحلهم الماء في ركايبهم ويهبّط عليهم الدمّار، الله غالب، على الأقل اليوم ما عنديش مناش باش نشكي ونبكي، ربّي يفرّج عليكم وعلى جميع المومنين ويحلّ مشاكل الدول المتقدّمة ودول العالم الثالث معاها، وإنشالله الترجّي تزيد تهزّ الرباعيّة خلّي ربّي يتمّم علينا نعمتو ونعملو حفلة كبيرة وميسالش حتى إلّي يحبّو جمعيّات أخرى إنشالله يولّيو يحبّوها باش الناس الكلّ تفرح وما يقعد حدّ مقهور.

هيّا ليلتكم سعيدة وإلى لقاء قريب.

26 commentaires:

bent 3ayla a dit…

ربي يديم ها السعادة و التفاءل. اما خسارة قصيت خبزة برشا عباد تجي تنبر لهنا

Anonyme a dit…

براس اميمتك يا بيغ خليها ههه
انتخابات افتراضية
vote for tunisia
http://ivotetunisia.blogspot.com/

النمر المقنع ههههه a dit…

الخوانجية الجدد قريب يملكو google
طردوا المدونين خاطر اصحاب الحقيقة المطلقة
لكن الي لاحظتوا هروب جماعي للقراء بسبب الافكار المتشددة الي يحبوا
يرسخوه في مجتمع من اصلوا التدين فيه استثناء
زحححح مانحبوش نكونو ايران الجزء الثاني بالسيف
سبونا وقالو طابور خامس ...نظرية المؤامرة اييييييييه شبيكم مازلتو عايشين
في الحرب الباردة
النهارين زيدو ردو الحلوف متامر ضد مستقبل البشرية
بيغ انا نختلف معاك في الكثير لكن انت شخص استطيع التعايش معه في سلام
وهذي واة مجتمع صحي
تحياتي

Werewolf a dit…

Welcome back :)

One a dit…

"Si écrire, agir, c'est une manifestation de l'orgueil, ne pas vouloir écrire, agir, faire, ce peut être encore de l'orgueil."
Eugène Ionesco

Quoiqu'il en soit, tu as bien fait de t'y remettre, jarbou3estan a besoin de ses esprits éclairés pour continuer le combat contre el bhema al mouferta wel jahel al mouzmen.

ferrrrr a dit…

Bravo Big

zannour a dit…

j'en est les larme au yeux... ya wabéch

WALLADA a dit…

الحدث السّعيد الّي عملته و بالمناسبة نهنّيوك عليه ، علاش يا خويا موش من قبل راك ولّيت طيّب و مسالم و متفائل و تدفع أداءاتك و ترقد بكري ؟؟؟

يقول القاوري : مخّر خير من بلاش بالكلّ

هيا مرحبا بيك مثنى و ثلاثا و رباعا في حومتك الّي فقدتّك برشة

Ghoul a dit…

welcome back :)

abu 3arabi a dit…

النمر المقنع/يؤسفنى باش نعلمك انك باش تعددي حياتك بكللها مقنع..ضياقت عليكم الدنيا..بل ضيقتوها على ارواحكم..لانكم عاديتم مجتمعكم واهلكم ..فلكم البحر..صديقى..اشربوا منه حتى الثمالة..انت ومن تبعك من خنازير التراب...اذهبوا فانتم الغاوون...فلنا الشمس والخضرة..ولكم الصديد والملح

Anonyme a dit…

إلى محتاج لخبزة أكثر من غيرو خل يهز ومبروك ليه بالمسبق

Anonyme a dit…

قداش ضامر ها المخلوق قالو من الكتّاب ما خرجناش!
زعمة تعريب كلمة
(Key) board
(موش لوحة (مفاتيح
يضهرلي ضمارك
هو الآخر "تفريس" و"مساط

DIDON a dit…

يظهرلي وانو مفهوم التفاؤل عندك يعني
" شنقة مع الجماعة خلاعة" ولا زادة يعني
" خمسة وخميس علينا آش بينا الله الله"

Big Trap Boy a dit…

@ mra ghabia:

سامحني ما فهمتش حكاية الشنقة مع الجماعة، ياخي أنا قلت في السابق راني مشنوق؟ وشكون الجماعة إلي مشنوق معاهم؟ وآشكون نحنا إلّي خمسة وخميس علينا؟

سامحني المرّة الجاية ماعادش نتفائل هههه

Big Trap Boy a dit…

@ النمر المقنع:

شكرا على تعليقك ومرورك، حتى أنا انجم نتعايش معاك راهو ما تخافش هههه

شوف هاو فمّا واحد آخر ما ينجمش علق بعدك أحكي معاه هههه

KOBBA a dit…

أهلا بيغ، عندك ألحق مخيبها البلجسفار ملي جاها نوفل وهاكا 3 ملاهط..نسيت بش نقلك، هاكا عفن التاريخ ودمل وقمل يحبوا يقنعونا بسيف إلي هوما بنات ..هو مرة حمام نسا، مرة أنا وزوجي..وهاكا كلندو المغبون يتبع ريقتو سايلة فماشي ينتر وحيدة..شي يعمل العار وكهو

Anonyme a dit…

hello... hapi blogging... have a nice day! just visiting here....

Anonyme a dit…

kobbi.....فلوسكم وفات

Haykel a dit…

bienvenue

Hamadi a dit…

Bon retour et Félicitation pour l'heureux événement.

Nader a dit…

سامحني بتب نحب نفسر للملاهط ألي الكلمة ألي عاملين علاها جو متع حزب اديك هيا كلمة خايبة بالانجليزية ..ما نقصدوش بها حزب السردوك . ملا فضايح وملا أخلاق. كي تجي تشوف هذا النوع متع إسرادك يموتوا عليه..ههههه

Neodallo a dit…

aya welcome back a weld!!
ou damet el afra7 :P

Anonyme a dit…

Bon retour BTB

Neo

Anonyme a dit…

mella blada ya weld el 3yla

Big Trap Boy a dit…

أهلا أهلا بالدكتور نوفل

زارتنا البركة خويا

توة بالله موش عيب حتى إنتي كيف تسرق وتحترف في المقالات لجماعة حركة التجديد؟ يارسول الله حزيّب صغيّر ما سلمش منّك؟

آشنوّة ما عادش عندك مقتطفات من خطابات مأثورة حتى لين دوّرتها غورة؟ يا والله أحوال

KOBBA a dit…

مدونة البتب
قسم الإعلام و التوثيق
المتحدث الغير الرسمي

تعلن المدونة أن كل من سولت له نفسه بتعكير صفو صاحبها، يتعرض بصفة آلية إلى عملية تشهير و "كشفان دوسيات قدم"٠ و لعل أبرز مثال على ذلك كلندو و مؤخرا نونو٠ في انتظار نشر صور حصرية للمدعو تانيت داخل صالون حلاقة للرجال...و من أنذر فقد أعذر٠