lundi, novembre 17, 2008

إستعراض للثقافة المروّبة من خلال بعض الإعلانات المبوّبة

هالنهارين قاعد نقرى في جريدة لابراس للإعلانات المبوّبة لأسباب نعرفكم تحبّو تعرفوها أما مانيش باش نقوللكم عليها، وهو ما أتاحلي الفرصة باش ناقف على برشة جهل وتخلّف يندى له الجبين فما بالك بالضبّوط، وتخلّيك تقول هالشعب هذا في أماهي مكاتب قاعد يقرى؟

الحاجة إلّي لاحظتها بخلاف الناس إلّي زلعت اللغة الفرنسيّة زلعة مالهاش دواء، كيما الفرّادي هذا إلّي ربّي وحدو يعرف آش يحبّ يقول:


قلتلكم عاد الحاجة إلّي لاحظتها انّها بعض العباد لا تحشم ولا تجعر كيف تجي تمارس علينا العنصريّة في عقر دارنا من نوع الأخ المحترم هذا:

مافهمتش بالضبط آش معناها دار مهيّأة خصيصا للأوروبيين، يعني على كلام السيّد الملاّك المحلّ هذا كان يسكن فيه واحد ياباني أو أمريكاني يموت وإلاّ يطلعلو حبّ الشباب في أماكن حساسة من بدنو بما أنّ الدار مجعولة لسكّان القارة العجوز دون غيرهم. أما التوانسة هاذوكم عاد فحدّث ولا حرج...

توّة نحنا متفاهمين إلّي عدد كبير من مواطنينا في جربوعستان عندهم بعض النزعات الجبريّة والفلسفات التدميريّة في التعامل مع المحلاّت المكريّة، أما يا رسول الله على الأقل كيف يبدى عندك محلّ تحبّ تستحفظ عليه من أولاد قبيلة بني جربوع، موش لازم تعمللنا سياسة الميز العنصري على الجرايد تقولش علينا في جنوب إفريقيا وقتلّي نلسن منديلا كان في الشمبري 14 مشدود مع الشاكالا والزيقيلي، ماهو هبّط الإعلان ومن بعد عينك ميزانك ومحلك ما تكريه كان للّي يعجبك، سواء كان من أوروبا أو من الكندا أو من ضبوط القردة.

حاسيلو ربّي يستر لا نهار يولّي الواحد يحوّس بالفيزا في هالبلاد.




8 commentaires:

Soufiene a dit…

"Entretenu pour Europeen"

C'est a dire que dans les toilettes il y'a plutot du papier a la place d'un tuyaux, ou d'une bouteille, en plastic naturellement.

Anonyme a dit…

il y a mieux que ça la meme villa 100 000 dtn moins cher si tu pays en euros( pour europeen bien sur)


http://www.tunisie-annonce.com/DetailsAnnonceImmobilier.asp?cod_ann=46006
http://www.tunisie-annonce.com/DetailsAnnonceImmobilier.asp?cod_ann=29491

ferrrrr a dit…

يمنع دينك في جدْ بُوهمْ

عياش مالمرسى a dit…

والله فضايح.. شي يبكي مش يضحك بصراحة..

tikaaa a dit…

il est clair que certains tunisiens sont racistes. je ne sais pas si on peut se respecter soi-meme en estimant que le racisme est justifie' ... donc dans un sens, on donne raison aux racistes europpeens, americains ou autre.
(la photo d'Hitler est pour d'autres raisons... a ne pas comfondre SVP)

Anonyme a dit…

Je te conseille vivement de flouter les num. de tel. Tu risque d'avoir des poursuites...

Nafkhan ezzeyed lweh? (Je sais que c'est une annonce publique et tout, mais elle n'est pas là pour être critiquée) 7assilou... chbini kabbacht???

Ahla btikaa chna7welek khouya? Je sais que t'es pas raciste (même si je te l'ai déjà reproché), t'inquiète. Ni toi ni BTB d'ailleur.

Merci pour le petit sourire matinal BTB, même si je suis bien d'accord avec Ayech: c'est plutôt triste tout ca.

Mais je les comprends aussi ces pauvres locateurs je dois dire.
J'ai vu des cas où les locataires prenaient un malin plaisir à casser une vitre ou deux avant de partir, Hakkeka chmeta...

Mais bon c'est vrai que c'est pas juste les tunisiens qui font ca...

herrr herrr herrr
ayyah akahaw wfé el commentaire

Anonyme a dit…

BTB, paradoxalement, je pense que la première annonce est une annonce d'escorte, et que le gars qui l'a écrite est le plus sérieux du monde...

Anonyme a dit…

J'ai percé le mystère de la charmante..

Revoir l'annonce: http://www.annoncesexpress.com/divers/35437.htm

.. il s'agit ni plus ni moins d'un chronomètre (rien à voir avec l'appareil exposé à géant l'été dernier héhéhé )

Euh, et C.D. ça veut dire Corps Diplomatique? Nchallah labééss..

Jarbou3istement.