vendredi, février 09, 2007

إنطلاق موسم القراءات الدستوريّة على المدوّنة الفضائية




بسم الله الرحمان الرحيم والصلاة والسلام على النبي الكريم واللعنة على كل شيطان آنونيم وكلّ معلّق لئيم. نستغفر الله ونتوب إليه ونعوذ به من شرّ كل مدوّن حاسد كعلاف وكلّ نبّار خوّاف ومن كلّ إنقطاع في خدمة الأنترنات ذات السعة العالية والفاتورة الغالية والمواقع الخالية إلاّ من الكات كات باشي، على أمل أنّو كيف يجينا ملك الموت يقوللنا ما تكونوش فاشي، هاذي ماكانتش حياتكم الحقيقية ، راكم شاركتو معانا في الكاميرا كاشي.

هيّا عادة إمّالا يا أسيادي يا أولاد بلادي ما
نطوّلوش الهداري الزايدة ونتعدّاو للّي بيه الفايدة: ماني كنت وعدتكم باش نبداو في مشروع جديد على المدوّنة، ولكن الله غالب الوقت ما عادش عندي كيما قبل بما أنّها ولاّت عندي مسهوليّات جديدة في الخدمة بعد ما كنت نستنّى فيهم باش يطرّدوني على جيّاني إمّخّر كلّ يوم. حاسيلو ماهوش هذا الموضوع متاعنا، أتوّة كل ما نلقى الفرصة نكتب حاجة باش ما تقعدوش مونك، يعني بالفرنساوي في حالة نقص. باهي إمّالا نمرّو لتقديم المشروع الجديد إلّي إنشالله يعجبكم والأهم من هذا إنشالله يعجبني أنا وأعوذ بالله من كلمة أنا-أتوّة المرّة الجاية نستعمل كلمة أخرى ، مثلا حضرة جنابي- على خاطر الحكاية تنجّم تاخذ شويّة وقت ووسع بال، لكنّي نراها هامّة برشة ويمكن تفيدنا في إطار سياسة إيدي فيدك تفيدني ونفدّدك، والتونسي للتونسي كيما تعرفو مليح هو رحمة، مع الإشارة إلى أنّ كلمة رحمة في بعض الجهات التونسية تعني الصاعقة اللّي تهبط من السماء على العبد تخلّيه فحمة على بلاصتو، وهذا بالمناسبة أمر غريب شويّة في لغتنا الدارجة بالمقارنة مع العربية الفصحى، كيما كلمة العافية زادة اللّي تعني الصحّة، في حين عندنا نحنا تعني الجمر متاع الكانون، يعني اللّي تقوللو يعطيك العافية كاينّك دعيت عليه باش يتشوشت على الكانون

باهيييي، وفاتشي هالمقدّمة متاع وذني؟ آشنوّة هالمشروع يا سي البي تي بي متاع العرب؟ باش تجيبلنا الضوء ولاّ الكيّاس ولاّ المي؟؟ لا هذا ولا ذاك يا سيدي. المشروع الجديد هو أنّنا باش نحاولو نقراو مع بعضنا أهم نصّ يهمّنا الكلّ كتوانسة واللّي للأسف عدد كبير منّا يسمع بيه سمع وعمرو ولا
جاء بين يديه. النصّ هذا كيما البعض منكم طلّع وما ربح شيء للأسف، هو الدستور التونسي، دستورنا العزيز حسب ما لاحظت ماهوش معروف عند العموم، لا من حيث سبب وجودو، ولا من حيث أهمّيّتو ولا من حيث محتواه... حاسيلو ما فمّاش إحصائيّات أو دراسات تثبت أو تنفي كلامي هذا لكنّها ملاحظة شخصيّة من خلال المحيط اللي نعيشو فيه بإستثناء الناس اللّي عاملة دراسات في القانون كيف سيادتي الموقّرة.

ما نخبّيش عليكم كنت متردد شويّة بالنسبة للموضوع هذ
ا على خاطر المسائل الدستورية أوّلا تقرب ياسر من المسائل السياسية وتتداخل معاها ساعات، وأنا قلت من الأوّل ما نعملوش البوليتيك على المدوّنة هاذي على الأقلّ، لكن نظن أنّو رغم كل شيء يمكن باش ندرسو على الأقل الحاجات الأساسية في الدستور ونتجنّبو الدخول في الجوانب البوليتيكية المتسببة في تدوير مفتاح الكميونة الفرنسيّة المغطّاة بالباش. نحبّ زادة من توّة نطمّنكم راهو ماهيش باش تكون حصّة متاع دروس خصوصية في القانون الدستوري وتولّي قينية وكلام صعيب وتكسير بطاطا، أما الأكيد هو أنّو فمّا برشة ما يتقال وما يطرح مواضيع للتفكير في الدستور التونسي، والأهمّ هو باش الناس اللي عمرها ما إهتمّت بالأمور هاذي تهتم على الأقلّ ويكون عندها وعي بالمسائل الأساسية

من حينك إمّالا، حضّرولي لوحاتكم وطباشيركم وإستعدّو لإنطلاق موسم القراءات الدستوريّة على المدوّنة الفضائية



26 commentaires:

samsoum a dit…

حاضر يا سيدي كلّي آذان صاغية :-)

Big Trap Boy a dit…

Au fait les comments seront désormais soumis à mon controle préalable avant d'apparaitre sur le blog, je vous promet d'éviter aux maximum de faire de la censure mais c'est le meilleur moyen que j'ai trouvé pour fermer sa geule à ce fils de pute d'anonyme au chomage qui n'arrete pas de poster des insultes débiles à longueur de journée.

7asilou ma7léha la technologie, et belléhi ne me parlez pas de libérté d'expression car ça n'a jamais été applicable aux singes de ce genre, je lui laisse cependant la libérté d'avoir des rapport sexuels avec sa maman macaque et toutes les femelles en chaleur dans sa tribu ainsi que le droit de se gratter le derriere avant de se mettre les doigts dans le nez.

J'espere que ça ne vous dissuadera pas de commenter en toute libérté.

One.

Slaim a dit…

Sidi ana 7adhir wliddars sa3'er

Zizou From Djerba a dit…

Mousta3ed!!

Anonyme a dit…

Enfin somme nous devant un agent de la censure ????

Anonyme a dit…

Alouuu,
Essah essah...
un dé troi... un dé troi...
Test test...

(Juste pour tester le filtre!)

Anonyme a dit…

Je voulais juste faire une remarque liguistique. Le fait de dire "3afya" pour "elwal3a" :p est une pratique très ancienne dans la langue arabe. C une manière d'être optimiste bel 3arbi nestfeylou bel khir!
exemple : 9afila (caravane) veut dire celle qui va revenir (9afala ya9filou : raja3a mouch sakkara :D)

salim : veut dire "sain" mais c utilisé aussi pour décrire qqun qui a été piqué par un scorpion. kom koi labess we eb9odret rabbi bach inagazha we ma imoutech!

Je m'impatiente pour lire tes commentaires sur notre cher dostour! cette chouli9a maléable ki n'a aucune 7orma et qu'on modifie kom on veut quand on veut et qu'on ne respecte et applique que quand bon "leur" semble aussi!

أنيس a dit…

C'est une très bonne idée qui va nous permettre de confronter la théorie à la réalité :-)

Anonyme a dit…

Salut BTB,
J'ai commencer par l'impression depuis Internet du "manuelle scolaire", en l'occurence la "constitution de la république tunisienne". Je suis impassiant de commencer les cours, je pense que c'est un sujet très important et j'attend de voir ta façon de l'aborder!! (tarikat attar7).
En ce qui concerne "le singe", je pense que tu as assès parlé de lui et que du moment ou tu as trouvé un moyen de le censurer "technologiquement", il vaudrait mieux l'ignorer, wa lakom sadid annadhar !!
WFR

Sonya a dit…

سييييييييييييدي ماما تسلّم عليك و تقلّك ملّيني وحدة وحدة
هايل ب-ت-ب وحدك يا خويا

Anonyme a dit…

@BTB, ce n'est pas démocratique ce que tu fait, tu doit laissez la parole au macaque, aux rezhus, au gorilles, aux chevaux.
eux aussi il ont le droit de nous faire savoir qu'ils appartient aux races animales, et que l'unique difference entre eux et les zébres est la parole.
ciao

Sami III a dit…

لا يا سيدي, مازلنا نقراو و نعلّقو (موش الصباط أما على كلامك) ميسالش السونسير باهية مرات :)
أما هال المقدّمة ياسر طويلة, هات المفيد توّا :)

Sami III a dit…

je pense que "law7a et tabachir" mézél wa9thom, taw lézém n7adhrou "nésf war9a" fiha ta3rif li ma3loumétna al cha5siya :)

Takkou a dit…

J'ai deja une copie de la constitution à ma portée. J'attend la prmiere leçon avec impatience.
Alors, ça commence quand ?

Takkou a dit…

Big, depuis quand tu imposes le filtre à tout le monde. Le commentaire que tu n'aimes pas tu peux l'eliminer à ton aise quand tu le veux.

Unknown a dit…

Fi bali ba3d erreforme mta3 etta3lim el Assassi, na9raw eddestour fesseptieme wel huitieme dans les seances de tarbya madaniya !

الشنفرى a dit…

نمـــــوت على الدستور.... هيا خويا أبدا الدرس,

bribech a dit…

Tarbya madaneya hahahaha.... si j'etais le ministre d'education fi tunis j'enleverais tous c classes de soi disant "tarbya"..... za3ma les profs mta3 hethom il tarbyet (islameya wel madaneya) akthar 3bed mitrobya fi tunis???
@Takkou: tu dis la meme chose... le filtre est le cerveau de la censure....
@BTB: jai bien aime ton introduction, du fait kelle nous pousse a attendre et lire le reste du texte.... mais je penses ke t'as besoin d'une nouvelle introduction. Celle du sujet pas du blog. Il mohim, ena i can't wait to learn about our doustour, je suis un des personnes ki sont "out" kon il sagit du doustour. le seul truc ke je me rappel du tousour, c kil est blanc, petit, et coutais 500 millimes (si je me rappel bien). D'ailleur c pour ca ke je voulais enleve c tarbyet mil 9raya... on a rien appris a la fin.

Anonyme a dit…

on t'écoute BTB, ne tarde pas....c'est intéressant.
;-)

Anonyme a dit…

7dhrine 7adhrine ya BTB!

Anonyme a dit…

Ayya winek ya M3allem,
rana 9rib bech en3'nnioulek : "Sidna ma jeeech, malla ra7a, 9raya ma fammeeeeech, nal3bou fi essa7a..."
Je parie que tu t'amuse bien à voir que tes élèves s'impatientent por ton cour; Sadique yasser el BTB !!
3ala kol 7al, a7na wrak (b3id echar 3lik) wou rabbi rak!!
WFR

النّسر الوهّاج a dit…

ماتنساش باش تبدا الامور من مبادئها يعني مالبند الأول. خاتر ثم شكون قالك أحنا احتلونا العرب والمسلمين و"لغتها العربية ودينها الاسلام" يلزمها تتنحى مدّستور

Anonyme a dit…

أرفع قلمي الجديد وأفتح كراسي الجديد وأنتظر دروسك القيّمة وبسرعة يرحم الوالد قبل ما تضرب السّيران ونروّحوا...
MIRAGES12.MAKTOOBBLOG.COM

Anonyme a dit…

aya winou ??

chapitre I

section I

premier paragraphe...


hani nestenna m3a ejjme3a...9addeh wssolna men telmith?? 25 presque, c'est bon... welli yotlbou fel3elm mezelou tbarkallah ... nji n3awnekeuu??? - assistante mayselesh...


pffff ti winek?

takamaka a dit…

Doustoure et un air de censcure!
je crois que j'ai déja vu ça quelques part!!!
je crois que parfois en parlant de 7ou9ou9 il insen, il faut différencier al insen mil 7yawen ;o)
pour ceux qui guaspillent leurs salives en postant des gros mots!
Bonne initiative BTB

Anonyme a dit…

I'm Ready too for the lessons..
I'm eager to read your "interpretations"
PS: About Comments it's your space and you're free :-p
But i won't be casting my vote on your poll as long as it includes only such shocking options. It’s your revenge, then profit it :-p That "S.. O. B...." is one of those ill persons that need to be in a psychiatric clinic maybe this world will be better then. It’s unfair that such a person has access to the net and uses it to disturb others in anonymity!!