lundi, mars 31, 2008

التوقيت الصيفي والإقتصاد في الطاقة، وأشياء أخرى فوق الطاقة

اليوم رجعنا لعذاب الساعة الزايدة متاع الصيف، بالطبيعة المسألة هاذي في علاقة بالإقتصاد في الطاقة بعد ما النفط ومشتقّاته ولاّت تتباع في مغازات "فاتال" و"ماريونو" مع دبابز عطورات "شانال" و"كريستيان ديور".. فكرة التوقيت الصيفي في الربيع هاذي قالّك يا سيدي طلعوا بيها باش الناس تولّي تتخمد على بكري وبالتالي اتطفّي التلفزة والضوء على بكري، وهكّاكة نستحفظوا على الطاقة ونولّيو بقدرة ربّي من الأمم المتقدّمة. بالطبيعة موش مشكل كان الناس تصبح عينيها منفوخة بالنوم وتكمّل تعمل تعسيلة متاع سويعتين في البيرو، آش كان عليه؟ ياخي الفايدة بالخدمة والمردوديّة؟ لا يهديك : الفائدة بالطاقة ! آش تفهم إنتي مع المهفّات متاع الطاقة؟

تي هو بالتوقيت الجديد حتّى إلّي كان باش يموت الخمسة متاع العشيّة باش يولّي يموت الأربعة متاع القايلة، يعني حتى أعمار العباد باش تدخل فيها البوليتيك وتولّي تدفع ساعة من عمرك الكلب باش "الستاغ" تكوّن !

توّة يا رسول الله ما لقاو حتّى حلّ آخر بخلاف هالفكرة الحولة هاذي؟ قالّو ترقدوا التسعة متاع الليل وتقوموا الخمسة متاع الصباح.. علاش خويا؟ نعدّيو عندك في عام جيش ولاّ تحبّوا تردّوها بلاد متاع حلايبيّة؟ ياخي الإقتصاد في الطاقة متاعك هذا ما يجي كان على حساب راحتنا ونومنا وصحّتنا؟

والله شيء ينطّق الحجر دين أمّو.. تي لواش عليك إنتي؟ ماهو قصّوه علينا الضوء متاعكم هذا فرد مرّة موش خير؟ لواش يا خويا نهار وطولو تعايرو فينا بالدعم متاع الطاقة تقولش عاملين علينا مزيّة ولاّ قاعدين ناخذو فيه بلاش هالضّوء المحنون. يا خويا قصّوا الضوء وخلّي كلّ واحد يتخمد وقت إلّي يطفى عليه الكانون وإلاّ الحطب وإلاّ حتى الشمع في دارو، أهوكة منها شويّة رومنطيقيّة وتوطيد العلاقات العائليّة وتنقيص في نسب الطلاق، ومنها نرتاحوا من الفواتير اللّي عرّات راس العباد ومن المؤسّسات الفاشلة والفالسة من نوع الإذاعة والتلفزة التونسيّة ونزيدو نقطعو الدابر متاع الغزو الثقافي لجماعة بوكشطة وغيرهم من أعداء الوطن. موش خير؟

توّة أنا حكاية قصّان الضوء هاذي جبدتها بفدلكة، أما كيف تجي تشوف هاذا هو تقريبا إلّي قاعد يصير على الأقلّ في مستوى الإنارة العموميّة : توّة قدّاش من مرّة، خاصّة في الطريق ما بين تونس والضاحية الجنوبيّة، شويّة ولا نعمل حادث مرور في جرّة كيّاس ظلام دحيص، تلقى فيه على الأقل 500 بوتو متاع ضوء بكلّها طافية وتزيد تلقى في وسطو "إنجاز" من الإنجازات إلّي لو كان تهبط فيه وإنتي تجري الكرهبة تجي على راسها وترصّيلي خوكم ناكل راسي في عزّ شبابي وأنا مازلت عازب وأمّي ما فرحتش بيّا.

حاسيلو الحكاية هاذي متاع سلامة الناس وتوفير الضوء العمومي في الكيّاسات راهي ماعادتش مزيّة في عام ألفين وثمانية يا دين الربّ، على خاطر في ديارنا انّجّموا نشعّلوا الحطب أما في الكيّاس لازم الضوء يشعل، ما كانش ما عادش تحطّو بوتوّات في الكياسات الجدد إذا كانهم ديكور وإلاّ يخدموا بالمناسبات، وماهيش مشكلتي إذا كان البلديّة ما عندهاش باش تخلّص الستاغ: الضوء في الكيّاس لازمو يشعل !

باش نقعدوا في موضوع الإقتصاد في الطاقة، حبّيت نعمل ملاحظة أخرى: توّة مدّة ستّة أشهر لتالي سمعت بإجراء رائد آخر (من روّاد الفضاء يمكن؟) يقتضي تخفيض الأداء على توريد السيارات الكبيرة من نوع الدفع الرباعي، يعني "الكات فوا كات"، قالّك يا سيدي إخواننا الكرز مساكن غالية عليهم "البورش كايان" ولازم نعاونوهم شويّة نحنا الزواولة، أهوكة ينقّصولهم في الأداء وفي الديوانة باش نشجّعوهم على شريان الكراهب هاذي، وهكّاكة ينجّم كلّ واحد منهم يرحي ما يملى "كيوسك" بالمازوط كلّ أسبوع. وبالطبيعة التشجيعات هاذي من شأنها أنّها تقلّل في استهلاك الطاقة، على خاطر كراهب "البورش كايان" و"الهامر" باش تقطع القاز على الكراهب الصغيرة وهكّاكة أغلبيّة الناس ترجع تمشي لخدمها على البهايم، هذا إذا كان لقاو ما يوكّلوها على خاطر العلفة توّة أغلى من المازوط ولازمك جحيّش على قدّو في الماكلة، أما كان طاح بيك بهيم جاروشة متاع ماكلة غير عمّل على كرعيك، وهذا كلّو في إطار التنمية المستديمة وجودة الحياة.

كيما تشوفوا الطاقة مسألة هامّة برشة ولازم الناس الكلّ تستحفظ عليها باش خونا الكرزة ما يعملش إنهيار عصبي وهو يسوق في كرهبة أقل من 12 حصان، ولازم الناس الكلّ تصبح تسري كيف السرادك باش المازوط يمشي في حقّو في أسباب التنمية والرفاه. بالطبيعة كيف قلنالهم " يا عالم يا هوه !"، رجّعوا الوظيفة العمومية بنظام الحصة الواحدة كيما البلدان المتقدّمة الكلّ خلّي الإدارات تنقّص من استهلاك الطاقة في الفارغ، قالّك لا ما يجيش منّو، لازم الكسكروتاجي زادة يستكرز على ظهر الشهّار، على خاطر ماهو تعرفوا: الكسكروتاجي يبيع في الفارينة المدعومة ويساهم في تقدّم البلاد وذياع صيتها بين مصافي الأمم المنتجة للكفتاجي، وهذا رهان مستقبلي ما لازمناش نخسروه...

هيّا إمّالا تعرفشي كيفاش؟ أنا هاني من اليوم باش نبيّت التلفزة والضوء يخدموا، واللي عامل عليّا مزيّة يهزّ عليّا خراه.

32 commentaires:

bullrock a dit…

ye5i moshkla leddarja he4i esa3a elli zedoha? mak nhar or9od bekri w akahaw .
w zeda ena sha5siyyan tse3edni 5ir ahawka wa9tna ywalli meshi m3a wa9t el bolden el met9addma besh 7atta el we7ed yetfarrej fel talfza w ytabba3 el baramej 3la ra7tou.ahawka 5raw 3lina b sab3e8om el besla w weznou shwaya b zyedet se3a fel wa9t.

Ikbel a dit…

Un audit a été réalisé l'année dernière pour voir l'impact de l'heure de l'été et les économies d'énergie réellement réalisées. Il s'est avéré que une heure de moins pendant presque 5 mois a fait économiser le pays l'importation de l'équivalent de 11 MDT, ce qui est vraiment peu. Mais bon, peut être cela permettra de construire 2 lycées et d'autres administrations d'utilité 'publique'.
En ce qui concerne les 'incitations' pour importer les 4x4 et autres, on sait trés bien pour quelles raisons.

baz2x1 a dit…

makich mkarriz maou :D
Ena Personnellement je gagne un heure de plus avec mon amour qui rentre à l'aube.

baz2x1 a dit…

ya rabbi au coucher de soleil :)))

Sosso a dit…

ena kol chay fhimtou illa hasse3a mta3 essif la ni7milha la ki tji wla kitimchi.
C'est très simple au jourd'hui chaddit eddar khater esse3a il mowaqqra illi noqsit m3a chwayya t3ab wallit décalé tqoul habit mil japan. Et que ce soit fi tounis (ill kont ntbajja7 illi hiyya ma fi hech hasse3a il ma7nouna) walla ailleurs hasse3a rahi la toutaq walais laha ayya ma3na. cha5siyyan je pense qu'ils l'ont mise rien que pour nous dire que même waqt "rabbi" houma illi yo7kmou fih. Pasq celui qui a mit en place ce truc je suis certain qu'il n'a pas à se reveiller tôt lui, ou au pire personne ne lui fera remarquer qu'il a une heure de retard.
Bref, syyeb 3lik men douwwa mta3 ettaqa l'heure d'été est une directive du FMI. la conspiration pour nous rendre dingue(nous ya3ni koll eshou3oub 3la hal kawkab il man7ous).

Anonyme a dit…

Ceci est mon deuxième commentaire sur ton Blog et là je dois dire que pour la première fois je ne suis pas d’accord avec ce que tu écris. Oui l’économie d’énergie doit se faire au détriment de notre confort, oui la STEG doit sensibiliser jour et nuit (c’est pas du vin que je parle, je reprends ce que tu écris dans ton post) le consommateur sur le fait que l’électricité est subventionné en Tunisie et que tout comme produit subventionné il doit être consommé avec modération (décidément on arrêtera pas de parler alcool aujourd’hui). Déjà qu’on reproche souvent à l’état son manque de communication, on ne va pas se plaindre qu’il mène une telle campagne de sensibilisation, qui d’ailleurs me semble peu « incisive » pour le consommateur tunisien.

Par contre je suis tout à fait d’accord avec toi sur « l’insolence » la loi des finances 2007 qui a fait baisser les taxes douanières sur les gros bolides et prive l’état d’une rentré d’argent considérable, mais bon j’ai envie de dire que ceux qui peuvent se permettre de telles voitures ne payerons jamais les taxes douanières et je me demande aussi si ça ne rentre pas dans le cadre de l’accord de libre échange.

lutfi a dit…

ça c le BTB qu'on aime ! m3alem wrabi m3alem !

lutfi a dit…

moi je suis pour la rationalisation de la consommation d'énergie. mais si par ci on augmente une heure pour économiser 11 millions de dinars et par là on jette des dizaines de fois ce montant fi rik el feregh y a de koi être sceptique. ya qu'à faire un petit tour en ville et voire les voitures administrative qui sillione les rues jour et nuit et 7/7, wella on coupe l'éclairage publique 3al keyesset et de l'autre coté on trouve des potaux éclairé fi zok ennhar... les exemples ne manquent pas

Anonyme a dit…

Tout a fait d'accord avec toi (anomyme), tawa hdhi mochkla na7kiou fiha? bel7a9 met9al9in men se3a noum ne9sa??? ti maw nhar lowel ou bad to testensou!!! walla yodhherli el mouwadhef ettounsi yetsabbeb bech ykarker!!!
Si ça fait économiser de l'énergie, je suis tt a fait pour, arretons de chercher des problemes la ou il n y en pas. Meme si une telle mesure ne fait economiser que 11MDT, l'economie est la et elle ne peut qu'etre benefique.

wallahi sosso, ton commentaire m a beaucoup fait rire, tu me rappelles el 7ajema mte3i ki ta7kili 3la esse3a, je cite "malla se3a hedhi? tawa jadd 3lik elli talla3ha esse3a hedhi mech emmahmech? raw 7atta howa de5el ba3dhou!" loooool

Big Trap Boy a dit…

aux deux anonymes pro-heure d'été:

بالله تعرفوشي آش معناها 11 مليار على ستة أشهرة بالنسبة للستاغ؟ معناها تقريبا حتى شيء! باهي توّة وبغضّ النظر على مدى صحّة الرقم اللي تمّ الإعلان عليه، فمّاش دراسة علميّة تمّت على مستوى إنعكاسات الإجراء هذا من حيث المردوديّة متاع الخدّام كيف يجيك كلّ يوم روحو طالعة وأخلاقو فاسدة وعينيه مغمّضة؟؟ زعمة تنجّمش تحسبلي الخسارة في المردوديّة بقدّاش من مليون دينار تطلع؟

الإقصاد في الطاقة عارفينو باهي، أما المشكلة كيف تسيّب في الميادين إلّي تنجّم تعمل فيها إقتصاد حقيقي وتكبّش في السفاسف، وكيما يقول المثل: إلّي ما شبعش من القصعة ما يشبعش من لحيسها، وعلى كلّ حال إلّي ما يدري يقول سبول

Anonyme a dit…

sama7ni ama elli yo93od 3inih mghammdha wa5le9ou fezda, mochkeltou, 3leh on parle de decalge mte3 8h a7na? ti may se3a!!!
hedhaeya esmou we7ed yetsabbeb!

HNANI a dit…

هههه مسكين الساعة عملت فيك و زيد الطريق الأظلم.. علي كل ماني باش إنزيد شيء غير كيفاش نصرفو مليارات باش إنحطوا البوتوات متاع الضو و من بعد قال شنوا مانشعلوهمش إقتصاد في الطاقة..
هذا تصرّف صبياني و كيف هاك الورا إلّي تاخو كريدي باش إتاثث الصالو واتسكّرها باش ما تتهلكش...

Big Trap Boy a dit…

@ anonyme:

توّة جدّت عليك الناس باش تولّي ترقد قبل بساعة؟ تي هي التسعة متاع الليل تزيد شويّة وتولّي غرغور القايلة، يعني صعيب كان الناس تبدّل الريتم متاع حياتها في مدّة قصيرة، هاني نقولهالك، النوم باش يولّي بالمعارف، إلّي عندو واسطة يدبّرلو سويعة نوم زايدة والبقيّة باش تولّي تدهدص وتتشهّى في غمضة

يا خويا أنا مع النوم ما نفهم شيء، الله غالب، ينقّصو علينا الماكلة كان لزم أما الواحد لازم ياخذ غرضو في النوم

:)

Anonyme a dit…

jinehechi, l affaire est personnelle! mahich critique raw hedhi!
i maw asba7 re9ed wakahaw! :)

ena a ce que j'ai vu et constaté fi 5edmti was7abi wdarna, personne ne se plaint, du moins les premiers jours ba3d yanseou le7keya jemla!
wallahi fel bolden el met7adhra maritech 3amlin hal 7oubara dedhi lkol! za3ma 5ir menna?!
ah 7a99a ey 5ir menna :)

PS: j'ai beaucoup apprécié tes anciens posts (je les ai pas tous lu mais j'en beaucoup lu) mais là permets moi de te dire que l'introduction mech 7aja, ce que tu dis par la suite est interessant mais edda5la ratée a mon avis.

BIGwal a dit…

ya rajel hedha ta9te9ou...
haou jey juin w taskir il climatiseuret, w dharba fech illi yhabtou fil les circulaires ken ntna9aselhoum bounou ss plomb taw ya3mel moudhahra...

OutSider a dit…

je voudrais intervenir sur deux points:
- en fait, le décalage d'une heure est motivé tout simplement par la volonté de s'arrimer à l'heure de Paris histoire de ne pas pénaliser les sociétés Offshores et notamments les sociétés de Call-Center qui opèrent àà partir des plateformes installées en Tunisie pour des clients basés à l'Hexagone. Pour ce qui reste ce n'est que de la propagande, l'économie de l'énergie n' a été qu'un alibi et un contre-arguments d'auatant plus que l'étude effectuée par la STEG l'année dernière prouve que le gain en énérgie est dérisoire (encore faut-il inclure le coût d'opportunité de ce passage à l'heure d'été.).
En ce qui concerne la loi de finance concernant la réduction des droits deDouanes ou autre, je l'interprète en tant qu'une tentative désespérée de l'Etat pour inciterles "importateurs" individuels à passer par le circuit légal et payer moins de taxes plutôt que de en payer rien du tout (stratégie infructueuse à l'instar des "pardons "fiscaux accordés à chaque fois en vain, pour la bonne étoile des fraudeurs)

Anonyme a dit…

je suis complètement d'accord avec toi BTB, il y a tellement de choses mal gérées que pour le cas de la Tunisie, une heure ne change rien. C'est comme si quelqu un qui a sa maison entrain de brûler et lui est entrain de tondre sa pelouse. Il y a des efforts qui doivent être faits ailleurs.

Anonyme a dit…

Intérêt de l'instauration d'un horaire d'été :

http://fr.wikipedia.org/wiki/Heure_d'%C3%A9t%C3%A9

Der Kameltreiber, Ladeeni ولد الصحرا a dit…

كالعادة, مقال تحفون و أسلوب أتحفن في الكتيبة

عربي وبس a dit…

بيناتنا صاحبي
مقال تحفون وطريف كيف العادة اما عندي راي آخر في حكاية الطاقة هاذي
توة تونس مسكينة... منين تشري في رب البترول هذا
مش من عائدات الكعيبات دقلة وزيتون والاربعة وتلة ومعمل الخياطة كيف ماسميتهم انت
على خاطر كيف واحد ينقد يلزم يعطي بديل آخر كونش يولي نقد بلاش فائدة وممكن ينزل حتى للسفسطة حاشاك.
شنوة الحل البديل قدام دولة تفتقر للنفط والغاز كيما تونس خاصة في ظل ارتفاع اسعار النفط الي نراو فيه
هل تتصور انو تغليب العواطف في المسائل هذي يوكل الخبزة
انا مانضنش

DaliPotter a dit…

ti brabbi 3meltou 7ala 3lé se3a ! ti se3a rahi ? 60 minutes.

ti méla elli mechi lel japon walla el canada, maw enhar louléni yet3eb a5ater el décalage wemba3d yesteness.

et en plus, enti mesteness tor9od 6 heures chaque nuit ? 7 ? 8 ? rien ne va changer, juste le premier jour du changement, tu vas dormir une heure plus tôt pour ne pas être décalé !

wmat5afouch, esse3a elli 5ssartoha men 3morkom, bech tarj3elkom ba3d mayoufa essif, bara hakom salaktoha assidi xDDD

wfele5er, mayo93od ella wa9t, une convention, 5ater ce qui compte le plus, c'est l'horloge biologique, hya elli to7kom fi koll chay :D

Anonyme a dit…

One

Ça me parait évident que synchroniser les centres d'appel avec paris ou les autres villes impliquées dans ces projets d'investissements étrangers (qui font travailler des chômeurs) est le but derrière le changement horaire, parce qu'on est tous d'accord que l'économie d'énergie peut se faire beaucoup plus efficacement avec d'autres moyens. Mais je ne partage pas l'avis de BTB, tout simplement parce que ses raisons ne sont pas convaincantes. Prétendre qu'avec une heure de plus les employés seront plus a l'heure et plus concentré dans leur travail est soit très naïf (ça m'étonnerait bcp) soit tout simplement de la mauvaise foi. l'attitude des employés tunisiens est la même en été comme en hiver, avec une heure de plus ou de moins, le problème est ailleurs. Donc comme cette heure ne peut pas de faire de mal, et même si elle ne rapporte pas grande chose finalement à la caisse du pays. La supprimer, signifierait qu'on persiste à garder la même attitude irresponsable et à voir les défauts partout sauf en nous.

Anonyme a dit…

رجّعوا الوظيفة العمومية بنظام الحصة الواحدة كيما البلدان المتقدّمة الكلّ puis ke tu cherches a imiter les pays developpés
tu dois aussi accepter aussi ta3dil elwe9it 3ala we9thoum...la Tunisie doit suivre l'europe pour des raisons administratifs et economiques ca d'une part d'autre part depuis quand ettounsi y9oum bikri we yechroub 9ahwtou fi 3a9lou we yemchi lil idara ye5dim?ti maw dima bil se3a zeida we ila ne9sa mahouch organisé..dima ma5er,3inih bil de3mech,kravatou t9oul 7bel mte3 mechin9a,we yelbisha m3a ay kiswa..we dima na9is noum:soit 5atrou t3ib fi lil min 9iamou bi "wejbetou elzewzia"soit mar9adich mli7 ye5amim fi kridiyetou..

yes_in a dit…

mahiich sa3a na9Sa minnuum !
kaan mistanes tor9od a 10h, to93od tor9od a 10h ... kan t9ouum a 6h kifkif ...

kaan tor9od 12 sa3A fil youm to93od tor9od 12 sa3a fil youm !



Pour l'économie d'énergie, il est vrai que les latitudes plus au nord gagnent plus parcequ'il ont moins de temps de soleil. et en plus les économies d'énergies etaient claires avant l'arrivée de la climatisation, car avant il y avait moins d'eclairage c'est tout .. maintenant, il y a moins d'eclairage et plus de climatisation !

TheManWhoTalks a dit…
Ce commentaire a été supprimé par l'auteur.
Anonyme a dit…

Personnellement ça me fait marrer quand à la télé ils commencent à dire aux gens l'équivalent de " c de votre faute si on est dans la merde si on est endetté de je ne sais combien de dinars el dollars et que c'est bien de réduire notre consommation d'énergie en faisant ça ça et ça" et que de l'autre part on voit que l'état ne veut pas, je dis bien ne veut pas, faire évoluer les transports publics car à mon avis ce n'est pas en achetant quelques bus et quelques wagons de métro qu'on va inciter les gens, qui utilisent la voiture pour aller travailler, à prendre un bus ou un métro: les personnes qui ont voyagé en Europe me comprendront. Faire évoluer le transport en commun c'est aussi améliorer le réseau merdique qu'on a aujourd'hui, organiser les horaires de bus, mettre à la disposition des gens des plans de bus et de métro bien claires pas comme celles qu'on a maintenant et qu'on peut trouver sur le site de la snt: chay i7achim et marra yimchi 3achra lé!!! Il y a des années qu'on entend parler de projets qui visent à améliorer le réseau mais rien n'a été fait pourtant les idées proposées n'étaient pas mal du tout. On préfère au contraire acheter plus de voitures, maintenant même l'étudiant possède une voiture et c'est par obligation sinon il passera 4 heures par jours en transport en commun (A/R Tunis paris :D )
Et qu'ils arrêtent aussi de laisser les lumières allumées dans les rues en plein jour!!! et de les éteindre la nuit!!!!!
C paradoxal sur toutes les coutures!!!
Puisque c comme ça BTB 5alli idhaou yich3il ou barra rabbi m3ak :D

YASMINA a dit…

BTB..ça fait un moment que je ne suis pas passée par là.. 9taltni bil dhohk de bon matin..
aya bonne journée et rabbi maak!!

Bibi a dit…

Je suis étonnée que cette malheureuse heure suscite autant de débat. En même temps, c'est une bonne chose parce qu'en Tunisie, on est pas du tout sensibilisé à la question d'energie, ni d'écologie d'ailleurs alors qu'en occident c'est devenu un sujet incountournable même pendant les compagnes électorales (rappellez vous du pacte de Nicolas hulot).
Moi, je me joins au monsieur qui parlait des transports en commun. C'est très vrai. L'Etat devrait faire quelque chose pour justement encourager les gens à délaisser leurs voitures. Mais c'est surtout une histoire de mentalité qui doit évoluer: les tunisiens se foutent compètement de l'écologie et de l'energie. Tout le monde prend des bains par exemple aussi souvent qu'il le désire. Ils ne se déplacent qu'en voiture même pour acheter une baguette. Ils ne trient pas leurs déchets, n'utilisent pas de produits recyclables, ne préservent pas les espaces verts.. C'est malheureux!
Et puis juste pour BTB: cette histoire d'autoroutes éteintes, est aussi une invention occidentale et ça marche, des études en Wallonie (belgique) où c'est pratiqué depuis un an ont démontré que ça n'affectait pas les statistiques des accidents de la route..Donc, roule tranquille..

Big Trap Boy a dit…

@ Bibi :

سامحني يا بيبي أما ما نوافقكش في الحكاية هاذي: المسألة متاع الطاقة بالأساس ماهيش مسألة مسؤوليّة المواطن و"عقليّة" المواطن أما مسؤوليّة تتحمّلها الدولة بالأساس، يعني الإقتصاد الحقيقي هو إلّي الدولة تنجم تعملوا سواء بتوفير نقل عمومي يصلح أو توقيت عمل يتناسب مع الإقتصاد في الطاقة أو بإجراءات إقتصاد في الطاقة في الهياكل العموميّة

بالله آشنوّة ذنبو المواطن في الحكايات هاذي؟ وزيد على هذا بالله علاش تحب
تلوم عليه على خاطرو ما يفرزش الزبلة متاعو ويحط كلّ نوع من النفايات في شكارة وقت إلّي بكلّها باش تجي تهزّها كميونة بلديّة وحدة وترحي دين أمها مع بعضها؟

أخيرا وفيما يخصّ إطفاء الأنوار في الأوتوروت ، راني مانيش نحكي على الأوتوروت لهنا، هاذاكة عمرو ولا كان فيه ضوء يشعل، أما نحكي على طريق عادي بكلّو حفر ودورات وساعة ساعة تلقى في وسطو بحيرة اصطناعيّة، يعني كان باش تقارنهولي بالأوتوروت متاع بلجيكيا راهو حكاية أخرى، هاذوكم كيّاساتهم تسوق فيها وعينيك مغمّضة.. آش جاب هذا لذاك؟

Bibi a dit…

Je suis un peu d'accord avec toi mais j'insiste, c'est aussi une responsabilité du citoyen.
Disons c'est une responsabilité partagé entre l'Etat et les citoyens.
Bien sûr, s'il n'y a pas un bon réseau de transports en commun, on peut pas reprocher aux tunisiens de prendre leurs voitures pour aller travailler, par contre je leur reproche de prendre cette même voiture pour aller chez l'épicier. Ce n'est pas bien pour l'environnement, ni pour les finances (mte3 elmouatin, ni pour son ventre elli depuis qu'il a la voiture 3amel eydezzz.
C'est une question de mentalité bien sûr, personne ne pense à l'eau et c'est pas les spots télé mta3 limra illi te5sel fil ma3oun fi zouz banouet qui vont changer quelque chose.
En Tunisie, pendant l'été, on nettoie les terrasses avec des litres et des litres d'eau tous les jours..En hiver, on prend des bains toutes les semaines, alors qu'on est aussi propre avec une douche..Ne parlons pas des emballages en plastique de toutes sortes.
Il n'y a pas de petites économies d'energie..Tout le monde doit participer.

Anonyme a dit…

السلام عليكم

انا حالي والساعة الحولة اتعس اتصورو مرى وفي تونس وتخدم في بانكة في الصيف ندخلوا 7 متاع الصباح نخرج 6 باش نلقى بلاصة للكرهبة ماو عنا برشة بركنقات نهبط بكري باش نختار على راحتي -اختك نسهر كل لليلة غصبا عني نغزل على السهريات المفروضة علي - اسواط المزاودية هادة علي بالسيف للصباح- وامثالي متعددين كيفاش يحبو تكون عندي مردودية بالعكس انا من الصيف للصيف يكثر عندي الردان حشاكم على خاطر معدتي تطرشق من العصب. ويحبوا البنوك تتقدم. ياخي نتبعو فرنسا هوما عندهم مزاود للصباح
.
وراس خوي تهديت برى حشى الي خطيهم
.....

Anonyme a dit…

RAHOU BEHI NE9TASSDOU FI ETA9A AMA LEZEM LES DEUX PARTIE ECHA3B W L ETAT YET3AWNOU
1/LIMITATION DES PUISSANCES DES VOITURE A 5 CHEVAUX
2/CHAJA3 L GAZ W RAKHASS LES TAXES LI 3LIH TI MANA NMA9SSOU FIH
3/NAHIW L PERMIS 18 ANS
4/NAHIW LES CLIMATISEUR MIL LES BUREAU MTE3 L MOUADHAFIN
5/NEHIW LES CRAVATES MIL BANKA W MIL IDARAT BECH MAYESSKHNOUCH
6/TAFIW LADHWA FI ENNHAR MTE3 ECHERA3
7/NAHIW TUNIS7 LI TER7I FIL TRICITI FIL FERAGH
8/CHAJ3OU 3LA LES CELLULES PHOTOVOLTAIQUE
9/NA9SSOU FIL KRAHEB MTE3 LIDARA
10/ NAHIW HEKA L 200 LITRE ESSENCES LI TA3TIW FIHA LIL LES CHEF SERVICES W LES CHEF DEPARTEMENT YEKHI FIN YEMCHIW 9E3DIN
11/HASSNOU FIL TRANSPORT PUBLIC
12/RAJ3OU SEANCES WAHDA FI 3OUDH DOUBLE SEANCE
13/NA3MLOU NHAR MAGHIR KRAHEB FI EJOM3A
14/NAHIW LES MATCH LI YETLA3BOU FILIL
15/TAFIW LADHWA MTE3 LES LYCEE W LES FACULTE PARFOIS TET3ADA FILIL TEL9AHA KOLHA TECH3EL
16/..........
23/ NIKNI KEN 3MELTOU MEN HETHOM 7AJA