vendredi, décembre 19, 2008

دولاشة في ليل جربوعستان التعيس


المكان النفق المخصّص للمترجّلين في ساحة برشلونة، الزمان الأسبوع الفارط، يعني ديسمبر 2008 حوالي الساعة التاسعة ليلا، الطقس شديد البرودة. ظروف خاصّة خلاّتني نهبط في قطار الضاحية الجنوبيّة في الليل، وهي مغامرة ما كنتش نتوقّعها باش تكون مثيرة بالصفة إلّي كانت عليها. في النفق كدس مطيّش على القاعة، من الأوّل ما فهمتوش آشنوّة ومن بعد عرفت إلّي هو راجل فارش كرظونة على الجليز ومتغطّي ببعض الجراتل وراقد، المكان ما نحكيلكمش بالخمج والروايح، عقاب نهار وباين حتى حدّ ما جاء نظّف. "آس دي آف" كيما يقولوا الفرنسيس، ممدود على طوله في قلب العاصمة والناس ماشية جاية وكأنّها هاذيكا بلاصته العاديّة، وكأنّه عيب أنّك تصدّق إلّي في جربوعستان، بلاد الخيرات القزورديّة، ينجّم إنسان يبات على قاعة مثلّجة، ساقيك تيبس لو كان تقعد واقف فوقها أكثر من ربع ساعة، وكأنّ وجوده ما ينجّم يكون كان غادي بالضبط باش تكمل دورة التنمية المستديمة ويعمّ الرخاء ونلحقوا بمصافي الدول المتقدّمة.

الظاهرة متاع الناس هاذي إلّي تفترش الثرى وتبات للعراء، وحسب ماني قاعد نشوف هي في تزايد ملحوظ المدّة هاذي، وهذا خايب برشة كيف نعرفوا إلّي الطقس بارد بصفة غير عاديّة هالأيّامات. نفهم أنّهم المراقبين إلّي لاهين بالشؤون الإجتماعيّة ماهمش بالعدد الكافي أو ما عندهمش الإمكانيّات الكافية باش يوصلوا للحالات هاذي الكلّ، أما علاش كيف قدّر ربّي ما يكونش فمّا تنسيق مع رجال الأمن؟ يعني كيف يتعدّى بوليس من غادي، وربّي يعلم قدّاش من بوليس يتعدّى من غادي، ويشوف حالة كيما الحالة هاذي إلّي توجع القلب وتغمّ على النفس، ومنظر في كلّ الحالات موش باهي لصورة البلاد (هالصورة إلّي كلّ من هبّ ودبّ ولّى حارص على تلميعها وتبرقيشها تقولش باش يحطّوها البلاد في فيترينة للبيع)، وقتها يولّي الأمن هو إلّي يتّصل ويعلم المصالح متاع الشؤون الإجتماعيّة باش يجيو ويشوفوا حلّ للسيّد هذا، يا يهزّوه لمجأ إذا كان عندنا هالنوع هذا من الملاجئ، وإلاّ يرجّعوه لعايلتو إذا كان هو مهبول أو مريض وعندو آشكون يتلهى بيه. علاش يا رسول الله في ليلة زرقاء حتّى من الكلب يبات يعوي من بردها، يعرضوني زوز من ناس، بشر لحم ودم، بايتين على حرف الكيّاس في نزهة ما دامتش أكثر من عشرين دقيقة؟

نرجع بيكم بالتوالي، وقبل ما نهبط للنفق، كنت في قطار الضاحية الجنوبيّة والحال شتاء والدنيا ليل، واحد سكران ميّت، وكيف نقول ميّت يعني بالحق أعمى ما عاد يدلّ في شيء، أعرف جبد كعبة شراب من تحت الكبّوط متاعو وبدى يشرب بالواقفة عيناني، صحيح فازة موش حلوّة وما تجيش، أما يبقى أنّه في شبه غيبوبة وما كلّم حدّ وما دار بساحة حدّ.. يقوم واحد ملّي كانوا قاعدين، إكتشفت من بعد أنّه من أعوان الحراسة متاع القطار، والسيّد هذا على ما يبدو كان يحبّ يطلع بوليس وما نجحش في المناظرة - أو يمكن ما لقاش آشكون يدخّلو- على خاطرو لابس حوايج تتشبّه لحوايج فرق التدخّل، يمشي للراجل السكران يشدّه ويقعّدو على كرسي ويركح فيه بالضرب، العربة متاع التران كانت رايضة قام هالجادور متاع الحراسة قلبها، السكران ياكل في الضرب وساكت وعون الحراسة لا خلّى لا تربريب لا كلام سفاهة قدّام الركّاب من رجال ونساء، وسمعت الناس الكلّ أشكال الخمج المتراكمة في مخّ العايق هذا ومن بينها على سبيل الذكر لا الحصر كيفاش باش يهبّطو من التران ويقعّدو على الدبّوزة و"يعتدي عليه بالفاحشة" باش ما نقولش حاجة أخرى.. حاسيلو الناس الكلّ هبطت "تروماتيزي" من هاك الرحلة في جرّة واحد "سيكوريتي" خامج، والأخيب من هذا أنّها أغلبيّة الناس تستخايلو عون أمن، يعني شرطة بالحقّ وباهتين في عجب ربّي. يحب يقول أنّه في جربوعستان ما خيرش من المواطن باش يقمع خوه المواطن.

خرجت من النفق ومشيت باش ناخذ الميترو، خلّيت هاك الأس دي آف مكبوب السعد مطيّش ورايا وخرجت.. ماهيش مسؤوليّتي، يمشي يشوف شكون لاهي بالتنمية المستديمة في البلاد يعملّو حلّ.. وقفت وصوّرته قبل ما نخرج من النفق (الصورة اعلاه).. كيف وصل الميترو هبطو منّو جماعة هوما على ما يبدو مراقبين متاع شركة الميترو الخفيف وشادّين معاهم زوز شبّان مرسكين، واحد منهم يستغلّ لحظة غفلة متاع الخلاص إلّي سيّبو ما بين يديه ويطلق ساقيه للريح، يجري في وسط المحطّة فوق سكّة الميترو في إتّجاه الخروج، حاسيلو في لحظة من زمان تشوف في قريب خمسطاش خلاّص ومراقب جابوا جرّتو، وما نستغربش معاهم بوليسيّة وحرس وطني ومخابرات والأنتربول.. على خاطر تسكرة بـ300 ملّيم الراجل جابوا جرّتو خمسطاش، نحبّ نعرف كان جاء بن لادن متعدّي ولاّ واحد قاتل روح قدّاش من خلاّص باش يجيبو جرّتو؟ حاسيلو الراجل كان ينجّم يطيح يكسّر كرايمو أو حتى يضربو ميترو جاي من الإتجاه المعاكس يعجّنو لحم مفروم وشركة الميترو الخفيف ما لقاتش حتى شيء تعملو أحسن من أنّها ترسل في جرّتو فريق الرقبي متاع نيوزيلاندا باش يجيبوه مهما كان الثمن.. شدّوه بعد مطاردة قصيرة غلب عليها الطابع التكتيكي وحسن تمركز عناصر الفريق صاحب الميدان، تشدّ وجابوا يكركرو فيه، الظواهري تشدّ في برشلونة؟ آل كابون؟ لا، فقط واحد ما دفعش ثلاثة مياة فرنك.. لا مجال للتهاون والتسيّب، أولاد الحومة لن يسكتون فهمتها كيفاااه؟ مرّة أخرى الإنسان هو ذئب لأخيه الإنسان. في ظرف ساعة غير ربع شفت المعجزة الجربوعستانيّة في أبهى تجلّياتها. مخّي وقف. هاذي بلاد؟؟؟؟



37 commentaires:

Ignescence a dit…

Je ne pouvais plus me retenir de rires, mais, un rire triste car ce que tu dis est tellement vrais!!! Alors que des gens volent des Yacht, d'autre au même pays se font tabasser pour 300 millimes, pour une gorgée de bière ou dorment à même le sol sous le regard indifférent, peut être aussi impuissant, de leurs concitoyens :(

Anonyme a dit…

غلب عليها الطابع التكتيكي وحسن تمركز عناصر الفريق صاحب الميدان

trop marrant!!

SAMIS a dit…

annek thajerr lel quebec baba ou tkhalliha lel jraba3!

Übermensch a dit…

يا بيغ ما عندك ما ريت إسئلني انا كل يوم ناخو ميترو و كار و تيجي إيم...
حالة مكربة...
تي فمة مرا نعرفها توة سنين الله ساكنة مسكن في الميترو4 !
خلي عاد الكعبة الي يطلب في متاع ربي و يقول في كلام حد لا يفهمو : "نهار جمعة (حتى كي نبداو نهار إثنين!) ... يرحمكم الله... و الطهارة... سبحانو و تعالى... يرحم والديكم... بجاه النبي... و الطهارة... !!!"
موش شي إيجوجم!

Amir a dit…

حممتلي قلبي يا بيغ علاه شعمتلك؟

بلازمة لاعاد عافسها يزي من الدمار

Clandestino a dit…

مأساة ساكن نفق برشلونة تعتبر سوفت مقارنة بمآسي أخرى في البلاد

...

اش قولك في واحد حل فمّو نهار , قال اعطوني خبزة اخي ضرب 10 سنين حبس

Hamadi a dit…

Sur les trois points evoqués je vais commenter deux points malheureux:
-Le SDF: Trés en vogue ces derniers jours j'ai deja observé du coté de avenue de palestine à 5 m de la Television Tunisienne qui passe le journal de 20h et le journal régional de 18h.
Pour les agents de polices le SDF n'a pas 5 ou 10 dinars. pour les agents sociaux à 18h ils ont terminé leurs travails et ne sont plus sociaux.
- Sur le monsieur sécurité de train c'est des anciens fsalla reconvertis mais ils gardent toujours leurs capacités de nuisances surtout verbales.

ah ya tounes

عياش مالمرسى a dit…

هذا هي حقيقة العيش في في ظل نظام قوامه البوليس.. التحكم و الهيمنة و النفوذ مرض المواطن التونسي، العصا و الماتراك عيشتو اليومية بطريقة أو بأخرى.. تحيى تونس..

Bel Malwene a dit…

شيئ يمخوج المخ والله !!!!!! محلاها العيشة في دولة القانون والمؤسسات !!!!

Anonyme a dit…

je prend chaque jour le train de la banlieue sud donc ce que t'a raconté est quotidien, je rencontre cela tout les jours, mais très bon article BTB.

Anonyme a dit…

Pour etre honnete il y a beaucoup plus de sdf dans les pays riches et développé qu'en Tunisie.Et puis je remarque des tendances gauchistes dans tes derniers post.C'est une face du capitalisme après tout.

فراشة a dit…

malla 7ala....

Anonyme a dit…

ena men hammam echatt et chaque jour on vit pas mal de choses dans ce train

Unknown a dit…

Trap.. chapo!!
dhe7ka heyla ba3d nhar stress ;)
kothr el ham...
berrasmi 7keyet sdf wellet maoujouda partout 7atta lehna (sousse)...

Tunisian and proud a dit…

:)

hhhhhhhhhhhhhhhhh

merci trap ton blog est trés cool

Gouverneur de Normalland a dit…

ما عندي ما نقول سوى

1 برافوا على ابداعك في السرد

2 واقع يوجع القلب و ما يبشرش بخير

Hayy a dit…

C'est triste à pleurer!

Ouss a dit…

Homo homini lupus
Tu l'as bien dit... C'est vraiment triste et frustrant...

ETC...ثم a dit…

يعطيك الصحة يا ب ت ب على ها الروبورتاج الباهي
sdf
اللي حكيت عليهم حقيقة في تونس و اعمل طلة ناحية مونبليزير فما جماعة زبراطة عندهم سنين عايشين في الخلى المخلي ( فما واحد وصيف توفى من البرد عندو مدة
(
خلي عاد النساء و الأطفال اللي يجيو يتشحتو قدام الدار يحبو على شوية ماكلة و إلا قضية عطار وإلا كرارس و اكتب لأولادهم (و الله أعلم صحيح و إلا غالط)
أما الظاهرة موجودة.و نستغرب في حالات اتسخف و بعثهم للمعتمدية في أغلب الأحيان باش يتكلمو على رواحهم و يأخذو إعانات من الشؤون اإجتماعية

افرح انها جربوعستان

Anonyme a dit…

5ouya trrappa rak 9awwit fi douzza sayéss 3lihoum ou surtout 3la rou7ek,,merci pour tout,

Anonyme a dit…

bjr big sadakani hathi post fi palasitha 3lech 3la 5ater fi libled hathi kol wakett itchouf fih hala; ana wahed men nes dima inchouf hal halett hathi o dima manlkach lihom tafsir hajtin ya lebeled oumrha emrikla 5/5 wella emrikla belmakloub o kima kalet sofiya sadok litahyaaaaaa tounes el 5tharaaaaaaaaaaaaaaaaaaaaaaaaaaaaaaa

Anonyme a dit…

قلبي كان على هاك المسكين الزبراط اللي مشا فالحشاشة
بلاد*** واحد ولى بش يعمل طاسة كاينو بش... اش بش يقول فمي
اما بهت فيك كيفاش ماقمتش لنصرة اخيك فالمحنة الدبوزية وقت اللي شيخو السوجيقات في مخو

Anonyme a dit…

و اش قولكم في جماعة حبو على خدمة باش ياكلو منها الخبز .. ياخي كلاهم المطراق و الاكريموجان و قعدوهم على الدبابز و في الاخر ضربوهم ب 10 سنين حبس ..

Anonyme a dit…

les gens n'aiment pas trop qu'on leur parle des choses qui fâchent alors que ça exitse depuis un certain moment : les SDF , l'insécurité , l'irrespect , l'incivisme!!!!

ce sont les mentalités qui doivent changer !!!

Thx for the article BTB !!

Anonyme a dit…

C'est lamentable wakkah :( blèd 3mal mèchiè fi hèwiè, bel 7ram ki tetfarrej 3la TV t9oul janna moch la3b ... blèd miki...

Amel a dit…

Ca fait mal au coeur.
J'ai voulu profiter de ce post pour pousser un coup de gueule sur les pseudo mamans qui mendient avec des bb collés à leurs dos.

Ca me fait au coeur de les voir.

Une fois un nourrisson toussait énormément et il était porté dans le froid. Et ma fille était installée confortablement et au chaud dans la voiture. Pauvre petit ange. J'ai voulu m'arrêter pour lui dire de prendre soin de lui, même si j'étais sûre que ce n'était pas son fils!

Et elles font ça au vu et au su des policiers sans qu'elles soient importunées.

Dans les pays développés ces bb seront placés dans des familles d'accueil! Pourquoi n'emmène pas-t-on ces bb à SOS gammarth, surtout s'il s'avère que ces femmes qui les portent ne sont pas leurs mamans?

Quel avenir est réservé à ces enfants malchanceux?

Unknown a dit…

والله الغريبة في الأمر إنو و لا ثما واحد من إلي علقوا سأل روحو و قال أنا شنجم نعمل باش نبدل هل حالة المزرية هذه !!
فالحين كان تسبوا في الحاكم ونسيتوا إنو " كما أنتم يولى عليكم "

أولهم إنت يا تراب، كان بالرسمي وجعك حال هل المسكين، كنت على الأقل كلمت عليه واحد من الشرطة ولا سيارة إسعاف، مش تصور فيه بالتليفون!!
زايد و برة، بلاد داخلة في حيط إلا ما رحم ربي

Big Trap Boy a dit…

@ wij:

أوّلا صوّرتو بمصوّرة موش بالتلفون

ثانيا راهو زايد باش نكلّم الشرطة ما عندهم ما يعملولو، والإسعاف زايد على خاطر ماهوش مريض، الراجل ما عندو وين يبات، تحبّهم يبيّتوه في المركز لواش وهو ما عمل شيء؟

بخلاف انّي نهزّ نبيّتو في داري أو نخلّصلي بيت في المرادي ما عندي ما نعملّو، وهاذوما زوز إحتمالات ماهيش واردة

الحلّ لازم تلقاه الناس اللي خدمتها الشؤون الإجتماعية، هذا رأيي

Anonyme a dit…

والله رغم تعاطفي التام مع بيغ إلا انو "ويج" على حق. المواطن التونسي يعرف كان ينبر وانا واحد من الناس من هالنبارة و زيد على ذلك جبان. لكن إذا إنتي مقتنع إلي الحكومة فازدة و موش تخدم في خدمتها...آش يلزمك تعمل??????? "التغيير" يبدا مالفوق يا جماعة و تغيير العقلية يبدا من العقلية السياسية متاع التونسي...جاية فرصة في 2009 إما نستغلوها او نسكتو... واللي يعمل بيدو ربي يزيدو.

Anonyme a dit…

je te remercie encore une fois pour tes "extravaganzas" entre autres celle du SDF, la dernière quoi.
Tes "sujets" sont percutants ,actuels et touchants..
"abqakè allahou dhekhran lel watan comme tu dis "
je serais plus heureux si tu lui trouves un autre pseudo que jarbouastèn, ça ne colle pas ,mon pays dont je suis fier mérite mieux n'est-ce pas yè trap yè bèhi.

Anonyme a dit…

taw ken ja 9attous welli kalb tbaytou nhayar fel garage wallahi sa7a ...ama brabi tbarkallah rajel chmechta3melou?...heki 7aja behi 7aja o5ra itha ken twali te5dem fi 5edmethom lin maj3oulin houma assesan wa9tha 7ata houma iwaliw i3amlou 3lik enti te5ed fi 5edmethom wkima i9oulou "elbhim el 9sir enes elkol terkeb 3lih"ena ra2ii men ray BTB elli hetha ye5dem 5edemtou

Anonyme a dit…

sahbi mech 9otelna el pub blech fel blog nte3ek??aya haw ena bech nestafta7 / zouz snéda9 heiniken el wa7da 3ala 50d chkoun fikom intérécé??

tikaaa a dit…

ou ras khouya holliwood mahich el 3asma mta3 el Aflem ... iektheb 3lik ....

ma netsawwarch fama bled ennes el kol tfallem, ou aflem partout fel k'hawi ou fi echchera3 akther men bledna ...

ielzem 7ad 3andou camera ou isawwer 3la ba3dhou ... taw kol 90 dkika ia3mel long-metrage, ou ierba7 bih oscar.

amma khsara ... kollha takat tamthileya mechia fel ma.

Anonyme a dit…

Bon c'est ..........., bech man9oulech kelma o5ra.

Mais belahi ma3adech ra7ma fi touness, 9bal mat3ale9 3ala leblad, hat na3mlo nadhra 3ala 3badha.

A5i haw 7ad mayer7am 7ad.. rahi moussiba elfa9er fi kol blassa.

Bon na7kiw 3ala les jeunes (elli mzartin) belahi yal9a 5 dinar bech yechri jounta wala ka3ba morneg wala 10 dinars bech yod5ol li 7aflet hayfa wahbi ichalel 3inih.., wmayelkech 300 millimes pour le métro..
Soyons un pe rationnel..
Walah touness behia yesser (ithanna manich marka 7ezb) ama ya 5ouya maw kol wa7ed issalla7 rou7o, a5i 3ajbek eli tala3 bi ka3ba chrab fi métro.., bon itssawer inti wa omek w5tek fi le métro et tchouf haka elmandher ach t7ess belahi..

Taw inchouf fi les commentaires : eli hadha daz rokba fi touness ana in7eb ingolelhom 7aja barka: rabi yehdikom et in7eb inji inchoufkom kifach 3aychin fi "Europe walla Canada", Wallah ils sont dans la MERDE oui la merde 5ouya elkol ya7chiw fih kan tchouf talka 8% mssalkinha ama leb9iya alaho a3lem...

Rabi yehdi ma5la9

Anonyme a dit…

ya3ték saha ya BTB....

Anonyme a dit…

Rien à faire, exactement comme tu disais "kima y9oulou l'franciss" .. La France a des SDF, et veux-tu que la Tunisie n'a pas autant ?

Sinon, c'est pas à Barcelone seulement, il suffit de jeter un coup d'oeil vers 21~22H fil aswé9 fil mdima et tu verras plus que deux .. des dizaines du moins!

Anonyme a dit…

ya3tik essa7a ya Big 3la el post mte3k
elli f'hemyou mil 7keya welli istantajtou mit'ta3alik elli fetou : zeyed bech na3mlou fi hal maoudhou3 chkoun el behi w'chkoun el mchoum w'chkoun bde w'chkoun jeoueb w'chkoun elli 3andou el 7a9 w'bech yal9a el 7al tadsouite :)

La pauvreté et la mendicité n'ont rien de nouveau - je me rappelle il y a une dizaine d'années des groupes d'enfants qui venaient mendier à la porte du lycée, c'était carrément un réseau et les gamins n'étaient bien sur pas scolarisés.
Je comprends ceux qui trouvent qu'on manque de coeur et de générosité en ne venant pas en aide aux SDF ou toute autre personne dans le besoin, mais là où je rejoins BTB c'est que le gouvernement doit AUSSI faire sa part. La question est de savoir s'il existe suffisamment de ressources pour aider ces gens et si elles sont bien coordonnées (ظاهرلي بديت نحلم) et rien n'empêche tout citoyen d'aider qui il veut et comme il veut.

يا وخيّاني قتلتها بالوطنيّة. آيّا أنّستم عندي علم باش نحيّيه

:)