dimanche, août 06, 2006

Développement Durable

Le développement durable,
أو بالعربي التنمية المستديمة، هي التنمية اللّي تحافظ على البيئة السليمة والمحيط
معناها بالفلاّقي حتّى شيء ما يتلوّح، كل شيء يعملولو رسكلة ، يعني
."recyclage"
ونحنا في تونس، ومن غير فخرة، من أوّل البلدان في التنمية المستديمة
والدليل على هذا اللّي عندنا نحنا، حتّى شيء، وحتّى حـدّ، ما يتلوّح
تي هو حتّى علي بومنيجل ما عادش يتلوّح على الكورة
وعندو الحق، عم علي، أما خير ولاّ يضرّلنا الطبيعة متاعنا؟
ونزيدك على هذا يا سيدي عندنا نوع آخر ما تلقاه في حتّى بلاد أخرى، وإسمو تنمية المستديرة
النوع هذا يتحمّل فيه كل إنسان مسؤولية تنمية المستديرة متاعو، واللّي ما عندوش مستديرة باهية نسلّـفوه ويخلّص بالتقسيط
يبدى المواطن هذا ينمّي ينمّي ينمّي في المستديرة حتّى لين تنمو وتولّيلو
fond de commerce
وكيف يتعدّى واحد يسألو فاش تعمل، يقلّو: هاني إنّمّي
je traduis: "hani ennammi"
وهو في الحقيقة، كي إنّـمّـي،
ولاّ ما إنّـمّـيش
كيف كيف
على خاطر كي نبدا أنا داخل عليها
نمّـي نمّـي
على بعضو
وغيري ما إينمّـيش
الحقيقة موش آفار
وإنّـجّـم حتّى نقول، حكاية كي
...
كي شنوّة زعمة؟

5 commentaires:

Anonyme a dit…

looooooooolllllllllllll....
sba55irrrr....yihlkikk.....

loooolllllllllll

éna bidi "hani ennammi".....missbé7 lillill....

....Wild_Bled.....

Big Trap Boy a dit…

nammi nammi ya weldi,
ech 3andek 5ir mettanmia?

Big Trap Boy a dit…

آشبيك يا ولدي، التنمية هاذي راهي معركة كاملة لازمنا نكسبوها... ولاّ قلّي ما سـمعتش بـ"معركة التنمية" زادة؟ راهي ماكلة بعضها وناس تـحزّ وناس تضرب بالحجـر... موش أمور متاع تفدليك
LoooooooL

الكاتب a dit…

نمّي يا خويا نمّي..كلّ واحد لازم ينمّي على روحه با ش تعمّ التنمية المستديمة..لووول


حاصله المدوّنة متاعك ياسر حلوّة وضامرة كي مولاها..امّا حبّيت نقول لك انّك نكّار عشرة يا سلعة..، والله بالرغم من انّك غفّاص وماتفهم شيّ في السياسة
:P

امّا خلّيت بقعة قدّ راسك في الماك..وبما انّي مانيش مغروم بالتلحليح..نقول لك انتِ وضميرك
;)

نشوفوك بخير يا "فرخ التراب الكبير"

;p

Big Trap Boy a dit…

أهلا بولد خالتي النسراوي
تي وينك يا خونا الباهي؟
آشبيها حانوتك مسكّرة؟
موش قلتلك سيّب عليك من هاك الجماعة متاع البوليتيك؟
:)))
على كل حال مرحبا بيك
إنتي ولد الدّار

بالنسبة للماك هاني عامل ترتيحة
إنشاله نرجع بقوّة ونبدى نكتب في الجرايد عن قريب
;)

أما حاليّا هاني لاهي بـحانوتي لهنا
وكيما يقولوها: داري تستـر عاري