mardi, janvier 31, 2012

تــُونِـس، نـَحـنُ مـازلــنـا هـُنــا


الآن، وطالما بدأ ينقشع ضباب ما سمّي بالثورة، وبدات تظهر على مناضلي وأبطال وشرفاء الأمس في كلّ مرّة عورة، وبإعتبار أنّه تقريبا كلّ مرتزق شد تركينة وكلّ جيعان ضرب على قلبو لحمة سمينة، وما قعد كان المواطن إلّي ما عندو والي كيف البارح كيف اليوم عايش لتالي في غبينة والبلاد قزينة حزينة، كان لا بدّ من عودتي للساحة باش في كلّ مرّة نودّ جربوع بتدوينة، ونعرّي ترم بعض القطط السّمينة وحتّى الفئران بعابص الكبّار إلّي لعبوديّتها لأسيادها (القدم والجدد) بقيت أمينة وعَوَّضَتْ بِطَحينٍ طحينا. بحيث ما يبقى في الواد كان حجرو وإلّي ليهم ليهم وإلّي لينا لينا!

نحن بيغا العظيم، لسنا "روح هذا الشعب" كما يقول ذلك الرّجل الفاضل، وإنّما نحن من يقول لهذا الشّعب "روح"، نعود على بركة الله بعد أن إنتهت موضة "المدوّنين" و"صنّاع الثورة الإلكترونيّة"، وما عادش فمّا تقريبا ما يستوجب الطّمع لا في مؤتمرات دوليّة ولا في مدّان الوجوه في البرامج الحواريّة ولا في جوائز تقديريّة على مساهمات وهميّة في إنتفاضة فرشيشيّة تحوّلت بقدرة قادر إلى فتوحات إسلاميّة وكأنّنا كنّا في عهد الجاهليّة.

وكيف لا نعود؟ كيف لا نعود، بعد ما البلاد فرحت وفي بالها إرتاحت من ديكتاتورها المخلوع، ياخي لقات روحها خارج الموضوع، وأصبحت مرتعا لكلّ جربوع، وأعطيت فيها وزارة ومنصب، لكلّ مطرّد من المكتب، وكلّ متسلّق وصولي فشلم على النّاس وإستجعب؟ كيف لا نعود والإعلام إلّي في بالنا باش يولّي حرّ قعد كيما هو خُرْ-طُرْ، مرّة يطحّن ومرّة في نشيد النّضال والحريّة يلحّن وهو في الشلايك متاعو مازال يكرّ؟

طالما هذا هو الحال وهاذي هي التّشكيلة، وطالما الثقافة والإعلام مازالوا يعملوا في تعسيلة، وطالما فايسبوك تشلّك بفضل الصفحات المأجورة العميلة، فإنّها لازم ترجع للمدوّنات الأهميّة إلّي كانت عندها قبل سنوات بصفتها فضاء للثقافة والفكرة البديلة، وبصفتها عموما حريّة فرضناها على الأدمغة العليلة وعلى الخُمّاج ممّن يعشقون الوصاية ويدّعون الفضيلة، وخاصّة لأنّها تبقى لتطييح قدر لكلّ مستجعب عفّاط أفضل وسيلة.

وينكم يا الأقلام الحرّة؟ وفينك يلّي ما تحبّش لبلادك المضرّة؟ تعبتوا ولاّ خوّفوكم، ولاّ رضيتوا بالحشية إلّي حشاوهالكم عن حين غرّة؟ ولاّ بالكشي عجبتكم حكومتكم المستوردة من برّة؟ وينكم يلّي تبّعتوا الإيديولوجيا لين رصّاتلكم مرميّين على جنب كيف صحن اللوبيا ومنبوذين كيف الخمير الحمر في كمبوديا؟ وينكم يلّي زايدتوا علينا ولعبتو فيها أبطال حتّى لين كرّهتونا في المناضلين والنضال، باش في الآخر رصّات واحد جربوع في مجلسكم التأسيسي (إلّي خوّنتونا من أجله) يهدّد فيكم بتقطيع الأوصال؟ فينهم اليوم هاك إلّي كيف كنّا نقولوا من سنين راهي البلاد تواجه في خطر التعصّب الديني والتطرّف، قالو هاذي جوقة الإسلاموفوبيا تخرّف، وإبعد هكّا خلّيني أنا المناضل الإلكتروني الصنديد نتصرّف؟ فينكم اليوم يا عفّاطة يلّي مشيتوا سلاطة، هذا كان ما تحالفتوش مع مشروع حزب المدبيّة والهبّاطة باش تخلطوا على شطر طابع من طبليّة الشكلاطة؟

هيّا خريتوا فيه كيف سكّتوكم وردّوكم في بلادكم براينيّة؟ وسمّاوكم جماعة الميوعة والفرنكوفونيّة، وضحكوا عليكم بعمليّة تحيّل سمّاوها إنتخابات في كنف الشّفافيّة، وهي شطر الأصوات مشريّة والجوامع تعمل في الدعاية الحزبيّة؟ زعمة حاشمين ولاّ خايفين لا يقولوا عليكم ضدّ الشرعيّة؟ زعمة شختوا وتفرهدتوا بالحريّة ولاّ صدّقتوا أنّه إلّي صار يجي حتّى شبه ديمقراطيّة؟ نحن بيغا العظيم يا سيدي ضدّ الشرعيّة وضدّ مجلس الحارزات وما يدور داخله من حوارات خراويّة، وضدّ حكومة الترويكا وأحزاب الكاكاويّة إلّي باعت أصوات النّاس على خاطر حقائب وزاريّة لا عندهم ليها لا الكفاءة ولا البرامج ولا حتّى المظهر اللائق والحدّ الأدنى من المعايير الخلقيّة.. أنا ضدّ الشرعيّة متاع الحشوة العلنيّة، وضدّ الشّعب نفسه كيف يسيّب البهامة ويصوّت للهويّة ضدّ الحريّة، وضدّ الجبورة إلّي في بالهم الثورة تجي بالغورة وضدّ قحاب البورجوازيّة إلّي شعارها إنتي تمرمد وعلى ركايبك إمرد باش أنا نعيش في حريّة، وضدّ الشّباب المنيّك إلّي في بالو فاهم كل شي وهو في مخّو جرانة مشويّة، وضدّ الشيّاب إلّي ساقيهم في القبر وعينيهم على الإنتخابات التشريعيّة والرئاسيّة.. ضدّ زبور أمّكم الكلّ في إنتظار أنّكم تشدّولي من أعضائي التناسليّة، وأعلن بهذه المناسبة عن تعيين نفسي مدوّن عام مختصّ في الطّفارة العشوائيّة، بحيث إلّي باش نشدّو باش إنّيكو رئيسا وحكومة ومعارضةً وشعبا ومنظّمات مدنيّة، مع تركيز خاصّ علّي مازالو يحبّوا يصرفوا من أرصدتهم النّضاليّة، حتّى بعد ما دخلوا في الروج وكلاو راس المال والفوائض ورهنوا ترمهم عند المداينيّة!

نحن هنا.

49 commentaires:

Souhaib a dit…

Bravooooooooooooooooooo! 1+

Anonyme a dit…

وتخرى فيه، كيف عادتك :)

Big Trap Boy a dit…

@Anonyme:
كيف نخرى على أمثالك ونخليكم تجيو تسبّو كيف الهجاجل ديجا نبدى عامل بون كيف
:))

Stupeur a dit…

كيف العادة والعوايد، خويا البيڤا بعدك زايد.
ديما بالمرصاد للشلايك و تعرف طريقك بلا بلايك.
هاني معاك و لا يهمك، حتى طحان ما يسكرلك فمك
ما يقعد فالواد كان حجرو، هانا عدنا و فيه لينا تخرو

Anonyme a dit…

chapeau :)

Sami Ben Romdhane a dit…

Trappa, il est ou le bouton "J'aime" :-))

Anonyme a dit…

يعطيك الصحة على الكلام التي تكتب فيه، حتى هو وقيت أنو يرجع التدوين لأصحابو و إماليه. ماذا بينا أنو المدونين التاريخيين اللي معروفين يرجع يكتبو و ينحيولنا خمجة على قلوبنا. فما حاجة نحب نعرفها يا بيقا، سنوية موقفك من دعوة بجبوج و عودة على الساحة الفنية متاع السياسة؟ و ما تراش أنك تمثل ديناصور و عرصة صحيحة في التدوين بالرسمي بحيث يمكن لأي عاقل أن يرى في دعوتك وجه شبه معا دعوة البجبوج؟ و شكرًا...

tbib_3arbi a dit…

mar7A li roujou3 el blogging mar7a biga al3athim :D

Anonyme a dit…

wa7dek rabbek.fawdha

Anonyme a dit…

زيـن العابديـن بـن علـي
نيكهـم يـا بيغـا نيكهـم

Anonyme a dit…

cas critique,un truand qui pue,tt simplement.

Sosso a dit…

Yessss !!!

Anonyme a dit…

Très bien dit :)

Anonyme a dit…

نحن مع بيغا العظيم في حرب على كل مناضل طرطور باع ذمته على خاطر شوية ديكور... وكيف ما تم التطرق اليه من طرف المعلم بيغا يا معلم وليت مسال عند البنك الدولي للنضال والرجولية يعطيك والله ع*** ترية انت وصقلية حزب الحارزات والمدبية

Anonyme a dit…

نحن مع بيغا العظيم في حرب على كل مناضل طرطور باع ذمته على خاطر شوية ديكور... وكيف ما تم التطرق اليه من طرف المعلم بيغا يا معلم وليت مسال عند البنك الدولي للنضال والرجولية يعطيك والله ع*** ترية انت وصقلية حزب الحارزات والمدبية

Anonyme a dit…

نحن مع بيغا العظيم في حرب على كل مناضل طرطور باع ذمته على خاطر شوية ديكور... وكيف ما تم التطرق اليه من طرف المعلم بيغا يا معلم وليت مسال عند البنك الدولي للنضال والرجولية يعطيك والله ع*** ترية انت وصقلية حزب الحارزات والمدبية

baz2x1 a dit…

yesss!

Anonyme a dit…

فرهدتلي على قلبي يا بيقا ...اعطيهم ما تراتيش ...

Anonyme a dit…

Bravo !

Mon Massir a dit…

Marhaba.
Farhadtli 3la 9albi.

Coucou Sami et Stupeur. Comme au bon veiux temps!
:-))

ghozziwass a dit…

bravo big c'est vraie chef d'œuvre

Anonyme a dit…

XXXXXcellent !

los-pistoleros-de-Tunez a dit…

سلام مربع للمعلم بيغا !!! J'aime

Mathlouthi a dit…

أرجع للصحيح يا بيغا...قدّاش من تسخين البايت

Radiohix a dit…

كبير يا ابن الخضراء...هاو القصف العنيف لمعاقل الجرذان يا بو قلب!

YASMINA a dit…

Allah yarham weldik!! allah yarham weldik! Allah yarham weldik!! Et allah la trabhek ya ben jaafar!!

Morsi Chaari a dit…

عالمية !!! التوفيق بريك راهو غاير :)

Morsi Chaari a dit…

عالمية !!! التوفيق بريك راهو غاير :)

Anonyme a dit…

يا بيغا يا فنان نيكلهم أمهم بهل الألحان و طيشهم في ذاكرة النسيان !!!

Samy Adkins a dit…

Bravoooo

Anonyme a dit…

تدوينة ربروبة وفيها برشة مرارة الله يمرر النقب اللي هبطت هال الرهوط. دون يا معلم وربي معاك

Sonya a dit…

اخسارة ما نجّمش ننزل جام على الكومانتارات :))

Sami a dit…

Très bien dit

Sami a dit…

Très bien dit

Khalil a dit…

Le retour de l'immense Big Trap Boy !
La blogosphère est en train de se reconstituer w ma7la el ga3da 3al maya w ma7la errabi3 !
أدامك الله ذخراً للوطن والسلام علينا وعلى من إتبع الهدى

Anonyme a dit…

مع بعض التحفظات على بعض العبارات, أما بالحق بردتلي على قلبي

medmed a dit…

je commençais a désespérer de te voir revenir pour de bon

medmed a dit…

Bon retour,je commençais à désespérer!

Bilel Kammoun a dit…

yé nammi , ti rabbou cha3b mnaffa5 brabb lebhéma , ti tnayek wa7dek , lézem zabbour omm wé7ed ynekelhom coup d'etat béch ywarri rabbhom ethnya .... yéééééééé zebbbi , erri7a tnik fe ras men hal zokk omm hacha3b

Anonyme a dit…

بيغا ننتظر منك موقفا أو تحليلا لما تقوم به الجزيرة في هذه الآونة من مسرحية تحاول فيها إيهام الناس أنها توجه النّقد للنّهضة

Anonyme a dit…

اعطيه مازال يتنفس
بيغا يا غول

Anne Onime a dit…

مقامة عالكيف يا اكسترافاقانزاني. سجّع و هاني فيك نشجّع.

bara2a a dit…

ههههههههه والله ذكرتني بالمقامات متاع الهمذاني أما بصراحة طيحت عليه في الشكل و المضمون برافو وزيدنا من فنك يا مبنك

bara2a a dit…

ههههههههه والله ذكرتني بالمقامات متاع الهمذاني أما بصراحة طيحت عليه في الشكل و المضمون برافو وزيدنا من فنك يا مبنك

Anonyme a dit…

الى بيغا العظيم...
الرجاء الاستغناء عن كلمات "تفييييه" و "تفووووه" و الاستعاضة عنهما بكلمة "خمممم ثففف" لما فيها من جزيل البلغم و السلاااااااااام

Anonyme a dit…

يا بيغا الميبون هذا عامل حملة جوسسة على المدونين واولهم انت و مصير وجلنار. الى حد الان يخرى فيه لكن يبدو انو جمع معلومات وصور (ريت تصويرة ن.ك.ذ عندو) وقاعد ينسق مع جرذان السلفية الجهادية ويبعثلهم في الفيشات. ردو بالكم على رواحكم هاذم ناس حيوانات القاري فيهم عندو السيزيام والعنف عندهم رياضة
http://www.facebook.com/hafedhsleimi

ولد الرجال a dit…

كيف يجد الجد يرجع بيقا الأسد

Smart Smooth a dit…

Forza Biga, et ihna maak, nikomhom elkoll, s il fo tt refaire, on est la!

Räumung wien a dit…

اللهم ولى من يصلح