بلغني من مصدر موثوق أن موقع تونس نيوز نشر البوست الأخير اللي كتبتو على مدونتي، وهاذي حكاية كنت حكيت عليها قبل وقلت بالعربي يرحم والديكم كيف باش تحطولي كلامي في بلاصة متاع بوليتيك على الأقل شاورو وخوذو الإذن، على خاطر أنا بالحق مانيش نعمل في البوليتيك ومن باب أولى وأحرى فإني ما نحبش آشكون يعمل البوليتيك بكلامي. توة أنا ناقص المرة اللي فاتت الجماعة باش يفجرو عليا رواحهم وزيدو إنتوما جيبولي الحنوشة المرة هاذي. خلاصة القول اللي حاجتو باش يقرا التدوينات متاعي ينجم يتفضل يقراهم على المدونة وراهي ماهيش محتاجة للإشهار وبارك الله فيكم
14 commentaires:
خوذ موقف بيغ خليهم يتعلمو يشاورو
موش فمة مبدأ كامل عند آك الجماعة اسمو الشورى؟؟
Asma3 ya sidi...BTB rja3 fi fourma !
J'espère que ton séjour fi fransa 3almik chwa ta7adhour m3a il 3béd..en tout cas de mon côté, je vois de bons résultats !
la ya baba hatta had ma fajjar aalik rouhou ''elmarra eli fatet '' ya si chbab , alors la prochaine fois quand tu exprimes une opinions sur un un sujet aussi sensible 'la religion' , au moins calme tes nerfs we koun rajel un vrai gentelmen : la courtoisie vous oblige de ne pas traiter les femmes de khab ''putes'' ...en public .
ramzi
@ arabbica:
أهلا بيكا أرابّيكا، هاذوما في بالي ماهمش من جماعة الشورة، هاذم من جماعة الغورة
:p
@ charismatic:
وحدك في التكتيك يا كاريزماتيك، أما كانك على الفرنسيس، راهم آش من شلايك حتى هوما. على كل حال التحضر ياسر موش باهي، حتى الرسول قاللنا "إخشوشنو فإن الحضارة لا تدوم"، زيد قول لا؟
:)
@ anonyme/ ramzi:
مازلت غادي إنتي؟ تي هو أنا نسيتها هالبيعة المقطعة
:)
... عفست الفلوكة ما فهمتهاش
@ One:
ما فما حتى عفسة، حبيت بركة نبدّل البانر بهالتصويرة بصفة وقتية في انتظار أني نحضر بانر منافي للأخلاق الحميدة يتماشى مع توجهاتي الفكرية والوجودية
أهلا بالرفيق بيغ تراب بوي،
تي شنوّة ولّيت اتلّف توّ، موش انضمّيت بعدها للمعارضة سمعت بيك؟
:-P
أمّا أخطى التفدليك، نشريّة تونس نيوز، موش دفاعًا عنها لكن نقل لما أعلمه، تقوم بنقل كلّ ما يتكتب على تونس في مجالات متعدّدة (موش كان سياسية) ، والمقالات المنشورة فيها مهاش كان متاع معارضين، تي حتّى هاك البلعوط "بهتان مسيّس" وولد عمّه الآخر متاع قناة "المستغلّة" الهاشمي الحامدي ينشروا لهم شوالقهم أوّل بأوّل...
الفكرة اللي قايمة عليها "تونس نيوز" هي تغطية أهمّ مايكتب عن تونس وعن المجتمع التونسي بكلّ اللغات وفي كلّ وسائل الإعلام أو منابر النقاش والرأي... ومايشاوروا حدّ. ونفهمهم بصراحة، لانّهم اذا باش يشاوروا النّاس الكلّ يولّيوا يعدّيوا وقتهم في المهمّة هذي ومايعملوا حتّى شيّ آخر، أمّا اهوكا يذكروا المصدر على الأقلّ إحترامًا لحقوق التأليف...
أنا شخصيًا، عجبتني فازتهم، لأنّها تسمح بأنّ ناس آخرين ، خاصّة من جماعة الكشطة واربط، يطلّعوا على تدويناتك ...
الحاصل، انت كبير وتعرف آش يصلح بيك
:)
mallé7 mich mle7
et photo a l appui
wella je me trompe???
@ Nesr:
ربي يكبرنا في طاعتو يا خويا، برا عاد مادمت إنتي عطيتني فيشة باهية على الجماعة يا سيدي مبروك عليكم، أتو نزيد نعطيهم كلمة العبور خلي يوليو يكتبو في بلاصتي وينشرو من غادي لغادي موش خير؟ أما بصراحة حكاية المعارضة هاذي راهي ما توالمنيش جملة، يا خويا خليني مع سيادة الرئيس الله يحييه ويخليهولنا ويديملنا في خيرو ورعايتو الموصولة وعطفو علينا خير.
:)
ألو، ظاهرلي سمعت كميون هازز حمالة لوح مازال كيف تعدّى
:))
@ anonyme:
يا ولدي لا ملاّح ولا ملاّحة ولا مرقة إمّالـح. هاذيكا تصويرة حاططها ديباناج وبرة حتى نطلّع وحيّدة تطليع
:))
wa7dik ou bara ya fantouss, le3rass eb labik edhlila, kol site ou tedwina etrodha guindila ya khouya etbarkallah e3lik. rabbi eyzidik chohra e3la chohra ou wabna e3la webna. site tunisnews 7etta chay par rapport à ton immense knowledge mais mebinetna enti 3amil kelebhima lentha (7echek makich ebhim kima barcha e3bed), tebda chahya wetnakkiss!! mé em3ak ke3bit esfenerya madhahirli bech etnekkiss, aya rod belik ou sayiss rou7ik. mé me3jibtnich fi 7eja wa7da, e3lach met7ibbich te3mil la politique, ya khouya e3mil wetkallim ou matkounich jeben, lezimna wa7id au moins fi le monde 7etta virtuel kifik ya fantouss bech ey5arrijna men 3alim edhalela, 5arrijna men edholomet lennour ya chikour.
@ anonyme:
خويا الأنونيم الباهي، علاش هكة تجبد في الحوار نحو الأسفل في عوض تقول كليمة واضحة ومفهومة تفيدنا بيها؟ أنا راهو ملّي نحيت الشراب من البانر متاع المدونة وليت وليّد عاقل وما عادش نقول الكلام الخايب، شوف قداش نكلم فيك بتربية، موش حاجة تعمل الكيف براس بوك؟
هيا عيش خويا، أنا متأكد أنك وليد باهي إنتي زادة، سيب علينا من الحكايات الفارغة، والله وما عندك علاش باش تحلّفني ما عنديش حتى الوقت باش نقعد نسبّ فيك، هيا ألعن الشيطان واخطانا من الحكايات البيدونة هاذي يعيش خويا الباهي
tu me surprend BTP moi qui visite ton blog presque tous les jours. je ne te reconnais plus, est-ce vrai que tu es devenu 3aqel? je crains, et mes craintes sont surement partagées par de nombreux fans, que la qualité des articles s'en ressente. allons BTP, ne nous lâche pas !!! en plus, au sujet de tunisnews, qui t'as dit qu'il fallait choisir entre le president et l'opposition, la majeure partie de notre opposition n'est pas de cet avis!!!
@ adnene:
بالنسبة للعقولية راني قاعد نجرب فيها وبرّة على خاطر على ما يبدو الناس تمشي برشة بالمظاهر، عاد قلت نظهر عاقل ونشوف آش تعطي الحكاية، أما ما نتصورش كان باش تطوال برشة البيعة هاذي
:))
أما بالنسبة للملاحظة إللي عملتها للنسر راهو مجرد تفدليك وماهوش رأيي الحقيقي لا في السلطة ولا في المعارضة
على كل حال هاو كل شيء على عينيكم في إطار الشفافية
:)
http://20ansapreschangementdu7november.blogspot.com/
les droits intelectuelle sont parmi les droit les plus bafoué dans la tunisie de l'après changement
Enregistrer un commentaire