vendredi, mai 07, 2010

من أجل عودة خبز غنّاي لمواجهة البيتزا الماسونيّة المتصهينة

من منّا لا يعرف خبز غنّاي، ذلك الخبز الذي يجمع بين الطّعام الأصيل وفنّ الغناء، من منّا لا يشتاق لرغيف ساخن مازال كيف خرج من الطّاجين، رمز الأصالة والحداثة والعروبة والإسلام؟ لماذا إذن تركنا هذا الطّعام الشّريف وإتّجهنا نحو أشكال دخيلة من الخبز القادم إلينا من الغرب الكافر؟ لماذا أصبحنا نعشق البيتزا، تلك الوجبة الماسونيّة المتصهينة ونترك خبزنا الأصيل الذي ساهم في تقدّمنا ورقيّنا خلال عصورنا الذهبيّة؟

أختااااااااه، أين أنت من الطّابونة وخبر طاجين؟ أين أنت من التّشمير على ذراعاتك والإنغماس في العجن؟ لماذا تتركين العجن وتتشبّثين بالتّمعجين؟ أين أنت من الخبز العربي؟ أين أنت منه؟

وأنت أخي، ألم يحن الوقت لكي تتحرّك وتقاطع خبز الباﭬـات والطّليان والبانيني والمبسّس؟ إلى متى نترك البيتزا الماسونيّة تسيطر على وجبات أبنائنا؟ إلى متى؟

لقد وجب علينا جميعا أن ننادي بسقوط البيتزا الماسونيّة المتصهينة وبالعودة إلى خبز غنّاي العربي الإسلامي، وبهذه المناسبة أدعوكم إلى مساعدتي في إيجاد ملحّن ومطرب متعطّشين للخبز العربي الإسلامي لكي نقوم بتلحين هذه الأغنية ونعتمدها كنشيد رسمي يتغنّى به كلّ مقاومي الخبز الماسوني:

خبزك ماسوني جرّالي دمعة من عيوني،

ورغيفك صهيوني معجون بيدّ الشّاروني

خبزك ماسوني يا حليلي خبزك ماسوني...

نبكي على خبيزة غَنّاية بنينة وعزيزة،

ونلعن في البيزا الطليانة بالبابروني

خبزك ماسوني يا حليلي خبزك ماسوني

خبزك وعجينو خلّى المعدة تولّي فينو

معاه مقارينو في كرشي زادو نفخوني

خبزك ماسوني يا حليلي خبزك ماسوني...

خبيزة العزوزة يا حسرة كيف كانت مخبوزة

أحلى من البوزة وأعذب من اللحن السمفوني

خبزك ماسوني يا حليلي خبزك ماسوني...

خبزة الـﭭـورّة ما تنفع وتزيد مضرّة

والخبزة مرّة وبنادم يعمل في الدّوني

خبزك ماسوني يا حليلي خبزك ماسوني...

12 commentaires:

m0ntassar a dit…

حسرة على أيامك يا حمة كيف كنت إتدون يا را
إلي تجري شهر إتلمه شطير تدوينة ما جا
تعدي أيامك تستنى في فرصة تلقاش خبر
يهبط منا تبوستي منا وتعليقاتك طوالي صفر

ههههه الله يهلكوا عمار

تحياتي على ما ياتي

WALLADA a dit…

الله يتولاّك ما أطلعك في الطلالع

ضحّكتني و ما عيني في ضحك

Hamadi a dit…

ملا شُعَراء
خبز الغناي متاع فن و اصالة

oussama kebir a dit…

لقد نسيت الفنكوش في الحكاية

Youssef a dit…

looooool GG

Anonyme a dit…

kom dab....
N'importe toi...
pa bizzare ke il jlam mta3 3ammar 404 nzill 3lik :))
Franchement je suis contre la censure, mé pour ce blog j'applaudie 3ammar pour son acte:)))

Big Trap Boy a dit…

@ anonyme:

صدّقني أنا بيدي كنت فرحان بالصنصرة متاع البلوغ خاطر في بالي ماعادش باش يجي واحد من الناس إلّي يكتبو
j'applaudiE à la fin E
ياخي هاك خيّبت ضنّي

باهي سيدي خويا هاو أعمل طلّة هنا ووسّع بالك خلّي نربح فيك أجر على الأقل
http://www.ortholud.com/conjugaison/v2/applaudir.php

Yahya a dit…

bizarre!! article non censurer dhaherli 3jeb 3ammar :D

Big Trap Boy a dit…

@ yahia:

si si, il est bien censuré mais on peut toujours accéder au blog en ajoutant www. à l'adresse de la page, c'est valable pour tout le blog et tout les posts

Fakroun a dit…

Pour anonyme alias ta7an 3amar
http://www.decitre.fr/gi/01/9782876916401FS.gif

ama elli 7ayarni c'est le "n'importe toi" faute de frape ??
wrass oumou hal jabri laa kana azerty walla querty el K wel T b3ad.

Anonyme a dit…

big,
walahi dahaktni!!!!
hhhhhhh

Anonyme a dit…

@Anonyme,

je suis un ardent defenseur de la liberte d'expression, mais des fois je me dis quand meme :
Quand on n’a rien à dire, on ferme sa gueule