vendredi, septembre 26, 2008

الكشطة الذهبيّة، بين أحمدي نجاد وبلعوط الجمهوريّة

ليلة الثلاثاء المنصرم (حلوّة برشة المنصرم هاذي ههه) وأنا قاعد نتفرّج على الرئيس الإيراني أحمدي نجاد يلقي في خطاب هو أشبه بخطبة الجمعة أمام الجمعيّة العامّة للأمم المتّحدة كدت أجزم بأنّ الفرّادي الذي أمامي سوف يكون بدون منازع صاحب جائزة الكشطة الذهبيّة الأسبوعيّة التي أسندها من حين إلى آخر إلى إحدى الشخصيّات المحليّة أو العالميّة التي تتألّق في ميداني البهامة والرجعيّة أو تبرز بنشاطها الخارق للعادة في قطاع المطاحن الوطنيّة.

أحمدي نجاد وقف بصفته رئيس دولة قدّام الجمعيّة العامّة للأمم المتحدة وممثّلي مختلف دول العالم وبدى يحكيلهم على التوحيد والأنبياء والرّسل والجنّة والعالم الآخر، وما ناقص كان باش يشمّر الفيستة متاعو ويزيد يعلّمهم كيفيّة الوضوء وإلاّ كيفاش يصلّيو صلاة الصبح. يعني الراجل عبارة على داعية ديني جاي يهدي في دول وشعوب العالم إلى الطريق السويّ، وهي حاجة تبدو لي قمّة في قلّة الأدب وعدم إحترام معتقدات الشعوب الأخرى، خاصّة كيف واحد يعملها في إطار رسمي متاع علاقات ديبلوماسية وأمم متّحدة.

الأدهى من هذا أنّه بعد خطبة الجمعة متاعو حبّ يأخذ على عاتقه قضايا المعذّبين في الأرض والشعوب المظلومة بما فيها القضيّة الفلسطينيّة، وهو ما خلاّني نشفق على هاك الشعب الفلسطيني المسكين ونزيد نتأكّد أكثر من ذي قبل من أنّها مشكلتو الكبيرة هي في نوعيّة الأغبياء إلّي تكلّموا بإسمو على مدى أكثر من نصف قرن.

هو كي تجي تشوف الواحد ينجّم يقعد باهت ومستغرب كيفاش قضيّة عادلة وناس مظلومين جهار في النهار يقعدو بلاش حلّ طيلة الفترة هاذي ويزيد يقع تصويرهم للعالم على أنّهم مجموعة إرهابيّين مسوفجين يقتلوا في الإسرائيليّين الأبرياء، ولكن كيف تجي للواقع تقول ماهيش حاجة غريبة مادام الناس إلّي تدافع عليهم هي من نوع الكاراكوز أحمدي نجاد وهاك المقجول المرحوم ياسر عرفات والإرهابي السفّاح أيمن الظواهري وجماعته، زيد على هذا كيف تشوف نوعيّة السياسيّين الفلطينيّين في الداخل من نوع هاك الجهلوت الظلاميين متاع حماس من جهة، وكمشة المرتزقة والإنتهازيّين متاع حركة فتح من جهة أخرى (على غرار محمود عبّاس إلّي مسيّب أولاد بلادو ياكل فيهم الفقر والكرتوش والتناحر الداخلي وجاي يعطي في رأيو في آشكون لازم يترشّح للإنتخابات الرئاسيّة متاع جربوعستان !!)، فإنّك في الحالة هاذي تقول ستار ربّي إلّي مازالت فمّا حاجة يسمّيوها شعب فلسطيني في عام 2008.

القائمة متاع الجهلوت والمتعصّبين والفاسدين إلّي تكلّمت بإسم الفلسطينيّين عبر تاريخ القضيّة الفلسطينيّة أطول من إلّي ذكرتهم برشة، وكيف تجي تشوف ما تلقى كان الإنتهازي أو المتعصّب الديني، ما عدى بعض الإستثناءات القليلة واللي قعدت في أغلبها خارج دوائر الفعل السياسي، وهذا في حدّ ذاته يختزل تقريبا العوائق متاع أيّ حياة سياسيّة متطوّرة في بلاد العربان عموما، بما أنّك في البلدان هاذي ما تنجّم تختار كمواطن مسؤول وبكلّ وعي وحريّة إلاّ ما بين السارق الوصولي (أبعث NATTAR في رسالة قصيرة على الرقم 8777) أو الخوانجي الأصولي (أبعث برسالة قصيرة BOUKACHTA على الرقم 8778)، ودليلك ملك !


على كلّ حال قلتلكم أنّي كنت أعتقد بأنّ أحمدي نجاد باش يكون صاحب الكشطة الذهبيّة في التدوينة الصباحيّة لليوم الموالي، ولكن صار ما لم يكن في الحسبان بحيث دوّرت القناة ياخي طحت بالصدفة على قناة الجزيرة إلّي جايبة في نشرتها المغاربيّة سي بهتان مسيّس ولاّ هي برهان بسيّس يحكي على حريّة الصحافة في جربوعستان !!

باش نختصر الحكاية وما نقعدش نعاودلكم في حديث يدرّع الخواطر نقول فقط أنّي نتصوّر أنّه إذا كان عندنا منصب ناقص في المؤسّسات الدستوريّة لجمهوريّة جربوعستان فهو ما يكون كان منصب "بلعوط الجمهوريّة" إلّي بالطبيعة ما ينجّم يتسمّى فيه حتّى حدّ ما دام السيّد بهتان مسيّس هذا على قيد الحياة.

والله الواحد يقعد باهت علاش في كلّ مرّة تبدى قناة الجزيرة عندها حكاية على تونس إلاّ ويطلعلنا فيها سي بهتان مسيّس ويدرّع خواطر إخوانه المواطنين بحكايات مضمونها الكَذب ولغتها الخشب. ياخي ما عندناش مواهب أخرى في عالم التبلعيط أو حتى على الأقل شبّان نحضّروا فيهم باش ياخذو المشعل على السيّد هذا؟ تصوّروا بالله كان نهار من النهارات يبداو فمّا زوز برامج على المباشر في زوز قنوات فضائيّة في نفس الوقت ويحكيو الزوز على السياسة في جربوعستان، كيفاش باش نعملو وقتها وآشكون باش نبعثو للبرنامج الثاني؟ وإلاّ يدوّروها ندوة صحفيّة مع برهان بسيّس "أون ديبلاكس" كيما ماتشوات الكورة؟


خلاصة القول أنّي إضطرّيت في النهاية باش نسند جائزة الكشطة الذهبيّة الأسبوعيّة ولأوّل مرّة إلى شخصين إثنين وهما كلّ من المدعو أحمدي نجاد والمدعو بهتان مسيّس، مع كلّ تمنّياتي للثاني بالفوز بلقب بلعوط الجمهوريّة بصفة رسميّة في أقرب الآجال، خاصّة ونحنا قادمين على إنتخابات والقنوات الفضائيّة باش تتلهى بينا مليح في الأشهر القادمة.


هيّا شاهية طيّبة.



43 commentaires:

Anonyme a dit…

لقد آن الأوان لأن تشع جائزة الكشطة الذهبيةعالميا و تجتازالحدود لذا رجائنا أن يقع احداث جائزة الكشطة الذهبية العالممية و تسند لأحمدي طبالة و جائزةالكشطة الذهبية الوطنية و تسند مدى الحياة الكلبة لبلعوط الجمهورية بهتان و خسيس

Anonyme a dit…

إيلاف من الرياض: فتوتانِ صدرتا مؤخرا عن شيخين من شيوخ الدين في السعودية، وأثارتا من حولهما الكثير من الجدل. إحداهما نُقلت في صحيفة التلغراف البريطانية بشكل ساخر كما عرضت في موقع يوتيوب باللغة الانكليزية. الأولى تحذر من الفأر( ميكي ماوس)، وتعتبره كائنا مفسدا ونجسا في الشريعة الإسلامية، وأنه من جنود إبليس في الأرض، وأنه يُقتل في الحل والحرم. والأخرى فتوى جديدة تطالب بجلد ومعاقبة كل من كتب ضد الشيخ صالح اللحيدان، على خلفية فتواه الأخيرة حول قتل ملاك القنوات الفضائية قضاءً.

المنجد : ميكي ماوس نجس!

واعتبر الشيخ محمد المنجد، أن الفأرة نجسة، ويجب قتلها في الحل والحرم، وقال إنها من جنود إبليس يسيرها في الأرض. وحذر المنجّد الأطفال من الإعجاب بشخصيات الفئران التي اشتهرت عبر الأفلام الكرتونية مثل ميكي ماوس وجيري.

وقال إن الفئران "تلك الكائنات الممقوتة صارت عند الأطفال حاجة عظيمة ومحبوبة... ميكي ماوس هذا شخصية عظيمة، مع أن ميكي ماوس هذا شرعا يٌقتل في الحل والحرم.

وقال المنجد: الشريعة الإسلامية سمت الفأر بالفويسقة وأنه يقتل في الحل والحرم وأنها تضرم على أهل البيت النار وأن الشيطان يسّير هذه الفأرة وأنها من جنود إبليس، مضيفا الفأر في الشريعة الإسلامية شيء ممقوت، وكائن مفسد.

donc à mon avis, faut reconsidérer ta décision à propos de "el kachta el dhahabia" parcequ'el monjed la mérite mieux que najed ou bssis.

il faut sauver le soldat mickey

lina ben Mhenni a dit…

Franchement j apprecie trop ton article ya BTB . Esseyed hedha ghalleb 3lia.Sinon je me suis tape un fou rire ba3d une nuit blanche .

Anonyme a dit…

@2eme anonyme:
les traductions l'interprétations,ettazyiff kima sobbni wochrob de la part des anti-arabe,anti-islam,voit ceci:

http://www.arabianbusiness.com/arabic/531873

كان الشيخ محمد صالح المنجد قد ظهر على قناة المجد في أواخر شهر أغسطس/آب الماضي وكان يتحدث كيف إن الأطفال أصبحوا ينظرون للفئران التي يمقتها الإسلام على أنها حيوانات جميلة في سياق تأثير برامج الأطفال على المفاهيم الإسلامية الصحيحة.

وقال المنجد إن الفأر حيوان "نجس" في نظر الإسلام و"يجوز قتله شرعاً في الحل والحرم" ولكن برامج الأطفال مثل "توم وجيري" و "ميكي ماوس" جعلت من الفأر شخصية محبوبة في نظر الطفل المسلم.

Anonyme a dit…

bon enna ma na3rifech ken a7madi ti3jbou li7keya acoz ke ca va pas trop avec son look de cool, mais bon on peut lui accorder une et a lui de la porter wa9et ma ye3jbou
sinon pour bsayes yelzmou dabouza et torture mli7a 3a itbal3it mte3ou sfih o ma ye7chimech nistana fi chkoun ina7ilou waldih fi wa7ed mil 7iwarat o kima 9oulit btb bech yetelhew bina et ke ca fait plaisir kon expose ghasil ijmou3
anestoum

carte-sur-table a dit…

chui stupéfait cmnt ca ta pris tt ce temps pour se rendre compte ke ce "bsayes" est un bal3out pro w hazez 9offa 1ére classe!!
ti kol mara yabda ya7ki yrodna ma né9esna chay w yomken a7wélna 5ir mil la suisse w normal!!
bref ya3tek sa7a kiféh chaddit rou7ek w ta po chanG de chaine!!
aya chéhya tayba:)

Anonyme a dit…

ena je vote bsaiyes lil kachta dahabiya

mandela a dit…

تي شنية ب.ت.ب وليت تقتبس في الأفكار من عند بن كريشان...ماو شد اكا البنشترجي نجاد جمهوري اسلامي ايراني وسخسخوا تسخسيخة الخلاعي...اما الحاج باتمان بسيس نثبت عليه ثبات صغر كي كان مقطعها للخوانجية في نوف أفريل ونثبت زادة نهارت اللي هبطوا الحاكم للمنطقة متاع السيجومي وقرعولو عا الزيرو...ومن وقتها بدا يشق في طريقوا بكل ثبات نحو الكشطة الذهبية

Anonyme a dit…

de ma vie,je n'ai jamais détesté une personne comme ce bsaies

Tunisian and proud a dit…

jusqu a quand nous allons considéré celui qui est proche du pouvoir 9affef et celui qui est opposant 3amil

arretez de rendre le probleme personnele avec si bsaieis et discutez ses idées

6thzome a dit…

"ماهيش حاجة غريبة مادام الناس إلّي تدافع عليهم هي من نوع الكاراكوز أحمدي نجاد وهاك المقجول المرحوم ياسر عرفات والإرهابي السفّاح أيمن الظواهري وجماعته، زيد على هذا كيف تشوف نوعيّة السياسيّين الفلطينيّين في الداخل من نوع هاك الجهلوت الظلاميين متاع حماس من جهة، وكمشة المرتزقة والإنتهازيّين متاع حركة فتح من جهة أخرى"

Donc, c'est quoi la solution? Si tous ces gens ne servent a rien, c'est quoi d'après vous la solution???
Israël ne veut pas accepter la création ou l'idée même d'un état Palestinien (même si ils disent le contraire)! Voilà pourquoi cette guerre dure depuis 60 ans.
Sans une force militaire, la politique ne sert à rien...malheureusement. Et même si les arabes achètes des F16, ces appareils ont des radars d'une porté de 20Km, tandis que les radars des F16 Israéliens on une porté de 75km. C'est un simple exemple du grave déséquilibre dans le rapport de force entre nous et eux. Et jusqu’au jour ou les dirigeants arabes penseront à créer une industrie lourde (au lieu de construire des hôtels), les seuls qui résistent c’est ces petits groupes. Vous pouvez les appelez comme vous voulez mais c’est les seules qui se battent pour l’instant.

Voici quelques infos, pour ceux qui veulent comprendre pourquoi il n’ya pas et il n’y aura pas de solution qui vient de l’Ouest http://wake-up-america.net/

Loumour Mouch MriglA a dit…

combien de fois un jury ne peut pas échapper a ce dilemme qui consiste a choisir un seul gagnant BTP n'a pas pu y échapper et c vrai que le choix est vraiment compliqué dans ce cas d'espèce.
Concernant bohtane bssaiess, il droit en plus e la kachta eddhabya au prix de la " girouette de diamant". s'il était de la génération de J Dutronc, on aurait juré que sa fameuse chanson "
l'opportuniste" était taillée sur pièce pour ce monsieur qui comme a pu dire J P chevenement excellait dans " l'art de jubiler dans le reniement" voici mes amis le texte de la chanson pour ceux ne la connaissent peut être pas
aroles de Jacques Dutronc L’opportuniste:

Je suis pour le communisme,
Je suis pour le socialisme,
Et pour le capitalisme,
Parce que je suis opportuniste

Il y en a qui contestent,
Qui revendiquent et qui protestent,
Moi je ne fais qu’un seul geste,
Je retourne ma veste, je retourne ma veste,
Toujours du bon côté

Je n’ai pas peur des profiteurs,
Ni même des agitateurs,
J’fais confiance aux électeurs,
Et j’en profite pour faire mon beurre

Il y en a qui contestent,
Qui revendiquent et qui protestent,
Moi je ne fais qu’un seul geste,
Je retourne ma veste, je retourne ma veste,
Toujours du bon côté

Je suis de tous les partis,
Je suis de toutes les parties,
Je suis de toutes les coteries,
Je suis le roi des convertis,

Il y en a qui contestent
Qui revendiquent et qui protestent
Moi je ne fais qu’un seul geste
Je retourne ma veste, je retourne ma veste
Toujours du bon côté

Je crie vive la révolution
Je crie vive les institutions
Je crie vive les manifestations
Je crie vive la collaboration

Non jamais je ne conteste
Ni revendique ni ne proteste
Je ne sais faire qu’un seul geste
Celui de retourner ma veste, de retourner ma veste
Toujours du bon côté!

Je l’ai tellement retournée
Qu’elle craque de tous côtés
A la prochain révolution
Je retourne mon pantalon

brastos a dit…

:)
في اطار الحيله و الانحياز الى ولاد البلاد .. نقترح صانتي و الا زوز زايدين لمتاعنا .. الاقربون اولى بالـ... ـ
:)

Anonyme a dit…

borhene bsaies yahki wi ye7el fi kachekhtou...!
hathaka elli mazel!!!
sadkouni akber bayyou3 w akber te3ed howa borhene bsaies
ken 5owenji...
walla mou3ared...
w tawwa bayou3...
roddou belekom lé tet7allou fi leklem rahou elblog hetha bech y7asselkom.
à titre d'information, demandez à Si Borhane quel est le cadeau qu'il a reçu suite à la création de ce blog?
il est deevenu directeur général de ...
BTB est un tunisien typique

Anonyme a dit…

juste je veux savoir:
publier ta photo bhama mennek ou bien Rabbi 3mek?
dans tous les cas ce n'est pas à borhane bsaiess de parler dans ce payer
car il est un vrai bayou3
il était 5ouanji,
ensuite de l'opposition et aujourd'hui bayou3 w yektheb 3al la3bed bel blog mte3ou et au fait 9a3ed iijorr fehom bech yet7allou w ya7kiw w tetka3ber lehom
mabrouk 3alik le poste fel oukela elly ken jew ya3erfou klemek s7i7 jammai bech tu postule hal poste
ya bayou3

Anonyme a dit…

Ya bayou3
hahaha
sarra howwa enti : borhane Bsaies
wet7el fi kache5tek w tetkallem
barra a3ti tre7a el ...
bye ya bayou3

Anonyme a dit…

echneya Trapboy nestannew fil tanbir emte3ek 3la ettayara nouvelair elli 5arjet mil piste fi Dortmund en allemagne, haw 9allek lalman tal3ou ghaltin fil la3ba

black dark a dit…

http://www.babnet.net/rttdetail-14164.asp

1Solo a dit…

Oui, c vrai ce type de message parait bizarre, vu le manque de rjel fi wa9tna tawa!! me3neha e7na t3elemna b des discours politique des leches cul... ennes el kol rasha fi etrab wè termet-hom 3ind les americains (le chien de garde du monde)

Donc, madem houa mazell 3indou chweya rjoulia, il peux parler comme il vx et de tout ce k'il vx! wè ken y7eb ykamel ysalli zedda :)

Oui, Ahmadi Najed, a bcq de ta5fiss dans sa politique, emma il sait dire non! et lebrima taw y3aredhlou... enfin de compte c un perse et non pas un chien arabe qui a peur pour son compte aux états (je parle des doubles zero)

Chapeau bas pour ahmadi najed

eagleeyez a dit…

haw fama chkoun ki pensent etre a la hauteur de prendre la releve de ce cataplasme de Bourhan Bsayess,

zied tarek tounsi : ama enti mala blog 3andek, un mix porno we t7ine, du jamais vu, vraiment tu merite el 9assriya el dhahabiya, 9alou discuton les idees de BB, de quels idees tu parle ???

el 7assel, a55555555tefouuuuu 3ala hal emarek lem9alba.

Nakhlet Oued el-Bey a dit…

يا بيغ خلي أحمدي نجاد هاذاك وين وصّلو عقلو و ماوصلش لذكائك النير و عبقريتك و هاذاك علاش ثروته ما بلغتش ال5 آلاف مليار متاع الفرادي

أمام الكشطة ما تروح كان للبهتان المسيس

6thzome a dit…

@ Zied Tarek Tounsi
Ton plus grand problème se trouve dans ton pantalon (ou jupe), tu fais partis des gens qui pensent avec leurs quequette (ou orifice)! Si demain l'Islam se transforme en une religion a la Kâma-Sûtra, je suis sure que tu seras l'un(e) des premiers(e) à le défendre! A vrai dire, tu t'en fou de la laïcité, pour toi ce mot se résume a un bikini et un film X...

Et autre chose, (en réponse a ta belle annonce sur ton blog inutile) Youtube et daily sont toujours femrer, l'ouverture se produit de temps en temps pour des raisons de maintenance.
...

Anonyme a dit…

A propos des opportuinistes, les gauchistes sont les premiers opportuinistes de ce pays, et depuis l'epoque colonial. T'as oublie de les citer peut-etre.

Anonyme a dit…

حول الرقابة على المواقع الإلكترونية بقلم: برهان بسيس
2008-09-26
الصباح : منذ فترة تصاعد الحديث عن قضايا الإعلام الإلكتروني في بلادنا مركّزا على قضايا الرقابة والمنع أجّجها احتجاب موقع «الفايس بوك» الذي تدخّل رئيس الجمهورية لفائدة فتحه أمام المبحرين.

والحقيقة فإن هذه القضايا ظلّت موضوعا لتجاذب سياسي وحقوقي وضعها في قلب النقاش حول واقع الحريات ومنظومة حقوق الإنسان وغير ذلك من العناوين التي عادة ما يستدرجها الفاعلون السياسيون في معاركهم ضد خصومهم لتتحوّل قضايا الإعلام الإلكتروني إلى شمّاعة لتصريف خطاب المزايدة السياسية على حساب التطارح الضروري للإشكاليات التي يطرحها هذا الفضاء الإتصالي الجديد.

ليست لنا عقدة في تناول كل قضايانا الوطنية بالجدية المطلوبة بل لا يجب أن نتردّد أو نخشى من الطرح الجدّي الذي يفلت من لغة التعميم والتهويم أو الإخفاء والتعتيم مرجعنا في ذلك الإرادة الرئاسية الواضحة في المصارحة والدفع في اتجاه اسقاط عقيدة الخطوط الحمراء.

في هذا السياق يبدو من المفيد فتح المجال أمام نقاش عام حول قضايا الإعلام الإلكتروني بين كل الفاعلين والمتدخّلين تجاه مسائل شائكة مثل حجب بعض المواقع وأخلاقيات التعامل في هذا الفضاء الجديد الذي ما فتئ يتوسّع كحلقة مهمّة ضمن منظومة الإتصال والإعلام.
أعتقد أن التفكير في منظومة قانونية لتأطير هذه الإشكاليات قد أصبح من الضروريات الملحة تجنّبا لكل مظاهر الإلتباس أو المزايدة خاصة حين يتعلق الأمر بمسائل الرقابة والحجب المطلوب ممارستها في سياق عقد قانوني واضح يحدّد المسؤولية والحقوق ليخرج هذه الممارسة من السياق الاعتباطي الذي قد تقع فيه أحيانا (مثال ذلك تجربة حجب موقع الفايس بوك) تلك الاعتباطية التي تفتح الأبواب أمام المزايدين وتعطيهم أسلحة الإمعان في التشويه والتشكيك أكثر مما تحقق أهدافها في التأطير وخدمة مصالح البلد وصورته أمام الرأي العام الداخلي والخارجي.
ليكن واضحا أن الرقابة والتدخل أحيانا بالمنع ليس بدعة في عالم الأنترنات وهذه الشبكة المستحدثة لا ينبغي أن تكون في انسيابها العابر للحدود سيفا مسلطا على مقوّمات السيادة الوطنية التي لا يمكن أن تتناقض أبدا مع الحرية في شكلها المسؤول بقدر ما تتنافى مع تصور للحرية فوضوي ومطلق يبيح هتك الأعراض والإساءة بالشتيمة الرخيصة والتحريض على العنف واستعمال لغة بذيئة منافية للأخلاق والدعاية للقتل والإرهاب ونشر الأكاذيب والتلفيق والإشاعات المهددة للأمن كل ذلك باسم حرية التعبير والرأي.
لما وجد موقع «اليوتوب» الشهير أن بعض التنزيلات على صفحاته قد تمثل تهديدا لأمن قوات الاحتلال الأمريكي في العراق قرر حجب ومنع هذه التنزيلات التي تصوّر العمليات العسكرية ضد الأمريكيين.
كل بلد يدافع عن مصالحه ولا معنى لأي حديث مطلق عن الحرية قد يصلح للمزايدة ولكنه لا يقنع غير المغفّلين!!!
من حقّنا أن نراقب الفضاء الافتراضي بل من واجبنا ذلك تجاه طريق سيارة تأوي كل أنواع الفاعلين من الإرهابي الذي يمرّر تعليماته إلى المريض النفسي الذي يصعّد عقده إلى كاتب الرأي المدافع عن أفكاره، لا شكّ أنه على الرقابة أن تميّز بين مختلف هؤلاء الفاعلين وألا تضع الجميع في نفس الموقع وتتعامل معهم بنفس الآلية وهو ما لا يمكن أن يتحدّد وينظم إلا عبر قانون واضح لتنظيم قواعد السّير والتجوال في هذه الطريق السيارة.
عادة ما تتغاضى الأصوات التي تعوّدت على الصراخ مزايدة وبكاءا على مصير المواقع الإلكترونية المحجوبة عن حقيقة التجاوزات التي تستبيحها هذه المواقع هتكا للأعراض بأسماء مستعارة انتاجها العظيم في مجال الأفكار والتعبير لا يتجاوز الشتيمة ببذاءة اللغة السوقية التي لا يمكن لأيّ كان أن يتخيّل أبناءه بصدد قراءتها خلال ابحارهم الإفتراضي.
خفافيش ظلام يتحوّلون بقدرة المزايدة إلى أبطال حرية تعبير وأصحاب مدوّنات يجبن أصحابها عن التقدّم لساحة الأفكار والتعبير بأسمائهم الحقيقية، هم في الحقيقة صورة لحالة من الفوضى التي ينبغي مواجهتها بالرّدع المطلوب الذي لا يمكن أن يكون شرعيا ومفهوما ومبررا إلا حين ينظم بقواعد وقوانين خارج سياق الاعتباط والعفوية التي قد تسقط في الخطأ حين تخلط بين كتابات التعبير الحرّ الراقية في ذروة تعبيرها عن الاختلاف والنقد وبين تصعيدات نفسية منحرفة تتحرّك باسم حرية الرأي والتعبير دون قدرة على صياغة فكرة أو معنى.

tikaaa a dit…

l'aritcle l'ekher fakkarni fi jomla sma3t'ha ... kalha marra we7ed io7kom fi tounes : "lezem na3tiou 7orreyet essa7afa fi nitak el kanoun". ou bien sur el kanoun sans precision.

donc: hak 7or ... amma rod belek ech tgoul.

un autre point bellehi, wa fi siak "othkourou mawtekom bi khayr" bellehi mouch lezem el we7ed iejbed 3arafet bel khayeb, errajel 3adda 3omrou slata, allah iar7mou 3mal elli inajjem.

Anonyme a dit…

idek mabrouk big trap boy

malla sakra elyoum!

samiha a dit…

الهداية باهية للكافر أما خسارة إلي اقول على على روحو مسلم وهو كلمتين خوات فالإسلام ما إتيقش يسمعهم

Anonyme a dit…

وحدى وحدى حبيت نهدى الشلاكة الذهبية للبيغ تراب اللى ما عندناش منو برشه تى راهو ما يلعبو حد حاصيلو الفهمولوجيا تمشى على ساقيها هذا بالرغم اللى نعرف موش باش تقرالى على خاطرك ما تعرف كان الفرنساوى والفرنسيس ومضروب فى جماعة شى نو لابا وتحقر الامم المتخلفة كيف العريبة والمسلمين وما تحب كان البلدان اللى فيها ريحة روث الكلاب والقطاطس وضروب فى ديموقراطية بلاد الفرنجة.ياسيدي كانك على الاستاذ برهان يلزمك تخسر على روحك برشه فلوس فى القراية باش تصير فى ظفرو ويا ذنوبى لأنو انسان واقعى ويعرفلكم ادواركم وقاعد يكشف فى رواند جماعة الفقهى والتمقعير الماسط متاع مدونات الحفتريش والزبراطة وبياعة اللوغةوفى مايخص احمد نجاد رانا متفهمين تمضريطك عليه لانو بصراحة عدو مماتك وولية نعمتك ماما أمريكايا بيغ تراب ومن أسمك معروف اشكون سيدك ياللى مايلعبك حد ياللى تسمى فى بلادك جربوعستان بايع وطنو ببطنو ولاحول ولاقوة الا بالله واذا عادت العقرب عدنا لها.

Big Trap Boy a dit…

:)

ربي يشفي

Anonyme a dit…

انت يا بيغ ما تصلح كان مستشار والله لو كان يفيقوا بيك توا يوليو يتعاركو اشكون يفوز بيك على خاطر واحد كبما اسماعيل هنية ولا نجاد مساكن ناس بسطاء ما يعرفوا شي والامة الايرانية بكلها تستحقك مستشار لأنهم ناس ما عندهمش شكون يدبر عليهم يعملوا علاقات مع الصهاينة ويفك عليهم من النووي ويبيعوا الويسكى ويعملوا الكازينوهات واللى يسب المقدسات يسميوه متنور وتقدمى وهاذى ما تنجمها كان انت يا بيغ على خاطرك سابق عصرك وها السبعين مليون أيرانى مصطكين يسخفوا مساكن اما هاك المتخلف اسماعيل ماقال حد لحد اش خلله اولمرت يقول للصهاينة مضمضوا من حلم اسرائيل الكبرى تى ماهو يمكن سمع بمدون من تونس ياخي خاف برشه.

Big Trap Boy a dit…

الله يفرّج

Anonyme a dit…

ديمة ديمة يبقى ثمه أمل ثمه أمل أنو جماعة مجاهدي خلق يسلحوهم الامريكان ويهجموا على طهران يحتلوها ويحرروها من الجهل والتعصب ويرفرف فيها علم البرشة نجوم وعلم النجمة الزرقاء ويشنقوا نجاد فى ساحة عمومية ويشيخوا عاد جماعة التدوين الفرنكفونيين ويصيروا يخلصوا على بعضهم فى تورنيات سلتيا واحفل واش حاجتك ونرتاحوا من حاجة اسمها فلسطين اللى ديما قاعدة تحشم فينا مع الاصدقاء.واله الايرانيين كسرولنا روسنا بحاجات فات وقتها جايبينيلنا كتاب صارلو 15 قرن وقاللك مقدس توا باهى هكة قالك مقدس تى هو حتى سارتر وماركس ووانجلس وداروين ما بقيناش ننجموا نقولوا عليهم مقدسين.

Big Trap Boy a dit…

إنشالله من فمّك لباب السماء

وإنشاء هاذاكة حد الباس

The Future is Unwritten a dit…

ya big ya3tik el sa7a kifah eti9ehom hal rehout, kol mara yejik wa7ed men dra wine meltou yedafa3 3ala 5arya kifou.

bon enti wassa3et balek 3alih hal moghet el jdid, loughtou hajina kifou, la tefehmeha tounssi, la souri, la zebi... el 7assel etfouhhhhhhhhhhhh 3ala ...@#$23

ma yekoun kan Bourhen monta7el cha5ssiyet la7ass ... 3waydou, ama cet fois c son propre cul qu'il leche aparement, acrobatie ma yenajemha kan wa7ed kifou.

The Future is Unwritten a dit…
Ce commentaire a été supprimé par l'auteur.
The Future is Unwritten a dit…
Ce commentaire a été supprimé par l'auteur.
Anonyme a dit…

the future is unwritten كل اناء بما فيه يرشح وبعد فانى أعتذر لعدم الرد عليك بسرعة لأننى أتكلم لغة أخرى غير تلك التى تتكلمها أنت فنحن تربينا فى ديار فاضلة وشريفة على أيدى أباء وامهات علمونا الأدب والأخلاق أما ألفاضك الراقية فتدل بوضوح أنك قضيت طفولة بائسة منقوصة من الرعاية الأبوية.

Big Trap Boy a dit…

يزيو من العرك من فضلكم، ميسالش نحاولو نتناقشو حول الافكار موش حول أصحاب الأفكار، ولو في بعض الأحيان أصحاب الأفكار بيدهم يظهرولنا ما عندهم حتى أفكار تصلح

Anonyme a dit…

كيف شفت تصاور عرس البيغ تراب تذكرت الماريشال عمار جبري بربطة عنق ملوخية بالفروي دى مار

Big Trap Boy a dit…

يا سي المعاق، باش تشوف التصاور متاع عرسي لازمك على الأقل تصبر شويّة حتى لين نعرّس

شوفلي كان عندك في العايلة بنيّة حلال تربح فيّا ثواب، أما راني معروف في الأمور هاذي نجرّب السلعة قبل

هههه

ملاّ قرصان بودورو

Anonyme a dit…

كلام سوقى لم نكن ننتظره من مدون مثلك..والبعض يلوم عمار404

Big Trap Boy a dit…

أنا ما نلومش عمّار 404 يا شسمك، أنا فقط نسبّ فيه، فمّا فرق كبير

Big Trap Boy a dit…

على كلّ حال شكرا على التعليق المهم جدّا وهو أمر متوقع من انونيم مثلك

:)