mardi, octobre 02, 2012

شكون إلّي ناك شكون؟



بمناسبة محاكمة الشابة المغتصبة اليوم بتهمة التجاهر بما ينافي الحياء، حبّيت نكتب حاجة نتجاهر فيها أنا بدوري بما ينافي الحياء، بما يتماشى مع الوضع في هالبلاد المومس ونهديها لشعبنا السمح العظيم إلّي هدالنا الحرية بنقطة فوق الحاء، فكانت هذه القصيدة تحت عنوان "شكون إلّي ناك شكون" لعلّها تلقى إعجابكم وتجد فيكم القارئ المكرّز على الوضع تماما كما أنا مكرّز:

شكون إلّي ناك شكون
يا شعب يا ميبون؟؟؟؟
شكون إلّي هزّ العصبة؟
إلّي شدّها البوليس، المغتصبة
ولاّ الميبون إلّي إعتصم في القصبة
ويحبّ على هالمجلس المحنون،
يغنّي على الرَّبيع ولد القحبة
وريحة ضبابطو تنقب الأوزون..
شكون إلّي ناك شكون
يا شعب يا ميبون؟؟؟؟

شكونو سبب الحشوة؟
بوليسنا إلّي يحب على النّشوة
تعطيه صرمك يسامحك في الرشوة
لا عاد يفهم أمن لا قانون،
ولاّ حكومة صوردي ما تسوى
لا فلح فيها جبالي لا زيتون؟
شكون إلّي ناك شكون
يا شعب يا ميبون؟؟؟؟

شكون إلّي دزّو فيكم؟
تحكوا على الثّورة وجدّ عليكم
مل صارت الجرذان تحكم فيكم
كليتو الخرى في حكّة المعجون
الأمم ضحكت كيف سمعت بيكم
رئيسكم المنصف المجنون
شكون إلّي ناك شكون
يا شعب يا ميبون؟؟؟؟

يا شعبنا يا حاوي
رئيسكم ينيك في الملاوي
لا جاء طبيب لا جاء حتّى فداوي
ولا جاء في سيرك السياسة كلون
هام قالو عندو قصر في القنطاوي
ويكذب يقول فقير عندي ديون
شكون إلّي ناك شكون
يا شعب يا ميبون؟؟؟؟

يا شعبنا يا جاحد
خلّي الحكومة تزيد تعملّك واحد
يحميك من الفتنة وعين الحاسد
وبالطّّحين تطلّع الڤرون
تزيدهم على ﭬـرونك في العهد البائد
ويوشّمولك زب بين العيون
وشكون إلّي ناك شكون
يا شعب يا ميبون؟؟؟؟

7 commentaires:

Adem Salhi a dit…

وحدك يا بيغا ههههههههههه

الكلندستينو تونيزينو a dit…

بمناسبة هذه القصيدة البنت قحبة و التي تثلج الصدر.. أضم صوتي إلى صوت التونسي المغبون المفلڨط على الطحان و الميبون اللي لا حب يحشم و بعصبة الحاكم و النياكة ممحون

perlo a dit…

عالمية برافوووووووووووو

Unknown a dit…

الي ناك والي تناك الزوز موبنة

ab a dit…

تكملة للقصيدة من وحي اللحظة و قد نجعلها الفية نهديها للحكومة في 23 اكتوبر

اشكون اللي ناك اشكون؟

يا شعب يا ميبون

يا شعب يا بوهالي
زيد هز العصبة من قدام و من تالي
بوليس العريض الميبون شايخ فيك
و انت مازلت تصفق للمعتمد و الوالي
محرزية القحبة بالكف تصرفق فيك
و انت تضحك و تقول هاو النيك
خلي الخوانجية يهزولك ساقيك
كيف ما هزوهملك الطرابلسية
و ما دام ترمتك تاكل فيك
دواك ما تلقاه كان في ماتراك البوليسية

عيش يا شعب يا طحان
ذليل بين الشعوب ما عندك شان
الشابي قالها من قديم زمان
لا ينفع فيك لا علم و لا بيان
ينفع معاك كان عصبة الحاكم
تهزها و انت على غيظك كاتم
بايات الترك كسرولك ظهرك
و بورقيبة بكرزة واحدة طيبلك دبرك
و بن علي ركب معاه انسابه و ركبك
و انت لا شبعت , و لا بريت من مرضك
هونم الشيوخ جابولك الفياقرا
و تو عاد باش يقطعولك صرمك
فقتش تو يا شعب يا ميبون ؟
و عرفتش اشكون ناك اشكون؟
..

ab a dit…


تكملة للقصيدة من وحي اللحظة و قد نجعلها الفية نهديها للحكومة في 23 اكتوبر

اشكون اللي ناك اشكون؟

يا شعب يا ميبون

يا شعب يا بوهالي
زيد هز العصبة من قدام و من تالي
بوليس العريض الميبون شايخ فيك
و انت مازلت تصفق للمعتمد و الوالي
محرزية القحبة بالكف تصرفق فيك
و انت تضحك و تقول هاو النيك
خلي الخوانجية يهزولك ساقيك
كيف ما هزوهملك الطرابلسية
و ما دام ترمتك تاكل فيك
دواك ما تلقاه كان في ماتراك البوليسية

عيش يا شعب يا طحان
ذليل بين الشعوب ما عندك شان
الشابي قالها من قديم زمان
لا ينفع فيك لا علم و لا بيان
ينفع معاك كان عصبة الحاكم
تهزها و انت على غيظك كاتم
بايات الترك كسرولك ظهرك
و بورقيبة بكرزة واحدة طيبلك دبرك
و بن علي ركب معاه انسابه و ركبك
و انت لا شبعت , و لا بريت من مرضك
هونم الشيوخ جابولك الفياقرا
و تو عاد باش يقطعولك صرمك
فقتش تو يا شعب يا ميبون ؟
و عرفتش اشكون ناك اشكون؟
..

Anonyme a dit…

c'est troppppppppppppp lâaaaaaaaaaaaaaaaaache de la part d'ab