dimanche, juin 03, 2007

ٌRecrutons Imam qualifié!ِ

اليوم خرجت نعمل في دورة في أرض الله الواسعة فمّاش ما نوسّع بالي، ياخي لقيت روحي بالصدفة في جهة البحيرة بحذا المركز التجاري "مربع البحيرة"، قلت برّا نهبط نعمل دورة منّي نتمشّى ومنّي نشوف آش فمّا في المغازات، حاسيلو بعدما عملت طلّة على الفيترينات متاع "الكاغي دو لاك" بديت نشك في روحي:

نطلعش رقدت 25 سنة البارح كيما أهل الكهف وقمت في عام 2032؟ على خاطر الأسوام اللي على الحوايج ماهيش متاع الفلوس اللي نستعمل فيها في ساير الأيام: الدينار متاع عام 2007 يا حسرة عليه، كان يجيبلك دقيقتين حديث في البورطابل اللي يقلّك، و يهبّطك في تاكسي من الباساج لشارع الحبيب بورقيبة، أما في "الكاغي دو لاك" هذا، الدينار لقيتو ماعادش يجيب حتى حق الهواء اللي يتنفـّسو الإنسان في درج من زمان. يا سيدي لواش علينا الحديث، هاني صورتلكم بعض الفيترينات باش تفهمو











حاسيلو من بعد ما كنت خارج باش نتفرهد ، رصّاتلي وقفت قدّام أوّل حمّاص وشريت باكو موشوار (مناديل ورقية) بخمسين دينار باش نمسح بيها دموعي، وزدت خذيت بـ70 دينار قلوب باش نقصّر بيهم العشية . جاب ربّي الحماص طلع يقبل الشيكات

آه نسيت ما قلتلكمش، واحدة من البوتيكات متاع "الكاغي دو لاك" عاملة إعلان باش تنتدب "فوندوزات" يعني بائعات في المغازات هاذي، كان فماش منكم شكون تحب تخدم وتدبّر راسها، أما المشكلة الوحيدة راهو جماعة "الكاغي دو لاك" في الشهاري مازالو يخلّصوا بالدينار متاع عام 2007، موش متاع 2032، يعني كان عملو الباهي توة يعطيوها 250 دينار، يعني يجيبولها كلسيطة كل شهر، تعمل كاريار باهية وقبل ما تخرج للأنتريت بقدرة ربي تحطّ حطّة هبال من عند الـ"كاغي دو لاك"


حاسيلو أنا ماعندي شيء ضد الحوايج الغالية مادام الناس تشري، أما ماذابيّا كان نشوفو حلّ للناس اللي كيفي، اللي قارية باك+58 وتخدم في خدمة شريفة، لا تسرق ولا تاخذ رشوة ولا تسمسر في العباد ولا تقلب في الفيسك ولا في الـسي-آن- آس-آس واللّي شهاريها مازالت متاع عام 2007. ياخويا شوفولنا إمام متفتّح ولبّاس يفهم في الموضة ويعرف "الكاغي كو لاك" خلّي يعمللنا فتوى يحلـّل فيها السرقة والخطفة والقلبة والتحيّل للمسلمين اللي يعيشو في عام 2032 ويخلصوا بالدينار متاع 2007، والله تكون فتوى أحسن من فتوى رضاعة الكبير متاع جامع الأزهر. أنا كان لزم وما لقيت حتى إمام وليدها يفتيلي في السرقة باش نتلزّ نفتي وحدي، وكان لزم باش نفتي في البيرة والزطلة والحرابش متاع الأعصاب باش الفقراء ما تموتش بالغزول والحمصة

أنا متأكد كان جاء فمّا "كاغي دي لاك" في عهد الجاهلية راهو الإسلام حرّم الحوايج وراهي الناس تدور حفاة عراة كما خلقها ربي، أما ظاهرلي دينار قريش كان أقوى برشة من الدينار متاعنا، هذاكة علاش نزلو على القماش نزلة هايلة في عهد الإسلام. لهذا حبيت نقوللكم بجاه ربي ماعادش تلوموا على البنات، أنا واحد من الناس باش نولي زادة ندور عريان على الدزّة هاذي، بالطبيعة في إنتظار فتوى من نوع إسرق وربي معاك



25 commentaires:

Anonyme a dit…

personnelement je connais pas الكاغي" كو لاك" ama bourjoulia chaussure eb 790 et 990 !!!!! du jamais vu ni entendu
brabi kan ta3ref wa7ed chré menou el sabet 9ouli apprament yemchi wa7dou :)
هاذي حكاية لا زم الواحد يحكيها الحفار قبرو

Bouha a dit…

ti ena kif nara el asem hethi bel jnih el masri, nhezz rou7i w je passe mon chemin, ama beddinar !!!!!!!!! ouh!!!!!!!!
je crois bien que je serai pas dépaysé question chiffres a mon retour...

Saied a dit…

Titla3chi inti illi te7ki 3li8 il BBC ?

[ Via Tarek ]

Anonyme a dit…

ena i3jbitni haja wahda : portefeuilles a 330 dinars, tswarou une telle porte feuilles kadech lazem thot fih flouss willa tarefech kifech nichri whaida bou 330 dinars wi ntsalef milliion wala thnin bech nhoto fiha..........
ena ili yakharni fil magasins hathoum houa ili houma fahmin ilmentalite mtaana ihna etwanssa bilgda bilgda, ih mela kifech ala khater fi tounes nakhdou khardh bech nchriou karhba mithkma wi nakdassou il kimbaliet bech nichriou rouba bi 1000 dinars ih mela kifech
ya sidi ena ki ndour fi soiree nikteb ala roubti il hia mi lac donc el abed il kol yarfou kimtha wi kimti
ehna nhbou ndezou fazetna wi fi belna ki nichriou sirwal bi 500 d dazeihna il faza peu importe mezien mouch mezien l essentiel el ness taaref il ena zeda nilbess mil lac

->> AntikoR <<- a dit…

Merde pour ce putain de monde injuste ou des gens doivent vendre leurs reins pour gagner un peu d'argent alors que d'autres se permette de dépenser des sommes colossales pour acheter des "vetements" de luxe ..

Ces boutiques sont dangeureuses pour le developpement dans le monde! elle encourage le vice et le m'as tu vu attitude, une attitude scandaleuse.. dans un monde ou la misère touche la casi totalité des terriens..il faut faire des lois permettant de controler toute la chaine, de la production jusqu'à la vente de ces vetements de luxe.. il faut au moins s'assurer que ceux qui ont cousu ses vetements vivent dignement, qu'ils habitent dans une maison et pas sous un cube en tole galvanisée et que leurs enfants vont à l'ecole au moins..

Merde Merde et merde!

Moha a dit…

يا والله حكاية مثبت الكلام هذا في تونس يا تراب بوي سروال 590 دت يمشي وحدو والا فيهش موتور الله يسترنا

ramzi a dit…

Pantalon a 900d ???we aalech laa,ahhi ki thamma drawech fi ha eddinnia, sont capable de vivre comme des pacha fi zmanhom sahha lihom, we inc'allah un jour vont declarer une faille, we maadech in'raou leur pantalon, ni khlaikhom

BlueAngel a dit…

ouuuh, ena nkhammem fi hek elli 7alelha el 7anout,ma le9i ma yessna3 fi 7yetou?? hiweya za3ma?? walla tdarwich a3mel rou7ek mahboul t3ich??? 9addeh 3andou men client/mois? ... 1? 2? chniya marbou7ou essayed ken hakka??

essabr ou barra!

a girl from Mars a dit…

méla ke pense tu de ceux qui ont fait bac+58 comme tu dis et qui ne trouvent même pas de boulot?
je suis sure que c'est parcequ'ils n'ont pas de pistons qui portent des pantalons à 900d..

dobba a dit…

rien a voir avec le post , je voulais juste te dire que j'ai ajoute un lien sur mon post "holding on to you" pour que tu puisse la telecharger ...
See you in my lost highway!

samsoum a dit…

C'est aussi cher que Fifth Av, Sunset Blvd a LA, ou les Champs Elysees a Paris :))
C'est pas une plaisanterie non?

imed a dit…

brabbi ma ritech par hasard soum el "shléyek".. mok ta3ref essif jé wel shléké 7ajja lézma bech el wa7ed maydhi3ech west el "shléyek" lo5rine, w y3addi el siff "IN"..

Citoyen a dit…

المهم ما دام البيرة ما زالت رخيصة أشرب تو تعيش كاينك في عام الفيل

Emma Benji a dit…

HAHAHA
Franchement, c'est super bien raconté! yaatik essaha

mahéva a dit…

هو راهو إمام متفتّح يبطى شويّة أما إذا كان أون بليس تحبّو يفهم في الموضة، شوف تلقاشي من توة لعام 2032

أما بالنسبة للفتاوي في السرقة ما نتصوّرش تصعب على أيّ واحد يخدم في الأزهر

Anonyme a dit…

أنا الحقيقة ما ستغربتش على خاطر كيف كنت نخدم في كارفور وقت اللي كنت ’طالب ’ كانوا يجيونا توانسة تقضي ب 500 600 دينار في حكايات فارغةكل يوم.حتى كيف ما تراهمش في الصباح لازم يعملوا طلة في العشية...اللي يجنن هو أنهم كل يوم و ساعات يرجعوا مرة أخرى في نفس النهار على خاطر نساو ما كملوش حويجة...الحقيقة نحنا في تونس ديجا ولينا كيف ما في مصر : ناس مزمرة الشهرية ما تكمللهاش الشهر و ناس فوق السحاب...بالله أعملوا طلة على سوم الكراوات هاو وقت العروسات بدى...و شوفوا ولد مادام غرس الله قداش يدخل في الشهر و قداش يخلص في اللي يخدموا معاه و بالمناسبة كان عندكمشي آشكون ينسنس في الضرايب شوفولنا قداش يدفع للدولة...حتى الزيتونة متاعنا لازمها تخرجلنا جيل يفتيولنا في السرقة راني معادش النجم نشد روحي:نعيش مزمر في الدنيا و نزيد ندخل لجهنم في الآخرة ؟ حتى أنا باش ندورها حزام ناسف برجولية و خليونا نطلعوا على التلفزة ولا ندخلوا التاريخ من بابو العريض يزينا ما كنا طافيين :

Big Trap Boy a dit…

@ anonyme:

أما حزام نافس وأما سبتة تتوحّم متاعك يا ولدي؟

:D

تحب تهزنا نبحثو النهار المبروك ولاّ كيفاش؟

ياولدي زيد ثبّت بالكشي عطّارة وإلاّ تـجـّار إلّي تحكي عليهم في كارفور جايين يسلعو؟

:)

@ Samsoum:

ça n'a rien à voir avec une blague; ce sont les prix dans les magazins du Carré du Lac que j'ai pris en photo avec mon téléphone portable!

C'est vrai qu'il y'a de quoi douter!

:)

Anonyme a dit…

BTB encore une fois bravo pr ce poste, mais ou tu vis pour n'avoir remarqué ça que maintenant?

il y au moins 4 ans de celà, le magasin ou tu as pris tes photos a vendu une chleka bou sbo3 à 650DT!!!!

Big Trap Boy a dit…

@ anonyme de 6:58:

Fi béli, ama juste que il y'a 4 ans j'avais pas de blog pour l'écrire

:D

Lobs a dit…

ma3netha el bnaya taswa a9all min portefeuille.

lé, ma39oul.

amma medemhom mezelou ma7oulin, ma3netha famma nes techri.

chay youja3 el 9alb, t9oulchi nsew virgule.

FREE-RACE a dit…

bsoum sabbat mel lac, ennejem nechri sou9 lefrip mte3 sidi sala7 lkol...ama kifech bech nrawa7 bih lel dar?

Anonyme a dit…

يا خويا تراب راهم ماهمشي عطارة و لا حتى تجار ...تحبشي تتأكد؟ برى إسأل الكاسيارات المعرقين في كارفور و توا يأكدولك اللي الكلام هذا موش كذب...عمرو ما الواحد ما يحل بوتيك كيف ما هكاإذا ها كانتشي تخدم على روحها...تي بالله في ها الزمان الواحد ما ينجم يعرس كان لما يبقى يكون أكثر من شطر عمرو و في الآخر ترصيلوا يدفع في الكمبيالات...ولا ينجم يشري لا شلاكة ولا حتى محرمة خشم مالبوتيكات هاذي إذا كان ناوي يكوًِِن بالحق.

Anonyme a dit…

C'est assez marrant maintenant les Tunisiens peuvent s'acheter des chaussures chez Mister "Pasquale Di Fabrizio" A.K.A "The Stars’ Shoemaker." c'est le gars qui a confectionné les chaussures des princes william & Harryainsi que Frank Sinatra et autres célébrités.
Les prix commencent à 500€.
http://www.seeing-stars.com/Shop/Shoemaker.shtml
...
"On aurait pu au moins me prevenir que nous ne faisions plus partie du tiers monde ! non mais..."

el Barto a dit…

Ti maw qrib 3ad enness tdour 3la b3adh´ha fi tounes we twally 7arb ahliya, malla jaww !!!

we mba3ed na3mlou revolution francaise à la tunisienne!
we direct mba3ed nwallyw yomken dawla metqaddma.

El faza el mouhimma elly la plupart de ces boutiques yechriww sans payer de frais de douane welly yjibelhomm aussi mehou ykhalless fi 7atta frais. wel voitures elly ysouqou feha sans douanes wella masrouqa .

Ti 3ad ken jit enty fi blasethomm (nouveaux pseudo-riches) we 3andek darr fekikha, we voiture sans douane wella volée we boutique sans taxe, we me tadfa3ch l´essence , ti maww twally normal tosrof 900 DT fi sirwell khater el beqy el koll mekech defe3 fih ken 40% max. we ywally vice mte3ik annek tokhrej mil boutiwue be sachet wella ki tvayyess 3la el vendeuse.

nasr a dit…

yaaaa 3ammi!!