dimanche, février 26, 2012

حكومة تحقيق أهداف الثورة وإعادة رسكلة (وأسلمة) التجمّعيين، وهذا واحد من الأربعين

قامت حكومة "الجبالي إشارات" و"الترويكا" الحولة بترقية المدير العام المساعد المخلوع للصندوق الوطني للضمان الإجتماعي المدعو المنجي العايب وتسميته في خطّة مدير عام للموارد البشرية بوزارة التخطيط والتعاون الدولي وذلك وفق الأمر عدد 4843 لسنة 2011 مؤرخ في 10 ديسمبر 2011 والمنشور بالرائد الرسمي بتاريخ 6 جانفي 2012 (الصورة أسفله)..

للتذكير يا "حكومة الثورة"، ويا سي الجبالي إلّي تتّهم في المظاهرات إلّي تخرج ضدّك بأنّها مظاهرات متاع "ميليشيات بن علي"، ويلّي صحّحت بيديك الطّاهرة على أمر تسمية المنجي العايب إلّي بالطبيعة ماهوش تجمّعي وماهوش فاسد، فإنّ هذا الشخص كان في نفس الوقت (يعني بخلاف خطّته كمدير عام مساعد في صندوق التضامن الإجتماعي) أمين مال "جمعيّة بسمة" وطحّان كبير من طحّانة ليلى بن علي وسارق من البريمة، وهو ما خلّى أعوان الصندوق الوطني للضمان الإجتماعي بعد "الثورة" مباشرة (يوم 19 جانفي بالتحديد) يطرّدوه شرّ طردة ويحاوزو فيه بالمشطة وهو هارب كيف الجربوع في لافايات من المكتب متاعو حتّى لمقرّ الإذاعة في شارع الحريّة حيث إحتمى بدوريّة الجيش التي تحرسها (أنظر الفيديو أسفله)..


خلاصة القول أنّ حكومة الترويكا قاعدة تستجيب لمطالب الثورة تقريبا بنفس النسبة التي ساهمت بها المطربة فيروز في تطوير الرّقص الشرقي!! تفيييييييييه!!!!!!

7 commentaires:

radiohix a dit…

التجمّع هرب للسعوديّة، ناك عمرة و ربّى لحية ورجع لزبوبنا! يا خية المسعى!!

Haythem a dit…

هذا ما يتسمى شيء قدام المديرين اللي عينوهم في وسائل الإعلام العمومية.. البندير بوه كلب !

alopex a dit…

آه يا ولد!!! ذكرتني في أيام زمان! واحد من الأربعين كان تعليقي على التدوينة اللي فضحت فيه قمة طحين وسائل الإعلام في نعي أم الحجامة وقت توفات

Tounsi a dit…

بالله وبكل مودّة تثبتوا من الفيديوات قبل نشرها على صفحات الفايسبوك فالمنجي العايب إنسان وطنيّ غيور على بلاده والجرذان القردة الذين قاموا بطرده من مكتبه ظلما وبهتانا يعرفهم القاصي والداني بظلوعهم في قضايا فساد مالي ولو كان هذا الشخص مورطا في قضايا استيلاء على أموال عموميّة فالجرذان الذين قاموا بطرده وأكثرهم من العمال الناشطين بالشعبة المهنيّة للصندوق الوطني للضمان الاجتماعي بتعلّة الفساد فما عليهم إلا إثبات ذلك والحجة على من آدعى وتقديم القرائن لقاضى التحقيق لكنهم كانوا من أول من ركب صهوة حصان الثورة قبل أن تركبها جرذان السلفيّة الوهابيّة والثورجيين الجدد حثالة الحثالة

Big Trap Boy a dit…

@Tounsi:
المنجي العايب وطني وغيور؟ إي علاش لا، بالله كمّل فرد مرّة قول راهو ماهوش تجمّعي وما كانش أمين مال جمعية بسمة متع ليلى بن علي وزيد قوللنا كان ما تراش فيها عيب أنّه كان مناضل ومعارض للنظام البائد وبالأمارة هذاكة علاش حطّوه في الفريغو ههههه لا حول ولا قوة إلا بالله!!

Big Trap Boy a dit…

حتى جون ماكاين إلّي يعنّق فيه الجبالي وطني وغيور على حساب هذا

خبزة مان (Bread-man)‏ a dit…

والعرض مستمر !!