mardi, juillet 28, 2009

تنبيه للأصدقاء على الفايسبوك ورابط صغير للردّ على أبطال مهرجان أوسّو للتجوبير البلوغوسفيري


يقوم أحد التعساء بتقليد صفحتي على الفايسبوك باستعمال نفس الصورة ونفس الإسم وعلى ما يبدو فهو قاعد يبعث في مطالب صداقة لعدد من الأشخاص أو يترك تعليقات تعكس واقع حياته الحزينة في بعض الصفحات

الرجاء إذن الإنتباه إلى أنّ البروفيل الوحيد متاعي على فايسبوك يحمل العنوان التالي


وإلى أنّ أيّ بروفيل آخر هو من فبركة أحد هؤلاء المرضى

أمّا بالنسبة لمهرجان الجبورة المنعقد على صفحات "تي أن بلوغس" الأيّامات فإنّي وكما سبق أن قلت أترفّع عن مجادلة من هم أصغر من أن يكون لي معهم جدال أو إضاعة للوقت، كلمة فقط لكلّ من شارك في هذا المهرجان وذلك سواء: ه

بإعادة نشر محتوى من مدوّنتي على مدوّنته أو بجبدان سيرتي أو حتى برميان المعنى (الأسلوب المفضّل للناس الناقصة رجوليّة) ه

أو بتقليد هويّتي لترك تعليقات تعبّر على قرون من الكبت الجنسي المعشّشة في راسو، ه

أو بممارسة هواية صوّر ولصّق لبروفيلات فايسبوك تحمل الصور والأسماء الحقيقيّة لبعض الأصدقاء متاعي في الفايسبوك على مدوّنته (على فكرة هذا عمل يجرّمه القانون -يا بقر- ويمكن نعطي تفاصيل تقنيّة قانونيّة لاحقا لمن قد يهمّهم اللجوء إلى القضاء من بين المتضرّرين) ه

هذا طبعا دون نسيان كلّ من مارس معي الطحين والتسكبين والتودّد والترهدين للتلصّص والبحث على معلومات تهمّ حياتي الخاصّة أو حياة أحد الأصدقاء المدوّنين ليوزّعها على أصدقائه من الشلايك أمثاله إعتقادا منه أنّه باش يخرى (لي ولهم) فيه، أو أنّي على درجة كافية من البهامة باش نعطي معلومات تخصّني لناس مرضى كيفهم... ه

لكلّ هؤلاء، ومعاهم صاحب موقع بوّابتي السلفي المتخلّف الّذي جاي يشدّ على أيديهم بتعليقاته، والطّيور على أشكالها تقع (مبروك الكونكسيون سي فوزي، أخيرا وصلكم الواب في كهوف العصر الحجري؟؟) ونظرا لأنّكم بكلّكم مع بعضكم مجتمعين ما تجيوش عبد، وحفاظا على النظافة النسبيّة لهذه المدوّنة، أكتفي بأن أحيلكم جميعا على رابط تلقاو فيه من الآخر خلاصة كلّ ما يمكن أن يدور بيني وبينكم من حديث مادمنا في المجال الإفتراضي

فقط إذا كنت واحد من الأشخاص المذكورين أعلاه أحسن حاجة تعملها هي أنّك تنقر على الرابط وتمشي لهنا، ما كانش أخطاك وواصل طريقك تفاديا لتلويث مجالك السّمعي البصري

واضح يا بعابص الكبّار؟ زيد أعمل مجهودك إنتي ويّاه وهاني نستنى فيكم وقتاش تولّيو رجال وتتعرّضولي في الدورة، أما نعرفكم إرهابيين متاع هداري لا غير، خوانجيّة الياغرت والأنترنات، لا خير يرجى منكم، زيدو تفرّجوا في أبطال الصور المتحرّكة متاعكم في قناة الجزيرة بالكشي تتعدّاو للمرحلة الموالية والله لا يضيع أجر المحسنين

نغلق القوس ونعود الآن إلى برامجنا العاديّة


6 commentaires:

الزبراط a dit…

احسن ماعملت ياابا العتاهية

الواحد لازمو يكون عندو برشة وقت فارغ وبرشة وسع بال بش يحكي مع بني حرفوش(على فكرة الكلمة هذي يظهرلي جبتها انا وتوا والاو الملاهط يستعملو فيها يادين الرب حتى فالبلادة يحترفوا)....الفايدة والمفيد كوننا بحكاية مبشولة فالفايسبوك بدات في قالب ظحكة خرينا في كيف شطر التي ان بلوغز وهذا مجهود يذكر ويشكر....

پي اس:علاش الرابط اللي حطيتو فيه برشة ''نجوم'' ههيييهيوووو

Amel a dit…

وين الروح الرياضية؟ صحيح آنا ما تبعتش المهرجان الكل، فديت في الآخر. لكن نذكرك إلي إنت بديت بانتهاج طريقة السخرية من المعتقدات، و تحب الناس يتفهموا المنهج متاعك، مالا ما عليك كان تتفهم منهج الناس إلي جاوبوك بطريقتك.و انت أكيد كنت عارف روحك على شنوة قادم

بون صحيح الحكاية طوالت شوية، و ثم برشة تجاوزات وقعت، كيف انتحال الشخصية متاعك و سب برشة ناس كيف صاحبة مدونة "دز تخطف" و هنا من حقك أنك تدافع على روحك كيف ما عملت قبل في مدونتك. و على كل حال المهرجان هذا الكل زايد خاطر سامحني في الكلمة، الجروب متاعك حكايتو فارغة و ما يستحقش كل هذا المجهود للتنديد به

Big Trap Boy a dit…

@ Amel:

"وين الروح الرياضيّة؟"
أهلا بالكابتن خالد حسني؟ ههههه ياخي ماتش كورة هو؟ يا آمال ميسالش أنا بديت وأنا نكمّل، ما فمّاش ميثاق رياضي مع الضعفاء كيف يبداو قباح، عفّس وتعدّى، هاذاكا هو التكتيك، ماناش مكشّخين بالصدفة راهو هههه

سينون بالنسبة لحكاية الجروب إلّي تحكي عليه آشكون قاللك إلّي حكايتو معبّية؟؟ تي هي الحكاية الكلّ تفدليكة بيني وبين الزبراط ياخي في لحظة لقينا جروب فيه فوق الميتين عضو، ماهوش ذنبنا إذا الشعب -والحمد لله- مازال يحبّ اللعب والتفدليك ومازال ما ياخذش المسائل الكل بمزيج من التعصّب والحماس والبهامة (حاشاك) وبالتالي ماهيش غلطتي إذا كان ناس تسبّبتلهم في السابق في أزمات نفسيّة خذاو على عاتقهم مهمّة القيام بالمجهود التنديدي اللي حكيت عليه إنتي

Big Trap Boy a dit…

يا زبراط يزّي من البلادة، حكاية النجوم ما عندها حتى علاقة بالكورة، تحبّ تعمللنا أزمة ديبلوماسيّة أخرى؟ ههههه

tikaaa a dit…

ena juste far7ane elli chwaya la ngart 3la el "lien" special mba3d mna3t. ou fhemt wa7di wa7di ... heh

Sinon pour le reste ... a la guerre comme a la guerre ... pas de moralite's.

Angel a dit…

اما بالرسمي جماعة موقع كبة السعد و التعصب اللافكري و البهامة و التصطيكة البقري موقع بوابتي كوارث و بلاصطهم في افغانستان بجنب زميمهم بن لادن