lundi, novembre 26, 2007

دعوة لكل المدوّنين التونسّيين: بجاه ربّي نحّيو علينا هالمشكلة متاع compteur.cc!!



حبيت فقط نجدد الدعوة إلّي قام بيها سمسوم للوخيان والأخوات المدونين والمدونات باش ينحّيو علينا كل الكونتورات (متاع احتساب عدد الزوار) اللي جايين من عند الموقع اللعين
www.123compteur.com

راهم مرجولنا الكبدة متاعنا بالنوافذ الإشهارية المزعجة وساعات الإباحية (ولو هذا نعرف ما يزعجكمش الكل)، وخاصة اليوم على خاطر ولاّو يتسببوا في قلق أكثر من العادة للزوار وللمدوّن بيدو، كيما أشارله المدوّن حميّد على ت.ن-بلوغس. كان تحبوا المزيد من التفاصيل الفنية تنجمو تشوفو تدوينة سمسوم في الرابط أعلاه، أما أنا ما إنجم نقوللكم كان راهو شيء ينفخ البتاع، وهاني أنا أول واحد بديت نحيت والديه، وهو شاددلي الحساب تقول باش نهزّهم هاك الميا وعشرين ألف زائر نصرّفهم بالدوفيز في البانكة، ياخويا كان تحبو على كونتور أهوكا موجود خيرات ربي كيما قاللكم سمسوم، ماكانش موش لازم منّو جملة، على خاطر كي تجي تشوف راهي مدوّنة ماهيش تاكسي

:)

والله لا يضيع أجر المحسنين

2 commentaires:

Azwaw soumendil awragh أزواو سومنديل آوراغ a dit…

موش خير نرشمو رشم غبار متاع شكبة. يرحم والديك في ها الضحكة بتاع إيه البتاع

Hmayed a dit…

merci pour cette note
mais je voulais eclairsir un pt :
mon probleme je l'ai eu avant que j'utilise le compteur.cc : c'est a c etruc que j'ai penser e prmier, j'ai supprimer l'ancien, et j'ai mis le .cc
donc au moins pour cette fois ce probleme n'est pas du a cela
il fallu que j'elimine tout les hebergeur, je crois que ca résolu le probleme
merci en tout cas pour l'attention