samedi, juin 02, 2007

فـــاصـــل إعـــــلامـــي



بعد الخوضة متاع المغرب الكبير الواحد ينجم يرجع يحكي نورمال، بصراحة فديت من الجديات، توة أنا عامل مدونة باش نتفرهد ونعمل ضحكة على العالم التعيس، ياخي رصاتلي في جرة المغرب الكبير نكتب بالعربية الفصحى تقولش عليّا في البيرو.

حاسيلو بارك الله في الناس اللي ساندو حملة المغرب الكبير، وفي الناس اللي إعترضو على الفكرة بطريقة حضارية، والناس اللي إعترضو بطريقة موش حضارية، حاسيلو بارك الله فيكم الكلّ ماعدى الناس اللي عندهم معايا مشكلة شخصية - ولو أنا ما عندي مشكلة شخصية مع حتى حدّ، على الأقل موش في الإنترنات - هاذوكم ما يفوتوش زوز ولاّ ثلاثة يعرفو أرواحهم، ... عليهم حاشاكم. المفيد توّة هاني دبّرت برشة فلوس في جرة الحملة هاذي ، وباش نبيع البلوغ متاعي بالمزاد العلني، توة فمّا غوغل عطاتني فيه 120 مليون ومازلت نستنّا في ياهووو باش تعطيني عرض آخر اليوم العشية. البوست هذا مجرد فاصل إعلامي باش نعلن إرجاع البانر المخل بالأخلاق الحميدة متاع المدونة واللي عجبو مرحبا واللي ما عجبوش يمشي يعمل دورة ويرجعلي العام الجاي في آخر شهر ماي، بالكشي نعملو حويجة، وأهوكا اللي يحب يشري ويدخل المزاد العلني يتقدم بالعرض متاعو قبل ما تفصع بيه الصحاح

هيّا توّة ليلة "سامدي سوار" ولا فايدة، أعطيني هاك الثقافة الوطنية وأشطح ربي معاك.




:D


12 commentaires:

Ernesto a dit…

و الله نظن أنو من واجبي بش نشكرك على فكرة التدوين للمغرب الكبير ألي شخصيا حبيت نشارك فيها أما ال A.T.I و التيليكوم و الفلوس منعوني.
المهم أنو الفكرة نجحت . و بخصوص البانر مرحبا بيه خاصة و أنو يعبر بامتياز على بلادنا العزيزة.

Anonyme a dit…

لا عاد توا يلزمك بانر آخر يعبر
على تصورك للمغرب الكبير. شقولك نعملو كنكور متاع تصميم بانر مغاربي ولي يربح يكونلو شرف حطان البانر متاعو في مدونتك ؟

Big Trap Boy a dit…

يا طارق والله أنا كنت حاب نبدلو البانر، موش على حاجة أما باش نبدّل اللوك متاع المدونة شوية أما صدقني ما نعرفش كيفاش
:D

عندي بانر جديد ووين نجي نحطو ما يطلع شيئ

لازمني نوسّع بالي باش نفضها هالمشكلة، الله غالب، الجهل مصيبة، وأنا في الأمور هاذي أجهل من صباطي

:)

Anonyme a dit…

Excusez mon ignorance mais c'est quoi البائر?
Merci de me répondre.

Big Trap Boy a dit…

@ bichette:

banner et non pas ba2er

بائر يعني ما خذاش مرا كيف المرا البايرة

أما البانر فهي الصورة اللي فوق المدونة وفيها عنوانها يعني بالسوري

banderole

هاذيكا هاك اللي فيها كعبات بيرة وكلب وحكة هريسة ومرا عريانة بالجوانح

:D

Anonyme a dit…

Merci Big Trap Boy ;)

Anonyme a dit…

chbiha el bannière mte3ek? hethika el charme mte3 el blog.

Anonyme a dit…

أنا كنت سألتك سابقا علاش أغلقت البر متاعك؟ظاهرفيك تعرف لجماعة الوحدة المغاربية ضد البيران وهذاك علاش سكرت حتى افوت المهرجان المغاربي.بلاش بيها الوحدة المغاربية إذا كان باش تغلق البيران.أنا متأكد ان أكثر ناس مع الوحدة هم جماعة البار.

Téméraire a dit…

Ykoulou we allhou a3lam, elli el banner ekhtafet wakt el hamla al magharibia béch ta3ti tabe3 dini lel maghreb men ghir birrrra, celtia we mornag, men ghir Kiffff we men ghir .....

Za3ma klém shih walla moujarred icha3et kifma elli nasm3ouha 3al machahir????

Big Trap Boy a dit…

إزالة البانر بصفة وقتية كان باقتراح من بعض المساهمين في الحملة لعدم المس بالحساسية المفرطة للبعض وبالتالي للمساهمة في إنجاح يوم التدوين المغاربي بما أني إقتنعت بأن الحملة ماهيش ملكي الخاص وماهيش أموري الشخصية وحدي

لهذا قبلت باش إنحيها لمدة الحملة وإنرجعها بعد ما توفى
(voir les commentaires des posts de l'action maghreb pour plus de détails)

على كل حال الحملة كانت فقط سبّة عملتها باش ندبّر الفلوس وتوّا بعد ما ولّيت من الأثرياء في البلاد إنجم نرجّع شقوفاتي ونسكر بفلوسي

:D

BlueAngel a dit…

test. bech nchouf ken mon compte google rja3 yekhdem.

(sorry:p)

Big Trap Boy a dit…

يا بنتي تستي واش عليك
وكان ما رجعش أنا نرجعهولك بالسيف على قوقل
تي راك متاعنا

:p