vendredi, juillet 24, 2009

إجراءات صباحيّة للحماية من الكلاب السائبة البلوغوسفيريّة


صباح الخير جميعكم

نبّهني الصديق والمدوّن الزبراط إلى وجود شخص أو بالأحرى فرخ كبّول قاعد ينتحل في صفتي على بعض المدوّنات ويخلّي في تعاليق على ما يبدو أنّها سبّان كمحاولة تعيسة من شخص فاضي شغل باش يشوّهلي سمعتي عند الناس إلّي بيني وبينهم درجات متفاوتة من الإحترام المتبادل

بالطبيعة الكبّول هذا ما يكون كان واحد من ثلاثة كببّلة هوما هاك الجراثيم إلّي دخلت للبلوغوسفار تكركر وراها في كمشة عقد نفسيّة وبرشة كراهيّة للناس إلّي خير منها، على كلّ حال الحشرات هاذي ما تستحقّش باش نطوّل في الحديث عليها ولكن أهوكا فقط حبّيت نلفت إنتباه الوخيّان للمسألة ولضرورة التثبّت في مصدر التعليقات

من جهة أخرى وبما أنّ القيمة الحقيقيّة للتدوين هي في تفاعل القراء والتعليقات متاعهم، وبما أنّه من الأفضل أن يكون التفاعل هذا بصفة حينيّة فإنّي قرّرت باش نتّخذ إجراء يغنيني عن المراقبة المسبقة للتعليقات ويمكّنكم من التفاعل مع التدوينة ومع التعليقات السابقة بصفة حينيّة، وهذا فيه راحة ليّا وليكم على خاطر ما نقعدش مجبر على الدخول للمدوّنة 500 مرّة في النهار باش ننشر التعليقات اللّي تستنّى في الموديراسيون

نظرا إلى ما سبق ذكره وبيانه فإنّي لقيت أنّ الحلّ الأفضل هو في حصر مجال التعليق للقرّاء إلّي عندهم حساب على بلوغر، وهاذي حاجة ساهلة برشة بحيث يكفي أنّك تحلّ حساب على جوجل وتستعملو في التعليق. نعرف اللي الإجراء هذا يمكن يخلّي عدد المعلّقين ينقص شويّة ولكن ما فيها باس، حتى كيف نتناقشوا أربعة كعبات نظاف باقي خير ملّي نتناقشو أربعة نظاف وعشرة هوكش، وعلى الأقلّ خلّي الحيوانات إلّي تحبّ تسبّ تجي تسبّنا بأساميها الحقيقيّة أو حتى الإفتراضيّة، آشكون يعرف بالكشي يكونلهم هذا مدخل أوّل يجرّبوا من خلاله الرجوليّة

إنشالله ما تبخلوش بالنسبة للناس إلّي ما عندهاش حساب على جوجل، الحكاية ما تتطلّبش برشة وقت وزيد راهو بلاش فلوس

هيّا نهاركم طيّب

17 commentaires:

الزبراط a dit…

J'ai fait de même a l'instant...c'est incroyable ce que les gens peuvent avoir comme complexes qui les poussent a proférer de tels propos dignes de sociopathes invétérés.

Big Trap Boy a dit…

خيرا فعلت يا أبا الزباريط، الحقيقة خسارة الواحد يضيّع وقتو مع الخراوات ولو كان ذلك في الموديراسيون متاع تعليقاتهم

الزبراط a dit…
Ce commentaire a été supprimé par l'auteur.
Big Trap Boy. a dit…
Ce commentaire a été supprimé par un administrateur du blog.
M16 a dit…

Franchement, je trouve que le niveau de tes posts s'est nettement déterioré.
Tout ce que tu fait c'est provoquer les gens par ton "islamophobie".
C'est ce qui a pollué ton blog je pense. Tu devrais revoir tes sujets et ta façon de critiquer l'autre.

Big Trap Boy. a dit…
Ce commentaire a été supprimé par un administrateur du blog.
Big Trap Boy a dit…

هذا هو الخامج ولد الخامجة صاحب البروفيل المزيّف (في نهايته نقطة ). يا خامج أعمل شخصيّة لروحك لوقتاش باش تقعد اتبّع تبع؟

Big Trap Boy a dit…

@ M16:

سامحني أما كلمة الإسلاموفوبيا هاذي ما تعنيلي حتى شي ولو إنتي حر إذا كان المدوّنة ما تعجبكش أنا مانيش نلحلح بالناس باش تجي تقرالي

نعلمك من توة راني مانيش ناوي نراجع طريقتي في حتى شي ولا فايدة في محاولة إقناعي أو إنتظار اليوم إلّي باش تولّي فيه المدوّنة تعجبك

M16 a dit…

Chbik 3ala a3sabik BTB??
Ana 3tit rayy, mouch bech n7eb no9n3ik walla nbadlik, na3raf que "c'est une cause perdue" :).
Amma juste 7abbit nfassarlik (min wijhit il nathar mta3i :))asbab talawoth il moudawna mta3ik.
Take it easy.

Big Trap Boy. a dit…
Ce commentaire a été supprimé par un administrateur du blog.
Big Trap Boy a dit…

@ M16:

صلّي عالنبي يا ولدي مانيش على أعصابي أما زادة الإتّهام الساهل برشة متاع الإسلاموفوبيا ما عنديش وقت باش نجاوبك عليه، وزيد كيما طلعت تعرف هاذيكا طريقتي ومانيش باش نبدّلها، بخلاف هذا نصيحتك مقبولة بكلّ أخويّة وكلّ واحد دليله ملك

Big Trap Boy a dit…

@ الخامج

بهيم ياسر إذا تتصوّر أنّو السبّان متاعك باش يخلّيني نتأثّر أو تتحرّكلي شعرة، كيفاش باش نحسّ كلام جاي من عند عبد ما عندوش شخصيّة لدرجة أنّه يجي يسبّني في مدوّنتي وهو منتحل شخصيّتي؟؟ والله حالتك لا فهمتها لا تسخّف ولا تضحّك، أما الأكثر ظهرتلي تضحّك هههههه ملاّ قسوات

M16 a dit…

Hakka nifhmou b3athna. La prochaine fois qu'on se vois "en live" ncharrbik 9ahwa :)

أبــو خـــالـــــد a dit…

Salut tout le monde, je suis fier de voir des tunisiens avec un certain niveau.
Ça fait vraiment plaisir, sinon ca se passe comment pour les prochaines élections!!!(ça c'est un sujet:)

Bent Tounes a dit…

Si tu commences à avoir des véritables ennemis BTB c'est que ( et peut être sans même le vouloir ) tu es devenu aussi fameux et populaire que tu le penses. Tout succès a ses ennemis et à ta place je serai très contente.
Et finalement :"Les chiens aboient, la caravane passe" Bonne contiuation w bagla lihom les 3 chiens...
ps: personnellement je ne suis pas d'accord sur plusieurs de tes idées mais j'aime te lire et je respecte tes points de vue car tu es une personne qui sait très bien s'exprimer.

Big Trap Boy a dit…

@ Bent Tounes:

شكرا على المجاملة اللطيفة ولكن راهو ما نتصوّرهاش نوع من ضريبة النجاح كيما تقول، هالشلايك هاذم (والحمد لله أنّ عددهم قليل برشة) عندهم أمراض نفسيّة لازمهم وين يفرهدو عليها ولو كان ذلك على المدونات، ما يحبّوش يهوّنوا على رواحهم ويمشيو لطبيب نفساني

إنشالله ربّي يختصر آلامهم ويموّتهم موتة سريعة وشنيعة هههه

Bent Tounes a dit…

Salem, je viens d'avoir un commentaire au nom de Big Trap Boy de la part de ce cinglé mais je sais que c pas toi voilà le lien de son profil http://www.blogger.com/profile/17025291104588023829
Tu ne peux pas imaginer ce qu'il m'a dit!!!! C vraiment trop grave! STP reporte un abus à blogger.com il est vraiment malade ce type w'Allah.
J'ai pas publié ce qu'il m'a écrit mais je le garderai quand même en cas de besoin. W Rabi yechfi w inch'Allah heveka 7ad el bes
ps1: un extrait de ce qu'il m'a écrit juste bech tchoufou el mostawa mte3 el sayed heva :"tu sais bent tounes tu n'es qu'une sale pu**,si ton nou** a besoin de quelques carresses c n'est pas le BTB qui va le faire....."
ps2: wena fra7t za3ma ki rit Big Trap Boy 9olt cho chkoun jé commenténi :mdr: aya bonne soirée