jeudi, janvier 26, 2012

بين القروض اليابانيّة والتمويلات القطريّة ونسبة الصّفر الحاصلة من فائض الهويّة


أقرضت اليابان تونس قرضين كبيرين نسبيّا (مجموع 356 مليون دينار، الأوّل لإتمام الطريق السريعة قابس-مدنين والثاني لتركيز شبكات للماء الصالح للشراب سينتفع بها 2,2 مليون ساكن في ولايات القصرين، الكاف، جندوبة وسيدي بوزيد) وبتسهيلات ونسبة فائدة أفضل بكثير (مصدر الخبر هنا)، ولا تقبل حتّى المقارنة مع القرض إلّي ذلّونا عليه جرذان قطر وأميرهم الدنفير الراعي الرسمي لحزب النهضة (إن لم يكن ماليّا فعلى الأقل إعلاميّا).. مذا نستنتج من هذا؟

أوّلا أنّ الطحين إلّي يعمل فيه راشد الغنوشي وحزبه لقطر والمشي والجي وتقبيل رؤوس القرضاوي لم يرجع بالفائدة على تونس ولم يكن الهدف منه ربح حليف إستراتيجي للوطن وإنّما الحفاظ على حليف إستراتيجي لحزب النهضة. بل ربّما طلعت تونس خاسرة كيف علاقتها بشركائها الإستراتيجيّين تزعزعت في ظرف إقتصادي حرج مثل الظرف الحالي، فكان حالنا كحال من يطلق عصفورا في يده أملا في عشرة عصافير يراها على الشجرة ويحسب لغبائه الشّديد أنّها في تحصيل الحاصل.

ثانيا أنّ أشقّاءنا العربان لا يرجى منهم خير كبير في مجال التعاون والتنمية، فهم أصلا دول عالم ثالث لا ديمقراطيّة لديهم ولا علم ولا تكنولوجيا، وحتى مساعداتهم لا تكون بعنوان الأخوّة بقدر ما هي بعنوان الرغبة في التدخّل والهيمنة وفرض الأجندات السياسيّة والإستعمار والإذلال (تذكّروا كيف تعامل ذلك الخنزير مع عديم صلاحيّاتنا أبي برنوس المرزوقي وكيف أذلّه أمام وسائل الإعلام وكيف غادر إحتفالات ذكرى الثورة قبل إنتهائه)...

ثالثا وأخيرا، أنّه من واجبنا كدولة ترغب في تطوير علاقاتها مع كل دول العالم أن نفعّل ديبلوماسيّة أكثر نشاطا وأكثر ظهورا على المستوى الدوليّ دون أن نقع في التمجليغ والتجلطيم الذي دأبت عليه السلطة الجديدة وعلى رأسها عديم الصلاحيّات.

لنأخذ مثلا دولة عظمى مثل اليابان.. آش كان عليه لو وقفنا معها رمزيّا خلال تعرّضها للزلزال الأخير الذي ضربها وتسبّب في كارثة عظمى.. ما ضرّ مثلا لو نظّمت صلاة جماعيّة في ساحة عامّة تضامنا مع آلاف الضحايا الذين أصابهم الزلزال في اليابان؟ أما كانت مثل تلك الصّور كفيلة بأن تجوب العالم وتحمل صورة جديدة عن العرب والمسلمين عوض صور الكراهيّة والعدائيّة التي أصبحت تميّزهم؟ ألا يكون في حركة رمزيّة كهذه تعبير عن شعب محبّ للآخر ساعٍ للسّلم والتعايش والتقارب مع الغير مع محافظته على خصوصيّات هويّته؟؟ ألا يكون ذلك أفضل من إقامة الصلوات لإستعراض العضلات السياسيّة لبعض الأطراف أو للتعبير عن كراهيّة فئة منّا تجاه العلمانيّين أو الفنّانين أو اليهود أو الشيعة أو وسائل الإعلام؟؟ أم أنّنا لا نعرف التّكبير والصّلاة والتّضامن إلاّ عندما يتعلّق الأمر بالترهيب والتخويف وإستعراض القوّة.. عفوا، أقصد إستعراض الحناجر والحبال الصّوتيّة؟

تطوير العلاقات الدوليّة لا يكون فقط بتكثيف العمل على مستوى الديبلوماسيّة الرسميّة للدولة، بل أيضا من خلال إعادة نظر من المجتمع ككلّ لمفهومه للهويّة وعلاقته بها، ووعيه بأنّ الدنيا تطوّرت وأنّ مصلحتك ليست بالضرورة مع إبن عمّك أو إبن جلدتك وعشيرتك وعقيدتك. قد تكون الهويّة العربيّة الإسلاميّة أداة ناجعة لربح الإنتخابات، ولكنّ التشبّث بتفعيلها كمحور لعلاقاتنا الدوليّة يعني فيما يعني البهامة والعزلة والميزيريا والخراب!

20 commentaires:

Anonyme a dit…

eyyyyyyyyy!! ech ha nhar is3id! il big raja3a li maydéne :) oui je suis tout à fait d'accord avec votre article. En effet il y a des pays non musulmans qui ont unattachement particulier à la Tunisie. Je cite le Canada qui est l'une des premiers pays à avoir reconnu notre indépendance. Il y a aussi le Brésil et le Japon qui nous imposent pas un Visa pour y entrer.
Bellehi juste 7aja barka bech nloumek 3léha. Essaye d'éviter d'utiliser des gros mots sur ton page fan facebook et sur ce blog bien sure. sa3at nji nwarreha il page il 7ad trassili kol marra fi 7echma.
Merci et Bon courage contre les jerdhéne.

Ash Zanzir a dit…

الرب عليك،البيقا رجع للميدان ولا خوف بعد اليوم

Anonyme a dit…

welcome back biga el 3adhim !

Faire des prières pour les victimes du Japon ? là vraiment tu leur demande trop aux rats !
Je me demande combien de siècle nous faut il pour convaincre l'humanité que l'Islam est à l'origine une religion de paix....

Ramzi Assal a dit…

عالمي كيما العادة يا بيغا أما هات شكون يفهم و يفكر كيفك عالمدى البعيد...
كمشة بهايم شدت الحكم و ربي يخلص وحلنا...

Le Prisonnier a dit…

Bravo pour ce post. Brillant comme d'habitude.

maher a dit…

عاشتالأخوة السلامية العربية التونسية القطرية ...و يسقطو الكفار اليبانيين الستعماريين...........

الحلاج الكافي a dit…

اللحم الخليجي الكريهة يغزو أسواقنا عبر بوّابة النهضة
لعنة الله على هذا الوقت الكلب ، من شر النهضة الى غربان الوهابيين

Firas a dit…

تتميز علاقتنا مع اليابان بالودية و ذلك بعد ما كنا السباقين بالإعتراف بيها بعد الحرب العالمية الثانية و من باب الإعتراف بالجميل قالت إلي التوانسة عندهم الحق يجيو لليابان بلاش ڢيزا و هذا كمثال خديتو اما بالنسبة لقطر فأنو
مدتنا بالفلوس كهبة و ليس كقرض صحيح هو من الأولى انو تودنا بصخر الماطري لمحاسبتو و مصادرت اموالو إلى سرقها ما نحكيش عالأموال إلي يكسبها مالمان كان خير اما زادا مش معقول نقطعو علاقتنا بدول بو كشطة و في حقيقة الأمر انا مستحقين الى مستثمريها في الوقت الراهن .
و كان على الصلاة للشعب الياباني من الأولى نصليو على شهداء فلسطين و اموات الصومال الي هوما اولى بدعواتنا على خاطرهم يعيشو في الإضطهاد و في حالات مزرية .
نشالله معرفة طيبة و نشالله تواصل في التدوين لحلو متاعك و نشالله بشوية بشوية نراو تقدم من الحسن إلى الإمتياز :)

اسعار الذهب a dit…

عنوان غريب وموضوع اغرب
بس بالتوفيق

Anonyme a dit…

خميس عليك بيغا اما كلامك زايد مع الجرذان عبارة تحرث في البحر

Anonyme a dit…

راااااااااااااااااااااااااائع

alopex a dit…

يا بابا مرحبا طل على الحانوت أكثر يا ولدي الغبرة عملتلي الحساسية فيه... شبيهم الخوامجية ما يعرفوش يكتبوا جملة وحدة من غير ما يعملوا غلطتين في الكلمة؟ زعمة يتابيو الحروف بترمهم ولا شنية الحكاية؟ خوذوا مثلا maher اللي يحكي على السلامية واليبانيين ملا قساوااات

ALouate Tunisien a dit…

الحدث الفارق لهذا الأسبوع عودة البيغ للتدوين
كمللنا الجزء الثاني بتاع كان يامكان جربوعستان

Big Trap Boy a dit…

ما تفرحوش ياسر راني نفحاوي ما تحبش تعرف وقتاش نفدّ ووقتاش نرجع نكتب

ولد الرجال a dit…

هههههههههههههههههههههه عودة ميمونة يا خويا

Anonyme a dit…

حسب ما نتفكر، حكومة السبسي بعثو مساعدات للجببنة (زوز طيارات)
يا حسرة كي كانت عندنا سياسة و وزرا! نعن ديرب هالثورة

YessineDevmaster a dit…

مدير .. فنان .. معلم.. سخطة.. هم..

Sami Ben Mansour سامي بن منصور a dit…

صدق بيغا رضي لله عنه

Anonyme a dit…

bravo ,bravo et mille bravo ,vous avez fait le travaille de journalistes que aujourd'hui non même pas utilisé leur liberté pour faire un bolot correcte c'est les autres qui le font à leur place.

Zied a dit…

Welcome back Biga,
Ama n7eb nsalla7 ba3th el ma3loumèt hakkeka ma nkounouch thallalna la3bed.
s7i7 elli el 9arth el yabani fih nesba a9al mel 9arth el 9atari, ama yetkallef akthar flous, w haw 3lech:
Le taux directeur de la Bank Of Japan est de 0.1% depuis des années à cause de la déflation que rencontre le pays depuis 20ans alors que celui du qatar central bank est de 5%. Ces taux d'interrets jouent un role dans l'evolution du cours de change entre le dinar et ces 2 devises. Du coups la différence des taux sera compensé par le taux d'interret et avec un simple calcul, je peux te montrer qu'on paye beaucoup plus en remboursant le Japon que le qatar. n'hesite pas à me demander des explication si ce que j'ai dit n'est pas convaincant.
Je ne suis pas pro qatar mai je suis pour la vérité