vendredi, août 28, 2009

شعب يموت على الديموقراطيّة وحقوق الإنسان: قضيّة المُــــنــڨي النّـــجّـــا ر نموذجا



يا أولادي راني كيف نقوللكم راهو عندنا شعب بلغ درجة من الوعي تخلّيه يطير طيران بالديموقراطية وحقوق الإنسان مانيش نفدلك معاكم، وهاو مرّة أخرى يبان بالكاشف إلّي المواطن الجربوعستاني ما فمّاش خوه في التضامن مع القضايا العادلة وفي مساندة أخيه المواطن المظلوم في وقت الضيق والمحن، وكان تحب نزيدك برايف وأدلّة على كلامي هاو قدّامك الوثائق باش تنطق وحدها، اللهم صلّي على النبي وعيني ما تضرّك يا شعبي العظيم


المصدر موقع الفايسبوك، أنقر بالرّاس هنا


ومن بعد زيد أعطيها نقرة أخرى بالراس هنا وقارن عدد أعضاء المجموعتين باش تزيد تدوخ


هلمّو بنا يا إخوان ندعو دعيوة خير بمناسبة الشهر الفضيل لعلّها تكون مستجابة وتتحقّق بفضلها رغبة شعب الأبطال بمشيئة المولى: بسم الله الرحمان الرحيم، اللهمّ يا واحد يا قهّاريا خالق الليل والنهار، نسألك بحقّ حملة الإستغفار أن تفرّج عن كرب أخينا وصديقنا المُــــنـڨي النجّار، اللهمّ إجعل ما تبقّى من أيّام سجنه في بوفردة قليلة واكشف حقّه لكي يمضي أيّام العيد مع العيلة، اللهم لا تنهي علينا مسلسلا وفيه شخصيّة مظلومة ولا تجعل نهاية سهراتنا الرمضانيّة نهاية مزمومة، ربّنا لقد دعوناك ونحن صيام فلا تخيّبنا مثلما خيّبت القائد صدّام وسخّر لنا منتجي المسلسلات والأفلام لكي نعيش في دنيا الأحلام وكلّ مسلسل يمرّ ونحن نيام بجاه دين الإسلام



21 commentaires:

Analyse-Synthèse a dit…
Ce commentaire a été supprimé par l'auteur.
brastos a dit…

و يقولولك ما تسمّيهاش جربوعستان
!!!!!
هههه

Anonyme a dit…

الفراغ يعمل فراغ من جميع الشيرات والجيهات وربك يقدر الخير وبره

Ignescence a dit…

J'en peux plus, je pouvais plus arrêter de rire! Re-bienvenue à toi ;)

YoYo a dit…

Moi aussi quand j'ai découvert le groupe, j'ai pas cru mes yeux quand j'ai vu le nombre de membre du fameux groupe, bel7a9 chay ybakki

عياش مالمرسى a dit…

Oui c'est vraiment catastrophique... Mais il faut avouer qu'il y a un titre plus accrocheur que l'autre, la forme compte aussi bien que le fond, et la contestation tunisienne ne l'a jamais compris..

WALLADA a dit…

و يحطّ رحلهم فيسع ما وصلو لأكثر من ألفين ، كان جات قضيّة عادلة راهم يتزورصو و ينضمّو بالدزّان

Anonyme a dit…

"بون" ... هو الإتفاق على المبدأ في حد ذاتو "إنجاز" ! من بعد على "قدر أهل العزم تأتي العزائم" و "كل قدير و قدرو" ... آما خير ولاّ نلڤوا مجموعة "معا من أجل أن لا يدخل إلياس البوڤوس لڤلبو" ! هييييييهههووووووووووووو

mtarka a dit…

لا عاد سامحني فما فرق : السيد الثاني كان تدخل في القروب متاعو، فما امكانية انك في عوض ما تساندو بش يخرج هو من الحبس، ترصيلك انتي راكش بحذاه تونّس فيه في بوفردة. و ماك تعرف، التوانسة خوافة شوية.

Ashistic a dit…

هاذي يقولولها من المضحكات المنفخات..

Ashistic a dit…

حاجة بركة نحب نزيدها، لاحظت انك خبيت وجوه العباد، تفكرت تدوينة الاستحمار متاع هاك الثلاثي كيفاش حاطين وجوه العباد هكاكة... و كي رجعت باش نشوفها لقيتهم توة تفكروا باش ينحيو القاب و وجوه البعض...امممممم... و حتى اعتذار ما كتبوهوش..

الحاصل ما عينيش باش نشعل نار هي طافية من اولها... اما مجرد حكاية حبيت نقولها و اكهو..

IL PADRINO a dit…

****************(beep)**** mala***************ti bellahi**(beep)**********************w barou***********bahi haka*******

سامحوني عالكلام الزايد شيء ينطقlol

Molotov Tounsi a dit…

http://molotovnews.blogspot.com/


برجولية جماعة الفايسبوك عملوا الخل

انا واحد من الناس سمعت الي فما قروب اسمو احباء الركشة في توالاتات القهاوي المسخة

Progressive pour une autre tunisie a dit…

ههههههه
الشعب التونسي شعب عريق

cauchy a dit…

n oublies pas trappa qu il y a d autres groupes de soutien a Adnene Hajji... il n y a pas pas juste ce groupe...

Kanoulika a dit…

et le pire ya BTB c'est que ce post est entrain d'augmenter la taille du groupe de MONGUI...

Amel a dit…

ربي يهدي! هذكا واحد اش ينجم يقول!

و هذا ياكد انو التوانسة متاثرين ياسر بهل المنتوج الكاكتيسي القرطاجني الطر... - ما نجمش نكمل نكتبها ما كانش نفطر ؛) - لدرجة أنهم استوعبوه كيف حياتهم اليومية الواقعية و بعدوا على مشاغلهم و مشاكلهم هوما و مشاكل مجتمعنا المريض بالأنانية

المُــــنــڨي النّـــجّـــا ر a dit…

allahoma la 7asadd

Unknown a dit…

Trappa
A3mel tala a3la hel article el mezyène

http://www.assabah.com.tn/pop_article.php?ID_art=24322

BooBoo a dit…

haahhahahaha!
3ejbetni l'intervention mta3 Mongui! :D
j voulais ecrire un commentaire un peu plus instructif ama c foutu tawa!
c'est ce qu'on appelle 'rire nerveux'..

Anonyme a dit…

Je me demande pkoi autant de commentaires pour une comparaison entre 2 pages (la3ale9a b b3adhhom)! facebook et les pages n ont jamais été un truc aussi sérieux à prendre en compte sinon y aurait sur tt les médias que des stats de ce genre!
Les pages de facebook ne sont jamais un point de repère! Déja chouf 9addech men tounsi ya3ref walla sma3 b 3adene el hajji! w chouf 9addech men tounsi sma3 b 7keyet mongui!