mercredi, juillet 15, 2009

الجمعيّة التونسيّة للمخترعين: من شعاراتكم باينة إختراعاتكم



إعلان لفائدة الجمعيّة التونسيّة للمخترعين على كبر صفحة كاملة من جريدة لابراس متاع البارح : ه

(أنقر بالرّاس على التصويرة كانك طمّش أتو تكبر بقديرة المولى)

الواحد آش باش يقول؟ كان كلّ عام المخترعين التوانسة باش يخترعولنا شعار متاع بوليتيك من النوع هذا (تقولش عليه إشهار متاع وكالة أسفار هههه) بقدرة ربّي من هنا عشرة سنين أخرين باش نحرزوا على جوائز نوبل الكلّ في إختصاص ضرب البندير الجماعي والمنفرد

السؤال لهنا هو علاش جمعيّة ذات طابع علمي تكلّف نفسها هالمصروف الكلّ باش تعمل البوليتيك بالطريقة المضحكة هاذي؟؟؟ ياخي هذا داخل في مهامها؟؟ ولاّ زعمة المخترعين والعلماء متاعنا وقفوا عند زوز إختراعات هوما القفّة والبندير وما زادوا بعدهم حتى إختراع جديد؟؟؟ علاش لا؟

ربّي يقول في كتابه العزيز "وهل يستوي الذين يعلمون والذين لا يعلمون"، ولكن على ما يبدو فإنّهم في جربوعستان يستوون كأسنان المشط لمّا يتعلّق الأمر بالرياضة الوطنيّة الأولى


19 commentaires:

Xibilius a dit…

Bien vu ;)

Unknown a dit…

أحنا توّة ماعادش في عصر الإختراعات، ولّينا في عصر التطوير متاع الإختراعات

معناها أحنا إخترعنا ديجا البندير و القفّة، و توّة قاعدين نطورو فيهم، يعني معقول الشئ إلّي قاعدين يعملو فيه المخترعين متاعنا، مواكبين للعصر و المتطلبات

ضربت التصويرة بالرّاس ياخي ما كبرتش

Anonyme a dit…

bravo! encore une fois.

Anonyme a dit…

ou thamma BHAYEM !! 7achekom , ki payent 0.5 Dinars pour cette merde qui est Lapresse

eddou3aji a dit…

التّمويل إمّالا شكون باش يمدّلهم حقّ الرّحلات " الإختراعيّة" ههههه إلّي يعملو فيها... و حتّى مالإوّل شكون باش يعطيهم الرّخصة باش ينشطو... أكهو كول و وكّل هههههه

Anonyme a dit…

ya biga rak wlidha loul loul

Big Trap Boy a dit…

@ Soufiene:

"ضربت التصويرة بالرّاس ياخي ما كبرتش"


هذاكة تلقاه المولى سبحانه ما حبّش يقدّرلها باش تكبر ههههه

Big Trap Boy a dit…

@ anonyme:

أوّلا الجرايد غلات وولاّت ب600 مليم، يا حسرة كيف كانت ب500 وثانيا راني خوك ما نشريهاش يجيبوهالي بلاش، والله كيف تولّي ب50 فرنك لا نحطّ فيها ملّيم من جيبي شوليقة كيما لابراس، تي هي حتى يديك كيف تشدّها تكحال من الحبار البوضرّوح إلّي يطبعوا بيه

Bent Tounes a dit…

A propos la presse est beaucoup plus chère que vous le pensez c'est à 750 millimes :p

Ghoul a dit…

حتي هي اسمها
ATI

عابر سبيل a dit…

L'article est publié dans la rubrique "Publicité", ou je me trompe?
Hawka kol chay wadha7 3ad
malla mostawé

Amel a dit…

@Anonyme qui parle des bhayem qui achètent la presse

سعات واحد يتلز بش يشريها كيف يبدى يلوج على "شقة مفروشة" و إلا لا، و إلا بورتابل أوكازيون.

دايور، جات مدة الجريدة هذه حطت إعلاناتها في موقعها عل الأنترنات و بعد مديدة بطلت. لازم لقات مبيعاتها نقصت كيف الناس ولات تدخل عل الموقع بش تقرى الإعلانات موش المقالات ههههههههه

Amel a dit…

آنا أقوى شعار قريتو في حياتي في الرونبوان متاع المنيهلة وين الحرس، مكتوب "آنا نحبك يا سي فلان" هههههه خسارة وقتها نسوق و منجمتش نوقف الكرهبة بش نصور أك الجملة المفيدة و الحرس يغزرلي.

مقواه حاسيلو إلي قريحته الشعرية خلاتو تنتج مثل هذا الشعار العضيم

cauchy a dit…

ya trappa,chkoun 9allik rahi association des inventeurs et des savants tunisiens...rahi 2 cho3ab lammou b3adhom fi jam3iya we sammawha ATI.

الزبراط a dit…

مجرد معلومة للامانة التاريخية :
اثناء شهر افريل الفارط الوايپو(المنظمة العالمية للملكية الفكرية) نظمت معرض الاختراعات
http://www.inventions-geneva.ch/ وكانت البعثة الجربوعية ممثلة فالجمعية هذي
بعثة فيها 7 مالناس جابو 3 ''اختراعات '' منهم وحدة دراشنية بش الانسان يجنم يحك ظهرو فالدوش وحدو..الحاصيلو شي يعمل الكيييييييييف

أبو خالد a dit…

تي شنوة قريب باش إجي واحد أخر و يقول راهي إبدينار
الحاصل أرتيكل حلو يا ب ت ب والأحلى منو هي شكارة الفرينة هههه
يا رب يستفلهم كروشهم بالفرينة ...قولو أمين

Anonyme a dit…

il faut être très inventif pour inventer un titre pareil à cet article.

Anonyme a dit…

et les inventeurs aussi sont contaminés ...

kahlil allouch a dit…

brabi elli 3andou afkar mta3 e5tira3at ou ma9ach echkoun yesm3ou ech ya3mel
???