vendredi, septembre 25, 2009

في عالم... كلّو ستراس



في عالم كلّو ستراس
نحبّ نروّح لداري لاباس
نحبّ كي نمشي في الكيّاس
الماء ما يهزّنيش لبعيد لبعيييد لبعيد

في عالم كلّو أمبوتاياج
نحبّو نديرو لي باراج
في برشلونة والباساج
والماء ما يهزّناش لبعيييييد لبعيييد لبعيد

في عالم كلّو نفخان
نحبّ ما نعيشش كي الطحّان
وحتى كان مانيش فرحان
الماء ما يهزنيش لبعييد لبعيييد لبعيييد

في عالم كلّو شعارات
نحبّو بزايد روقارات
وأخطاونا من القرارات
رانا مازلنا بعيييييييد بعيييد بعيييد


في عالم كلّو بوليتيك
نحبّو جعبة ميتاليك
تلمّ الخرى من الريبوبليك
وتصبّو بعييييييد بعييييد بعييييد



في عالم كلّو تكريز
نحب على الأقل شويّة دوفيز
نعبّيهم في لي فاليز
ونهرب لبعيييد لبعيييد لبعييد

7 commentaires:

Bent Tounes a dit…

" في عالم كلّو بوليتيك
نحبّو جعبة ميتاليك
تلمّ الخرى من الريبوبليك
وتصبّو بعييييييد بعييييد بعيييي "
Ech5as!!!!!

Dovitch a dit…

في عالم كلّو تبندير
نحبّ نعمل كعبات باردين
معا شوية أصحاب شايخين
يهزوني لبعيد لبعيييد لبعيد

Stupeur a dit…

الكلو من القهوة متع البارح ولى من هاك النذل متع رون بوان بارك المكشخة

في عالم كلو الكلو تجوبير
ماذا بيه الواحد يسكت خير
ماناش ناقصين تحندير
لا يتشال و يهزوه لبعيييييد لبعيييد لبعيد

Khanouff a dit…

Bravo :))
http://tnkhanouff.hautetfort.com/

Free.art a dit…

في عالم كلّو تزرزيق
ما صاب إنّقْصو مِالتنوفيق
ونحّو شويّا نعيق
ولّا نزيدو فيه لبعيد لبعييد لبعيد

في عالم هزّان ونفضان
في شعبان ولّا رمضان
تسكت ولّا تتهان
ولّا روّح لبعيد لبعييد لبعيد

في عالم علينا مِش عليك
فدّينا مِل البوليتيك
واهلكنا رزق البيليك
والفرج بعيد بعييد بعيد

extra plat a dit…

في اعلام كلو بلادة
اصبحنا اصحاب الريادة
في الاذاعة والتلفزة زادة
ونبعتهم لبعيد لبعيييييد

Rek a dit…

في عالم كلو تنوفيق
نحبّو إنّقصو من الـرّيق
وإلّي يحلّ فمّو نبعثوه للتّوفيق
ولاّ ننفيوه لبعييييد لبعييد لبعيد

في عـالم كـلّو فيـس
بانليو و منارات ومنزه سيس
فروخ غلّبو علينا تفوريخ وتفرنيس
والبلاد موخّرة لبعييد لبعيييد لبعيد

أنّستو
جاب ربّي جيت بعيييد بعيييد بعيد