lundi, mars 24, 2008

الدين والسياسة... والواقع -الفصل الثاني

في البوست متاع الأسبوع الفارط قلت أنّي باش نحكي على الجوانب الإقتصاديّة متاع علاقة الدين بالدولة، ونتصوّر ماناش في حاجة باش نبيّنو قدّاش الإقتصاد هو حاجة مهمّة في السياسة، ويمكن حتى يطغى على السياسة بالنسبة لإنسان عيّاش كيف التونسي عموما، بحيث لاحظنا عبر العشريّتين اللي فاتو أنّو التونسي العادي ينجّم يغمّض عينيه على برشة أشياء تقوم عليها الدنيا وما تقعدش في بلدان أخرى ما دامت أمورو ماشية وفاتوراتو خالصة والكرهبة والدار وكعبات البيرّة في الفريجيدار موجودين. تنجّمو تعتبرو هذا شكل من أشكال التخلّف السياسي كان تحبّو، ولكن كيف تجي تشوف هاذاكا هو الرّسمي واللي يمليه العقل على كلّ إنسان بو عايلة يجري على قوت أولادو.

قلت عاد آش ينجّم يكون تأثير ما أسميتو بالدولة المتديّنة على إقتصادنا عموما، وكيفاش يمكن يكون التصوّر الإقتصادي للدولة الدينيّة وانعكاسه على المؤسّسة وعلى المستهلك وعلى طالب الشغل أو اللي لطف بيه ربّي ودبّر خدمة؟

هنا فمّا حاجتين لازمنا نفهمو أنها بلادنا عايشة بيهم ألا وهما السياحة والإستثمار الخارجي، وهما أكثر حاجتين ينجّم يأثّر فيهم الجانب المتعلّق بتديّن الدولة. وهنا نحبّ نسئل أيّ واحد من أتباع نظريّة الدولة المتديّنة: بجاه والديك فهّمني كيفاش إنشالله كيف باش تقيملنا دولتك اللي ما تبيعش الشراب وترجم اللي يطيح على الزنا وتقصّ في ريوس المرتدّين عن الدين وتشنق في الشواذ جنسيّا وتسكّر الكازينوات والبواتات والبيران وغيرها من أوكار الفساد وتمنع اليهود من الحج للغريبة، بجاه والديك فهّمني منين باش تجيب الخدم للعباد ومنين باش تجيب "التوريست"، أو بالأحرى كيفاش باش تعوّضنا على هالمدخول السنوي إلّي جاينا من السياحة بما فيه من مواطن شغل وموارد رزق لآلاف العائلات؟ زعمة بكلّها باش تلقى خدم في بيعان البخور قدّام الجوامع ولاّ كيفاش؟ ما فيها باس راهو كان ساعات يطلعلنا واحد من دعاة الدولة المسلمة أو الإسلاميّة نهار هكّا بنظريّة إقتصاديّة على كيفيّة تسيير إقتصاد دولة مسلمة ما عندها لا بترول ولا راس لمبوط، أنا واحد من الناس نكون أوّل من يفرح ويهنّي السيّد هذا.

العنصر الثاني يتعلّق بالإستثمار الخارجي أو ما يسمّى بـ Les I.D.E، أي الإستثمار المباشر الخارجي، وهذا بالنسبة للناس إلّي ما تعرفش آش معناها إقتصاد يتمثّل في الشركات الأجنبيّة إلّي تجي تحلّ عندك باش تخدّملك البطّالة متاعك من غير ما سيادتك تصرف حتّى فرنك من جيبك، بالطبيعة موش لسواد عينيك أو عينين البطّالة متاعك بل للإستفادة ممّا تنجّم توفّرلها سيادتك من مناخ أعمال وامتيازات جبائيّة وخاصّة من خدّامة بو رخّوص، وكيف ما يخفاش عليكم فإنّو هالإستثمار الخارجي المباشر أصبح اليوم من أهمّ مقوّمات التنمية في البلدان المتقدّمة ولكن بصفة أكبر في البلدان النامية إلّي ما عندهاش فلوس باش تبعث مشاريع تخدّملها هاك الجحافل متاع البطّالة إلّي النهار وطولو يشربو في القهاوي ويتكيّفو في الشيشة والدخّان بلاش حساب.

في إطار كيما هذا آش ينجّم يعطيك في الواقع المعيش اعتماد دولة متديّنة؟ هل أنّ الدولة المتديّنة تنجّم تدعم جيبان المستثمرين الأجانب باش يعيشو ويستقرّو في بلادنا؟ هل أنّك لمّا تحوّل قواعد الحياة اليوميّة متاع البلاد إلى قواعد مستوحاة من دينك الإسلامي الحنيف باش تشجّع المستثمر اللي جاي من قاع الدنيا أنّو يعيش في بلادك ويخضع لقانونك الإسلامي الحنيف؟؟ بالطبيعة إذا كان إستثنينا المستثمرين متاع الخليج إلّي إستثماراتهم تاقف عند البني والعقارات إلّي بطبيعتها ماهيش إستثمارات ذات مردوديّة إقتصاديّة عالية وتاقف عند المردوديّة الماليّة، فإنّ نتيجة إعتماد دولة دينيّة في تونس من شأنه أنّو يشجّع أيّ مستثمر أجنبي أنّو يمشي يحلّ في المغرب أو حتّى في سنغافورة أو الفياتنام، أو أيّ بلاد أخرى تعطيه إمكانيّة الإندماج في حياتها الإقتصاديّة والإجتماعيّة بغضّ النظر عن دينو أو دين والديه.

يبدو إذن ممّا سبق تبيانه أنّ إعطاء الصبغة الدينيّة للدولة يمكن اعتباره من قبيل الإنتحار الإقتصادي في عالم ماشي في مرحلة متاع عولمة وإنفتاح وكلّ بلاد ماذا بيها تحلّ كلّ الأبواب، وكان لزم تحلّ ساقيها، باش الناس تجي تستثمر عندها، وبالتالي فإنّ الدين في الحالة هاذي ما ينجّم يكون إلاّ حاجز قدّام تسهيل تنقّل الأشخاص والأموال ما بين البلدان، وفي النهاية فإنّو إلّي باش يسكّر على روحو باش يقعد كيف الكلب، ويموت بالشرّ ومن بعد يرجع يهزّ في الطحين كيما كوريا الشماليّة قاعدة تعمل مؤخّرا.. فإذا كان هذا حال كوريا الشماليّة وهي القوّة النوويّة المعروفة، فما بالك ببلاد كيف تونس، راس مالها شويّة زيت زيتونة ودقلة وأربعة وتلة وشويّة معامل خياطة ومراكز نداء وبرشة ضربان لوغة؟؟؟ بالطبيعة نتصوّر لهنا أنّهم إخواننا أصحاب نظريّة الدولة المسلمة أو الإسلاميّة عندهم تصوّرات إقتصاديّة عميقة من نوع "الشدّة في ربّي" أو القناعة "كنـز" لا يفنى، ولكن حسب رأيي الخاص فإنّ "التكونيز" في الميدان هذا بالذات ما يوكّلش الخبز، وبالتّالي فإنّ الحلّ اللي يقعد أمام معظم الدول الدينيّة باش تبقي على حكمها رغم فشلها الإقتصادي الذريع في العديد من البلدان يكون بإقصاء الآليّات الديمقراطيّة إلّي جابتهم للحكم، إن كانت موجودة أصلا، والسعي نحو إيجاد شرعيّة إلاهيّة للسلطة تقصي بها كلّ خصومها وتجعلهم من الكفّار الخارجين عن الدين، وهذا يجيبنا لمسألة الحريّات العامّة والفرديّة في ظلّ الدولة الدينيّة أو المتديّنة.

يظهرلي اليوم يزّينا هذا المقدار في ما يخصّ الدولة والدين والواقع الاقتصادي، وفي التدوينة الجاية نكمّلوا بقيّة الحديث. هيّا سيدي نهاركم طيّب.

20 commentaires:

Anonyme a dit…

يا شريفة يا شريفة، ما نخبّيش عليك محوني
si BTB yewezi3 fil kchot we ana ech na3mel houni?
el siya7a fiha el behi we fiha eldouni
nbi3ou fi 5irat elbled b'zouz euro sad9ouni
we elistithmarat el5arijia iste3mar jdid,we keni ra9id fay9ouni
eddin mouch 9assan rous we ken sri9et rajmouni
hadhi fikra 9dima,ki fikret memeti 3la japouni
mouch kol m'dawer ka3ek,we lè kol malsou9a brik danouni
haw chouf israel akber dawla tibnet 3a eddin we ila 3inik mouch kima 3youni?
ana contre edawla ediniya,laken li asbeb fatitek we fatouni
we cher7ha maynejimech yekoun houni
3ala kol 7al 5alini nghani m3ak:يا شريفة يا شريفة، ما نخبّيش عليك محوني،

mandela a dit…

ti chniya ya big chbik kabbecht fi 7keyet eddin we siyessa w jeyebha errigla we ra5 la...ti maw 9otlek wallahi zeyed ki todhrbou fi...chebbek jartek lem9abel hedhy 7keya 3morha may bech tetfsal m3a ness mghalguin wye7ebou yarj3ou bina 14 siecle lteli allah ghaleb 3bed t7eb twa5er bessif...ti il mohem eremark ily le7edht'ha innek ki ta7ki 3a siyessa we din l7anif tef9ed bsara7a eka charme mta3 lektiba mte3ek
big up btb

baz2x1 a dit…

Une très bonne analyse Mr BTB. Merci!

Anonyme a dit…

C'est pas eddin elli méchi y 7el el machèkil mta3 sièssa, parceque a7na fi tounes presque kolna mouslmin w hakom tchoufou fel 7ala!! C'est la justice... el 3adl bin el 3bed houwa el 7al, avec des islamistes ou des laiques!! efhmou ya 3bed!!!

samitriani a dit…

très bon article comme d'hab quoi

Je pense que la séparation telle qu'elle faite maintenant est très bien. Le pays es musulman (ce qui permet d'avoir pleins de jours feriés et de travailler a mi-temps pendant ramadhan 7atta lel fattara), cependant chacun est libre d'avoir les croyances qu'il veut. Je ne t'empeche pas de prier ne m'empeche pas de boire mes bières.Et pas vraiment besoin d'un pays laïque ...
Parceque etre laïque comme la france et feter paques (jesus le retour), noel (qui a du se raser la barbe pour ne pas etre traiter de terroriste) est une hypocrésie pour moi.
Mais 5ouya BTB la menace islamiste qui reigne sur la Tunisie me fait vraiment très peur .. ces gars c des fous alliés, ils n'ont aucun projets apart anéantir ce qui reste de libereté en Tunisie et de nous plonger dans le chaos total.

Ces gens ne comprennent rien (a commencer par l'islam lui meme ils ne le comprennent pas) et n'ont aucune compétence pour gérer le pays. Au moins maintenant le mec se fait entourer de polytechniciens de docteurs etc.

راؤول a dit…

يا عباد، يا مناصري حشيان الدّين في الدّولة، لازمكم تفهمو الّي ما دام مازال فمّا غرام دين يلعب في الدّولة، باش نقعدو ديما في الخرى

lutfi a dit…

sujet intéressent mais analyse très très superficielle !!

Anonyme a dit…

el siya7a fiha el behi we fiha eldouni
nbi3ou fi 5irat elbled b'zouz euro sad9ouni
we elistithmarat el5arijia iste3mar jdid,we keni ra9id fay9ouni
eddin mouch 9assan rous we ken sri9et rajmouni
hadhi fikra 9dima,ki fikret memeti 3la japouni
mouch kol m'dawer ka3ek,we lè kol malsou9a brik danouni
haw chouf israel akber dawla tibnet 3a eddin we ila 3inik mouch kima 3youni?
ana contre edawla ediniya,laken li asbeb fatitek we fatouni
we cher7ha maynejimech yekoun houni
3ala kol 7al 5alini nghani m3ak:يا شريفة يا شريفة، ما نخبّيش عليك محوني،

Anonyme a dit…

Primo je veux dire que comme disait nietch "Dieu est mort" je crois qu'il est vraiment le temps d'avoir un pays laique !!
La religion c'est quelque chose seulement pour soi !
Fuck Religions fuck it :))))

7achicha a dit…

bon c la premiére fois que je visite ton blog mais c'est prometteur de voir un si bon article un sujet si ambigus et délicat ... bonne continuation et merci

Anonyme a dit…

Le blogueur avance(par naïveté ou par mal foie c'est pas la question) qu'un pays se basant sur l'islam est un pays d'islamiste à la taliban, que des ignorants et des sauvages vont prendre le pouvoir, que c'est un pays non démocrate et extrémiste, que c'est un pays où il n'y a ni tolérance ni liberté, que la science n'a pas de place, que les infidèles (koffar) n'ont pas de place, qu'on va plus lui vendre sa bière... La liste est longue en fait.
Moi je pense que tout ça n'est pas un axiome. La base de l'article est très fragile. C'est bête de prendre ses croyances pour des vérités absolues.

Juste deux remarques:
1) laïque =/= athée
2) des compromis ont toujours été fait dans l'histoire des pays musulmans. par exemple, la vente de vins n'a jamais été totalement interdit.

Sinon, je sais très bien que mon commentaire est inutile, que M. BTB pense (s'il prend le soin de le lire) que j'ai rien compris, et que les autres vont penser "fuck you! go read nietch !"

Il n’est pire aveugle que celui qui ne veut pas voir

Anonyme a dit…

Même si je suis pour la laicité, je trouve que les 2 posts sont très superficiels, dans le sens où ils ne sont pas convaincants du tout. L'islamisme de l'etat n'empeche pas un tourisme développé ou des IDE. J'attendais une analyse plus approfondie sur L'etat de droit et la politique d'une part, et la religion d'autre part sans forcement s'arreter sur des détails comme la fermeture des boites et des bars.

Anonyme a dit…

tu parles comme si la tunisie est un pays islamique férmé, ya si lmkachet, on veut garder la statut actuel de notre pays, un pays modéré ouvert et fier de ses racine, on a pas besoin de passer à un systéme laique ni à un systéme islamique.

en tunisie la religion n'a rien avoir avec le systéme économique et politique donc maghir matibda thez ou tossbot..

on est contre la laicité comme on est contre l'état islamique..

Anonyme a dit…

One

Il est vrai que l'analyse faite dans l'article est tout sauf scientifique et manque terriblement de profondeur. Je trouve que le sujet a été vulgarisé et complètement travesti . Quand je parle de vulgarité, je ne fais pas référence au registre linguistique employé dans cet article ou le fait de se limiter dans le sujet à ce qui touche directement à la vie quotidienne des tunisiens, bien au contraire, c'est ce que j'ai toujours admiré dans le style de BTB.
Ce qui en quelque sorte me déçois, c'est le fait d'avoir limité les conséquences de la mise en place d'un état religieux, en l'occurrence musulman, à une régression économique et d'avoir complètement délaissé tout l'aspect état de droit et les dimensions de libertés et universalité des droits de l'homme qui en découlent.
Ce que je reproche en gros à BTB, c'est de présenter les choses d'un point de vue : qu'est ce qui me ramène le plus d'argent finalement? un état laïque ou un état religieux?
Je ne dis pas que ce n'est pas un aspect important, je dis juste que ce n'est le plus important, ou du moins pas le seul. Et si la balance du plus bénéfique économiquement tombait du côté d'une Tunisie la façon de Taliban, tu changerais d'avis BTB? Il me semble que c'est important de préciser qu'en tant que musulmans, athées, chrétiens, bouddhiste ou peu importe la connerie à laquelle on adepte, on doit tous avoir les mêmes droits et les mêmes obligations, autrement, le nationalisme deviendrait une pure et franche discrimination.
Si la Tunisie actuelle qui est loin d'être laïque ne me donne pas les mêmes droits dont bénéficie mon compatriote musulman(mêmes s'ils sont pas tous acquis), tout simplement parce que je suis athée. A quoi devrais-je m'attendre de la part de KACHTA et compagnie si par malheur le pouvoir passe entre leurs mains. Ce ne sont plus des droits comme la liberté d'expression qui seront négociés, à ce moment, il faudra d'abord négocier le droit de vivre, pour les gens comme moi.
Non, je ne me crée pas un faux ennemie pour me détourner de mon oppresseur. C'est jeter de la poudre aux yeux de lancer de telles accusations de la part de Kacem. Le thème de la laïcité est dépassé il y a bien longtemps et la valeur est acquise et non négociable pour les esprits illuminés, elle n'est redoutée et encore mise en question que pour les esprits obscurs et retardés, revenir aux montagnes et aux cavernes est une sage décision de la part de ces personnes.
Enfin, après avoir lu les commentaires, et m'être aperçu de l'état des facultés de jugement et de raisonnement d'une considérable partie des participants, je ne peux que comprendre l'auto-censure de BTB.

Anonyme a dit…

sujet très intéressant. L'important est de trouver le juste milieu. Je pense que ce qu'il manque en tunisie est la justice (la loi au dessus de tout) (l'appliquer et non des paroles en l'air) il manque aussi une liberté intellectuelle, de créativite et d'initiative. Et dernière chose
SAVOIR QUE LE POUVOIR EST UNE RESPONSABILITÉ ET NON UN PRIVILÈGE.

Anonyme a dit…

l'économie de la Tunisie est fondée sue le tourisme, si on le détruit, on va se retrouver dans la famine et la crise économique, a ce moment la, il n'y aura personne pour nous aider, ni les pays musulmans , ni les islamistes qui pensent atteindre le ciel avec des bombes et des prières.Alors cessez de raconter des âneries ans songez bien:a moins que vous ne vouliez des guerres civiles et l'insécurité, et les destruction totale de le liberté, arretez de penser a un état islamiste qui ne vas apporter que de la merde et un

Anonyme a dit…

retout au moyen age.
wake up bloody hell
ps: on dit Nietzche pa nietch. lisez la philo , c ma spécialité

yes_in a dit…

أهلاً

أولاً، يعطيك الصحة في هتحليل المنظم، أفكار مسترسلة وترابط باهي
(قادش كنت تاخو فالفلسفة ؟)

ومبعد ؛

أنا موفق كلام
BTB
، مهوش يسب في حد و عطا تحليل عقلاني ...
ومافمة ما تعلق عليه

أما إتعليق على العلقو :

- حاجة باهية إلي ما فمش تعليق متع أكل مسلمين بظبط ...

- بش يوريك إلي الموظوع حساس،فما ياسر أنونيمآت !

- عجبني كلام واحد منهم كي قال إتونسة يفسدو ما بين 15 و-35 سنا ... حاجة باهية ... فما توازن ... أما المشكلة تو معادش فما برشا هالوذعية خاطر صحيح كيما قال، برشة فساد حير أكل مسكرين وحسو الشباب بال ذنب ...

- وهاذا المشكل لكبير متع الدين كي يبدا يحكم، يعمل على المشاعر متع لعباد بش يتحكم فيهم، معناتها النسان يولي يتصرف كيما يذهرلو لازمو يتصرف! موش كيما أحسن تصرف يفيدو ولل يفيد غيرو.

- وخاطر كيما الإنسانية تفاهمت منذو الفلاسفة الاغريق، المشاعر والحواس ماهمش مصادر موثوقة متع حقيقة الأشياء ... (حكاية المسطرة إلي تراها مكسرة فالماء)

- كلمة ل بن لادن متع الإلحاد : عندك الحق، ما فمش برصمي ميتافيزيقا! أما 6 ملياردوات عباد يخممو فيها، هكيكا العبد .. مالا علاش فما أديا؛ تعملو خاطر لعباد تخمم في العيشة متاعهم (إلي هي تافهة فالرسمي)، وبش يعطيوها معنى حتى إذا كان وهمي ... ...........

أما
- بش يبدا فما مجتمع ودولة وحظارة لازم :
° قانون مع قظاء : هذا الدين يوفرو وهميا (يوم ألقظاء)
° وحدة في الأفكار : الجانب الفكري والثقافي في ألدين
° حب للوطن والأمة : موجود فدين (أخي المسلم ...)

- معناتها حتى كان ما تمنش ... أمن بالقوة متع ادين في تكوين دول وحظرات خاطرو مدام تشوف فيه اليوم راهو مر على تجربة عصور وأثبت قدراته
داروينية اجتماعية()

--> الحل يولي التوازن ... كما كانت تونس بكري ... الشباب الكل يعملو مرة مرة كعبة بربر ... يطيحو توريست ... طرف من كل شي ... بكل إعتدال ... بعد كي يعملو مرا ودار ويستقرو يبداو وخدمو للآخرة متاعهم ... طرف طرف صلات وعباد ...

ول مشكلة متع إتوانسي ودين قبل ادولة ودين هي إلي مفماش حاجة تشدهم لبعظهم ... ( ممكن طرف الفريق الوطني) ... وهذا أخالهم يلوجو لشكون ينتميو ... وخاطر عنا نفس اللغة وثقافة تشبه، دارو للعرب ...
رهو إتوانسة لاهم عرب لهم فرانسيس ... فما دولة تونس عندها درابو ... لوغة ... نشيد وطني ... 10 ملاين مواطنين ... كون تونسي قبل ما تكون مسلم ولا عربي والا حاجة أخرى ...

winhom ta3aalii9 el BTB ???

Anonyme a dit…

c'est plutôt des blagues plus qu'un blog avec une islamophobie manifeste, le style est déjà connu par d'autres blagueurs de même tendance, a moins qu'il ne s'agit de la même personne qui se déguise sous d'autres identités

Anonyme a dit…

habit nkolek yaatik essaha ma tkallemt ken fi eshih ti brabbi waktech ejtmat eddine b siyassa fsed eddine w fezdet essiesa men wakt el koulafea e rachidoune metou 3 men 4 maktouline el politique aendou nesou el moutadayen eindou jamea issalli fih hethika esmha akida binek w bin rabbi