mardi, février 10, 2009

ردّي حول "قضيّة" الماخور الخامس: اللي يسبّنا نسبّوه وإلّي عندو دبارة يديرها في عشاه

على سلامتكم،

رجّعتوني وما عيني باش نرجع، على الأقل في الفترة هاذي حتى لين يسهّل ربّي.

حبّيت فقط ناخذ بعض الدقائق باش نردّ على بعض ردود الفعل متاع بعض المدوّنين إلّي نحترمهم بدرجات متفاوتة في شأن حكاية إستعمالي لعبارات نابية في تعليقي على مدوّنة الفرفور الخامج ولا هي الطابور الخامس.

بالنسبة للّي ما تبّعش المسلسل من أوّلو هاذي مدوّنة عاملينها ثلاثة شلايك يقولوا أنّهم من الجنس اللطيف رغم أني نشك في الأمر بالنظر لغياب مسحة الأنوثة على كتاباتهم وإنبعاث روائح متاع كبش مصنّن من كلّ ما جادت وتجود به قريحتهم التاعبة، أخطانا من هذا باش ما نزيدش نمشي بعيد وبعض الظن إثم كيما يقولو

المدوّنة المذكورة هاذي طلعت في سياق حرب غزة باش "تقاوم" ما أسمته بالطابور الخامس وهو ما يتمثّل حتى الآن في عاشور الناجي على أساس أنه من المتآمرين على مستقبلنا، كاينّي الرهوط هاذي عندها مستقبل أساسا، وبنفس المناسبة عملولنا تصنيف متاع مدوّنات غبية وحمقاء ومدونات غبيّة وماهيش ذكيّة، تي حاسيلو أنا لطف بيا ربي جيت في صنف المدونات اللي تحارب الغباء بالغباء أنا وعم علي وهاك الغشير الزبراط وموش عارف آشكون آخر، يقول القايل جات باللطف.. بالطبيعة وفي ظروف عاديّة هذا إسمو سبّان وقلّة حياء، يعني كيف تقول لواحد عمرو ما جبدك بالعيب ولا حتى حكى معاك يا غبيّ ما تستنّاش منو باش يفرح بيك، هذا كيما قلت في ظروف عاديّة، ولكن في حالتنا هاذي، كيف تجي تشوف مستوى العباقرة إلي ينعتو فينا بالغباء، وتحسّ بالمجهود الكبير إلي قاعدين يعملوا فيه باش في الآخر يخرجوا بحاجة سخيفة من النوع هذا، وكيف يبدى المعني بالسبّان هو واحد سلعة قرع (بثلاث نقاط على القاف) كيفي أنا، هذا ما عادش إسمو قلّة حياء بل يقرب أكثر منه لوضعيّة الإنسان إلي يلوّج على آشكون يعاونو على عطيان طريحة لترمته، وفي الحالات هاذي كيما تعرفوا، خوكم ديما متطوّع ومادد يدّي للبركة

فما بعض الوخيان من المدونين هبّو لنصرة هالكمشة ملاهط (على خاطر أنا سمّيتهم ملاهط وهاذي هي الكلمة إلي تقلقوا منها برشة ناس) ولهنا لازمني نميّز بين إلّي جاء باش يقول كليمة خير وبين إلي الله اعلم لواش حبّ يمدّ المؤخّرة متاعو للذواقة، وهو ما دفعني للإجابة في التدوينة هاذي على خاطر فيما يخصّ كمشة الأوباش الأخرين كنت قلت من الأول أني أرفض الحوار معاهم على خاطرهم:

- أولا بداونا بالعيب وتسميع الكلام وهو من الناحية الأخلاقيّة يخليك تتعامل معاهم كيما أيّ فرخ صغير قبيح، يعني تعطيه شلبوق وتسبّلو والديه (وهي على فكرة طريقة أثبتت التجربة والعلم الحديث نجاعتها في تكوين النشأ)

- وثانيا على خاطرني بالحق نعتبرهم هوما وأمثالهم حثالة، يعني ناقصين قراية وخلطة وتاعبين فكريا وما عندي معاهم حتى أرضيّة متاع حوار، يعني بالمختصر بهايم، سبحان الله، هاذاكة حدّهم، أنا نتعب وهوما يتعبو وما نوصلو لشيء، ولا بالكشي بالسيف نتحاور معاهم ونقارع الحجّة بالحجّة؟ (على فكرة تعجبني العبارة هاذي خاصّة بعد ما ولاّت لاموضة على البلوغوسفير، أنا نسبّك وإنتي قارعني الحجّة بالحجّة بالسيف على والديك هههههه)، حاسيلو من الآخر سخافات لا معنى لها لا تسمن ولا تغني من جوع

الحقيقة متاع ربّي أنا ما كنتش من العاكسين وقمت معاهم بالواجب وأكثر، وكيما وصفوني أنا وبعض الأصدقاء بالغباء وصفتهم بأنّهم ملاهط، وفي الحقيقة يمكن ما كانش لازم نمشي معاهم لكلمة ملهط على خاطر عندي معرفة ببرشة ملاهط عزاز على قلبي وما نستغناش عليهم، يمكن زادة الأخت ولاّدة أساءت فهمي ومشى مخّها لأمور متاع طعن وتشكيك في الشرف وحذرتنا من الإنزلاق في تمييز بين نساء ورجال وكأنّها كلمة الملهط ما تنطبق كان على النساء ولهنا الأمانة العلميّة تحتّم عليا التأكيد على أنّ التملهيط هذا هو تملهيط فكري وأخلاقي تلقاه عند النساء والرجال، وكم من رجل تهزّو وتنفضو يا ولاّدة وتخرج من وسطو أكبر ملهط، وكم من ملهط بالمعنى إلّي فهمتو إنتي أفضل وأشرف من برشة رجال ولكنّهم لا يعلمون

موقفي بالمختصر يا جماعة هو أنّه إلي يسبّني نسبّو بأقبح مما ينجم يتصوّر، صحيح على مدوّنتي نحاول باش نتفادى الأمور هاذي بعدم نشر التعليقات إلي فيها سبان مجاني إلاّ القليل، وهو ما يعفيني من تضييع وقتي في الردّ عليها، ولكن كيف واحد يحلّ مدوّنة باش يسبّ فيها العباد بصفة مباشرة ما نراش علاش لازمني نمتنع على إستعمال السبّان كيف نعلّق عنده. هذا للتوضيح بالنسبة لبعض الوخيّان اللي عاتبوني على تعليقي عند كمشة التشش باش ما نقولش الملاهط متاع الماخور الخامس بما أنّها كلمة جرحت مشاعر البعض في البلوغوسفير (بالطبيعة هوما بيدهم إلي مشاعرهم ما تجرحتش بكلمة "القحب المريّش" وقتلّي تمّ تداولها في إطار يعجبهم أكثر شويّة.. على كلّ).

نرجع لهنا بين ظفرين لكلمة إستعملتها وحدة من مناضلات الطابور أو بالأحرى تيّار التخونيج "العلمي" الجديد ألا وهي كلمة "أحسن مدوّن تونسي" باش نوضّح حاجة يمكن تساهم في التخفيف من مشاعر الحساسيّة المفرطة للبعض. ما نعرفش فين ولا وقتاش واحد منكم سمعني قلت راني أنا أحسن مدوّن تونسي ولا حتى راني أحسن من أي مدوّن آخر تونسي ولا سبنيوري.. ياخي من وقتاش التدوين مجعول باش نعرفوا آشكون إلّي أحسن؟ وحتى كان هكا أنا نعتبر أنهم فما اليوم على الأقل مدونين جدد أحسن مني وأنشط منّي ومن غير ما نسمّي حتى حدّ.. صحيح ربحت هاك المسابقات متاع التفدليك أو البلوغ أواردز أما راهو مانيش مسؤول على العقد النفسيّة متاع زيد ولا عمر، الرازي أهوكا في منّوبة للّي يحبّ يداوي موش لهنا.. واضح؟

باهيييي، نحنا حكينا حكينا والخدمة وقفت وقفت، خلّيني نجاوب على بعض التعليقات إلّي ظهرتلي غريبة شويّة والله أعلم علاش، وخاصّة من عند كلاندو إلّي جاي متحمّس وينهى فيّا على "التشوليح" وهو ما خلاّني نسأل الله التوبة والهداية كيما هداه من بعد ضلال ومن بعد أن كان يجبد في أعراض زملائه المدوّنين على الهواء، ولعلّ عماد حبيب اللي إختفى من البلوغوسفير يكون مات بسكتة قلبيّة كنتيجة لتشوليح خونا الكلاندو إلّي طالب بتمكينه من ممارسة الجنس مع أمّيمته الحنينة وأخته الحبيبة... حاسيلو أبقاك الله يا حاج كلاندو قدوة لإخوانك في البلوغوسفير وإنشالله ربي يهديني وننسج على منوالك، ولكن في إنتظار ذلك التاريخ تنجّم إنتي زادة تعملو كشطة مع زميلاتك الثلاثة، ولو يا الكلاندو باقي نخاف عليك لا يطلعوا ثلاثة ذكورة ترصّيلك لا تربح لا في الدنيا ولا في الدين

ما نعرفش علاش يستغرب البعض أنّي نتعامل مع من لا أعتبرهم في المستوى متاع الحوار بهذه الدرجة من الإحتقار والإزدراء، خاصّة كيف هوما يجبدوني بالعيب، ياخي نسيتو رواحكم كيفاش تعاملتو مع الناس إلّي بينكم وبينهم خلاف فكري أو الناس إلّي ترفضوا الحوار معاهم؟ زعمة حلال علينا حرام عليكم؟؟؟؟؟؟

ملاحظة صغيرة قبل ما نختم وبما أنّ عبارات "الطابور الخامس" و"القحب المريّش" هاذي أول من إستعملها هو المدون قصة أونلاين، وتفاديا لكلّ سوء فهم، حبيت نأكّد أني ما عندي معاه حتى مشكل وعلى حد علمي حبيّبات وربّي يديم العشرة

هيا سيدي أفرق علينا الحضبة


60 commentaires:

Anonyme a dit…

pour la 1ère fois, je vois un BTB qui en a ras le bol wnadem 3al nhar il dawen fih awel marra. beh finalement belekchi hetheka bech 7achet-hom. ne t'abaisse pas à leur niveau et continue à poster 7atta mrira fil chhar, rana tawa7chnek

titof a dit…

برجوليه ليطيح بيك حبيب ههههه

Ignescence a dit…

Ton coup de gueule est largement justifié. On a beau à supporter la racaille de cette société qui use de l'insulte comme unique et plus fort argument pour riposter dans les espaces de libre expression. On est au tiers monde, avec des débats télévisés à mono sens, des unes de journaux qui sont communes, les opérateurs téléphoniques qui nous rappelle qu'on est "tous, sur la même ligne", ...etc. on n'a pas encore appris à accepter la différence des autres et à débattre.

WALLADA a dit…

نقلّك حاجة بصدق؟

حتّى في قمّة الموضوع الجادّ كي نقرالك ما نجّمش نشدّ روحي عالضّحك ههههههه

تعرفشي كيفاش ؟ برّا خويا دوّن ربّي معاك لا يقولو ولاد الرّبط بانديّة

و هاني نعاود نقولها هوني في مدوّنتك راني اتدخّلت بنيّة الاصلاح و حتّى حدّ ما ينجّم يزايد على صداقاتي سواء بيك أو بأزواو أو بأمين الكلّ أصدقائي و نحترم النّاس الكلّ


ملاحظة: راني موش أوّل مرّة و بصفة خاصّة نتدخّل في خصوص كلام بذئ ، سبق و كتبت تدوينة لمّا تعرّضت أرابيكا للإعتداء اللّفظي

Anonyme a dit…

Clando n'aurait pas du te critiquer! on attend sa reponse; peut etre c mieux ton repos sabbatique.
Imed H ainsi q ce Achour N n'ont jamais nuit a personne, ils sont juste des victimes!!!
2 poids 2 mesures!
3aber

tbib_3arbi a dit…

brabbi 3lech tnarvzounna fi el BTB ??
je suis bien d'accord avec Mr anonyme Ier qu'on sent pour la 1ere fois un ras le bol ds un des poste du BIG !!!!
mais c pas la 1ere fois qu'il donne zouz chlabe9 et une tournée de kchot pour les "hors la loi"
je vois qu'on est vraiment tous pret du mur aya esma3 esma3 ellatkha :s

Anonyme a dit…

mar7be bik ba3d toul modda.
wena je me suis dis pourkoi tu as enleve le clandestin de ta liste des blogs amis!!!

Anonyme a dit…

Pour les gens qui ne comprennent pas ce que veut dire un malhat masculin, voici une illustration: lorsque des blogueuses insultent les gens alors que personne ne prononcent un mot, ces mêmes personnes qui ont gardé le silence se disent choqués lorsque l'interessé riposte, et se précipitent ensemble pour lui faire une leçon de morale, ça s'appelle tmalhit fekri wa a5le9i.
Source blogotmalhit.

Anonyme a dit…

7amdellah 3lik trappa..hal ghiba
juste pour info t'es vraiment le meilleur blogger , au moins pour moi et je suis sur qu'il y en a plein d'autres elli ywaf9ouni..d'ailleurs ton blog est la seule raison elli wallit ntabe3 fi blogsphère ou tawa famma 300 copie de ton blog..
ema tab9a enti 3andek "riyada" ;)
Bon tor7 el 9offa rahou juste pour que terja3 tekteb (espérons que ça marche :)) ) sinon ndawarha saben balekchi ta3mel post ta7foun pour me répondre..

Gouverneur de Normalland a dit…

خويا البيغ

مش عوايدي ندخل في عرك الحوم
وسياسة المناصرة و التريبولات و التكريد مانيش من هواتها

أنت توة قاعد تبرر في أنك غلطت بحجة أن أهوكا الاخرين غلطوا


ولادة حكات على مستوى حضاري في التخاطب و بقطع النضر على مستويات الاخرين ...
يعني :
أنت (وهذا رأي شخصي) عملت كيف بعض القزورديين الي تقولوا شوف البلاد أمورها ما تعجبش يقلك تي قارن بلادنا بالتشاد تو تلقاها جنة

زيد حسب ما شفت ملام المدونين الي خلاو تعليق كان ملام متاع مودة و مش ملام متاع تجريح

أنت اعتمدت باش تقارع ههه...اعتمدت الرجوع الى تاريخ بعيد والنبش فيه يعني عملت كيف جماعة الطابور في ما يخص وضع عباد في قفص ما يمكنش يخرجوا منه

كي تجبد التاريخ و انا يضهرلي كيما تقول انت حكاية حولا أصلا أننا نرجوع اليها

لكن كيف الحكاية تجبدت, حبيت نقلك الي كلاندو بعد هاك التدوينة بعث رسائل اعتذار لعدة مدونين في مافيهم أنا يعتذر على الكلام البذئء في التدوينة المذكورة

شخصية البتب شخصية بلوغسفارية شعبية برشة و محبوبة برشة انشاء الله ما تخرجهاش عن اطارها

الكلنا غلطنا و نغلطوا و باش نغلطو ... و انستوا

Hnani a dit…

وووه شنية الحكاية؟ هيا هاك فرّغت قلبك، و ما تقصّش على التدوين، ربي يهدي
راني اشجّع فيك و في نفس الوقت انشجّع في روحي هههههه

musulman,laique et démocrate a dit…

والله شي يهبل في هاكا الشلّة ، توّا ميسالش كي تسب الملحدين الي مانيش منهم على فكرة، و تعمل جو على كلمة القحب المريش ومبعد تهبل كي تقرى كلمة ملهط..معناها لحكاية و ما فيها دوغمائية, خمم و حلل كيفي ماكانش انتي بهيم و تستاهل تتسب و تقلقني نسيب عليك لكلاب العربي متاعي، يعلموك الي السبان ما يجي كان مع تيار فكري معين ما كانش يتسما تشوليح...ملا نظرة للحرية.

cauchy a dit…

continue à poster BTB ne t'en fais pas ... c'est incroyable!!! à cause d'une hsitoire de dentifrice, il te classifie comme quelqu'un de stupide!!!lol....ce que j'appelle "el fikr el5wanji" d'un niveau intellectuel très bas...
Je reconnaîs que t'as le droit de les insulter comme elles l'ont fait...par contre je pense que t'es allé un peu fort avec le mot "mlahit"...peut être "msakrin " walla "5wanjia" serait mieux placé...
en tout cas, il faut beaucoup de courage et de volonté pour contrer ces énergumènes...
bonne chance trappa.

eddou3aji a dit…

هههههه تدوينة غولة أمّا ردّ بالك ع المنهجيّة باللّاهي ههههه

mra ghabia a dit…

بالفعل توحشناك
على الرغم وانني لست من هوات الكلام الزايد والسب وما نسب كان ربي (فقط لان سب الجلالة يعبر على قمة الغضب متاعي الكامن في تخلف العرب والمسلمين )
الا انو استعمالو بالطريقة الي تستفز الفكر وتخرجو من ظلماتو كيفما يعملوا برشا ادباء وكتاب هذا يتسما يا سيدي "ابداع" فواصل ابداعك وما يهمكشي في الي مستحيل باش يفهمك نهار من النهارات لانو هنالك "وقف حمار الشيخ" وعقولهم ما عادش تزيد خطوة القدام
واصل واصل
على فكرة انت أول مدون عرفتو وقريتلو وحببني في التدوين
باهي؟ وطز للي ما فهمشي

Houssem a dit…

Ça aura été mieux si tu aurais gardé le silence. C'est en fait ton niveau qui s'est tellement abaissé.

Presque tout le monde en a marre de toi.

nejibsmida a dit…

Bonjour BTB,
Je voulais juste te soutenir et t'encourager à continuer de combattre la bêtise dans Ratland
Merci

lina ben Mhenni a dit…

J ai attendu cette réponse depuis hier . je ne vois pas comment un bloggeur? une bloggeuse peut se permettre de classer les blogs , ni comment il se permet d insulter des gens qui ne lui ont jamais adresse la parole comme l ont fait ces filles? femmes?

Anonyme a dit…

3andna menha erradsa hethi fel fac, passé mta3 malhat wemba3d twalli din et wataneya w het men ha kellewi..5ater bnet el3ayla ess7a7 ma ya3rfouch el provocation, ta3ti rayeha w tet3adda men ghir ma tsebb 7atta 7ad,
Tawa walla 3achour enneji 3adow lel omma w bech y7atamelna mosta9balna ken ykammel yekteb, malla tfouri5..Ama el3ib elli 7atta 7ad men jme3et boudourou ma 9alelha na77i essaben mte3ek wemba3d tkalem..

Anonyme a dit…

tbarkalah 3lik, barcha tawado3 ,!!!!!!!!!!!ema en tt k sayes rou7ek,
haw bech nzid na3tik boutét el 3alem fil msata, zida lel profil mta3ek

آدم الصالحي a dit…

انا شخصيا مرامدي او عندي قدرة تحمل تخليني نهبط الى مستوايات خايبة باش نرد على واحد؛ اذا كان هو لوطة ياسر انا لازمني نهبطلو باش نحكي معاه على خاطر صعيب هو ينجم يطلع؛ معناه في لخر الواحد لازمو ايكون كيما مدنين عام في الوطني او عام في الشرفي
هههه
هيا وسّع بالك خويا بيغ تراب

Anonyme a dit…

BTB ces psychopathes sont malades et complexees! il ne faut jamais leur preter attention. bon courage et ne te laisse jamais faire par ces pouffiasses!

ضد لملاهط و كل الطحانة المتآمرين على نفخان كرار...نا a dit…

إنتي الغالط بيق...بالعربي الكمشة ملاهط عملوا اسم على ظهرك, ماركتينق ناجح, ولاو عندهم الطحانة متاعهم في جمعتين, كان بعثتهم ملول خير, ربي يهديك

hbib chagour a dit…

Salut

Tu n'aurais pas dû répondre BTB, mlahet qui veulent faire une "chouha".c'est assez fréquent quand même.
Mais ce qui est vraiment bizarre, c'est l'attitude de tes amis blogueurs, on dirait que ça leurs fait plaisir de te voir insulté.
Perso, tu me fais pas de la peine parce que je sais que tu as assez fréquenté les bars de la capitale :), donc tu connais bien la mentalité des "mlahat".Mais le plus triste c'est que "am ali" soit insulté comme ça sans que personne n'intervienne pour leurs dire que c'est immoral.Au contraire, on les glorifie maintenant.

L'ami a dit…

Bagla liik ya Trap
Tawa emdida ouinti toudhreb finnoum wel youm ki enta9et tetkallem 3ala 9ar3a..
Zid ounfoukh fihoum ou 3abberhoum wa3tihoum 9ader.
Inti ehtertet ya rajel wana en9oul el kouber allah lay jaziih :P
Aya el marra ejaya kan nawi tekteb fi samim el mawdhou3 ekteb. Sinon barra arrja3 niiiiiii.. ennoum khir ;)

Anonyme a dit…

Pour Big
Tu es entrain de payer le prix de ton suxcé. C'est la régle du jeu mon cher. Quant on devient un personnage public (ce qui le cas du personnage que tu as créer) on subit essabén min3and illi yiswa ouilli ma yiswach.

zabratfromgeneva a dit…

لازمها كان الروج و صاحبو هاذي بش يفضوها.....

انا مديدة و نبول عليهم على قاعدة....اصبروا عليا بركا

Anonyme a dit…

J’ai beaucoup hésité, avant de me décider à réagir à cet incident, qui a prit des énormes proportions. J’ai parcouru la plus part de ce qui a été dit, entre défendeurs des 2 thèses et ceux qui se sont éloigner du vrai sujet.
Il y a une seule réalité, c’est que, malheureusement, le net n’est que le reflet de notre société. On est plongé dans les slogans et les valeurs nobles, mais lors de l’application tout disparait. On parle de la liberté d’expression qui se traduit par émettre des jugements sur les autres et leurs façons de voir les choses. On défend l’objectivité, alors que tout ce qu’on dit n’est qu’un point de vu subjectif sur les choses. Il y a une chose que je m’exaspère c’est les gents qui regarde le monde d’en haut et se permettre d’émettre des jugements sur les autres, comme si ils ont atteint la vérité absolu.
Ceux qui parlent de l’insulte doivent comprendre que certaines idées sont plus insultantes que des gros mots. A ce niveau de la discutions on ne peut plus, contrer ça par des d’autres idées, comme ce slogan blizzard qu’on trône. On peut contrer une idée par une autre et non un jugement par une idée.
BTB, j’ai eu la même envie de toi de réagir de la même façon et je te comprends parfaitement, mais je trouve que tu t’es laissé prendre dans leur jeu malsain. Tu as fait d’elles des martyres de libre expression et de la démocratie. Je ne suis pas toujours d’accord avec toi, mais je ne pourrais jamais te dénigrer pour ce que tu pense. Je pense que c’est le principe même de la libre expression.
Une dernière chose, le fait qu’elles soient des filles ne peut pas les dispenser de leurs responsabilités par rapport à ce qu’elles écrivent. C’est le principe même de l’égalité. Ceux se sont porter à leurs secours, rien que par ce qu’elles sont des filles se gourent le doigt dans l’œil.

NEO

شعر إلى كل ملهط: رجل أو أنثى a dit…

يا ملاهط جوّكم معروف
شنعتوها و مازلتو ضيوف
لحقيقة نقولها بلا خوف
راو برزانة يتباع الصوف

عبر, اكتب,أشكون شدك
علاش فعْراض الناس تهتّك
ترصيلي انقلك يدك
انتي ولّي يكسب ودك


لمّع صورة النبيّ
ماكانش اتولي غبيّ
يسبك المرخوف و خوه النيّ
يردوك مالتربية ما تكسب شيْ


آش مجيب مدون لإسرائيل؟؟
يزي بلا لغة عميل
لكتيبة راهي فن نبيل
عملتو العيب مع الخيل و الليل


في تونس ما فمّش طابور
أما هاو تزادلنا ماخور
يشجعو بو العربي والمغرور
كلو شماتة في عاشور


لشّرفا انخلي وصيّة
موش هكة الديمقراطية
تسبني،نجاوبك،تغور عليّا
تضربني و تقوّد بيّا

Stupeur a dit…

kissebba ma 7attounich m3akom, mani zabrat, 3amil ou mol7ed :)

ena 3amel ta3sila hannharin, ou msayeb ettadwin!
ama dhaherli bech nerj3elhom en9att3elhom echwech mta3 nounethom :)
3andi modda ma 7arebtech el ghabe2 bel ghabe2

Anonyme a dit…

عمال تمشي وتوخر، كي بول الجمل.... كن سكرت هالبلوغ وحليت حماص خيرلك!!

khayati a dit…

Une belle réponse bien écrite comme dhabitude... Quel style et quelle élégance... Il faut t'énerver pour que tu sortes de tes gons... Dommage!

Anonyme a dit…

يا "تراب بوي" راهو الحق معاك "ما ينفع في الفم الأبخر كان السواك الحار" موش من عندي وصية جدود.. أنا الملاهط متاع الطابور الخامس ما عندي ما نقوللهم كان الله غالب فهمتوها موخر ما عادش الحاكم خصيمكم و لا الشيوعيين و اليسار عدوكم ما لقيتو كات اتدوروها ملحدين و ليبيراليين و بوشيين و أغبياء.
هكه ديما يصير لكل جماعة وفى وقتهم
و بالنسبة لدوركم في البلوغوسفار هيهات وفا وقتكم وبرك تياركم.. إنساء الله في غزوة جديدة وربي يعوض عليكم بإمارة في الجنة

Ghoul a dit…

إلي تجيبو ساقيه ، العصا ليه


(يمشي مؤنث زاده)

Anonyme a dit…

نحب نهني الطابور بالاكتشاف لعظيم متاعهم متاع تصنيف المدونات ، بالله لعظيم درت مدونات العالم الكل لا لقيت واحد عاملها الفازة، ابتكار عظيم واحد يطلع بيه قاضي من غير مايقرى٠٠٠
فهمت علاش كي نقرى كلمة جربوعستان مانتقلقش؟؟ خاتر نعرف مانيش مقصود، المقصود هوما الجرابع الي كيفكم يا ملاهط، قداش من واحد باش يقراه لبلوق كان ما سبيتوش لعباد؟؟ نهار كامل ونتوما تسرقوا ملأنترنات، ما لقيت حتى مقال فيه مجهود شخصي، ولغريبة ديمقراطيي آخر زمان الي يشجعو فيكم ، آه نسيت الحكم متاعكم طلع مزيان٠
الشعب هو الدكتاتور ..٠ صاحب قصيدة الملهط

Neodallo a dit…

L'anonyme NEO a tout explique.
Merci NEO.

Sami a dit…

si je résume bien l'histoire :
des nanas ont été insulté virtuellement via le protocole Http par Trap Boy que lui même a été traité de crétin par cette bande de nana, et que pour des raisons obscures d'autre blog n'ont pas pris la défense de trap boy.
Sachant que 99,99% de la population tunisienne ne connaissent ni le blog de trap boy ni celui des mlahet ni les autres blog tunisiens, et que le mot blog ne veut rien dire au peuple tunisien, je vois pas pourquoi vous prenez cette histoire aux sérieux.
le blog c'est fun, on lit pendant 2 minutes puis on oublie.

Anonyme a dit…

Merci à toi Neodallo.

Neo

Anonyme a dit…

je veu voir le blog mta3 lemlahét, fammech may noub 3lya rabbi wrakka7 wa7da... que qulqu'un me fil un lien svp!!

Anonyme a dit…

bel3arbi clando taye7 manque, efhmou chwaya ezza7.

malla asemi 7arfa a dit…

بربي شنوّا تستنّا من واحد إسمو : تانيت عبق الثاريخ؟؟؟ ماو يا ملهط ،يا واحد يرحم عمي يحب يتكومك

Anonyme a dit…

Je veux juste demander, par le biais de ce blog, à ces 3 "spice di conasse" (même si j’ai un grand doute sur leur féminité…) de permettre les commentaires en Anonyme sur leur Blog. Nous aussi, qui n’avons pas de compte, voulons exprimer notre point de vue…

Anonyme a dit…

Juste une simple demande : Peux-tu publier tes diplômes sur le blog ? Ils disent que tu n’en possède aucun. Ne t’énerve pas Essaraha raha. Parce que s'ils disent la réalité, la vision devient de plus en plus claire

أودن a dit…

معنها انت يا بيغ تخدم في مصالح العدو من الداخل ومروج سياسات تخديرية
شكونو هال العدو!!! وشكون اعطاهم الحق باش يصنفوك !!!! ولا يضربو في وطنية
اي شخس ...
انا لست ضد تلك المدونة مع ان توجهاتي مغايرة تماما و لست مع لغة السب و الشتم
من الطرفين
اقرا لبيغ منذ مدة ومع اني لا اشاركه العديد من الافكار الا اني احترم مدونته
ولا اريده ان يسقط في هاوية الانحطاط اللغوي
استغرب مساندة الجميع لك في مقالة سب و شتم
اذا اخطا بيغ فما نفع القراء اذا لم ينتقدونه نقدا بناء
واصل بيغ فلم يعد لنا مكان لايدلوجية المؤامرة في تونس
في لمان

nabil a dit…

ياخي مافهمتوش سياسة لملاهط؟؟
ساهلة برشا، عملو زوز مجموعات ، وحدة فيها المسلمين المعتدلين مع الخوانجية مع المناصرين لحماس الي مايتمنيكوش عالدين٠٠٠من جهة لخرى، حطت العلمانيين و الملحدين في مجموعة أخرى و نعتتهم بالغباء، و هو كي تجي تشوف برشا عباد أصحاب ووخيان رغم الإختلافات وهنا يدخل دور الملاهط، قامو يمجدو في المجموعة لولى و يذمو في الأخرى، وولاو لولانين يحسو في رواحهم مجبورين باش يدافعو علملاهط، و كمل زادا تذكرو الي هوما مختلفين في الراي مع لخرين و شاخو على فازة المدونات الغبية و صدقوها، معناها لملاهط فرقو مابين لوخيان و كرسو عقلية نبذ الآخر و إطلاق الأحكام النهاءية، وولات المجموعات فما منها بالرسمي ولعباد المتربين ولاو يطيحو في قدر بعضهم، و في الدنيا ولا في مدونة، الملهط تقعد ملهط تدخل و تفزد علاقات عندها سنين٠٠٠

Anonyme a dit…

اش نوا هل حكاية ..الماخور الخامس و الكلام المرزي
اكتب . عبر. انقد. في لغة يقرؤها الجميع( الاب و ابنه و الاخ و اخته )
افكارك صائبة و مواضيعك شيقة
تلوثها بما لا يتناسب لا مع المقال و لا مع المقام
ارجوووووووك
و شكرا

mandela a dit…

ct meme pas la peine de repondre a c fils de pu...en+ tu ten fou des reactions na3rfek zele3 wejhek 3a deux face

Anonyme a dit…

cette fois ci ce n'est pas à toi btb que je m'adresse mais à l'un de tes sois disant fans.celui qui se cache derrière un pseudonyme"mandela"et qui se permet de salir ton blog de ses diarrhées.S'il croit ainsi intimider ou impressionner il se trompe.(réaction primitive!!)
je voudrais juste lui dire qu'il doit retourner à l'école et apprendre à écrire et lui offrir par la même occasion quelque chose qui me rappelle son genre:
"CE QUE TU ES PARLE TRES FORT QUE JE N ENTENDS PAS CE QUE TU DIS" fin

mandela a dit…

@last anonyme
relax tapette

soulef a dit…

Bonjour BTB,je ne comprends rien...je ne suis plus sur ta liste mais sur tnblogs alors que je n'ai rien demandé et je ne reçois plus tes billets !

Anonyme a dit…

bien dit mandela hhhhhhhh

ferociousbird a dit…

لبابا ب.ت.ب "فصالة البلوغسفير"
نفهم منك بلي انتي مستواك اعلا من هاكا من جيها اخرا "تهابط"من مستواك و ترد عالسبة بلي اوطة منها.....
سؤال كان جية مل "صديقة و شقيقة شيكون سار من هذا كلو؟؟؟؟

soulef a dit…

tu ne prends même pas la peine de me repondre ,ce n'est pas grave ,t'es libre aprés-tout , je n'aurai pas aller jusqu'à te poser la question...
Je me posais la question parce que je ne comprenais pas , j'appréciais beaucoup tes écrits.
Je te souhaite bonne route...tu aurais pu me repondre au moins par courtoisie .

Anonyme a dit…

يا أدم الصالحي يا فرخ يا واطي ما ذا بيك كي تبدا تتضومر ما تجبد لا أشخاص ولا جهات ولا مدن ما عندها حتى علاقة بالموضوع اللي تحكى فيه.
وأذا تحب تاخو مثال خمم شوي وخوذ مثال قريب ليك يعني مسقط ترمتك على خاطر عندك ترمة فوق أكتافك.
يا بتب كان باش تصنصرني ما ذا بي تنحيلو التعليق متاعو والا تبعثلو اشكون يقولو ينقص مالتفركيح.

slumboy M a dit…

اضرب ليه مازال يتنفس

slumboy M a dit…

اضرب ليه مازال يتنفس

Anonyme a dit…

Desole pour la publicite, mais voila un site pour la musique tunisienne et arabe :
http://www.al-fann.com/

ONE a dit…

Il y a un article très intéressant que j'ai voulu partager avec vous.
ma yod5elech fi nita9 al 7arb 3ala el mlahet fikriyan, lakennou da5el fi nita9 al 7arb contre el bhama.
el article heva ketbou "Al Farabi" ew estanad fih 3ala تقرير التنمية البشرية لعام 2003 dans les statistiques données.
y9oul el 9ayel 3lech tfakartou tawa; 3ala 5ater essayed heva yatra7 sou2el wajih fel le7er wahwa : " هل تحتاج هذه الشعوب حقاً إلى مؤامرة لتكون متخلفة ؟ "

voici l'aricle :

بعد ان رجا صاحب الأمر في المنتدى أعضاء وزائري المنتدى مليوني مرة أن إقرأوا يرحمكم الله ، ولم يترك لهجة في الخطاب إلا واعتمدها ، بما في ذلك التهديد والوعيد بإغلاق المنتدى وإجتثاثه من جذوره ، إلا أنّ صوته ظلّ صارخاً في البرية ولا حياة لمن تنادي . وبعد أن أدرجنا مرّة احصائية أنّ العالم العربي يقرأ بمعدّل ست دقائق للفرد في السنة ، وبعد أن بات هذا الموضوع وبأ العصر لدى العرب ، وجدت ان أفتح من على منبر المنتدى هذا الموضوع وأسوق معلومات عن فضيحة القراءة في العالم العربي ، عسى ان يكون فيها عبرة لمن اعتبر :


فضيحة القراءة في العالم العربي

تكشف أحدث الاحصاءات أنّ الأوربي يقرأ بمعدل 35 كتاباً في السنة ، والإسرائيلي 40 كتاباً في السنة ، أما العربي فإنّ 80 شخصاً يقرأون كتاباً واحداً في السنة .
ولو كانت هذه الإحصائية صحيحة ، لكنا بخير ، لأن الأرقام التي تصدر عن دور النشر تشير إلى واقع أسوأ من ذلك بكثير . فحسب إحصائية اليونسكو فإن الدول العربية مجتمعة أنتجت 6.500 كتاب عام 1991، بالمقارنة مع 102.000 كتاب في أمريكا الشمالية، و42.000 كتاب في أمريكا اللاتينية والكاريبي (تقرير التنمية البشرية لعام 2003، النسخة الإنجليزية، ص 77).
وإذا كانت بيانات اتجاهات القراءة غير متوفرة في العالم العربي لغياب الإحصائيات الدقيقة ، فإن الكتب الأكثر مبيعاً حسب معرض القاهرة الدولي للكتاب هي الكتب الدينية ، تليها الكتب المصنفة بأنها تعليمية ( ص 78). ومن خلال متابعة أخبار معارض الكتاب في الدول العربية، فإن ترتيب الكتب الأكثر مبيعاً هي التالي: الكتب الدينية وكتب الطبخ وكتب الأبراج !!! وفي هذا المعطى مادة أخرى لإعادة النظر في الاحصائيات من جديد أخذاً بعين الاعتبار فحوى القراءات بمعزل عن عددها .

الترجمة :
وعندما نعود إلى التقرير المذكور، فإن المعطيات التي يوردها حول الترجمة إلى اللغة العربية تبين بأن الدول العربية ككل هي أدنى القائمة ، إذْ أورد التقرير إن اليابان تترجم حوالي 30 مليون صفحة سنوياً ؛ في حين أنّ ما يُترجم سنوياً في العالم العربي ، هو حوالي خُمس ما يترجم في اليونان. والحصيلة الكلية لما ترجم إلى العربية منذ عصر المأمون إلى العصر الحالي 10.000 كتاب ؛ وهي تساوي حصيلة ما تترجمه أسبانيا في سنة واحدة ( ص 67).
وتبين مقارنة أعداد الكتب المترجمة إلى اللغة العربية مع لغات أخرى سِعةَ الهوة بين العالم والعربي بمجمله وبين أية دولة في العالم ، ففي النصف الأول من ثمانينات القرن العشرين ، كان متوسط الكتب المترجمة لكل مليون ، على مدى خمس سنوات هو 4.4 كتاب (أقل من كتاب لكل مليون عربي في السنة) بينما في هنغاريا كان الرقم 519 ، وفي أسبانيا 920.
إضافة الى ذلك ، فحتى المقارنة العددية بين العناوين لا توضح بشكل كافٍ مدى بؤس الثقافة في العالم العربي، فعدد النسخ المطبوعة للعنوان هي ألف نسخة ، وفي حالات خاصة ، وعندما يكون المؤلف ذائع الصيت، فقد يبلغ عدد النسخ رقم 5.000؛ وبالتالي، فإن المقارنة لا تكون صحيحة على أساس عدد العناوين التي تصدر بالعربية ، طالما طبعة الكتاب في الغرب تتجاوز الخمسين ألف نسخة . ولهذا فنسبة كتاب واحد لكل ثمانين عربياً رقم يتجاوز الواقع ، ونجد أنفسنا مرغمين على قبول ما جاء في المعطى التالي : إن كل 300 ألف عربي يقرءون كتاباً واحداً، ونصيب كل مليون عربي هو 30 كتاباً.

ظلام الجهل الذي يعم العالم العربي لا يشمل ميدان عالم الكتاب تأليفاً وترجمةً وقراءةً فحسب ، بل يشمل حتى القدرة على القراءة والكتابة ، ففي الوقت الذي صار فيه تعلم اللغات الأجنبية واتقان التعامل مع الحواسيب معياراً جديــداً للتعليم ، فإن عدد الأميين في العالــم العربي ، وحسب ما صدر عن اليونسكو يبلغ (60) مليون من أصل (300) مليون . وقد لاحظ هذا الإعلان عن الأمية في العالم العربي أن التعليم الأساسي يحتاج إلى ست مليارات دولار سنوياً ، وهذا رقم صغير بالمقارنة مع 1.100 مليار تذهب إلى الإنفاق العسكري، و300 مليار إلى الإعلانات، و500 مليار ينفقها العرب على التبغ كل عامٍ.
والسؤال الذي ينتظر الإجابة :
هذه الشعوب التي لا تقرأ ـ وحتى لا تعرف القراءة ـ هل تستحق فعلاً أن تحلم بأن يكون لها دور في المستقبل بينما لم تبلغ سنّ الطفولة الحضارية بعد ؟ هل تحتاج هذه الشعوب حقاً إلى مؤامرة لتكون متخلفة ؟

عسى ان يقرأ هذه المعطيات أحد .....

excuse moi BTB d'avoir posté tt l'article, si tu veux supprime le et je posterai juste le lien.

voici le lien de la source :
http://www.zamanalwasl.net/forums/showthread.php?t=4298

cauchy a dit…

5ouya btb, finalement je m'aperçois que t'as raison...tu fais face à des "mlahit" qui se sont convertirs au "5wanjisme"....elles comparent Bourguiba à Khadafi et doutent de la justesse de la politque du planning familial lolllllllllllll
7assilou alla lé ye3tina ma yighlibna

Anonyme a dit…

ya btb koul elli thib 3lih we hetha min ha9i9 li annik insan ama billehi have sense when u talk we ma touskhounshi barsha waktilli el wehid youshkrik rak insan n3adiyou bih wkayit wakahawa a ya ounshour ya mte3 houriyit etta3bir....