jeudi, avril 22, 2010

آش لزّ حمّة يرقص؟


بوبكر الصّغير: أنا ما نفهم شي في الرياضة أما ما عنديش مانع باش نجي نمدّ وجهي في برنامج رياضي ونبدى نهز وننفض على خلق ربّي، وأهوكا حتى كان زلعتها مع واحد من الكبارات نعملّو من بعد طرح تبندير وتقفيف بما أنّ هذاكة هو إختصاصي الأصلي وعفى الله عمّا سلف

صراحة قناة حنبعل ياسر يااااااااااااسر زبالة

10 commentaires:

Anonyme a dit…

slt big
cet homme est omniprésent dans tout les debats ( politique , science, economie ... et de plus il se comporte comme l intellectuel du regime et la gauche du pouvoir il est plus que B.Bsaiss fi t7inn w 9ellett el 5ir
ana weld bledou w na3ref son histoire

Anonyme a dit…

السيكونس ما فيا شيء ضد فريقك ..كلام عادي

Anonyme a dit…

الترجي ساهمت في الحركة الوطنية و التحرير ههههه

Arabasta a dit…

Putain quel spécimen ce mec! Il est vraiment un pro ès cirage de pompes et léchage de bottes! Qu'est-ce qu'on a foutre des préférences footbalistiques du fils d'un rédacteur en chef d'un magazine tunisien? En tout cas le foot en Tunisie est entrain de prendre une ampleur très critique et il sera très dur de le remettre à se place tant qu'il n'y a pas d'autres occupations dignes de ce nom dans notre pays!

PS: un exemple de dérives dans le football tunisien http://www.facebook.com/pages/twr-8-fryl-2010-bqyd-jmhwr-trjy/109306469103520?ref=mf

Big Trap Boy a dit…

خويا الأنونيم ظاهرلي فيك ما فهمتنيش آش نقصد، الحكاية ما عندها حتى علاقة بفريقي ولاّ بفريقك وإنّما بهذا "الوجه" الإعلامي إلّي يجي يمدّ وجهو في بالمكشوف (وهو برنامج رياضي) وينظّر ويهزّ وينفض ساعة من زمان في حين هو ما عندو في سوق الرياضة ما يذوق وكيف ما قال ما يعرفش آش معناها تسلّل ولاّ 6 أمتار

نتصوّر العيب من جهة في الناس إلّي إستدعاتو للأستوديو حسب معايير إنتقاء ما يعلمها كان الله، ومن جهة أخرى فيه هو إلّي كان من الواجب عليه يرفض الدعوة بما أنّه ما عندو ما يضيف ويكرم لحيتو بيدّو من الأوّل أحسن ملّي يزلعها ومن بعد يقعد يطلب في السّماح ويقفف لحمدي المدب

إنشاء الله تكون فهمتني توّا، وعلى فكرة تاريخيّا من الثابت أنّ جمعية الترجي الرياضي كان عندها بعد سياسي مهمّ جدّا خلال فترة التحرير والحركة الوطنيّة، هاذي أشياء لا يمكن أن ينكرها أحد

Big Trap Boy a dit…

@ arabasta:

المشكلة بدات من جيّانو لحصّة بالمكشوف ودخوله يغفّص في ميدان خاطيه، أما علاش لا؟ شبيه برهان بسيّس يمشي ينظّر في بالمكشوف وبوبكر الصغيّر لا؟ ياخي خير منّو؟ هههه

Soufiene a dit…

تي هوما جابو سليم شيبوب باش يحكيلنا على الديمقراطية في قناة حنبعل

Big Trap Boy a dit…

@ Sofiene:

تقول إنتي يكمّلو يجيبولنا السيّدة علياء متاع الكوجينة تعمل تحليل فنّي للماتشوات؟ هههه

علاش لا، أنا ما عدت نستغرب منهم شي

Anonyme a dit…

مفهوم يا بيقا مفهوم يرحم والديك ...شكر ا ا ا ا على وساع بالك :)))

M a dit…

تاريخ تونس في جزء كبير منه مربوط بتاريخ الترجي الرياضي؟؟؟؟؟؟؟؟!!!!!!
النواة الأولى للنضال الوطني تولدت في جمعيات رياضية؟؟؟؟؟؟؟؟!!!!!!