mercredi, mai 21, 2008

!!وجدتها وجدتها


وأنا نتصفّح في الرائد الرسمي للجمهورية التونسية متاع يوم 9 ماي الجاري (موش اليابس)، هبّت عليّا نسمة خفيفة جاية من الشمال حرّكت أوراق الشجرة إلّي قاعد تحتها، فسقطت على رأسي تفّاحة خضراء وانطلقت أجري في وسط القرية مناديا بأعلى صوتي "وجدتها وجدتها".. لا، ماهيش نظريّة الجاذبيّة ولا النسبيّة، ولكنّي لقيت الحلّ لكلّ مشاكل الناس المتعلّقة بالتنمية البشريّة وبحقوق الإنسان والديمقراطيّة، وإلّي كانت تعاني من الصعوبات العمليّة إلّي تطرحها النصوص القانونية والترتيبية في تطبيق المبادئ الدستوريّة وضمان التعدّديّة.

يا سيدي نبشّركم بصدور نصّ في شكل إتّفاقيّة دوليّة، يعني بلغة القانون عندو علويّة على كلّ القوانين العاديّة، فيه الخلاص لمشاكلكم السياسيّة والحقوقيّة والوجوديّة، وفيه الضمان للعيش الكريم والشغل والحقوق الإقتصاديّة والإجتماعيّة.

الإتفاقيّة هاذي هي "إتفاقيّة حقوق الأشخاص ذوي الإعاقة" إلّي إعتمدتها الجمعيّة العامّة لمنظمة الأمم المتحدة بنيويورك، وفيها ما شاء الله خمسين مادة تعمل الكيف، نذكرلكم منها مثلا المادة 12 متاع الإعتراف بالمساواة أمام القانون، ومنها المادة 21 متاع حرية التعبير والرأي والحصول على المعلومة والمادة 22 متاع احترام الخصوصيّة والمادة 27 متاع العمل والعمالة، والمادة 28 متاع مستوى المعيشة اللائق والحماية الإجتماعيّة والمادة 29 وما أدراك متاع المشاركة في الحياة السياسيّة والعامّة، إلى غير ذلك من الأبواب إلّي تعمل الكيف وتخلّي كلّ معاق يعيش حياة كريمة شايخ في حقوقو وأمورو خير منّي ومنّك، وهاذاكة علاش وصلت لأنّ الحلّ لمشاكل الشعب التونسي الكلّ تتلخّص في كلمة واحدة: "بطاقة معاق".

إيه نعم، هاذيكة إلّي يطلبوا بيها في الميترو باش تولّي تقضي في البلاد، ولا كيفها لا بطاقة تعريف ولا بطاقة ناخب ولا بطاقة عضويّة في الجمعيّة التنمويّة، وإنشالله بركة يسهّلولنا الإجراءات الإداريّة باش كلّ واحد منّا ياخذ بطاقة المعاق متاعو في أفضل الظروف ويعيش عيشة فلّ. ولكن ما تخافوش، حتّى ولو يتصوعبوا معانا في إسناد البطاقات موش مشكل: وقتها كلّ واحد يدور يسقّط خوه، سواء يعفس عليه بكميون أو يسخطو ببار حديد، المفيد يعملّو عاهة مستديمة ياخذ بيها بطاقتو عن جدارة ويتمتّع فيها بحقوق المعاق الكريم. إيه يا رجال، جاء النهار إلّي باش يقول فيه الصحاح "يا ليتني كنت معاقا"!

ملاحظة: للأسف وبعد إعادة النظر فإنّ النص الصادر ماهوش قانون للمصادقة على الإتفاقيّة، وإنّما أمر ينصّ على مجرّد نشر الإتفاقيّة في الرائد الرسمي.. يعني حتى حقوق المعاق ماهيش باش تصحّ.. وكيما قالها "الكابتن" خالد حسني البارح في بالمكشوف: "يا عيب الشوم على كورتنا" !

42 commentaires:

mandela a dit…

انا اول المتطوعين باش نعاون خونا الحاج تيتوف حفظه الله ورعاه باش يتمتع بحقوقوالكل ...راس مالها بو اربعاطاش ونطبق نظرية بحديدي ننقب وحتى إنتي بيغ كان حاجتك بشكون يعاونك نورمال نعمللكم سوم

Takkou a dit…

يعطيك سخطة عالي البلادة متاعك :-)))
أيا سيدي هاني ماشي نفركس علي كرهبة تعجنلي ساق و الا عرف شجرة يفقصلي عيني كالحكاية هكة. الغالي و طلب عالرخيص ؟

titof a dit…

@mandela
تحبلك عشرة ملاين بطاقة يا مندلا وبربي ما تنساش خونا عاشور هذاكة وحدو تحبلو عشرة
@big
يا بيغ تعمل في سياسة ببن و اح**هالو زعمة جدت علي الحكاية
وقول المندلا معاتش تجبد الدين راني نقرى يبن الاسطر والمشاكل في الحوم لخرى نخليوهم غادي هههههه

mandela a dit…

@titof
ورس الكعبة الشريفة لا جبدت عا الدين الحنيف...ديما تظلم فيا يا صديقي المؤمن

titof a dit…

@mandla
احلف با لهتك يا ابا مندلا الكافر
اتحلف بما لا تؤمن به
هههههههه
الله مولانا ولا مولا لكم
هههههههه

mandela a dit…
Ce commentaire a été supprimé par l'auteur.
titof a dit…

@mandela
متخافش عدى احنا ولاد حومتو و عنا شهادة اقامة في المدونة هاذي
مندلا عندي سؤال محيرني و متجوبني عليه كان انتي

mandela a dit…

@ titof
فك علينا منها الحكايات الخارجة على الموضوع برجولية انا وعدت البتب بش ما نعملوش القلق في المدونة متاعوا...أخطانا

titof a dit…

يا ولدي سؤال ونمشي يا بيغ نجم نسئل

mandela a dit…

ken oumour din nhejjou lblog 3achour walla blogek inty...

titof a dit…

قلي يا خي السواحلية بقيادة المعز لدين الله بن ادريس يمشيو للجنة ولا لنار
على خاطر كان السواحلية باش تمشي للجنة مهاش حكاية برجولية هههههه

titof a dit…

و قال عملا بالاية ليس على الاعمى حرج باش يدبرو بطاقة معاق ويدخلو بيها للجنة
ماو وصلين هههههه

HNANI a dit…

التدوينة حلوة لاماحالة
لكن خليتوني انتبع في تعليقاتكم أكثر من موضوع المدونةهههههه

أرابيـكا a dit…

بيغ
وليت تعمل في الاشهار الكاذب :) أكتب الملاحظة بلون مغاير ووضّحها للعموم لا العشرة الملاين اللى يتنفسو كورة يمشيو يفركسو بالحق على وسائل تحقيق الامنيات ويطالبو ببطاقة معاق

mandela a dit…

@titof
ربك يهديك ماك تعرف رايي السواحلية لاهم ماشين لا للجنة لا للنار خاطر لافمة لا جنة ولا نار...باش ياكلهم الدود ووفاة الحكاية أما المعز لدين الله نعرفوا يمن بنظرية الحياة بعد الموت ونتصوروا في جسد دندون...والله الموفق

Big Trap Boy a dit…

@ titof et mandela:

إنتوما الزوز بالذات ما عندكمش الحق في بطاقة المعاق على خاطر إنتوما زوز عيّاق، وعايق ومعاق ما يجيوش مع بعضهم. الله غالب حرمكم ربّي

هههه

هيا ماهوش تشات لهنا لا نجبد هاك الجلم

titof a dit…

على حساب هكة انتي برك تقعد بلا بطاقة معاق يا عمتي
الافريقي عشرة ملاين حبيناها

titof a dit…

@big
chbik dez hana machin haya 5oya mandela laytay7lana 9darna

Saylar a dit…

:)
Trés bien dit BTB!!!!

Saylar a dit…

Si klk veut un coup de main (ou de pieds) pour obtenir sa carte je vous propose mon aide :) !!!!

mandela a dit…

@ titof
binetna 3andou l7a99mani 9otlek tayyech 3lina...wkima y9oul lmathal ellatini:
illy jebettou sa9ih allh layfokko

24Faubourg a dit…

@mandela: ...la3ssa lih... mouch allah lé ifokkou! elli i9oul mathal i3aydou s7i7 walla issayeb a3lih mel Latin ! fhemtni la3ziz??

Sosso a dit…

y aura un appel d'offre litab3 bitaqat mou3as, 5ater n7ib ndawwer ezzirou 10 mleyin bitaqa mouch 5ayba lafar

mandela a dit…

@24chai pa kwa...
wchitan bledty wchitan bledtek 3ibara lbrezil tkawer m3a beja!!!wtestehel etsa5si5 ellatini 5ater
illy jebha lzo... la3sa lih

Ignescence a dit…

Pourquoi pas? Du moment qu'on garantie une vie descente à un handicapé :D , mais, la question que je me pose c'est pourquoi ils ont publié le texte alors qu'il ne l'ont pas ratifié?


Il veulent faire un coup de marketting? Voir la réaction des gens qui lirons ça puis décider s'ils vont nous apporter ces lois ou pas? :D

Anonyme a dit…

Les tunisiens n'ont pas besoin de cette carte, puisqu'ils le sont déja, ne supportent ils pas tous le CA!

tikaaa a dit…

ya chrif ya bel amin ... mou3ak wel mou3akin...
c'est la meilleurs chanson cree'e par el mkach'khine...
(je suis clubist et je l'avoue)

amma ma akwa menha ken : ya3 ...ya3... ya3ennza......'om l'arbiter ya3....

7achicha a dit…

يا بيغ لنتي قاعد تؤجج في العنصرية الجهوية ربي يهديك ولا هذا كلام تحكي فيه بطاقة معاق خويا كان يلزمك بطاقة معاق بش تكتمل انسلنيتك الناقصة برة منتوة شوف لواجيست جندوبة بلاصة سرعة 190 كم في الساعة يعملك عاهة مستديمة بش تستوفي حقوقك اللي مخذيتهاش اما دبر على روحك و حظ سعيد للنادي الأفريقي و نشالله زينة

mandela a dit…

يحيا النادي الاولمبي للفقر
سي او تي اقوى جمعية - ملاسين جمهورية

titof a dit…

@mandela
يحيا حزب الله....اقوى جمعية في الشرق الاوسط
ونشالله نهزو البطولة في السعودية ونربحو جماعة اذار برباعية

tikaaa a dit…

ena na3ref el mathal .. "a3mel rou7ek bhim t3ich" (ma binet el bheyem bien sur)
amma mou3ak ... hethi t3allemt'ha tawa...

aya yezzi men ettfadlik tawa... rabbi iechfi el jami3 ... ou el b'heyem kbal el mou3akin

Wild_Bled a dit…

iy9oul el mathal el jappouni....l'arnaque qui n'existe pa en tunisie...n'existe pa...
B_T_B désolé ni3lmek illi ettwénsa ektachfou la7kéya hévi lihom mdida...beta9et mou3a9 tnajjem té5ou biha ro5sa ta3 gomrog do55an....hévéka 3léch famma barcha éktachaf el 3omda ta3 7oumethom illi houma mou3a9in ...50 dannous té5ou beta9at mou3a9...té5ou biha ro5sa ta3 gomrog...tekriha b 200 fi chhar....w dima méchi...yé weldi rana 10 mléyen met7ayyline ;)

yahyaoui a dit…

Bravo pour ce que vous faites. Je n'ai pas d'autres commentaire.
Je me suis permis de reprendre en traduction quelque passage de cette note dans mon texte.
http://tunisiawatch.rsfblog.org/
Bonne contuniation.
YM

Tunisia Geek a dit…

Avec son ton mégalo-paternaliste habituel,YM a profité de la notoriété de l'espace pour nous fourguer l'adresse de son blog en toute honneteté et désintéressement;toujours à courir derrière le référencement sur l'internet,dont il connait toutes les ficelles,pour craner après devant ses camarades de la société civile avec lesquels il se sent en perpétuelle concurrence,sacré Mokhtar,incorrigible Diva !

tikaaa a dit…

bellehi khalli errajel igoul... errajel 3amel majhoud 3la blog msakker...
rabbi i3inou... ou i3inna zeda (ma feha bes)

Anonyme a dit…

Mon commentaire précédent été par devoir de signaler à l’auteur la traduction de quelques passages de sa note. Il ne s’inscrit pas dans le débat en cour qu’il semble avoir perturbé, alors je n’ai rien contre la suppression de mon intervention dans ce fil de discussion.
Pour le blog en question, il n’a ni besoin de promotion ni de profiter de la notoriété des autres. Je dis aussi, à celui qui croit qu’il suffit d’apprendre quelques « ficelles » pour être référencé, que je n’ai rien à avoir avec le référencement de mes textes ni avec leur reprise par d’autres. Je ne vois pas le problème de certains si j’assumer ma liberté d’expression et pourquoi cela semble les gêner à ce point.
Rabbi Maakom (YM)

Big Trap Boy a dit…

@ Tunisia Geek:

آش حرق شعيرك يا ولدي باش تعلّق هالتعليق الفارغ على الراجل؟ الله يهديك وبرّة
En plus kima 9allek je crois pas que son blog manque de notoriété étant donné que moi-même j'y suis un fidèle abonné :)

@ YM:

مرحبا بيك في كل وقت يا خويا حضورك يشرّفني شخصيّا

RedPrince a dit…

فكرة هايلة, عالأقل كيف واحد يعمل ستاج في دار الحنوشة ما يخرجش منو إديه فارغة, عالأقل يسلكها في بطاقة معاق :]

titof a dit…

خبر عاجل
سقوط امارة المعز لدين الله بن ادريس بولاية سوسة على ايدي قوات الكمندو التابعة لنادي الافريقي وبهذه المناسبة السعيدة يقدم تيتوف احر التعازي لسواحلية
و سيبني خنشطح
كومندو كومندو
كالعادة وزدمنا با لعينو
العاصمة بلادو بالكرتوش يدرو
و الساحلي الي نلقاه نغيبهالو
وهيا تو تعملوه كشطة كيما يقول خويا البيغ

3amrouch a dit…

من باب العلم بالشي وفي اطار الاستمرارية حبيت نعرف كان ناوين تعملو حاجة يوم واحد جوان؟
للتذكير السنة الفارطة كان يوم التدوينة متع المغرب العربي الكبير
وشكرا

zabratfromgeneva a dit…

Présentation du concept d'assistance sexuelle, ou d'accompagnement érotique, rémunérés.

Un besoin fondamental

Chaque personne a sa manière d’exprimer sa sexualité, ce dans ses
propres registres et dans les limites de la législation en vigueur.

Toutefois, à cause des handicaps, il peut être nécessaire de
bénéficier d’un soutien à la réalisation de ce besoin essentiel et
légitime, et tout simplement humain.


Des situations particulières

Vie en institution ? Mobilité entravée, voire inexistante ?
Exclusion, isolement ? Manque de compréhension, désorientation ? …
A situation exceptionnelle, réponse exceptionnelle.

Des réponses adaptées

La valeur de la démarche de l'assistance sexuelle, préconisée par
le SEHP-suisse, consiste en l’adaptation de la réponse apportée à des
besoins sexuels en tenant compte de chaque situation. Davantage
qu’un catalogue de prestations définies, il s’agit de proposer un
accompagnement en phase avec les émotions et attentes,
sensorielles et érotiques, du ou de la bénéficiaire.

Des références éthiques

Le cadre éthique général qui sous-tend cette approche, rassemble
les notions de respect réciproque (bénéficiaire - assistant-e), la prise
de conscience du rôle des tiers dans la mise en place de ces
prestations et le respect absolu de l’intimité du moment.

La mise en œuvre

Pour mettre en œuvre ce concept, le SEHP-suisse s’appuie sur trois volets :

- Sélection et formation des assistant-e-s sexuel-le-s, gage d'aptitude.
- Supervision mensuelle, le cas échéant plus fréquente,
des assistant-e-s sexuel-le-s, gage d'adéquation.
- Coordination comprenant : réception et évaluation de chaque demande,
suivi et réajustement, gage de fiabilité.

L'offre

Après évaluation de sa demande, la personne en situation de handicap
bénéficie d'un rendez-vous d’une heure, dans un lieu garantissant l’intimité,
pour un prix fixe quelles que soient ses attentes.

Les pénétrations vaginales, anales ou buccales ne font
pas systématiquement partie de l’offre et sont à discuter
entre bénéficiaire et assistant-e sexuel-le.

Les demandes, relevant des paraphilies,
peuvent être prises en considération pour autant qu'elles s'inscrivent
dans la notion de respect réciproque, qu'elles soient conformes à la loi
et qu'elles n'engendrent pas de dommage à la santé.

En toute légalité

Engagement volontaire des assistant-e-s sexuel-le-s à suivre le
concept (y compris tarification fixe) et la Charte de l'assistant sexuel du SEHP,
ainsi qu'à collaborer avec lui.

Indépendance financière et juridique stricte des assistant-e-s sexuel-le-s.

Appel à candidature pour la Romandie

La formation est au complet


Pour vous resumer,le gouvernement engage des prostituees,les forme,les paye pour baiser avec des handicapes.

قالوا جمعية بسمة

Anonyme a dit…

@titof
Et d'ailleurs à tout les clubistes qui chantent:
" لعاصمة بلادو بالكرتوش يدور"

Quel honneur peut-on eprouver lorsqu'on vit à Tunis "la capitale"?
- Les embouteillages?
- La criminalités?
- Les transport en commun?
- Le3ra9 wel wachwacha en été?
- El fayadhanet en hiver?
- Wjouh ellou7 lemkachbra?
- 9ellet el 5iir wel barka fel 3bèd?
- Le civisme des conducteurs?
- ...

Je ne dis pas que celà n'existe qu'à Tunis et pas ailleurs !!MAis la capitale a la plus grande concentration de "merde made in Tunisa", chose qui ne donne point envie d'en être si fier!

Le second point elli "m2arra9ni" houwwa: "الكرتوش"
Ya jma3et leklib arrêter de repeter bêtement ce que chantent les algériens!! mniin likom الكرتوش?
Sadd9ouni a5ter kartoucha elli ynajjem un clubiste ykoun chefha hiyya kartoucha do55an Marlboro a7mer!
Wassalèm,
Monji.