lundi, mars 31, 2008

جريدة "الطريق الجديد" تخصّص صفحة كاملة لمدوّنتي المتواضعة، شكرا

خصّصت الجريدة الأسبوعيّة "الطريق الجديد" صفحة كاملة للحديث على المدوّنة متاعي المتواضعة في عددها الأخير. المبادرة هاذي جات من الأخ الصحفي المحترم فتحي بلحاج يحي اللي، يرحم والديه وينوب عليه، بعثلي مايل وطلب منّي الإذن قبل نشر المقال، وبعثلي حتى نسخة منّو، وهذا من حسن أخلاقو قبل كلّ شيء ويدلّ على إحترامو لمهنتو ولنفسو.

الحقيقة وبكلّ صراحة ما نعتبرش نفسي مهمّ جدّا للدرجة هاذي حتى تكتب عليّا الجرايد، ولكنّي متأكّد أنّو التدوين بصفة عامّة ينجّم يكون وسيلة هامّة للتعبير عن الأفكار إلّي ما تلقاش ضمن القنوات العاديّة للإعلام مجال باش تعبّر بطريقتها عن وجودها.

حاسيلو المبادرة متاع الجريدة المذكورة كانت حاجة أسعدتني شخصيّا كيما أيّ إنسان يحبّ يحسّ روحو ساعات مهمّ، وهذا بالرغم من أنّها للأسف جات في مدّة إلّي ما عدتش فيها متفرّغ للتدوين كيما في السابق (ولو عمري ما كنت متفرّغ تماما كي تجي تشوف). على كلّ حال العدد موجود حاليّا في الأكشاك للّي يحبّ يطّلع عليه (أهوكا نعمللهم شويّة إشهار كيما هوما عملولي إشهار بلّوشي).

16 commentaires:

->> AntikoR <<- a dit…

bravo et bonne continuation ..

Anonyme a dit…

Franchement, tu le mérites...amplement zèdè!!

Azwaw soumendil awragh أزواو سومنديل آوراغ a dit…

المهم انو اللي يكتب يعرف كيفاش يعطي بصورة صادقة و أمينة و نقد بالمنجد على الشيء اللي باش يكتب عليه و هذا في اعتقادي يزيد يوسع من إشعاع التدوين سواء للبيق و الا لباقي المدونين توانسة و غير توانسة و يفتح آفاق لناس اخرين باش تتشجع و اذا عندها ما تقول و قليم باهي علاش لا. و فضلا على التربية متاع سي فتحي اللي قام باللازم من ناحية طلب الإذن نعتقد اللي حاجة مهمة. و يا خويا باهي كي نكونو متواضعين يامّـا زادة اللي يستاهل يلزم يكونلو الاعتراف على الشيء اللي قايم بيه. و برة معاك ربي و نهارك زين.

mandela a dit…

malla btb a sidi ah yfokk fi saf7a kemla min i7da jareyd il mo3ardha il mitjadhra...7asilou ena na3ref ftou7 wken dima yochker fik wyobdi fi i3jebou bitroumiz mte3ek wbledtek elloughawiya fi tanewel mawadhi3 chibh 7assessa...wbinetna ftou7 min a9wa ma sar fi tari9 ljadid 3andou sifet style mta3 ironie preske nafs style btb ema bakther labe9a chwaya 5ater errajel moudir wyekteb fi jarida destiné lizebda lmotha9fa mta3 libled...
malheureusement le seule reproche howa innou ennumerou hedheka mta3 ettarik ljadid maset bsara7a wbdet ejjarida tamsat milly l7aj la3roussi tam intidebou...bon bon hedha t5alwidh chtarkom mech fehminou lmoufid btb bloggeur ksou7 wftou7 s7afi 3andou stylou chbeb wtari9 ljadid baraw farksou 3liha fil akchek lmidh5ma tetbe3 b800 millime wmich 7ram fihom

Anonyme a dit…

Est ce qu'il existe un lien vers cet article?? On peut le lire??

Anonyme a dit…

@ anonyme qui cherche le lien: malheureusement attari9 al Jadid n'est pas on line mais voici le lien d'un post où tu peux lire l'article:
http://khilwelil.blogspot.com/2008/03/blog-post_5640.html

Anonyme a dit…

félicitations! et bonne continuation! Tu aurais dû être journaliste toi, tes posts sont vraiment bons.

Der Kameltreiber, Ladeeni ولد الصحرا a dit…

برجولية البلوج نتاع ظاهة و ي مهم برشة و باش يدخل التاريخ و يولو يحكو عليه


فأنت من أوائل اللي تب باللهجة التونسية في الإنترنت و شجعت الكثير من المدومين على القيام بذلك بعد أن كنا لا نقأها إلا في مقالات جرائد بودورو

طبعا أنا من مؤيدي إستخدام اللهجة التونسية في التدوين و حتى في التعليم الابتدائي


باختصار: مدونتك موش نورمال و أنا من أكبر محبيها

attariq a dit…

l'hommage est mérité et il n'a peut-être que trop tardé. merci à fethi belhaj yahia pour cette belle initiative et vive l'esprit critique sur les blogs tunisiens!

Anonyme a dit…

أنا بيدي عرفت المدوّنة متاعك من المقال متاع فتحي والحق عجبتني تفرهد على القلب معناها يا خويا اللي يكتب من القلب يوصل للقلب بعد ما كرزونا في تونس باللغة بودورو والحديث بولوحة والأخبار الباردة والريق اللي بارد أكثر منها مسكينة تونس

sana a dit…

Moi je voudrais bien te féliciter pour ce blog et pour l'article malgré que je l'ai pas lu, mais je sais d'avance qu'il est mériter.
bon franchement moi cela fait très longtemps que j'ai pas lu attariq aljadid car aljara'ed almou3ardha ne se vendent plus du coté de chez moi.
mais bref, BTB 9am bel wajeb :)

Anonyme a dit…

procurez-vous attariq aljadid qui est encore dans kisoques à journaux pour pouvoir lire l'article. ça ne vous coûtera que 800 millimes. franchement ça vaut le coup!bonne continuation BTB

Anonyme a dit…

bravo yé big tistehil

Anonyme a dit…

congratulation BTB
i m glad for you
i miss this newspaper that i used to read when i was in tunisia but we can t find here, even in the ambassy where we can find only tunisia news and le renouveau!!!
euuufffffffffff w barrrrraaa

ezamerikain

3afsa a dit…

اما الحاصيلو انت طلعت منافق بصاراحة
توا كيف كتبو عليك ما عادش جارايد بودورو

لواه تتشرف بيهم انت كيف كتبت علاهم

Big Trap Boy a dit…

@ 3afsa:

بارك الله فيك يا سي الموش منافق

أما بالله ذكّرني وقتاش كتبت على جرايد المعارضة بصفة عامة وعلى الطريق الجديد بالتحديد؟

الله يهديك