jeudi, février 14, 2008

عــيــد الـحـبّ ... والتـّـمـهـمـيش



اليوم عيد الحب، شاي الله أولاي الله بركة سيدنا "سان فالنتين"، جعله الله مباركا سعيدا علينا وعليكم وعلى جميع المؤمنين. اليوم نهار حبّني ونحبّك واهديلي ونهديلك واشريلي ونشريلك، واللي يحبّ ما يحسبش كيما يقول العكري

بالطبيعة برشة ناس ترى في العيد هذا بدعة وتقليد أعمى وحاجة ماهيش متاعنا، وبالرغم أنو الكلام هذا صحيح لكن ماهوش مشكل كبير، بحيث ماهوش كل شيء لازمو يكون "متاعنا" ماكانش لا، وإلاّ حتى إشارات المرور زادة نقلعوها خاطر ماهيش متاعنا

ولئن كان من البديهي أنو الـ"سان فالنتان" هذا ماهوش من صنف الحاجات اللي "متاعنا"، فإنو مناسبة باهية باش نحكيو في موضوع الحب، وهو موضوع ما تناولتوش في المدونة هاذي إلا في مناسبات قليلة وبسطحية كبيرة، وهنا نحب نقول أنو السؤال الأهم في عوض ما نلوجو هل أن عيد الحب متاعنا ولا موش متاعنا هو أننا نسألو هل نحن متاع حب ولاّ لا؟

هو كيف تجي تشوف نحنا في بلاد تحب الحب وتشجع اللي يحب، وساعات حتى تفرض عليك تحب الناس اللي ماشي في بالك ما تحبهمش، وبالتالي تلقى نفسك وليت تحبهم حب ليس له مثيل، وما تشوف كان محياههم الطيب نهار مع ليل. هاو الحب ولاّ لوّح. وموش هذا فقط، على خاطر انشالله عن قريب عندنا مشروع لإصدار مجلة تشجيع الحب على منوال مجلة تشجيع الإستثمارات، وباش نعملوا إعفاء من الضرائب والديوانة على كل السلع اللي يجيبوها الناس اللي يحبونا ونحبوهم، باش هكاكة الحبّ (بضمّة فوق الحاء) يولّي حبّ (بالفتحة)، واللي عندو الحبّ بقدرة ربي يتحبّ.

أخطانا من هذا الكل، اللي "حبّيت" نقولو هو أنو الحبّ ماهوش عيب عندنا ولكن اللي قعد عيب هو الجنس أو ما يسمّى بالسّاكس والعياذ بالله، وهذا ينجم يعمللنا مشاكل كبيرة على خاطر إذا قبلنا بهذا لازمنا نقبلو بالآخر، وإلاّ يولّي الحبّ حبّ عذري أفلاطوني ماسط لاسط، باسل كيف نهارة أحد عشيّة، لا يبل ولا يعلّ ولا يسمن ولا يغني من جوع. وهذا علاش نقترح باش نرجّعوا للجنس إعتباره ونحتفلوا بيه في نهار خاص بيه، أهوكة كل قدير وقدرو، وحتى الزوّالي يلقى ما يهدي وما يحسش روحو منبوذ بين أندادو، على خاطر كيما تعرفوا نحنا شعارنا الجديد هو "لا إقصاء ولا تهميش"، ولو أنا كنت نخيّر تعويض كلمة "تهميش" بكلمة "التمهميش"، على خاطر التمهميش أشمل وأخطر من التهميش بما أنو يمسّ بالمهمّش (بالفتحة فوق الميم الثانية، يعني المفعول به) والمهمّش (بالكسرة، يعني الفاعل) على حد السواء.

علاش حكيت على التمهميش؟ على خاطر بصراحة هذا هو اللي نلاحظ فيه: توة منها الحبّ نعملولو عيد ومنها نجرّمو العلاقات الجنسية خارج الزواج؟ منها الحب نورمال ومنها كيف زوز يبوسو بعضهم في الطريق العام اللي هذا يبدا "إخـّيت إخـّيت" تقول درى آش شاف، هذا إذا كان ما جاش الحاكم هزّهم على "التجاهر بما ينافي الحياء". والأغرب في الأمر، وحسب تجربتي الخاصة والمتواضعة، لاحظت أنها على قد ما الناس تعمل رواحها "سكانداليزي"، يعني مصدومة، بما تسمّيه التفسخ الأخلاقي والميوعة والريق البارد والشباب القليل التربية، على قد ما تلقاها مليانة بالعقد والتناقضات والنزعة الحيوانية في علاقتهم بالجنس. توة مثال على هذا، عندي واحد زميل في الخدمة من النوع هذا، سجادة في قجر البيرو وديما متغشش على وقت الصلاة كيفاش فاتو وعلى النساء اللي ماعادش تحشم والأخلاق الحميدة اللي ماعادش لاقيها، وما راعني كان أنو السيّد هذا جاني نهار يسئل في إذا كان عنديش أفلام ساكس نعطيه يتفرّج فيها ويزيدها لمكتبتو الخاصة. حاسيلو من غير ما ندخل في التفاصيل على خاطر هذا مجرد مثال على إنسان ضاربو التمهميش، في النهار يلعبها شيخ وفي الليل يحب يشيخ.

الأغرب في كل هذا هو أننا ما نتقلقوش كيف نشوفو نفس الأشياء يعملوها زوز سيّاح أجانب قدامنا، على خاطر هاذاكة الشيء "متاعهم" وما يهمناش فيهم، لكن المشكلة أنهم يعملو فيه في البلاد "متاعنا"، وبالتالي فاللي يلزمنا يلزمهم، ولكن رغم هذا فإني عمري ما سمعت بنزل طلب على رجل ومرأة أجانب وثيقة عقد الزواج قبل ما يعطيهم غرفة. هاذي أشكال من التمهميش اللي نحكي عليه وغيرها كثيرة، وربي يديم علينا هالنعمة

هيا نخليكم عندي إجتماع مع بعض السادة المحترمين، نهاركم طيّب وعيد حبّكم مبروك، خاصة للبنات اللي ما عندهمش شكون يحبّهم، ما تخافوش أنا نحبّكم الكلّ، ولو بدرجات متفاوتة
:))



16 commentaires:

Neodallo a dit…

Trois individus de nationalités, américaine, britannique et tunisienne meurent dans un accident et se retrouvent en Enfer. Après quelques semaines, l'Américain désireux de savoir si, enfin, Ben Laden a été arrêté, sollicite la possibilité de passer un coup de fil vers l'Amérique. Le diable accepte et lui facture, aussitôt le coup de fil terminé, les trois minutes à 3 millions de Dollars. L'Américain sort son carnet de chèque et s'acquitte de sa dette sans sourciller... Le Britannique, à son tour sollicite la même faveur, afin de s'enquérir de la santé de la Reine Elisabeth... Le diable accepte et lui facture, aussitôt la conversation achevée, les trois minutes à 4 millions de dollars que notre ami s'empresse de payer... Ce fut, enfin, au tour du tunisien. Ce dernier hésitant du fait de la faiblesse de ses moyens, se décide quand même à demander l'autorisation d'appeler a la tunisie pour avoir des nouvelles du pays, si le pouvoir d'achat est assez bas, si le pouvoir est toujours le même, si les routes sont toujours catastrophiques, si les voleurs gagnent toujours du terrain, si le chômage est le titre de la jeunesse perdue, si le logement est aussi un rêve et si et si et si....... La conversation s'achève enfin au bout de trois heures. Le tunisien osant à peine regarder le diable, lui demande en bégayant, le prix de la communication. Le diable tout serein répond: Oh, pour les trois heures ça fait trois Dinars! Surpris, le Tunisien : Mais co..... co....comment ça se fait ?? Le diable lui répond: Et bien, de l'Enfer à l'Enfer, c'est un appel local !!!

Nidhal a dit…

Barra oulidi rabbi challah izid i7ellek ech'chahiya lil ktiba ou khaffef 3liik missansure :P

السّان فالونتان a dit…

يضهر لي الّي الاشاعة الّي خرجت عليك يا "بي تي بي" بالرّصمي... او منضرك غارق الى شوشتك فاكي الي يسمّيوه الحبّ
:)

Anonyme a dit…

Haw programme la saint val':
http://www.globalnet.tn/index.php?option=com_content&task=view&id=4748&Itemid=325

Mantis a dit…

retour en force trap boy :)

Ezzabrat a dit…

Ya trappa hani 3malt Blog w tabba3t 5outak brass ommek w m na3ref m3azzetha 3andek a3mel talla w 9olli ch9awlek http://zabratfromgeneva.blogspot.com/
5ouk zabratovitch

Anonyme a dit…

لا تجهلي زينب
لتنقلبي
فتجهضي
ثورتي و ثورة
العصافير القادمة.

أصبري و صباري
ولو جردوك كالجريدة
إمشي عارية قلما
في قلب العاصمة.

تحدي زينب تحدي
كل العيون
كل الذقون
فأنت الثائرة

زينب... إن جمالك
وعبقك و بنفسجك
و رونقك و عطرك
تزداد
بل تبلغ ذورتها
عندما تمشين عارية قلما
أين؟
بين الرافظة و الرافضة
و شرفي زينب
و شرفك
لأنت أشرف من أشرفهم عارية.
kacem

Anonyme a dit…

s.
Pourkoi un seul jour/an pour l'amour et 364 j pour la haine ;-)?bien ke durant mon dernier séjour en TN j'ai rien vu d'autre que la haine qui s'etale sur l'année entiere..une haine masquée avec un sourire collé au visage..je nomme haine:
-l'escroquerie des vendeurs: du petit marché sidi elbahri jusqu'aux grandes surfaces..
-l'exploitation moyenâgeuse des patrons tunisiens.
-le regard d'un chauffeur de taxi qui a su que ta "coursa" ne depasse pas les 2 dinars!
-les larmes aux yeux de abou elkacem echebbi dans les billets de 30d!
-le retour des "barbus".(fils de la haine comme il a dit l'ecrivain algerien rachid boujedra)
-la relation ambigue des tunisiens
avec leurs corps(tt genres confondus:ceux et celles ki cachent tout et ceux et celles ki dévoilent tout..)
-les sachets en plastik noir
-les fleurs en plastique(made in china) pour feter justement st valentin!!!!
dans ce milieu 5oya trap boy on ne peut parler ni d'amour ni meme de faire l'amour..(d'apres une etude 65% des tunisiens au dela 40taines sont impuissants et 80% des femmes ne savent pas l'orgasme!!)je me demande réellement comment peut on parler d'amour si nous meme on est né suite a un acte sexuel(mte3 tatir 9la9) suivi par un cri de douleur et pas un cri d'orgasme!

trainspotting a dit…

je vote pour faire du 15 Février "la journée du sexe" ou la "fête du sexe " mais là où la première proposition fait penser à une journée info santé , la 2ème fait penser à une journée partouze.
Entre les deux nous balançons

B ej a dit…

binnesba lil bnet elli ma 3and'homch chkoun y 7ebbhom, ena mosta3ed netbarra3 m3ak, w n7ebbhom m3ak ;-)

كوتة a dit…

انا نقترح انه عبد الساكس يكون متزامن مع عيد المرأة،وهكة نضربوا عصفورين بحجرة وحدة
كيفاش ؟؟
ماهو كيف نقرنوهم الاثنين في فرد نهار،الراجل معاش ينساه النهار هذا ويبدى يستنى فيه ويحضرله من بكري
وزيد الكادو يبدى حاضر باش ويفرّح المراة
يا سي بيغ تراب بوي برجولية وبيناتنا سمعت عليك اشاعات وكلام خايب قالك راك "تلعب جلال" ,,ربي يستر واكاهو
انستو بجليّل

fatma a dit…

intéressant ton article !!
par contre je trouve que tu confond amour et sexe.En effet amour sa ne rime nécessairement pas avec sexe pour ma part du moins.
en ce qui concerne l'idée de fêter l'amour ou encore le sexe, pardon mais je trouve que c'est "débile" par ce que ce sont des choses qui font parties de notre vie et qu'on a pas besoin de fêter et d'y consacrer un jour ! c'est comme si on fêtait le sourire ou la joie ...
dailleurs je trouve que la fête des mères est inutile;c'est pendant chaque jours qu'on exprime notre amour à une mère et non pendant une seule journée!!

Atovik a dit…

--> fatma: je suis sur que tu es en WI-FI (ton commentaire tu l'as écrit aux chiottes ?....ya amour ya mouch mta3 sex enti....

haw bech ne3mlou nhar lél 7ou9an elli kifek zeda : 32 mars....

Anonyme a dit…

ya lella fatma rak yeser erzina.
apparament ma3andek 7ad i7ebek hadheka a3leh tetkallem hakkeka.
kif et7eb ou tet7ab atawa tefhem la7keya

dayday a dit…

ema enti ya extravaganza wassel

Amine a dit…

Je vais po parler exactement dans le sujet proposé..pask 1 ptit mot ke BTB a di ma poussé à penser é à se poser des kestions..
الأغرب في كل هذا هو أننا ما نتقلقوش كيف نشوفو نفس الأشياء يعملوها زوز سيّاح أجانب قدامنا، على خاطر هاذاكة الشيء "متاعهم" وما

ke pensez-vous des touristes ki viennent nous visiter chak anné??vous étes heureux pask ils ont choisi la tunisie, ou peut étre faché, comme moi??
vous serez peut-étre choké..mais en effet, chui contre larrivé des touristes( l'europe de l'est, l'allemagne, etc...)pask houma 3amlin 3lina affar w a7na 9al chnoua far7in bil devise, brabbi elle est où cette devise??
ti le touriste yadfa3 200€ (ticket allé+retour+reservation dans 1 hotel 3étoiles pour 1 semaine)!!!
brabbi chouf edawla 9adech toussref bech yjiou hal fa9er wil mizirya héthom elli ysamiou fihom touriste!!!??
vraiment chay y3ayef!!!imaginons qu'un tunisien a voulu passer 1 semaine dans 1 hotel 3étoiles, regardez la facture...au moins 120dinars par nuit!!
et pour passer 1 semaine à leurope, il lui faut au moins 3000dinars..
mais le truc le plus énervant chez les touristes du divison 3 ou mém "charfi"!!c de voir les touristes dans les magasins achetrer du yaourt, des fruits, des légumes, de la viande, des poissons, des pastéques,des melons!!!!
de mém, les voirs dans les restos et les cafés, 4 personnes ki demandent 1 café et 1 verre de thé!!!
je vous le jure, 1 fois jai vu 6 touristes ki ont ordonné 1 seule pizza marguerita!!!et ils l'ont partager!!
de mém, quand ils négocient les prix bas dans les artisants...pff!!c insupportable!!
je vois ke si on se contente du tourisme interne, chui sur et certain, ke la tunisie sera le grand gagnant de ce geste...pask bil7a9 ces "touristes" 9a3din yéklouna fi 5irna w flousna w a7na fér7in!!