mercredi, janvier 26, 2011

في الحصانة القضائيّة لسيدي مخلوع

عندي فقط ملاحظات تخص الفصل 41 من الدستور المتعلّق بالحصانة التي يتمتّع بها رئيس الجمهوريّة وإلّي برشة ناس قاعدين ينشروا فيه عن جهل وربّما عن سوء نيّة للتشكيك في مصداقيّة التتبعات القضائيّة إلّي تقوم بها الحكومة المؤقّتة ضدّه. ويقول الفصل المذكور في فقرته الثّانية:

" يتمتع رئيس الجمهورية اثناء ممارسة مهامه بحصانة قضائية، كما ينتفع بهذه الحصانة القضائية بعد انتهاء مباشرته لمهامه بالنسبة إلى الأفعال التي قام بها بمناسبة أدائه لمهامه "

الفصل هذا بالفلاّقي يخصّ الأعمال إلّي يقوم بها الرئيس في نطاق عمله كرئيس للدولة، يعني أن الأعمال إلّي ما تدخلش في نطاق ممارسة صلاحياته المهنية كرئيس دولة ماهيش خاضعة للحصانة.. يعني مثلا كيف يطلع في خطاب للشعب التونسي ويبدى يقول في الكلام البذيء (وهي فرضيّة كانت تنجّم تصير لو كان زاد عمل خطاب آخر بعد نهار 14) ما ينجّم حتى حدّ يشكي بيه بتهمة الإعتداء على الأخلاق الحميدة بما أنّها جريمة عملها في إطار ممارسة مهامّه، أمّا كيف يخرّج دوفيز بصفة غير قانونيّة باش يشري عقارات في الخارج ليه هو كشخص موش كرئيس دولة فهذا لا يدخل في ممارسة صلاحياته وهو بالتالي لا يتمتّع في شأنه بحصانة ولا بحصان ولا حتّى ببغل.. كما أنّ هذا الفصل إلّي جاء بيه تعديل الدستور عام 2002 ما عندوش مفعول رجعي، يعني كلّ الجرائم إلّي ينجّم يكون قام بها بن علي حتّى في إطار ممارسة صلاحيّاته كرئيس للدولة بين عام 87 وعام 2002 تبقى خارج مجال الحصانة.. كلّ هذا طبعا دون إعتبار أنّ القانون الدستوري الحالي باش يكون بالتّأكيد موضوع مراجعة وأنّه يمكن حتّى إهمال العمل ببعض فصوله نظرا للمرحلة الإنتقاليّة.. فالرجاء ما عادش تتعلّطو على حاجة ما تفهموهاش قبل ما تسئلوا أهل الذّكر أو على الأقل شكون يفهم خير منكم بشويّة، والسّلام عليكم ورحمة الله وبركاته.

16 commentaires:

Rafik a dit…

machkour, 3la khater ana t3atelett chwaya

yosr a dit…

salut ! fama barcha 3bed kifi ena sam3ou ta3li9 fi 5bar tunis 3ala hal mawdhou3 , c'était un avocat w 9al eli ben ali 3andou 7assana w fassrelna fassl mta3 dostour ! brabi ken hedha men ahl dhekr w fassrelna kima t9oul enti belghalet kifech t7ebna ahna nefhmouh s7i7 , hedha idha 7ssebna tafssirek lel fassl s7i7

Anonyme a dit…

يرحم دينك !!

Stupeur a dit…

Zidhom ya 3chiri!!!

Anonyme a dit…

où est Chiboub, Les MArbrouks, les Zarouks, ... dans les poursuites?????

Anonyme a dit…

ya weldi hedhi 7keyet flous ou devise mouch hedha elli 7achtou beha echeri3 ettounsi ! echere3 ettounsi y7eb yasma3 ittihemet fi 7a9 el becheriya, ittihemet fi 7a9 el twenssa wil chouhede2 elli metou fi al thaoura welli metou 9balha, ittihemet fi ta3dhib enness fil 7bousset ou fidde5iliya, ittihemet fil irheb dhid cha3b kemil ken 3ayech fi ro3b ou sekit, mouch tarf devise....

Anonyme a dit…

Merci pour l'explication.
Je souhaiterais rappeler que ce texte a été amendé lors du réferendum de 2001 ou 2002. Je ne me rapelle pas de l'année exactement mais bon c'était celui là où le OUI l'avait emporté très largeemnt.
Vu l'indifférence générale par rapport à la politique en ce temps là et jusqu'au 13 janvier 2011, personne n'a cherché à comprendre ce qui allait être modifié dans la Constitution sinon, je pense, personne n'aurait accepté qu'il y ait des individus dans notre société qui se seraient élevés au niveau de "sur-hommes", au dessus des lois.

Anonyme a dit…

bellehi madamek makch men ahl etheker matet3alatch 3la rou7ek zeda w tabda tfasrelna fi doustour ken 3andik article mar7bé ama enti bech tabda tfassrelna mech 7keya

#NobleCitoyen a dit…

باهي بش بزيد نثقفك في حاجة، إنتي يمكن ما سمعتش بالشهداء إلي ماتو قبل 14 جانفي، 100 شهيد في البلاد الكل، على حساب شكون باش يتقيدو؟ سرق فلوس سرق دوفيز، شيهمني فيه، أعطيني هو عطا أمر بإطلاق الرصاص، و هو كرئيس جمهورية، يعني بش تكون عندو حصانة، أكيد على خاطرو كي عطا الأمر باش يحافض على إستقرار البلاد، لذا شهداءنا ماتو فالفارغ.
فالرجاء ما عادش تتعلّطو على حاجة ما تفهموهاش قبل ما تسئلوا أهل الذّكر أو على الأقل شكون يفهم خير منكم بشويّة، والسّلام عليكم ورحمة الله وبركاته

Anonyme a dit…

merciiiiiiiii au moins 3abd yefhem!!!

natgeo a dit…

merci bcp hata ena jadet 3leya melloul

Big Trap Boy a dit…

@ NobleCitoyen:
القتل والتعذيب وغيرها من الجرائم ضد الإنسانيّة ما تنجّمش تعتبر من الأعمال المندرجة ضمن مهام رئيس الجمهوريّة.. هاذي جرائم حقّ عام ولا يمكن قبولها كأساليب لتسيير الدّولة.. الشهداء ما ماتوش في الفارغ لا سياسيا ولا أخلاقيا ولا قانونيّا يا هذا

#NobleCitoyen a dit…

كنت تنجم، تجبد عليهم حتى ماخذا فالخاطر يا كابتن جَوْ

Anonyme a dit…

mafhemet chay ama en meme temps manich bech ndakhel rouhi fi hkeyet manefhemhéch
jiji

Flen a dit…

ya3tik essahha ama fahhem el bhaiem el jaibinhom fi platouet ettalvza.

Flen a dit…

Ech kawlek fil el k3ab el yjiboufihom yanaliziou fil tellvza? surtout les avocats?