حبيت اليوم نصارحكم بحقيقة لازم تعرفوها على شخصي المتواضع: أنا إنسان مغروم بالسرقة، هكّا من عند ربّي سبحانو. هوايتي اللي نعمل بيها كيف هي السرقة.
...
أما المقصود ـ باش ما نفهموش بعضنا بالغالط ـ ماهوش أنّي نحب نسرق الناس والعياذ بالله... الله يبعد علينا فلوس الحرام وأولاد الحرام
...
. لا، أنا نتفرهد ونشيخ كيف يسرقوني الناس
...
إي نعم، أنا هكّاكة، يبدى واحد يسرقلي في حاجتي وأنا نتلذذ و نتبنّن ونرحّملو على والدين والديه
...
القهواجي، الكسكروتاجي،البوسطاجي، العوّادجي، التونيزياناجي، التيليكومجي، بكلّهم يبداو يسرقو فيّا وأنا شايخ و ناصب تقول مسحور
...
يا سيدي لواش نطوّل فيها عليكم؟ منهم مرّة تعدّات جمعة كاملة وما سرقني حدّ، تي شويّة لا متّ، لوكان موش الدّوايات، والطبيب والفارماسيان، الله يرحم والديهم، زادو سرقوني باش تفرهدت
...
ومانيش فاهم الحكاية الغريبة هاذي منين جاتني بصراحة؟
زعمة خلل في الجينات متاعي ورثتو على العايلة والجدود، ولاّ مجرّد إستيناس بالسرقة والسرّاق حتّى لين ولاّتلي كيف "المخضّرات" اللّي ما عادش إنّجّم نستغنى عليها؟
اليوم بركة ناخذلها خوكم عالصّباح سيفت دوزة سرقة تعمل 66 كيف، أما شنوّة، بذخامة ، موش ريق بارد متاع نطّارة البورتابلوات
بجاه ربّي تأمّلو معايا الإبداع والفنّّ: توّة أنا خوكم عندي جرد خردة 205 أصغر منّي بالأشهرة سومها 3 ملاين وشويّة صرف، جيت باش نعمللها تأمين
MAE عند الـ(assurance)
اللّي هي زعمة معروفة أرخص وحدة في شركات التأمين
(الله لا تربّحهم، قولو آمين)
الجماعة هاذم، بالمزيّة وبالمعارف، قالولي نعملولك 6 شهور بـ200 دينار فقط
ميتين دنّوس يا دين الرّب يعاودولي شطر الكرهبة، نعطيهم للسيقورتة على ستة شهور؟
علاش لا؟
ولّيت كيف الرّاجل، دخّلت يدّي لجيبي ومدّيت الفليّسات وأنا نستحلى في هالسرقة الممتازة
والله لا يقطعلنا عادة
28 commentaires:
allah la trabba7_hom hassorra9 en effet..
ama jab rabbi jat hadd_ha hadd issir9a, mouch ki *******
cela plusieurs fois inji intoll alik... ya khouya tbarkallah alik, wallah nitfarhad a chak fna nji
أهلا بسي أنس
يا خوي مرحبا بيك
إيجا وأرجع كيما تحبّ
المفيد كي تتفرهد
إنشالله بركة وزارة السياحة تمشّيلي حويجة
قاعد نفرهدلهم في الناس بلّوشي
:)))
على كل
merci pour le compliment
أما هاك النجوم اللّي مصفّفهملي بجنب بعضهم ماهمش قايلينلي خير
آش تقصد بيهم؟
:)))
ama inti ta9tou9a bsara7a, tu mériterais une citation dans mon bilan du vendredi ! :)
Merci metallicnaddou pour le compliment, même si je ne me considère pas spécialement "cendrier", ama miselech, enneyya tayyba, c'est l'essentiel!
Au fait c'est quoi ton bilan du vendredi?
:))
يحكيو على واحد صياد...نهار يتلفح في غابة يلقى صيد " اسد" ...
gammar gammar fih
.... واعتاه......
جات الكرتوشة بجنبو..... كرز عمك الصيد و شد جرة الصياد....
عملو لقباحة....
من غدوة كيف كيف.....
النهار الثالث الصيد شد الصياد..... و قلو الظاهر فيك موش جاي تصطاد.....
الكلنا مغرومين بالسرقة.....
....ولد البلاد....
أهلا بولد البلاد
ولاّهي توحّشناك يا خويا
...
آآآآآآآه، فهمت
...
اللّي تحـكي عليه هذا يقولولو مرض الأكابريّة عفانا و عفاكم الله
عالأقل عمّك الصّيد استرجع رجوليّتو بعد ما هزّوه للحلقوم
:)))
هيّا وقتاش تخلط على وخيّانك و تعمللنا مدوّنة هايلة من يديّاتك الملاح؟
@trap boy: tu verras ça vendredi sur mon blog ! :P
c'est un post récurrent que je fais tous les vendredi, saud que j'ai fait grève depuis quelques semaines, mais je vais y revenir
ok, je vois
t'es une gentille fille toi!
:)
Very funny Big Trap... Really nice read
thanx a lot homie!
لوول ياسر عجبتني فازة التونيزيانجي..والله العظيم تقول ملح مشو فلوس نصبّوا فيهم..تحطّهم منّا يذوبوا منّا
!!!
:)))
وربّي يبقّي الستر وبرّه
...
...آمين
wallahi ç la première fois , que j'entre sur ton site, ç l'un des meilleur si ce n'est le meilleur, wassel ya khouya, wme tkhafech ma demek fi tounes ma tra ken esserka , thanna !
merci merci ya gomhouri el 3aziz, ya 7abayi ya 7elwiin, ana bamout fikom!
lool
I'm discovering the blog: you're amazing ;-)
Love that post !
It's good to have you here, miss SNAWSI, such a fine lady!
ehmed rabbi mahiyech 4O5 :)wala etrasilek tu paye 400 d...
tu sais koi! bara badalha 106...lol
:-x
عالدّزّة هاذي ظاهرلي باش انبدّلها 103 أسهل
:)))
mais pour la 405, les 400 DT c pour une année non?
ça reviens presque au même!
103 b 200 dinars l'assurence fill 3amm....aghla mil motour bidou....
...WB....
loooooool ach la3zé fik mabldek ya 5ouya !
nmoutou 3al bleda w ettmjdi9 looooooool vive la tunisie !
Zidna Zidna ya 5ouya 5alli nfechchou ell ghidh w nfarhdou 3al 9loub lin y7enn rabby w yetfarhed ba9i all jassad :)))
ayya bonne continuation :P
PS : ye3jbouni elli ya9raw ell blog bell 3arby w yefhmouh w y jewbou bil english comme koi rana chez nous laba mouahahahahahahahaha ! got u mofos ;)
boussa mell fomm ya BTB !
LESSBE7 !
@ anonymous:
عزاك مقبول ولو ما مات حدّّ حسب علمي
بارك الله فيك على تشجيعك
أما بالله حبّيت نثبّت من حاجة، والثبات ديما باهي: ياخي سيادتك من الجنس اللّطيف ولاّ من هاك الزنس اللّي ما يتسمّاش؟
على خاطر حكايتك متاع
"boussa mell fomm ya BTB !
LESSBE7 !"
لازم الواحد ياخو منها حذرو لا يهزّو الطمع وترصّيلو
papi chulo
عقاب عمرو
echbi ennas el koul et7eb etbousek ye55i?? mella erwaye9 bered :-D
ما في باليش بيك مغيارة هكّا
:))
إستنّا الساعة نثبّتو منّو ذكر ولاّ أنثى ومن بعد تو نتفاهمو
;)
Thkar thkarr ya 5ouya eb T majusCULe !
amma tellement 3jebni ell blog elli 5ammamt direct fil bouss !
barra barka nchallah rabby yeghfrelna ell koll !
W w5ayy chbih ell papi chulo ? ma 3andouch 7ou9oooooooo9 ? woh hal ghalba elli fikom 7atta tarf tolerWance ma 3andkomch ch choumi !
PS : à lella naufrage walla Si nafrouge big trap boy mazzel Freeware mouhahaha alors ell bouss w ell bassbouss for free lenness ell koll . . .
w ya lella ma7len w ya lella mabladni w ya lella rani ma l9it ma na3mel . . .
AYYA BYEZ !
anonyme: haya 7amdoulah etla3et rajel :p ghasra ou et3adet :)(ama stp ma3adech etbous enti !!)
يا سي أنونيموس ولاّ الأصحّ أنونيبوس، البابي تشولو عندو كل الحقوق محفوظة
أما حكاية البوس مالجلغة هاذي ميسالش أعفيني منها
بوسة أخويّة يكفي وزيادة
أنا القماش هذا ما نلبسشي منّو، والنّاس أذواق
طلّ عليناعاد وما تاخوش في خاطرك
Peace!
@ Naufrage: hakka tawwa? el 7amdoullah tla3 rajel? Behi ya lella Sonia! Taw netféhmou!
mdr :) :) maw parce que je suis مغيارة:)
Puisque c'est ذكر donc j'étais sure que son bisou va être automatiquement refusé par BTB ;) c'est pour cela que g dis الحمد اللّه;)
:-xxxxxxxx
Enregistrer un commentaire