mardi, mai 06, 2008

إلعب مع البلوغوسفير: آش تحبّ تكون؟

إستجابة لدعوة كلّ من أربّيكا والبوهالي، باش نشارك في اللعبة إلّي طلع بيها أزواو سومنديل أوراغ، والله يهديهم في هالوحلة إلّي وحّلونا فيها عالصباح.

اللعبة تتمثّل في أنّي نقول آش نحبّ نكون كان جيت مانيش كيما أنا، يعني كان موش هكّا زعمة كيفاش. والفكرة هاذي باهية كيف الواحد يتوسّع فيها ويطبّقها على برشة حاجات، مثلا كان جاء بوك سليم شيبوب زعمة تطلع كيفاش؟ وكان جاء الإسلام نزل في بلاد كيما السويد أو اليابان زعمة المسلمين اليوم يكونو كيفاش؟ وكان جاء القذافي يحكم في أمريكيا في 11 سبتمبر 2001 زعمة العالم اليوم يكون كيفاش؟ حاسيلو، آش علينا في الكيفاش متاع الناس وخلّينا لاهين في الكيفاش متاعنا.

قاللك يا سيدي العبد لله كان جيت شجرة آش تكون؟ نتصوّر نكون شجرة جوز الهند على شطّ في بورتو ريكو (موش باش نكحّل حتّى طرف هههه)

باهي وكان جيت أكلة؟ نتصوّر نكون عبّود بسيسة، على خاطر ما نتعدّاش بسهولة في القرجومة.

وكان جيت زهرة؟ فلّة، ريحة الفل تعجبني برشة.

وكان جيت قرية أو دشرة أو حارة أو أيّ مكان؟ الرديّف، على خاطر نوسّع بالي برشة أما كيف نعمل البورديل نعملو على قاعدة.

وكان جيت قصيدة؟ نكون معلّقة عنترة العبسي إلّي يقول فيها

"حكم سيوفك في رقاب العذل وإذا نزلت بدار ذلٍ فارحل

وإذا بليت بظالم كن ظالماً وإذا لقيت ذوي الجهالة فاجهل"

وإذا كنت شخصيّة تاريخيّة؟ نكون غاليليو، إلّي قاللهم في القرن السابع عشر راهي الأرض مدوّرة وأحمد حمزة مازال ماهوش مصدّقو حتى لسبعينيّات القرن العشرين ويغنّي في "قالوا هالأرض مدوّرة، وقالوا في البحر مصوّرة" هههه

وإذا كنت شخصيّة خرافيّة؟ نتصوّر نكون "دزوس"، ربّ الربوبة عند الإغريق، على خاطر هكّاكة يبدى عندي برشة معارف وإنّجّم نقضي شوني بسهولة

وإذا كنت شخصيّة قصصيّة؟ نكون "تايلر دوردن" من رواية "فايت كلوب" متاع "تشوك بالانيوك" (إسم راهو موش كلام زايد هههه) إلّي عملوا منها الفيلم اللي يحمل نفس الإسم.

وإذا كنت حيوان؟ (بارك الله فيكم) نكون جربوع بالطبيعة، على خاطرك ما تنجّمش تتجربع مع الجربوع بيدو.

إذا كنت حليّ؟ (يحبّ يقول صياغة)، نتصوّر روحي نكون ناب ذهب في جلغة منتنة.

إذا كنت لباس؟ نكون كلسون، على خاطر ما تعرف قيمتو كان كيف ينحّيوهولك. هههه

باهي وكان كنت ريحة؟ نكون ريحة البلاد بما فيها من شياط ومن روائح بنينة وإفّاحات وضبابط، حاسيلو كوكتال "لاكريموجان" هايل.

وأخيرا لو كان كنت موقع؟ نتصوّرو يكون trapboy.blogspot.com

هيّا سيدي يزّينا من اللعب، كلّ واحد يشدّ دارهم

آه قبل ما ننسى، لازمني نقترح على ثلاثة مدوّنين وثلاثة مدوّنات أخرين باش يشاركونا اللعب والمرح:

المدوّنين: سمسوم، طارق الكحلاوي، الناقد، ستيبور وعماد حبيب

المدوّنات: نادية الحديد يزيد، سنية نوفراج، بنت المرسى، ياسمينة وآمنة بنجي.

إي، باهي، نعرف ما إحترمتش قواعد اللعبة، أما نورمال، كلّ واحد في دارو يلعب على كيفو.

27 commentaires:

BLABZI a dit…
Ce commentaire a été supprimé par l'auteur.
Anonyme a dit…

ma7lak ya fare55 :)

BLABZI a dit…

y a pas que Ahmed Hamza qui ne crois pas au fait que la terre soit ronde, il y a un pseudo physicien irakien qui affirme que la terre est bien plate!!!
http://tanbirra.lightbb.com/du-pain-et-des-jeux-nikoulou-ommou-l-arbitre-zabbour-al-osbou3-f16/la-terre-est-elle-bien-ronde-t1007.htm

Sonya a dit…

كفاية انّك اتكون انت

ما انجمّ تصورك كان بيييييغ تراب بوي
مدوّن رائع و وفيّ لذاته

شكرا لانّك تفكرتني
واستدعيتني بش نلعب
هاني نحضّر في روحي و هتو انجي

mandela a dit…

@btb
ya makbousssss!
ema binetna tsawertek bech t7eb tkoun wri9et ganja ta3ti direct fi rass mich 9ronfel...

titof a dit…

@big
3imed 7bib dawm lilah
m3atcg famma ri7to
rabi b3atlo lowagist weld 7lala tkafal bel mohema
hhhhhhhhhh
baraka fik

Anonyme a dit…

Oui c'est vrai Imed habib a disparu, quelqu'un peut nous donner de ses nouvelles ? ou même lui s'il est fidèle au blog de BTB!
Son dernier post remonte au 10 mars dernier.
Merci à tous

Anonyme a dit…

Pour ceux qui s'inquiete pour imed habib
je pense qu'il s'est suicidé pour s'assurer une fois pour toute que le paradis et l'enfer n'existent pas

titof a dit…

منستغربهاش منو نعرفو بهيم والعاقبة نشاالله لكريشان

Houeida a dit…

Excellent : نتصوّر روحي نكون ناب ذهب في جلغة منتنة

:)

Anonyme a dit…

@big
fini elma9ama eljarbou3ia??j'etais le premier a ecrire un commentaire la-dessus :bravo!et "soudain-coup" wefet el9issa :-(
tu as un talent incontestable,je te conseille vivement d'ecrire pour les enfants(rijel alghad!)peut etre il y aura parmi eux des "BIG" :-)..
amicalement HM.

mandela a dit…

bordel de bordel de bordel de merde
un diplomé chomeur en greve est mort hier electrokuté a redeyef!
des confrontations se sont eclaté o bassin minier...

عماد حبيب a dit…

عزيزي بيغ تراب بوي

من سدرة المنتهى حيث لا نعيم و لا جحيم إلا نفسك و الآخرين أرسم لك صوري التي بعثت فيها

شجرة:

نخلة
عالية عالية
اعتصر عرقها العابرون
.....
حتى الثمالة


أكلا

رغيف خبز لاسع
.....


زهرة
:
عباد الشمس

للنور أصلي و للحقيقة الساطعة أمد لساني ساخرا يا أيتها الوهم الكبير
]
قال بيرم

يا شرق فيك جو منور
و الفكر ظلام
هي الشموس
بتخلي الرؤوس
كذا هو بتنجان ؟
]


قرية
:
جبلاية الفار

مسقط رأس الأسطى حراجي القط العامل بالسد العالي إلى أن يأتي يوم يبدع فينا أحد منا جوابات تحطمك شضايا كقرآن الأبنودي

حراجي عرف السر و لما شاف
خاف


قصيدة

الجدارية و يا موت انتظرني ريثما أنهي حديثا عابرا مع تبقى من حياتي قرب خيمتك

أو سرير الغريبة

ستحتج أسطورة للتشمس حولك.
هذا الرخام
الهات مصر وسومر تحت النخيل يغيرن أثوابهن
و أسماء أيامهن، ويكملن رحلاتهن إلى آخر القافية


شخصية

داروين
رضي الله عنه و أرضاه و جايليو يقلب الطاولة أمام البابا و يقول و مع ذلك هي تدور


شخصية خرافية
:
ابراهيم

الباحث عن إلاهه إذ رأى قمرا قال هذا ربي وحين أفل قال لا أحب الآفلين


شخصية قصصية
:
أبو هريرة
المسعدي ثالث الصحابي و النحوي و قلق لا ينتهي و خطر على اطمئنانك



حيوان :
انسان



حلي

:
لا شيئ

رائحة

:
رائحة البحر

موقع
:
موقع الأمم المتحدة للإعلان العالمي لحقوق الإنسان في نسخته العربية وهو أيضا شوكة في حلق كثيرين

و أما لم رددت هنا و الآن فلأني مدين لك بذلك
شكرا لأنك تذكرتني
محبتي و مودتي

Anonyme a dit…

imed habib


content que tu sois encore vivant
le probleme avec toi meme si on se partage pas mal d'idée c'est ton style...Qui ne se differe pas beaucoup de celui d'oussama billaden
tu veux imposer tes conviction au gens mais de quel droit???
Tant que ta pas été agressé par les muslmans et qu'ils ne menacent pas ta liberté il vaut mieu t'occuper d'autres choses.. la france est un pays de liberté et de droit de l'homme..

titof a dit…
Ce commentaire a été supprimé par un administrateur du blog.
Bej a dit…

تمّت عمليّة سرقت حقوق البثّ الإنترناتي للمدوّن المجربوعي على هاذاالعنوان
http://7amass.blogspot.com/2008/05/blog-post_07.html

Anonymous a dit…

btb, je te felicite pour ton audace et ta pertinence. Tu as du succes et de plus en plus d'echo, prends cela en consideration mon ami, a bientot ;-)

Big Trap Boy a dit…

@ Titof:

عيب عليك تسبّ في الراجل في محلي، صغيّر توّة إنتي تعمل هكّة؟

titof a dit…

@big
dsl 5oya big
أما بلحق مايستحق كان السبان لأانو مرة رديت عليه ببوست مخونج يعمل 66كيف يخي تفحم وهرب من الرد دونك قلت زايدباش نحكي معاه بالفكر نهبطو في المشتوى شوية
بالنسبة ليك خويا البيغ هاني نحضر في بحث على الدولة من منظور اسلامي على خاطر الموضوع ملقاش حظ عند الاسلامين بقدر ملقى طرح عند الاخوة العلمانين
وهي سمحنا على الازعاج
عمدة تمشيش تغشش على خوك تيتوف وبرة قلت ربي يعثلك لواج ولد حلال مرة جاية تو يبعثلك كميون ولد حرام
أما راني مزلت نستنى في ردك

Anonyme a dit…

@ big
pourkoi tu ignores les commentaires des gens serieux et k'ils te proposent des bonnes idees et tu reponds ceux dont le contenu de leurs commentaires est vide???

mandela a dit…

@ btb
بلها ولد باب الله تقدم بشكاية مكتوبة لسنديكة الصحفيين يقول فيها إلي سمير الوافي الصلوحية عملوا انترفيو وهمي في الصحيفة البدورو الصريح
برا عاد شاخت عندك ماك تحبوا وتموت عليه سمير المنتهي الصلوحية

Big Trap Boy a dit…

@ anonyme:

j'ignore personne ama c juste ke g pas toujours le temps de répondre. Juste que sa3at je dois intervenir en tant que propriétaire du blog pour éviter que ça dérive. Ama c vrai que t'as raison qd meme de le souligner.

@ Mandela:

قريتو هاك الانترفيو اللي تحكي عليه
مهزلة أخرى من مهازل الضريح
الله غالب الجبري جبري

titof a dit…

@anonym
البيغ مايطفي حد دونك متبداش تعمل في فيلم
وساعة ساعة يدخل لحماية مصالحو الجربوعية التوسعية
والله يرحم بوك في كلمة جربوع يابيغ يقوى عليك ربي قدهاش معبرة
بالنسبة للفكر والطرح الي تحكي عليه نظن التدوينة هاذي مهاش تتطرح في أفكار جربوعية
دونك كل تدوينة وقسمها خويا المجهول

Anonyme a dit…

il titre mta3 il post ythakkarni b mathal tounsi b kollou 7ikma w ma9asid 3ami9a : "Al3ab m3a il blogosphere twarrik z..." 7acha illi ma yistahilch.

Anonyme a dit…

@ Big
j'espere ke tu n'ignores pas donc ma proposition et tu penses reellement a ecrire pour les enfants ils sont notre seul espoir..HM

Big Trap Boy a dit…

@ HM:

C'est vrai que l'idée est excellente et que j'y ai jamais pensé. J'espère que je trouverais le temps un jour pour le faire. en attendant hani j'écris sur ce blog, aprés tout on est tous de grands enfants.

Merci encore une fois pour la proposition.

Anonyme a dit…

un groupe anti samir wefi est né http://www.facebook.com/group.php?gid=20360166252