mardi, septembre 16, 2008

!يــا "الـشبـاب".. جــاك جــواب


كيما تعرفوا يا جماعة سبق وأن حكينا وتناقشنا بصفة مطوّلة على حكاية حوار الشباب (هنا)، حيث كنت عبّرتلكم على بعض الشكوك إلّي كانت تخامرني حول مصداقيّة الحكاية هاذي، أو بالأحرى حول الحواجز والعوائق إلّي لازمها تترفع قبل ما يكون ممكن تصوّر حوار يصلح في ربوع جربوعستان، سواء كان المشاركون فيه من شبابها أو من شيّابها.

على كلّ حال يمكن كنت أنا غالط وأسأت الظن بالحوار هذا، خاصّة وأنّه حاليّا في مراحله الأخيرة وبدى يعطي في "ثمارو"، بحيث الجموع بدات في صياغة ميثاق الله وأعلم آش باش يعملو بيه من بعد. ولكن الأفضل من هذا الكلّ هو أنّ الحوار ما إكتفاش بهذا البعد الوطني وظهر أنّه عندو أهداف وطموحات توسّعيّة وعالميّة. كيفاش؟ ياخي ما في بالكمش إلّي الشباب الجربوعستاني المتحاور توجّه برسالة مفتوحة لشباب العالم؟ إيه نعم يا سيدي، الجماعة بعد ما تحاوروا تحاوروا قالّك ما يكفيش هكّة نتحاوروا ما بين بعضنا وما نسمّعوش الناس، آش باش يقولوا علينا؟ تحبّهم يستخايلونا نكمبنوا وإلاّ نحفرولهم وإلاّ ناوينلهم على الشرّ؟ بالطبيعة كان من الواجب باش نبعثوا بجويّب مسوقر لشباب العالم باش ما يحسّش بالحقرة ويقولولنا "آشبيكم تتحاوروا ومطفّين الرجال؟" وترصّي في حلّ وأربط ورسائل إعتذار.. هذاكة علاش وخيّانكم شباب جربوعستان المتحاور شافوا من الصالح أنّهم يتوجّهوا بالرسالة التالية لشباب العالم في اليوم العالمي للشباب، ونخلّيكم تقراوها الساعة:

رسالة شباب جربوعستان لشباب العالم:


كيلكي عالتصويرة إذا ما تحبّش تقعد تعشّش في عويناتك


بالطبيعة كلّ واحد منكم ينجّم يقرى الرسالة هاذي على حسب فكره وقناعاته ويستخلص منها النتائج إلّي تحلو له، أنا واحد من الناس ما لقيت ما نعلّق أمام رسالة من النوع هذا من كثر ما أفحمتني بما جاء فيها من عميق الأفكار وسديد العبر، وبالتالي سامحوني على خاطر ما إنّجمش نفيدكم برأي في المسألة، ولكن من جهة أخرى إنجّم نفيدكم بخبر يمكن ما سمعتوش بيه، وهو أنّ شباب العالم لمّا تلقّى الرسالة متاع شباب تونس ما سكتش، وبعث بإجابة في أقرب الآجال تلقّيت منها النسخة التالية وهاني باش نعمل "سكوب" وننشرها لأوّل مرّة على المدوّنة متاعي، وفيما يلي نصّ الرسالة كما ورد:


رسالة شباب العالم إلى شباب جربوعستان:


" أهلا شباب جربوعستان، نحنا شباب العالم،

وصلتنا هاك الرسالة متاعكم متاع 12 أوت، عاد قلنا نجاوبوكم على خاطر بصراحة تحيّرنا عليكم وظهرلنا من الواجب باش نطمانو عليكم ونستفسروكم على بعض التفاصيل. ما نخبّيوش عليكم رانا تقريبا ما فهمناش آش قاعدين تحكيو، وخاصّة آش حاجتكم بالضبط. ياخي شاربين ولاّ متكيّفين كيف بعثتولنا الجواب هذا؟

يا شباب جربوعستان، نحنا راهو نجيو ساعات لبلادكم وعندنا فكرة تقريبا آش عندكم وآش ما عندكمش، يعني زايد باش تشكروا رواحكم وتنفخولنا في إنجازاتكم في كلّ مرّة تبعثولنا فيها جواب. توّة نحنا آش يهمّنا كي تجي تشوف؟ كانكم لاباس ربّي يزيدكم وكانكم محتاجين وأموركم تاعبة قولولنا أتو نشوفو كان فمّا إمكانيّة باش نعاونوكم حتى بدعيوة خير. الغريب في الأمر يا شباب جربوعستان هو أنّنا كيف نجيو نزورو بلادكم المزيانة ونحكيو معاكم بصفة مباشرة ما تظهرش عليكم علامات متاع تخلّف ذهني أو أمراض عصبيّة أو غيرها من العاهات إلّي تنجّم تخلّي الإنسان يحكي في حكايات كيما إلّي بعثتوهالنا في الرسالة متاعكم. زعمة مثبّتين إنتوما كتبتوها؟ على كلّ حال إنشاء الله لاباس.

بالنسبة لحكاية الحوار إلّي عملوهولكم وفرحانين بيه نقولولكم إنشاء الله مبروك سعيد، وكلّ حوار وإنتوما بخير، أما راهو حبّينا يكون في علمكم أنّ الحوار هذا عندنا نحنا موجود في ساير الأيّام ومن غير ما يدعو ليه أو ينظّمو حدّ، الناس الكلّ تقريبا تتحاور وتعطي رأيها كلّ يوم وفي كلّ شيء، شباب مع شيّاب، والناس الكلّ تشارك في العمل الوطني وتعطي أفكارها وتختار المسؤولين على هياكل الدولة وتحاسبهم وكان ما عجبوناش نجيبو غيرهم.. هذا الكلّو ما ظهرلناش إنجاز كبير باش نقعدو نبعثولكم عليه في الجوابات المسوقرة ونعلمو فيكم. على كلّ حال تحاوروا على راحتكم وسايسو رواحكم.

يا شباب جربوعستان، بجاه ربّي توّة نحنا شباب في بعضنا، منّو هكّة كيف باش تبعثوا جواب ولاّ حتى "كارت بوسطال"، حاولوا باش ما تحكيوش معانا بلغة الجرايد والصحافة بودورو، يعني هاك اللغة الخشبيّة متاع "المستقبل بين أيدي الشباب" والأهداف متاع الأمم المتحدة والتنمية المستديمة وهات من هاك اللاوي، راهي لوغة ما عادش تجيب، تي هو بان كي مون ما عادش يجبد عليها أهداف الأمم المتّحدة، قعدتو كان إنتوما قلبكم حارقكم عليها؟ توّة هكّة في عوض تعملولنا برنامج صحيح وشويّة قعدات على شويّة سهريّات جايين تضيّقولنا فيها بالتغييرات المناخيّة؟ توّة إنتوما باش توقّفوها التغييرات المناخيّة وإلاّ باش تنقّصوا منها؟ تي ماهو معروفة الحكايات هاذي كان الصحاح لقاولها حلّ أتوّة يعلموكم.

يهديكم يا وخيّاننا الشباب، منّو هكّة كيف عندكم حكاية تابعة لسياستكم الداخليّة ما عادش تقلّقونا (بثلاث نقاط فوق القاف) بالجوابات، توّة كيف تجي البراينيّة تجبدلكم على أمور السياسة في بلادكم تقولوا ما نحبّوش التدخّل في شؤوننا الداخليّة وما ناخذوش دروس من حتى حدّ، وتوّة ولّيتو تبعثولنا في الجوابات قال شنوّة مستبشرين ببقاء وشرف قيادة المسار الوطني.. ثبّتولنا رواحكم يعيّشكم. الأمور هاذي تهمّنا ولاّ ما تهمّناش؟ على كلّ حال نحنا راهو الحكايات هاذي لقينالها طرق أخرى في تنظيمها وأمورنا ماشية عال العال، وكيف قلنالكم أعملو كيفنا قلتولنا آش يهمّكم فينا.. تطلعوش تحبّونا نحنا نعملو كيفكم؟؟

هيّا يا شباب يرحم والديكم، رانا وخيّان وماهوش باهي نحكي مع بعضنا باللوغة المضروبة والحكايات الحولة، كان عندكم برنامج متاع قعدة حلوّة بعد رمضان أبعثولنا حتّى "آس أم آس" وتوّة نجيوكم في الحال، نضحكو ونلعبو ويا ناس ما كان باس، أما كان باش تكمّلوا في المذهب هذا راهو منّو هكّا جواباتكم هاذي الموجّهة لشباب العالم باش نوصّيو البوسطاجي يعدّيها مباشرة لدار العجّز متاع العالم، لعلّها تلقى آشكون يقراها غادي.

والسلام.

شباب العالم

حاسيلو..الله لا يفضح مومن.


71 commentaires:

Haykel AZAK a dit…

excellent! Rien à dire!

Bel Malwene a dit…

أنقش أبقش يا بيغ !!! والله شيء يهبل في هالجربوعستان

Alé Abdalla a dit…

Mon rire matinal est garanti, je peux commencer le travail, merci BTB

Werewolf a dit…

ههههههههههههه
يتولاّك يا بيغ أنا ريتها الرسالة ماللي طلعت و الحق بقيت باهت ياخي شكونهم شباب تونس و كيفاش يبعثوا رسالة باسمي و أنا ما في باليش... بالشوية الساعة و شكونهم شباب العالم و كيفاش باش توصللهم الرسالة ما تقولوليش اللي الموقع القوي هذاكة ثمة ناس أجانب اطلعوا عليه...آخر نكتة هاذي خوذ العلم من شباب جربوعستان... الله يحسن العاقبة هذاكة آش يقول الواحد

Anonyme a dit…

sans blague , il y'a eu une lettre envoyé aux jeunes du monde entier ?
et ils l'ont envoyé ou ? a quelle adresse ? ou dans une bouteille à la mer ?
wallah on passe pour de vrais con s'ils l'ont fait !!!!

Anonyme a dit…

message in a bottle

Anonyme a dit…

Trop fort BTB ..

Et si jme3et el 7iwar ma3a achabeb ont envie d’écouter les jeunes, cet article serait le meilleur message à leur faire parvenir.

Ama daw7i ya mbarka ..

Anonyme a dit…

hassilou wahded yel BIG ,
NON AU BLENZ ET AU CONTRE PLAQUÉ!

DIDON a dit…

Nos jeunes sont tellement dans la galère qu'ils ont bien sûr tout le temps pour penser et de rêver à l'espoir dans un futur qu'on a volé à leurs ainés à leurs parents à leurs leaders et que par magie on va leurs exaucer leurs rêves à eux aussi facilement comme si les adultes ne sont plus capablent de rien.
Pour construire le futur on a avant tout le devoir de mémoire à reconquérir c.a.d. savoir de quoi est fait le passé et pourquoi? si non ça n'a rien avoir avec, même pas , le minimum du politiquement correcte!!!

Anonyme a dit…

لو كان نقلبوها حوار مع الشياب موش أحسن

المشكلة باينه ماهيش في الشباب أما في الشيوخ و اللي فاتوا السبعين و مازالوا موش مسيبين...

Anonyme a dit…

malla risala de correspendance a destinée a la jeunesse mondiale , alors comme il disait le dicton '' pour croire, il faut voir '' , j'ai declanché une recherche express sur google pour voir la destination de cette fameuse lettre international , peine perdu , ni le journal le monde ou le new york time avaient recu le moindre indice de cette lettre, a la saveur langue du bois bien épais .


ramzi

Zizou From Djerba a dit…

wahdek ya BTB

Anonyme a dit…

و بالعربي يا رسول الله

صيي هبلو الجماعة

Anonyme a dit…

L'etat propulse des jeunes au sein du parti constitutionnel. Des nouveaux jeunes cadres, des possibilites de nouveaux jeunes deputes hommes et femmes. De rien un jeune depute du RCD, de rien un jeune haut cadre dans le RCD, pour qu'il profite de sa jeunesse.

C'est ca le debat des jeunes, il se passe au sein du RCD, et il ne concerne que les adherents de ce parti, ...

Anonyme a dit…

اللغة الخشبية المستعملة ماهياش متاع شباب بالكل هذة لغة متاع واحد ضرب الطحين سنييييييين بربي لواش اللحيس والتملعيق زعمةاللي كتب نص الرسالة طمع في ريكيزيسيون متاع ترينو ولا في باتيندة والا حب يسخفوا عليه شباب العالم يستدعاوه بحذاهم خلي يهج منها

Anonyme a dit…

c est tellement lamentable...et dire qu on est en 2008...
allah yar7emik ya bourguiba
c est tout ce que je trouve a dire

Anonyme a dit…

mort de rire :)))
ya3tik essa7a

khayati a dit…

Il n'y a réellement que toi qui sait "pêcher" le poisson dans les eaux troubles de la jeunesse où il suffocait...
Bravo. Comme d'habitude: fraicheur et intelligence... Encore!

HNANI a dit…

يعطيك الصحّة فرهدتلي علي قليبي بالرد متاع شباب العالم
والله شيء متاع تخلّق لأ أكثر و لا أقل، و زيد كيفاش فيسع حوصلوا النقاش متاع عام بدى في مارس و كملوه في أوت
يخّى العام يدوم ساة شهر أكهو؟ ولّا فدّوا و قالوا أيا يزينا من الحكايات الفارغة؟
أيا مالا توا الشباب ما عليه كان يشمّر على يديه و ساقيه و حللنا مشاكل البلاد و العالم كان أمكن، وماعادش واحد يحل فمو و يتشكى ولّا يجي يطلب مصروفو من والديه
سخافات سخافات سخافات
عزوزة و زغرطولها في وذنها

Anonyme a dit…

Et oui, on a touché au rédicule,
Je vous raconte une histoire, je viens d'arriver sur un projet où le big boss connais la tunisie. C'est une personne de nationalité hollandaise et qui a une soixantaine d'années et qui a commencé sa carrière professionnelle avec une multinationale américaine au début des années 70 en Tunisie. Il me disais qu'il n'a jamais vu à cet époque de jeunesse assez intéligente. Il est parti de la tunisie avec une image d'un pays qui crée sa place dans le monde. Il est revenu 2 fois après pour vacance, la dernière depuis 2 années, il m'a dit c'est la plus grande déception de sa vie, de la jeunesse la plus intéligente à celle la plus stupide, primo personne ne parle plus l'anglais comme le parlaient la jeunesse de 70, secondo quand il discutait avec notre cher jeunesse il n'a trouver dans leur point d'intérêts que le foot, intégrisme et voiture!!!!!!!! sans parler de la mal éducation sociale, le non respect des principes de dialogue.
et en passant l'escroquerie et l'hypocrésie.
Il m'a dit clairement que ça lui fait mal au coeur cette situation, mais si ça va continuer on sera un autre cas comme celui de l'algérie!!!

WALLADA a dit…

يا بيغ

موش كايـِـنِّك نقـِّصتْ شويّة من طول اللّسان المرّة هذه ؟؟؟
أنا يظهرلي كان شباب العالم يبعث جواب لشباب تونس إلاّما يسلخو فيها بإبرة

Anonyme a dit…

hiya hiya w 3amlouhéna hal fdhi7a!!
ya sidi éna chui 1 jeune tunisien..mais 7amdoulah mazel 3andi chwaya 39al w je refuse datteindre de tels niveaux mta3 t7in klém bil langue de bois!!
berjouliya, je refuse kon envoi 1 tel message o monde (barra choufou ken fama mahboul 9rah w wassa3 3lih bélou sé3a!!lol) 9olt je refuse kon envoi 1 tel msg o monde wéna ma7soub fil 7keya..7acilou rabbi yahdi w barra..9allek dialogue avec les jeunes!!tor ya 3mor!!
enfin, bravo big;)

Anonyme a dit…

Quelle bande d'ingorant au moins nous les jeunes de le Tunisie/RDC a fait une chose bonne.
Comme ça, le dialogue que nous faisions sera étendu la main vers les autres jeunesses de tout le monde entier et toi BTB avec tout ce sarcasmie on t'invitons a nous rejoindre dans notre dialogue pour faire un meilleur Tunisie
Comme tu sais c est faisable seulement si nous parlons et par parler avec le monde il nous donnera des idées pour arriver a nos buts tout en ne pas ignorant ce qui a été fait pour nous (n oubliez pas toutes les boites (26/26 et 21/21))

merci et vers un future brillant!

un jeune tunisien fier qui n'est pas peur d'entrer dans le dialogue

Werewolf a dit…

بالله يا سي الأخ اللي مسمي روحو لمستقبل أفضل... توة أحنا عصابة متاع جهلة تي هاك فضيحة في الفرنسية و أحنا طامعين باش نتمكنوا مالانقليزية... أول حاجة لغة ما تتقنهاش ما عادش تستعملها ثاني حاجة مادامك تقرى فالمدونات عالأقل أقرا و اسكت ثماش ما يتحسن مستواك ... اي و تحب تهز معاك الب ت ب زادة هذاكة اللي ناقصنا يولي عميل بالرسمي

Werewolf a dit…

اي انتي صرفت صرفت تنجمشي تنورنا و تقلنا كيفاش بعثتوها الرسالة و هل وصلت فعلا

Anonyme a dit…

-ingorant
-nous a fait
-sarcasmie
-on t'invitons
-un meilleur tunisie
-ne pas ignorant
-la boite 26/26
-un future
-n'est pas peur
ههههههههههههههههههههههههههههههههههههههههههههههههههههههههههه
ملا ر دي سي لمستقبل افضل...
بربي كيفاش المستقبل افضل وانتي في خمسطاش سطر نحيت 60 مليون رقبة مالوجود.
امان عيش بابا قبل ماتحكي عالمستقبل تولهى بالحاضر وسيب عليك مالرومي كبيتلو سعدو.
كان المستقبل هكا ملا واحد يعمل مارش اريار خير.
والله مسكينة البلاد اش تقاسي.

Anonyme a dit…

It's irrelevant to ask if the letter arrived or not because the act of sending such a letter is mainly symbolic.
It is an open invitation to the world to share our vision.

Anonyme a dit…

zabrat et werewolf
vous avez remarque que tout ce qui comptait pour vous c'était de prouver que vous êtes meilleurs plus intelligents/articuleux. :)
en tout cas c vrai que cette histoire de lettre est vraiment débile mais ce qui est indéniable c est q un grand nombre de nos jeunes moins cultives pensent que c est une excellente initiative (du a leur formation TV7/cho3ba and Bros...)
La tendance du dit 'élite' tunisien est de ridiculiser l'autre dans la moindre occasion sans même essayer de changer.

Werewolf a dit…

تي سايسنا عاد انقليزية مرة وحدة باهي ميسالش نمشي معاك ماو تحب الحوار... توة موش قلت بعثنا الرسالة باش شباب العالم يعاونكم بأفكار للوصول لأهدافكم، كيفاش توة تقلي الرسالة رمزية و موش مهم توصل و إلا لا... اسمع كلام خوك و اقرى و اتعلم و مبعد ايجا نتحاوروا

Alé Abdalla a dit…

@RDC limousta9bal afdhal
قدّاش خلّصوك بش تقول لكلام هذا و بربّي قولنّا و قتاش تولّي وزير بش نفرحو بيك

Anonyme a dit…

Taoua na3mel fih gratuit, mais ça peut changer :))

Anonyme a dit…

ti haw mousta9bel afdhel dawarha 3lina english copy book!!mdr
7acilou rabbi y5alina google translation:P
ya si ach samek rabbi..kif enti mouch 3ajbek le fét elli a7na contre ce dialogue de merde..ma 9allek 7ad ija lhouni w a9ra le post é les comms..dailleurs, enti ken bich ta7ki m3ana comme koi bi1 cultivé w tefhmélha rak bich ta3mel rou7ek tkarkira..po la peine bich n9olek 3léch pask zabrat 3malek 1 liste twila 3ritha ya si "un future"!!LOL
t7eb nemchi m3ak akther men haka..
we don't need ANY symbolic acts in our country, at least for now..
besides, could you please tell me something about this magnificent vision??!!
Because, honnestly, I'm not seeing any visions in such actes..it's simply a HUGE propaganda and diversion to make simple-minded people (just like you) blind, so they can do whatever they like..wilfahem yefhem;)

Anonyme a dit…

werewolf
la même erreur over and over again.

You would better tell me what have you done to make "Jarbou3estan" a better place? aside from criticising and nagging all the time? (sorry i don t quite have idea about your background but it is actually a general qestion).

You need freedom of expression then fight for it "in real life"
People like you (With q suprior IQ)should have an idea of how to make it happen.

I admire BTB (and others') articles but what bothers me is that his message doesnt get understood properly and encourages people to be passive and just laugh/cry about the current situation( it has become part of our culture ''9ahwa attitude'' :) )

..

Anonyme a dit…

amine
ta vraiment rien compris :(
9allou google translator c est vraiment lamentable.

De plus je sais que c'est nul d'essayer de donner la morale et je ne prétend pas d avoir toutes les réponses mais enough is enough..

Anonyme a dit…

sama7ni 3arfi..encore 1 foi ta commi 2 erreurs..w haw binétna bich n9ollek 3lihom..(We say I don't quite have AN idea)& question we spell it with a U before the E..béhi passons o choses sérieuse..
e7sebni 5ouk esghir w fahamni enti chnowa t7eb ta3mel exactement??
ta 1 plan?1 idée??a vision comme tu la di taleur?
walla ta7ki akéka w da5el fina bil faregh?
w apré tt, à tn avis, kel é le + ke va donner 1 telle initiative?pask b'sara7a éna w barcha 3béd o5rin nchoufouha tmanyek w mta3 3béd fadhiya w 9a3da dans des bureaux w lés9in sur leurs "chaises"..é nn po 1 initiative sérieuse pour dialoguer avec les jeunes é essayer de combler kelks manques..mouch ma39oul klémi haka?

Anonyme a dit…

ya si amine

je croi ke ta pa bien suivi
"en tout cas c vrai que cette histoire de lettre est vraiment débile"
El 7assel merci 3ala el cours d anglais vraiment ;) )

et 3aych weldi ce que je voulai dire c ke el koura fi mal3abkom taoua et c a vous davoir un plan.

ta raison ce nest kune propagande dune bande de buraucrates mais prkoi pa la transformer en une vrai initiative ( a3mel forum enti et tout ces mnaourin tbarkalla 3likom et changer c tt ce k i hope)

PS: behia taoua loughet el SMS heni mezelt net3allem lol sal7ni ki el3ada pour ne plus fair la meme erreur :)

Anonyme a dit…

nsit bech n9oul elli change needs to be tangible m
ouch ken klem et khitabete
hadhouma el khitabet yelzem ykounou point de depart ( par exemple barack obama ki y9oul yes we can et ya7ki 3ala change he believe in it et il essai de trouver ce ki doit changer et comment le fair)

yodhorli yesser ktebt fi blog si BigTrap nchallah ma yet9ale9ch :)

Anonyme a dit…

3léch wenti mkaheb 3ala 70 wala kiféch??fisa3 ma jbedet rou7ek mil 7keya??
éna n9ollek personnellement 3léch ma d5altech fi hal 7keya mta3 dialogue héthi..pask na3ref, mém si je donne des idées w je donne des critiques..soi bich nal9a rou7i fi boufarda soi bich elli ktebtou elkol, ejmé3a "al e5wa el a3dé2" bich yé5thou ce ke g écri ya3mlouh papier toilette 7achékom!!
donc comme tu voi, wéna chui sure é certain elli enti ta3ref echya hétha, je trouve elli héthi 7keya ferga..en dotres termes (a waste of time kima t7eb t9oul)..donc de préférence ma nghatiwech 3in echames bil ghorbel..pask enti ta3ref wéna na3ref ach fama w ach ma famech;)
haw éna 3andi solution, a7na toul 3morna 3aychin kima haka, w jimagine po fi lila w nhar tt va chanG dun coup..bref de préférence elwa7ed il se concentre sur ses études w dés kil aura lopportunitée de faire chanG les choses pk po:)
éna jte lassure chui po pessimiste wala 7aja..mais b'sara7a on pe po sattendre à des miracles pr linstant..donc voila
P.S: ya po de koi ya sadi9i en ce ki concerne langlais, donnons o moins le bon exemple, 7ata les hollandais dha7kou 3lina ya rabbi!!

Anonyme a dit…

5ouya moustaqbil afdhal,
j'ai essayé de participer à ce 'hiwar' en postant des messages (depuis 3 mois) dans le forum 'dialogue des jeunes', mes posts n'ont pas été publiés...dans mes posts (qui sont écrits dans une formule non virulente), j'ai proposé des solutions claires.

tu vois monsieur elmadhi afdhal que ce 'hiwar' est en fait un auto'hiwar' du régime (le régime qui se parle tout seul) et une propagande nauséabonde.

Anonyme a dit…

@ RDC limousta9bal
"..change he believe in it.."
please, talk properly or just speak in some other language!!
brabi on ta po appri ke he/she/it prennent tjrs 1 "S" en terminaison??!!

Anonyme a dit…

this is the spirit :)
"haw éna 3andi solution, a7na toul 3morna 3aychin kima haka, w jimagine po fi lila w nhar tt va chanG dun coup..bref de préférence elwa7ed il se concentre sur ses études w dés kil aura lopportunitée de faire chanG les choses pk po:)"

ema elli y5aouef elli tkamel tes etudes , tched leblayssa, el7amass yetfa et toualli t5amem ken fi rou7ek/3ayeltek et tched el 7it el 7it..


bennessba lel attitude mte3 'chey mahou bech yetbadel fi nhar et lila' c vraimen tres decouragent
ya oueldi au moin oun optimiste taoua tchouf ki te3di la3bed (kif kif el pessimisme ye3di ema asra3 lol..)

de plus nodody lives forever si tu voi ce ke je veu dir ;)

PS :mezelt b3id chouaya 3ala 70 lol ema ma position me contraint d agir ..
et my english 3ala 9ad ma 9rit ktoba be9i mon niveau ecrit est passable nchalla yet7assen lol

Anonyme a dit…

jai juste lu le comm du s de he/she/it (manich nraje3 felli nekteb fih)
you miss the point again :(((

Anonyme a dit…

@ RDC limousta9bal afdhal
"ema ma position me contraint d agir"
choft hawka enti t9olli nchallah ma twalich t5amem ken fi rou7ek w temchi el7it el7it pourtant c exactement ce ke T entrain 2 fér mnt..
1 trait de personnalitée tunisien par excellence..we criticize the very same things that we been doing for a life time!!
7acilou, ten fé po, tawa la3bed elkol 3inéha t7allet w fey9a b'kolchay ma3adech fama tbahlil 7amdoulah, on atten juste lopportunitée pour renverser la table comme on di..donc ethana on é po 1 bande de pessimiste ki critiquent tt;)
w normal a7ki m3ana français wala 7ala langage sms, nefhmou kolchay raw:D

Anonyme a dit…

En fait j'ai cité mon cas pour illustrer..
Ce serait vraiment idiot de se contredire de cette façon.
Et je comprends si tu essai de me contredire a chaque fois t j espére que tu garde cette persistance..

7aouel ma tetlhach barcha bel les details :)

eyya je vous laisse la parole .

Anonyme a dit…

En fait j'ai cité mon cas pour illustrer..
Ce serait vraiment idiot de se contredire de cette façon.
Et je comprends si tu essai de me contredire a chaque fois t j espére que tu garde cette persistance..

7aouel ma tetlhach barcha bel les details :)

Anonyme a dit…

@ majhoul
walahi je te remercie pr lexemple ke ta donné..pask éna jen étai sure é certain elli houma (comme je lé di avant) bich yé5thou nos suggestions ya3mlouhom papier toilette cette bande de bureaucrates!!
dailleurs, je trouve plu koi dire..pask 9a3din na3mlou fi 3ita w ch'houd 7ala 7aja tef'ha..aya anastou ya jmé3a;)

Anonyme a dit…

أما ضامر السّيّد اللّي كتبها الرّسالة:

" إنّنا مستبشرون ببقاء الرّئيس
(تي هذاكا متاع جربوعستان) زعيم الشباب قائدا لتونس حتى يواصل الشّباب أخذ مواقعه في الحياة العامّة و يتحمّل شرف القيادة في المسار الوطني. "


برّا حشيناه...عفوا أقصد سلّكناها

Anonyme a dit…

desole BTB mais kallini ensayeb chwaya klem zeyed , desole manajamtech enchedd rouhi......ye zebbi RCD lilmostakbal kaddechechek tahhan ,bellehi hatta ken ethine iwaslek binek et bin rouhek ethess rouhek rajel?

Big Trap Boy a dit…

لا يا سي أنونيم، موش هكّا يكون الحديث..

قدّاش من مرّة باش نقعد نقول أخطاونا من الكلام الزايد؟

Tunisian and proud a dit…

za3ma 3lesh a chaque fois le pouvoir tend sa main pour dialoguer
l opposition refuse
ti mahou sherek et apres tkellem
notre patri appartient a tou les tunisiens pas seulement RCD

Anonyme a dit…

rdc li mostakbel afdhel,
ti enti awel ghalta 3maltha hi fil nom mta3 el parti de merde mte3ek :
ca s'ecrit : RCD et non pas RDC
koike mekch ghalet barcha ntouma akreb lel RDC (république démocratique du congo) men ay 7aja okhra.

Anonyme a dit…

@humanistvoice :
Wa9telli tebda dhamen elli rayek mayde5lekech lel7abess wa9tha bark tnajem tcherek ou tetkallem!
L'opposition n'a jamais refusé le dialogue en Tunisie parce tt simplement ma3andnech opposition!
ça n'arrive qu'en Tunisie que l'opposition choisit un adversaire comme candidat à la présidence et sam7ouni ken 5arrejet ettadwina 3ala Itarha!!!
Tawa si l'humaniste mayfakrek bchay le nom d'Amira B.H. ?
Hawka fey9in bik raw wenchallah labess;)

Anonyme a dit…

btb aya chkawlek yekhdhou la lettre que t'a poster au serieux wyjebouk 3ala essess ili enti la jeunesse du monde. wmen ba3d ykoulou haw chbeb el 3alem tfe3il m3ana !
ma tebhet fi chay

othmanov a dit…

yar7am ommek ou bouk farhadtli galbi ou rabbi yehdik ou yeba3dek 3al moubikat fi ha ch-har lefdhil

Anonyme a dit…

En toute amitié et bon coeur je voulais offrir ce lien à RDC limousta9bal afdhal : http://home.att.net/~asba/index.htm

Anonyme a dit…

@ le dernier majhoul
berjouliya malla kdo 3titou pr ce Mr. Mousta9bel dhaya3!!lol
walahi éna jme demande où est il paC..nhar kamel ma 3tanech 7ata na9cha bil anglais wala 7keya 3ala barack obama!!
éna jimagine elli es5ana elli ta3étlou ier soir raj3et ta7et w kolchay rja3 normal..sém7ouni ama e croyait po ke mézélou fama 3béd y7ebbou el7iss w hazzen el9offa à ce pt..
jme demandai ya big, tu pe me dire za3ma chneya ladresse elli tektbet pr ce "fameux" msg??pask bil7a9 mo55i tchouchet wéna n5amem!!lol
7acilou..rabbi yahdi w chéhyia tayba ya jmé3a..:)

Anonyme a dit…

@humanistvoice,
5ouya, moi je ne suis pas un opposant politique, je suis juste un jeune, j ai propose des idees mais on n a meme pas pris la peine de les poster...je pense que ce "7iwar" est fait pour les gens de "dar echebeb" (maison des jeunes) qui sont des "cho3ab" ni plus ni moins. en tout cas, tout le monde est d accord ici pour dire que a part les tunisiens qui sont tres pauvres (et qu on les emmene a chaque occasion pour applaudir pour un "casse-croute") et a part les profiteurs "etta7ana" eh bien le reste des tunisiens n'ont qu une question en tete :"Quand est ce qu on va se debarasser de ce regime mafieux a 2 sous?"

@anonyme
et oui au moins avec bourguiba (diplome de la sorbonne) la richesse de la tunisie va a tous les tunisiens.

Anonyme a dit…

العزوزة هازها اللواد و تقول العام صابة .. حتى احنا هكاكة في جربوعستان بيتش

tikaaa a dit…

@ humanistvoice
ya khouya, tu fais erreur sur un point : notre patrie n'appartient pas a tous les tunisiens, elle appartient aux elites du 7ezb et surtout a la "queen of hearts" et compagnie.
sinon eddialogue behi ou el 7iwar behi, 7atta m3a el gwafsia.

@ BTB
borjouleya kessa7 barcha l'article. amma , echbehom chebeb el 3alem mahouch mota7adhdher fi klemou!!! dhaharli ielzem nab3thoulou jweb ekher bech n3allmouh el klem el civilise'

Anonyme a dit…

تقزز اللغة الخشبية يعطيهم حاجة طرية

carte-sur-table a dit…

5ouya big..haw g enfin décidé de créer mon propre blog w nabda nfaragh fi 9albi min hal hamm elli nchoufou fih kolyoum..a3mel talla w 5ali "entiba3étek"!!LOL
aya salem:-P

Anonyme a dit…

@Rez De Chaussé mousta9bel... 21/21 et 26/26 se sont pas les caisses Leila et la famille?
Sobb floussek el ghadi wè istathmer, taw yra9iwek fel echelle el 9weda wè hezzen el 9offa

Anonyme a dit…

ahla btb,sa7a chribtek

7abbit n9ollek rahou haka el mahboul 9asem ysebb fik fi post mafhemt fih chay

mouna

titof a dit…

ya mouna
هالطحين الافتراضي الي تهز فيه ماو كي متعرفش تقرا جيب شكون يقرالك
حاسيلو نتصور الجواب بعثوه شباب تونس و هاي عينة من الجموع

Anonyme a dit…

a titof

brabbi barra tsa7ar b chweya boul jmal balekchi yanf3ek yé je7ch..

Ne9esett 3a9l w din 7a9a ena nsit..
Ama enti ne9ess rjoulia,nhar kemel wenti tsebb fel3bed 3al internet..

Wala hakel blog elli ta7ki fih 3ala el foutou7att el eslamia m3a el bnet yé mak7out..

Nhez ett7in l big trap boy,ta3ref 3lech yé kalb?? 5ater 3andou l'esprit critique,ama enti chnowa 3andek?? Chwaya 7keyet 3andhom 1500 sné t3awdou fehom comme les perroquets

ennas elkoll mti9ra mennek, rak omnitek te5dem ki 3ammar w tsaker les blog mta3 la3bed yé met5allef..

Barra emchi 9ayed fi taliban.blogs w ratta7na mel 5maj mta3ek yé nathl

barra a9ra chwaya tari5.. Bechweya na9d atawa tefhem elli enti 3ayech fi kethba kbira

W Mazelt tejbedni nmazbel waldik

7acha errjel

mouna

Anonyme a dit…

ah sama7ni nsitt
ama hak tla3t tekteb fi les poèmes lebnet ennas w tetrou5ess yé thlil

fini errjoulia,wala mou9awem 7nayen enti..Ne7lef 3lik rak testanna kol youm fi publicité nivea bech tlemm 7a9eha w tor9ed..

Ama mat5afech rahi mahech mouamra salibeya souhyouneya contrek

5ater ena nakfar bechleyek elli kifek,w ken nchoufek nhar ella manchedd nmarmed waldik..

9bal ma nansa..tejbedni namsa7 bik el 9a3 marra o5ra

mouna

Anonyme a dit…

Mazelt tetnaffes yé 7ayawen??

N3awedlek, mazelt tejbedni, na3mlek tkarkira..

Mouna

carte-sur-table a dit…

@ mouna
brabi ten fé po..el mouwaten athéka ma yfid m3ah ken le fét elli t5alli yzamer wa7dou..pask sinn bich ykabech w barra 3ad ach ta3ref la3béd elli ma 3andha ma ta3mel..aya nchalah nharek zine:-D

Anonyme a dit…

"el basla ma twalli tofa7a, wedouni ma tenfa3 fih mla7a..."

Anonyme a dit…

Quel commentaire de la part de Sofiene : du charabia, dans la pure tradition du RCD ! Il a en tout cas le même goût de la langue de bois de « la lettre aux jeunes du monde ».

DC a dit…

Big Al 3adhim