lundi, août 14, 2006

خــبـز أمّـــي

هيّا قلنا السلام عليكم
...
اليوم ما كنتش ناوي نكتب حتّى شيء، لكن اللإلهام هبط على راسي فجأة، قلت ما فيها باس نكتب كلمتين للجماعة لا يطيحو
(manque)
...
أكيد أنّكم تعرفو غناية "أمّي" متاع مارسيل خليفة، وأنا واحد من الناس اللّي يعجبهم الفنّان الملتزم هذا، وهو شيء ينجّم يظهر غريب شويّة، خاطرني لاني يساري ولاني قومي، ونحب العولمة وإقتصاد السوق والموسيقى السوقيّة المنحطّة بصفة عامّة كيف المزود والـقانقستار راب.
(gangster rap)
وزيد منظري لا علاقة بالناس اللي يسمعو مارسال خليفة، يعني لاني مطوّل شعري ولاني مهيّج لحيتي وعامل كاش كول متاع فلسطين على أكتافي، حاسيلو منظري عاطي أكثر على مارسال الخليقة من مارسال خليفة
...
بالرغم من هذا الكل تعجبني ياسر الغناية وكلماتها المؤثّرة
"أحنّ إلى خبز أمّي وقهوة أمّي ولمسة أمّي، وتكبر فيّ الطفولة يوما على صدر يوم
وأعشق عمري لأنّي إذا متّ أخجل من دمع أمّي"والبقية تعرفوها
...
يمكن هذا يرجع للحب الطبيعي لكل إنسان للأمّ، الله لا ينحّيها علينا أجمعين، وأنا بالذات تذكّرني الكلمات بالأعوام اللّي عدّيتهم بعيد على العايلة وعلى الوالدة بالخصوص
...
حاسيلو قبيلة شويّة قاعد خوكم نكمّل في شويّة خدمة في الدّار وحطّيت نسمع فيها ونتذكّر في أيّاماتي في الغربة، ولّيت قلت للوالدة تعملّي قهوة من يديّاتها الملاح نعدّل بيها دماغي
...
ما فمّاش دقيقة من زمان ناداتلي باش نهزّ قهوتي، نلقاها عملتلي قهوة بالنيسكافي ومعاها كعبة كايك مقرطسة في باكو بلاستيك... قلتلها يا امّيمتي، كان يشوفك مارسال خليفة تو يبدّلها الكلمات ويردّها
"أحنّ إلى نسكافي أمّي وإلى الكايك اللّي تشريهولي أمّي"
...
حتّى إنتي يا أمّي خلطت عليك العولمة ؟ علاش لا؟
...
هاذي زعمة أمّي أنا اللّي تتسمّى مرا كبيرة هكّا، إمّالا الأم المعولمة بالحق اللّي باش تربّيلنا أولادنا نحنا آش باش يغنّيو عليها؟
...
حاسيلو الدّنيا قدّاش ولاّت ماسطة وباسلة ملّي دخل علينا هالبلاستيك والباكوّات والإشهار اللّي مازال كان باش يلصّقوه في جبين كلّ مواطن باش وين يتلفّت يراه
...
والله ما فهمتش جماعة المعامل هاذم آشبيهم؟ ما ريتهم يصنعو كان في الرّهج حاشاكم، هاو ياغورت، هاو كايك، هاو مقرونة، هاي شاميّة... يا خويا ما فمّاش واحد يصنع كرهبة؟ كمبيوتر؟ راديو كاسات؟ حتّى دين أم بريكيّة؟
...
سيّبوهالنا الماكلة، أتوّ إنطيّبوها وحدنا تجي أبنّ و أنفع، ياخي نحنا باش نموتو بالشرّ كان تنقص ماركة متاع ياغورت ولاّ بشكوتو؟
...
هذا قالّك كبرنا مع طوم، تقولش ما عندناش ديار ولاّ عايلات وهو كبّرنا عندو في المعمل متاع البسكويت
...
ولاّ الأخرى قالتلك صافية تدوّم العشرة، توّة هذا كلام؟ الناس باش تتعاشر على خاطر جرد دبّوزة ماء؟ يحب يقول اللّي النّاس اللّي طلّقو من بعضهم هاذوكم خاطر ما شربوش الصافية؟
...
حاسيلو من غير ما إنطوّل عليكم، لا عاد فيها لا خبز أمّي ولا فطاير بابا، ومارسيل خليفة متاع الجيل القادم باش يغنّي على كارفور
...
هيّا بالسّلامة، كرّزت

31 commentaires:

Anonyme a dit…

Mort de rire ...
Je ne crois pas qu'il y'aura d'autres "Marcel 5alifa" parce qu'il y'en a plus de "5obzou ommi" mais il y'a et il y'aura plusieurs chanteurs et plusieurs chansons jetables et éphémères comme ces produits alimentaires.
Sinon Nescafé ou "9ahwa 3arbi" ça ne peut être que bon et doux car il a été servie avec amour ;) rabbi ifadhelhelek
groooooooooooooooooooos bisous

Anonyme a dit…

mela zid ken andek tunisiana "chargy" b dinar: la pub la plus bête du siècle!!!mdr
zeyed m3ak ya boy.
Angelina Jolie.

Big Trap Boy a dit…

@naufrage:
ربّي يفضّلك ويعزّك
حاسيلو زايد، البيزو متاعك وحدو
لووول
@angelina jolie:
يا مرحبا يا مرحبا
زارتنا البركة
هاي النجوم والفنّانات الكلّ تلمّت عندي
:))
"تونيزيانا، والشروج الكلّ مليانة"

Anonyme a dit…

j'adore ton blog BTB, ton humour, ta bleda, ton hendrix, ...
ya3tik alef sa7a
et je suis d'acc 3la toul el 5at ya 7asra ya zmen o malla calisse de zmen 3aychinou tawa grrrr
mais wallah tawa et ci loin de ma mere, un nescafé o cake m9artess tmidhoumli ommi c bel diniya
7assilou rabi ifadhelik el welda (9oulou 2ajma3een)
narje3 inkamel na9ra les autres postes 9taltni bel dou7ek ya BTB ya behi lool

Anonyme a dit…

éna bidi inmout 3liha ill ghonnéya...
rabbi tostor lé twalli sa7fa fi bakkou.....will hargma 3lé barra....

Anonyme a dit…

Tawa 7obz ilkoucha w ma3adich lé 5obz ommi lé 5obz ommok.
wil 9ahwa mil kafitiiya mta3 il 7ouma...w bichwaiya bichwaiya iwalli kolchay fil 7kok.
7atta il 3osbén iwalli wa7id, yéchri nos mitrou kircha w 7oka fiha tachkila mta3 3osbén w lé 5it lé ibra ahawka ilkircha titsakar bissélsla walla zip-kircha!
Ihhhh yé 7asra!

Anonyme a dit…

c'est la deuxième fois que je passe sur ton blog c'est mon deuxième commentaire,et comme tu l'as mentionné quelque part je pense que je deviens un accro de ton site,franchement je partage les même idées avec toi,mais jarrive pas à trouver un point à discuter dans tes articles,ma3natha rien à reprocher ,alor NOTLOB menek,besh et7ott chwaya hrissa les prochines fois,pour qu'on discute ,,ou rabbi ikather minek...MOHAMED

Nasnoussa a dit…

eyh 7atta "diin omm brikaya" mannajamnech nasn3ouha :p dha77aktni fi hedhi ;)
une lectrice en plus.

Anonyme a dit…

7assilou 3andek el 7a99... el pub 5létna !
et la chanson, je l'adore! bravo

Naddo_O a dit…

laaa na7na fi darna essbeya (illi minhom ana) mezzelou ytaybou il 9ahwa 3arbi w yzidou y7ottou feha mgharfa 3sal 7or et 9otrtin zhar, ya 3ini! w nzidik 7aja o5ra, il 5obz il mbasses fait maison maoujoud zeda ! :P

Big Trap Boy a dit…

@ Metallic Naddou:
bel 7a99 walla ça aussi c'est de la pub?
@ MOHAMED:
Chwayya hrissa el marra ejjeya? OK, j'y penserais. T7ebb tékel houni walla à emporter? :))
@ Tout les autres: Thanx pour la visite et les cool comments!

Anonyme a dit…

@MetallicNaddou
Ah 7aja béhiya, hak tofla zémniya!
Yé 3ini 3lik, brabi win darkom 5alli njib omi w nji :))

Anonyme a dit…

@Big Trap Boy
3andi moula7dha sghira:
pour le vote sur comment on trouve ton blog "raykom ihémna barcha", y a que les choix du genre superbe,extra,meilleur....y a ni moyen ni acceptable....mediocre(7achék)....chnowa t7ibna bissif n9oulou béhi???
yé 5ouya ba3 ba3 béhi :)))

Big Trap Boy a dit…

@ Walid:
هاديكا هي الديموقراطيّة والحرّية في المدوّنة متاعي، إنتي اللّي تختار وحدك وحدك وتقرر اللّي يصلح بيك واللّي نقولّك عليه أنا بالطبيعة... ياخي إنتي باش تعرف رايك خير منّي؟
@ Mouna:
مرحبا بيك يا منـى وبالمغرب
أنا المغاربة يعجبوني برشة
انشالله تجي فرصة باش نجي نعمل عليكم طلّة
@ Walid encore:
يا ولدي في المدوّنة متاعي أنا الوحيد اللّي عندو الحق باش يبزنس
قالّو نجي نـخـطب
:)))

Anonyme a dit…

hhhhhhahhaaaaaaaaahhaaa 9talni bedho7k ya big trap boy!!7atte ene ommi dima kake m9artes fil plastik :(
je trouve ton blog tré bien w ousloubek filketeba momtez yesser dhamer é pui c du dhmar typiquement tounsi kom on l'aime bien!!!
en attendant lé new post sallemli 3ala ommek barcha!!!!bizouuuuu(a ta source d'inspiration mouch lik)

Big Trap Boy a dit…

@ A7la Na7la:
Tu prends des risques! Je ne t'ai jamais dit où se trouve ma source d'inspiration! :))
See You Soon inchallah!

Anonyme a dit…

win ta source d'inspiration? :p ya trap big "bous" 9oulhem ina9sou mil bous kathroulha ejma3a el koul walet et7eb etbous :-)wenI tofla 7achema ou mou7afdha :p
bisous :-D

Big Trap Boy a dit…

Ah, el bous normalement enti elli bdit bih et donc tu as normalement des droits d'auteur dessus. Elli bech ibouss lezmou soit il te paie, soit il prend ta permission...
Hakka walla lé?

Ma fibélich bik men jmé3et "enI", tu es de sousse? eni théni? :)))

PS: pour ma source d'inspiration, il vaut mieux la garder secrête, on ne sait jamais, on pourrait recevoir des enfants ici!! ;)

Anonyme a dit…

ma7léni enI dima ethénI :-))(c'est mon ami stupeur qui me l'a appris ;)
5alihoum ibousou 9ad may 7ibou... vraiment tayrouhali :-(
ken esser9a fi hel ebled... lol

bousou lebnet bousou...

sonia de Mahdia

Anonyme a dit…

I loved your blog ya big trap boy, great job ! rabbi ya3tina khiret hedho7k..
and thanks a BUNCH for the Pandora radio suggestion, awsome discovery .. inchallah be9i m7affelhenna :-)

rak t3ebt mil bouss, so Hasta Luego Senior !

Another anonymous admirer

Anonyme a dit…

haw 3amek l'anonymous sba9ni :D
je voulais pareil te remrcier pour le link du Pandora radio une decouverte merciiiiiiiiiiiiiiii
et aussi merci pour ton passage sur mon blog
bibisous, lol

ca a l'air facile virtuellement donc hawka zouz, fi el diniya manich bawessa sa7a sa7a min b3eed o marat jimla ri9 zayed ya 2a5i, mais hawka el bouss ri9 el net, chakchiktha enna bouss o ri9 malla 7alla fiya haya anistoun

Skan! a dit…

3lech el kéthb , sa5syyan el ich'har mta3 DéliceDanone 3jebni yesser , surtout ...le slogan de la fin :-))

PS: sa77a wild_bled :p

au plaisir "tefl el fa55 al kabir" :p

Big Trap Boy a dit…

@ Skan!:
Bienvenu et félicitations pour le travail que vous faites sur Tunizika, j'aime bien le concept. Keep doin' your thing!

Anonyme a dit…

@Big Trap Boy
Ahah ti hak dimo9rati 3alé5ir!
Kima fidarna...léftour wil3ché ma9rouna "bissansa" ama ahawka 3andik 7oriyét li5tiyar bin fil walla sapaghetti!
witbaznis zéda ménich inbazniss, juste n7ib nista7sin en + win tal9aha inti ka3ba zimniya 7orra kima MetallicNaddou ;)

Big Trap Boy a dit…

OK, ama éna ça y'est hazzit ommi wemchit 5tabet toul, mezelna nestannéw fel mouwéf9a mta3 el 3roussa!

Koll chayy bel kétba ya oulidi!
:)))

Anonyme a dit…

kif mé 9al Skam....ka3ba délice danone...mouch normale.... :))))))

Anonyme a dit…

Marcel chantera sur carrefour et toi tu seras un exemple à suivre je prefere mourir avant

24Faubourg a dit…

ifatta9 ton blog:)) ma9tla dho7k

Unknown a dit…

Yonsor dinak ya ostez...!:))))elhaq elhaq, ena ntayyeb feddar, ama karahba barcha 3liya! ena men les expériences ki kont sghira makhrajtech, je faisais fondre le sucre, les bougies.. akahaw elhaq! ama nou3dek bech nhawel!:) au plaisir de te relire.

Big Trap Boy a dit…

@ Katyoucha ettachtoucha:
آميـن يا رب العالمـيـن
إنشالله من فمّك لباب السّـماء

Slaim a dit…

t'es le meilleur toi! tu as resume la mondialisation mieux que Friedman!
Tres fier d'etre du meme pays que toi amigo :-)