lundi, février 12, 2007

قراءات دستورية-الدرس الأول: لماذا الدّستور؟



هيّا يا تلامذة الدرس باش يبدى. جاهزين؟

هيّا قفووو، إجلسوو، صحّيتو

إنشالله تكونو راجعتو في دياركم وحدكم، على خاطر أنا مانيش باش نعمل "أوتيت" أو دروس خصوصية باش نردّكم قويّين قويّين، ولهذا لازم الحصة الجاية نلقى عند كل واحد نسخة من الدستور باللغة العربية تنجّمو تهبّطوها من هنا، واللّي نشدّو في القسم بلاش نسخة يعرف آش يستنّى فيه

من غير إطالة ولا حصص تعارف نبداو اليوم في درسنا للدستور التونسي، ولكن قبل الحديث على الدستور متاعنا نحنا ما فيها باس كان نحكيو على الدساتير بصفة عامة. يقول القايل آشنوّة هو الدستور وعلاش البلدان تعمل في دستور لرواحها؟

من الناحية النظرية والفلسفية إنجّمو نقولو أنّو الدستور هو أكثر حاجة تقرب في الواقع من العقد الإجتماعي متاع جون جاك روسو، وبغض النظر على موقفي الواضح من الفلاسفة متاع القرن 18 ، ما فيها باس كان ناقفو لحظة على نظرية العقد الإجتماعي هاذي ونحاولو نشوفوه الفرّادي آش يقصد.

بالنسبة لعمّك جون جاك، المشكلة كانت كيفاش يمكن نعملو دولة تضمن للإنسان حقوقو؟ والمسألة في الوقت هاذاكة كانت صعيبة -و كي تجي تشوف لليوم مازالت ماهيش ساهلة- على خاطر الفلاسفة وقتها كانو يفسّرو القانون على أنّو قانون الطبيعة أو قانون إلاهي، يعني أمور اللّي الإنسان ما عندو عليها حتى قدرة وما ينجّم كان يخضعلها ويسكّر جلغتو. كيما نقولو نحنا هاذاكة اللّي مقدّر ربّي. جاء سي روسّو وقاللك لا، الحكاية ما تساعدش هكّا: الحكم لازمو يقوم على أسباب أخرى باش الفرد يعيش ويربّي الريش، وقالّك ياسيدي اللّي أوّلو وفقة آخرو سلامة، وما خيرش من أنّهم الناس يعملو عقد مابيناتهم يتفاهمو فيه كيفاش باش يعيشو مع بعضهم في إطار الدولة.

العقد هاذا يتفاهمو فيه الناس كيفاش باش يخرجو من حالة الطبيعة، يعني أفراد أو قبائل تضرب في بعضها بالحجر والكنتول، ويدخلو في حالة الحضارة اللّي فيها دولة وحاكم يحكم والدنيا هانية. بالعقد الإجتماعي يجي كل واحد من هاك لي سوفاج و يتنازل للقانون - وبالتالي للحاكم اللّي باش يطبّق القانون- على جزء من حرّيتو في سبيل أنّها الناس تعيش في أمن وتخرج من حالة الهمجية وضرب البونية. بالطريقة هاذي يرى جون جاك روسو أنّو الإنسان ينجّم يعتبر نفسو أكثر حريّة على خاطرو هو صاحب القرار في الإمتثال للدولة وللقانون، والدولة أو الحاكم ماهو إلاّ صورة تعكس الإرادة الجماعية، أي إرادة الشعب صاحب السيادة كيما يقولو فيها- والكلمة هاذي باش نلقاوها موجودة في دستورنا كيف ندخلو في الفصول من بعد- ولهذا فالإنسان مادامو هو صاحب الإختيار في السيستام هذا فإنّو ما عادش عندو سبب باش يخاف من هالتـنّـين أو الوحش الخرافي اللي هو الدولة كيما كانو يحكيو عليها الفلاسفة ماكيافيل أو توماس هوبس من قبل واللّي تعفّس و ترحي كل من ياقف في طريقها بلا شفقة ولا رحمة.

بالطبيعة الحكاية متاع العقد الإجتماعي تقعد أمور نظريّة على خاطر الناس الكلّ -بما فيهم جون جاك روسو- يعرفو أنّهم العباد ما هزّوش رواحهم قافلة تسير وقصدو ربّي للبلدية باش يصحّحو في ها الكونتراتو الإجتماعي كيفو كيف العقود متاع الكراء أو بيعان الكراهب، وزيد حتى شيء ما يضمن إذا كان ناقفو عند حدّ الكونتراتو أنّو السيّد اللّي صحّح معاك ما يجبدش بيك، خاصة وأنّك في الحالة هاذي كيف تجي باش تشكي بيه -كيما يعملو الناس في المعاملات بالعقود ما بيناتهم- تلقى روحك باش تشكي بيه...ليه، وبرّا وقتها جيب عليه الشهود وقولو أنا اللّي صححتلك في العقد الإجتماعي وتنازلتلك على الحكم وشوفو آش يجاوبك... حاسيلو كان والديك راضين عليك يقولّك "أرجع غدوة"...

يبقى كيما قلنا أنّو في الواقع، الدستور هو أكثر حاجة تنجّم تقرب للعقد الإجتماعي متاع روسّو. والدستور يمكن نعرّفوه بكل بساطة بأنّو وثيقة مكتوبة، يكتبوها بصفة عامة كيف يجيو باش يعملو دولة جديدة، و يضبطو فيها طريقة الحكم وتنظيم السلط في وسط الدولة، والوثيقة هاذي تكون هي أعلى قانون في البلاد، ويكون إحترامها واجب على الناس الكلّ بما فيها السلط المختلفة، وهنا يجي الفرق ما بين الدستور و"الكونترا سوسيال"، بما أنّ الدستور عندو قيمة قانونية، وقيمتو هاذي أعلى من قيمة القانون العادي، بل أكثر من هذا: الدستور هو قانون القوانين، يعني أنّو القانون اللّي يصدر مخالف للدستور ماهوش قانوني ويلزم يقع إلغاؤه ، وهذا يطرح باب كبير يعرفوه جماعة القانون وهو ما يسمّى بالرقابة على دستورية القانون، يعني باش ما نمسّطوهاش، آشكون اللّي باش يعسّ ويقول هذا مخالف للدستور وهذا لا. والحكاية هاذي لازمنا خمسة شهور ونحنا نحكيو عليها وشوف وشوف، لهذا أنا مانيش باش نحكي عليها الليلة على خاطر بدى يجيني النوم، أما ما يمنعش اللّي أهميّتها كبيرة ياسر، ويمكن حتّى أهمّ من الدستور بيدو، على خاطر كيما تعرفو، الدستور مهما علات قيمتو، ماهو إلاّ كتيبة والناس الكلّ تعرف تكتب، أما اللّي بيه الفايدة هو كيفاش نعملو في التطبيق، وكيما يقولو فيها الفرنسيس:"الشيطان في التفاصيل"، أو بالعربية "لو ديابل إي دون لي ديتاي" ومادام الحكاية ولاّت فيها شواطن خلّيني نمشي نرقد خير، موعدنا إنشالله في الحصّة الجاية مع الدستور التونسي

هيّا توّة اللّي عندو تعليق يكتبو على السبّورة، والمرّة الجاية كلّ واحد جاي للقسم يجيب معاه خمسة دينارات ودجاجة عربي وجرانة أم قرقر باش نعملو بيهم تجارب علميّة


39 commentaires:

Slaim a dit…

Sidi ana sma3t, kima 9olt inti, illi il 9anoun fi 7ad thatou mouch mohim, il mohim howa illi innas il koll ittabi9!! ma3naha 7atta b9anoon 3'alit lakin moutaba3 titsla7 loumour?

zizou from Djerba a dit…

Allah Yarham Oualdik ya Ostadhna ! Rani Habbat Addostour ou hani reservit blassti fil Ettaoula Lowla lel Hessa Ejjaia !!

Cold Pizza a dit…

haw el pedagogie wela blech , c u next class btb ;)

kaiser a dit…

يعطيك الصحّة يا أستـــــاذ

شــــــابــــــو

soapsalesman a dit…

jinahachi ....

Original Prankster a dit…

sidi sidi, kolt njibou 4 djejat ou bagra ou 3 m3iz bech nchoufou echittian fil les details ;-0 !!!

candel a dit…

sidi hani kolli athanon saghiya, ou minba3id nitna9chou, khatir hatha il kol ta9ta9ou mazal illi fala9ou,
ama ya3tik il sa77a fi hal fikra ou inchallah tkamalha 7attalilikhr

Pandora a dit…

7assilou wa7dek!!!!
J'ai hâte de lire la suite :)

Ejjdid Ejjdid a dit…

Ya jme3a chwaia na9d, ye5i bech nab9ou dima nsaff9ou, macheft ken : Ya3tik essa7a BTB, malla inti ya BTB, elli yaghlbek iji y7asebni ya BTB, enta 3omri ya BTB, maint j'ai compris 3lech tnarvezBTB la dernière fois, il est typiquement de ceux elli y7ebbou tharb elbendir :)

bouhaliya a dit…

ken je2 3andi prof tarbiya madaniya kifek, rani ma fallat 7atta kelma melli 9alou, mouch mta3 t7adhar lilet el devoir w temchi etsobb essabba menghir ma tefhem 7arf!
je trouve que c'est une excellente idée que de commencer par le commencement, et crois moi, tes elves ont une tranche d'age superieur a 25 ans.. bech ta3raf 9addech ettounsi jehel eb7ou9ou9ou w bi oussos el mojtama3 elli 3ayech fih! c deprimant! mais c'est une bonne initiative de ta part, et de la part de tes lecteurs qui seront, a mon avis, des eleves assidus et attentifs.

"Anger is a gift"

Nevix a dit…

Tres bon post comme d'habitude !
Mais corriges moi si je me trompe ça ne serait pas notre Ibn Khaldoun qui a introduit la notion du Contrat Social et non J.J.Rousseau ?

Grombalia a dit…

Chouquitni eb me79ranitek lel les sauvages. Balekchi la3bed elli fettaswira 3andom nidham ou 9iyam ?

janette a dit…

ya zizou min fadhlik rahi blasti éna leblassa elloula, dewiw, éna 9olit 9ablik! aya barra arjaa leblastik! sidi 9ollou yhib yfokli blasti!

bribech a dit…

Sidi nemchi nastari7? ;)
Things started to clear up in my mind... but i wanna learn more about "al ra9aba 3ala doustoureyit il 9anoun".... does it mean that the doustour is flexible? can be changed/ modified with the circumstances? or laws have to be compatible with the doustour before even they got passed on???

bizguellif a dit…

sidi nimchi nbill Ettaléssa?

j'ai la meme question que bribech:
la constitution evolue avec la société.. c est elle qui fait la constitution et pas le contraire, alors comment (par quel moyen) la constitution pourra t elle etre modifé et ratifié?

Annisrr a dit…

@BTB :
Cher professeur. En lisant ton poste, j’ai été contraint à le zapper pour aller lire un poste précèdent de toi dans lequel tu as donné ton avis personnel sur les philosophes du 18eme siècle. Je ne prétend en aucun cas contester la valeur de ce que tu as écrit, au contraire je le confirme et le défend. J’ai essayé, cependant, de le compléter dans mon dernier post. J’ai parlé du « Contrat zabatial » et autres œuvres similaires. Celles-ci étaient les fruits des réflexions des philosophes des lumières du 21eme siècle, ceux à qui tu as manqué de rendre hommage.

farfar a dit…

ahla BTB :)
voila g effacé le post en kestion , je ne savais ke c de toi ,je l'ai recu par email .. je m'excuse .. koike c pas clean zeyda ;)

Big Trap Boy a dit…

Merci à tous pour votre intérêt à la question et pour vos questions pertinentes, je crois même qu'elles méritent un post spécial pour y répondre. Ce sera pour demain donc.

@ Farfar:

De quel post tu parles?

samsoum a dit…

@Bizguelli and Bribech. la constitution est ratifie par un vote populaire et peut etre amende par vote propulaire initie par le parlement , le president ou le peuple (un minimum de signatures) selon le systeme du pays. C'etait le cas en TN en 73 et recement.

Anonyme a dit…

ya3tik essa7a

Anonyme a dit…

yaaatik esaha

bribech a dit…

Merci Samsoum, it makes much more sense now.

takamaka a dit…

Monsieur ça fait longtemps qu'on n'a pas eu classe.
On est impatient !

bribech a dit…

une fois par quanzaine!!!!chnowa lab chimie howa il dars mte3ik? wela mai famech class fergha?

bribech a dit…

typo i meant quinzaine

bribech a dit…

Typo i meant quinzaine, i know jeya min quinze mich quanze :)

SwordEddine a dit…

Très bonne vulgarisation des concepts.
J'attends la suite avec impatience

Nejma a dit…

brabbi, BTB, a3lech tu nous fait attendre?? tous les jours je viens voir et RIENnnnnn!!!????

Anonyme a dit…

it Theorie wahadha ma tkaffch, Haou schouaya Travaux Pratiques:
http://video.google.com/videoplay?docid=5739720183362423597

candel a dit…

Limli7 yebta, ya nejma

3amrouch a dit…

ya BTB el 3amm bech youfi et nous on est encore fel lecon 1.
ech bech na3mel enna taww fel examen.
matarje3 ken ebwali amrek wella certificat medical

Anonyme a dit…

Haya win la suite yé extra

Anonyme a dit…

mella tafahet !!!!

bribech a dit…

Ca y est bech nbadil mil classe ena ;)

BAZI a dit…

le prof majech aya barra nimchiou inkaourou
oualla nimchiou nala3bou ACTION vérité

Anonyme a dit…

ti winik ya si le "GRAND btb", blaat Sikkina???

Anonyme a dit…

ya BTB, ma t9ollich 7attouk fi Gualbou ;o))))

nejma a dit…

ti a3lech hakka ya BTB ?? Winek ma fammech Rihtekk??
Lébessss??????

zizou from Djerba a dit…

Ti haya ! BTP ! Ti rak Tawwalt !!