jeudi, décembre 18, 2008

كاريكاتير لطفي بن ساسي اليوم في جريدة "لابراس"، قالها راجل


حبّيت فقط نشير في نفس السياق إلى أنّ ظاهرة التجارة الموازية طول عمرها موجودة، ومحاولة القضاء عليها في ظرف متأزّم ماهوش باش يكون الحلّ على خاطر كيف تبدى عندك أزمة بصفة عامّة لازمك تحاول باش ما ترميش عبئها على ظهر الناس الأكثر فقر وميزيريا في سبيل إرضاء كمشة التجّار الغضبانين في "الأوتيكا"، على خاطر على حسب علمي كيف تحتدّ الأزمات في البلدان الكلّ فإنّ كمشة الأعراف والتجّار الغضبانين هوما آخر من يعملّك الشغب والبلابز على خاطرهم يخافوا على مصالحهم، أما كيف تجي تضرب المسكين إلّي عامل نصبة أو حوينيتة باش يوكّل أولادو وعائلتو فإنّك تلزّو باش يلقى طرق أخرى للبقاء على قيد الحياة. بالطبيعة ما لازمكمش تفهموا من كلامي أنّي ولّيت يساري وتخلّيت على نظرتي الإمبرياليّة للأمور، ولكن الحلول الظرفيّة هاذي متاع تنقبت من هنا رقّعها من غادي ما تعجبنيش، توّة محسوب كيف باش تسكّر باب التجارة الموازية باش تتحلّ الأزمة متاع القدرة الشرائيّة للمواطن؟ خلّي الناس تتجربع باش تعيش يهديكم الله، راهي ما تسمّاتش جربوعستان من باب الصّدفة


9 commentaires:

Anonyme a dit…

walahi hatta el kroz yéchriw fi hwayéjhoum min souk sidi bou mandill!!

Houssein a dit…

ما لازمكمش تفهموا من كلامي أنّي ولّيت يساري وتخلّيت على نظرتي الإمبرياليّة للأمور

Blida :-)

Stupeur a dit…

مالمنظور الحالي للوضع الراهن و إنتي فاهمني, حتى المسروق, يصلح
واحد منتف يعلم بيه ربي و لازمو في ظرف و جيز يوفر مستحقات لا يستهان بها
التجارة الموازية تعطي خيار* أبر لمواطن مشلك باش هكاكا يقضي شورو

* لاهو الخيار كلي يسميوه فقوص و لاهو الآخر متع المستقبل

الحاسيلو هذاكا حل الي ما عندوش حل

Anonyme a dit…

Il est clair que le pb n est pas les pauves gens a qui on fait la traque dans les rues de la capitale mais ces anonymes qui font passer des cargos pleins de tt et de n importe quoi a la barbe et au nez des douanes et du controle sanitaire et de conformite. Ces gens la ne sont jamais inquiétés, ils liquident leur pourriture aux grossistes et empochent le pactole.C´est a la fin le bout de la chaine qui subissent la traque des services municipaux au gré des humeurs des compagnes... Qu´elle est jolie ma Tunisie!

ETC...ثم a dit…

هو مستحبل باش يسكرو على التجارة الموازية على خاطر موش الزواولية إلي يسطرو عليها بل ناس كبار
كي تشوف بومنديل تلقى العرف يبعث 10 نصب و يعطي للصناع الفتات
و في العالم الكل موجودة أسواق اسبوعية و شعبية
و نرجعو للمشكل الأصلي إلي كتبت عليه إلي هو أنو القانون ما يطبقوه كان على الزوالي باش يقولو هانا نخدمو و نطبقو
و هوما يرقعو في النقب فقط

Anonyme a dit…

Le comble, c'est que ce n'est même pas du rafistolage!!! On dirait un plan organisé contre les plus démunis (même si ce n'est qu'un échiquier où ils font office de premier pion)
Les "anonymes" passent la pourriture, empochent le pactole ET se plaignent du commerce parallèle et dénoncent les gens au bout de la chaîne! Comme quoi, en arrêtant et en châtiant les démunis, ben, il y aurait plus de démunis!!!
Imaginez la scène: on vous pique votre argent et on vous donne des baffes en vous disant de ne plus être pauvre!!
Réjouissons nous, on nous prend pour une mine d'or intarissable!
...
Shin Kazé

Anonyme a dit…

يا بيغ كان قراه بن علي هذا راهو مزال شادد السلطة

Anonyme a dit…

و الله هذا العديم رجولية "لطفي بن ساسي " لو سموه نوفل خير مايستاهل الواحد يحكي عليييييييه

Anonyme a dit…

و الله هذا العديم رجولية "لطفي بن ساسي " لو سموه نوفل خير مايستاهل الواحد يحكي عليييييييه