Different Day, Same Story

Same faces
...
Same ideas
...
Same actions
...
Same reactions
...
Same lies
...
Same beliefs
...
Same deceptions
...
Same misery
...
Same fears
...
same beers
...
same anger
...
But still,
...
we see
...
the same pictures
...
in the same frames
...
on the same walls
...
the same colors on the same people
...
telling the same stories
...
same frustrations
...
same misundersandings
...
it's just another day!

كــــلام فـــارغ

ما فمّاش علاش
ما لقيناش كيفاش
ما عندناش
ما عطاوناش
ما فمّاش
ما علموناش
ما فيـبالناش
ما نجّمناش
ما نعرفوش علاش
ما توقّعناش
...
هذا الكلّ باش ما نقولوش
ما يهمناش
ما علابالناش
ما يعنيناش
ما يخصّناش
ما يـقـلـّقـناش
...
كلّو كلام فارغ
أسمع وفلّــت

مـجـتـمـع الـمـعـرفــة

أكيد أنّكم سمعتو، ولو مرّة وحدة، بكلمة مجتمع المعرفة وبإقتصاد المعرفة أو الإقتصاد اللاّمادّي، والأكيد راهو فمّا شكون قاللكم أنّ المفاهيم هاذي هي مفتاح التقدّم و"المص-تقبل" والسلاح الجديد اللّي البلدان باش تستعملو في "معركة" التنمية، ولو أنا واحد مالنّاس عمري ما حضرت على عركة بسبب التنمية بالرّغم أنّي نسكن في حومة عربي والعرك اللّي نحضر عليه في الأغلبيّة يا على الشراب يا على الفلوس يا على الأناثي


المفيد باش ما نطوّلش عليكم حبّيت اليوم نحكيلكم على المفاهيم الجديدة هاذي باش ما تبداوش ضايعين فيها كيف تسمعو الحكايات هاذي في المستقبل ونبداو بكلّنا نحكيو نفس اللغة


باختصار شديد، مجتمع المعرفة هذا هو المجتمع اللّي المعرفة والمعلومات عندها فيه قيمة كبيرة، وأكبر حتّى من المكاسب والممتلكات الماديّة كيما الديار والكراهب والفلوس والبترول ولحم العلّوش


يحب يقول اللّي باش يكسب المعرفة، مهما كان نوعها، هاذاكا هو اللّي باش يسلّكها، أمّا اللّي ما يوصلش للمعرفة وللمعلومات، هاذاكا سعدو مكبوب وأيّامو تهردت، على خاطرو باش يطيح في الهوّة الرقميّة، وهي عبارة على فوسي أو هفهوف كبير باش يلوّحو فيه الشعوب المتخلّفة الكلّ ويرتاحو من مناظرهم المقلّبة إلى قيام السّاعة


برشة ناس تظن أن حكاية مجتمع المعرفة هي حكاية جديدة وما ظهرت كان مع الأنترنات والتكنولوجيا العصريّة، لكن الناس المختصّين كيفي أنا يعرفو أنّها بلادنا هي من أوّل البلدان اللّي عرفت مجتمع المعرفة، وماهيش صدفة كيف الأمم المتّحدة إختارتنا باش نستقبلو القمّة العالميّة لمجتمع المعلومات في نوفمبر اللّي تعدّى


نحنا في تونس فهمنا قبل الأمريكان والألمان والعالم المتقدّم الكلّ أنّو الإنسان بلاش معرفة ما يسوى شيء، وتلقانا ديما كيف باش نقضيو قضية نلوّجو على معرفة، واللّي ما عندوش معرفة يلوّج على معرفة معارفو. أمّا اللّي ما عندوش المعارف، وحدو وحدو يفهم روحو ويشدّ دارو، على خاطرو واعي اللّي هو يعيش في مجتمع المعرفة، أو بالأحرى مجتمع اللّي عندو المعرفة، وبالتالي زايد باش يحاول يستعمل معانا وسائل أخرى


المعرفة تعاون الإنسان برشة وتسهّلّو حياتو وتقضيلو شؤونو خير من أيّ طريقة أخرى، وهاذاكا علاش أنا نشجّع كل إنسان باش ينخرط في مجتمع المعرفة ويسعى بكل جهدو باش يكون عندو أزيد ما يمكن من المعارف


فمّا بعض الناس من الرّجعيين، الله يهديهم، جايين ضدّ حكاية المعرفة هاذي، ويسمّيو فيها في أسامي خايبة برشة كيما المحسوبيّة والزبونيّة والوساطة والمحاباة والتحيّز والفساد، بالشماتة باش يكرّهو فيها النّاس ويظهّروها حاجة خايبة للعامّة البسطاء، في حين أنّها من عوامل التقدّم والحضارة، وهاني باش نبيّنلكم علاش


توّة نحنا في بلادنا قدّاش من رقبة؟ عشرة ملاين كان طارت؟ يعني تقريب بكلّنا نعرفو بعضنا، وكيما يقولو، كان جينا في الصين رانا بكلّنا نقعدو فرد قهوة،


يعني هذا أنّو لو كان كلّ واحد منّا يقضي لمعارفو، في نهاية المطاف النّاس الكلّ باش تسلّك أمورها وكلّ واحد ما يروّح كان فرحان


يبقى لهنا دور المواطن اللّي لازم يتحمّل مسؤوليّتو ويسعى باش ربّي يباركلو ويلقى المعرفة اللّي باش يسلّكهالو ويقضيلو أمورو، موش يبدى قاعد ويحبّ المعرفة يجيه ليديه، هاذاكا يا حسرة كيف كانت الشيوعيّة عاملة مسدّ قبل ما يفيقو بيها اللّي هي نظام فاشل


تبقى أخيرا حكاية إقتصاد المعرفة، واللّي عندها معنى مختلف في بلادنا على بلدان العالم الخارجي، على خاطر كيما قلتلكم ، نحنا اكتشفنا الحكايات هاذي قبلهم


إقتصاد المعرفة عندنا نحنا يلزم نفهموه على معنى الإقتصاد في المعرفة، يعني كيما الإقتصاد في الماء وفي الكهرباء وفي المازوط، والسبب واضح وبسيط وهو اللّي نحنا إكتشفنا من سنين أنّو "كلمة لا ما تجيب البلاء" وأنّو اللّي يعبّي راسو بالعلم والمعرفة ما يحصّل كان وجيعة الرّاس والميزيريا الكلبة، وأنّو خيارو بنادم لا يشوف لا يعرف ولا يوجع قلبو، على خاطرو على قدّ ما يزيد يفهم ويعرف، على قد ما يزيد تعاسة وهم على قلبو حاشاكم


هاذاكا علاش الطبّ الحديث يشجّعكم على البهامة والجهل والإقتصاد في المعرفة، تعيشو في خير وما تقلّقوش غيركم، وأنا هاني نصحتكم وإنتوما تعرفو ما يصلح بيكم

Le réglement du blog mis-à-jour:

Salut tt le monde, je remercie tt les amis du blog, mais svp aidez moi à le maintenir en vie en respectant ces nouvelles régles qui viennent d'être ajoutées au réglement du fight club:

...

Régle N°8: On peut parler de politique sur le blog, mais on ne fais jamais de la politique

...

Régle N°9: On ne publie pas les posts du blog sur d'autres sites sans l'autorisation de Tyler Durden

...

Régle N°10: On ne fais jamais de pub pour d'autres sites sur le blog sans l'autorisation de Tyler Durden

...

Régle N°11: Tyler Durden délégue tout ses pouvoirs à BIG TRAP BOY en ce qui concerne toutes les autorisations précitées

...

Régle N°12: BIG TRAP BOY est chargé d'expliquer la différnce entre parler de politique et faire de la politique à tout les membres qui demandent plus d'informations.

...

Merci encore une fois!

Back in Business!!

Salut chers fans de mon blog!

(je dis ça juste pour faire encore plus de jaloux:)) )

...

Je suis de retour de mes courtes vacances et on reprend tout de suite le boulot!

...

Merci de votre fidélité et de votre support, surtout face aux attaques, certes débiles, de ces rares maniaco-déprésseifs qui nous empoisonnent l'atmosphère avec des commentaires trés mal parfumés...

...

En tout cas, laissons aboyer les chiens et passons aux choses sérieuses: J'ai remarqué qu'un des visiteurs a publié mon dernier "article" ou post dans son nouveau forum sans demander mon accord. Je ne vous cache pas que ça m'a emmerdé parceque c'est bel et bien du vol, même si l'intention était peut-être de me faire de la pub gratos, mais j'ai rien demandé à personne.

...

Ce qui est encore plus inadmissible de ma part c'est que le dit forum est un forum qui exprime et représente une certaine position politique, et le fait de publier mon article dans cet espace suppose que j'adhère à certaines positions ou que je partage certaines idées, ce qui est peut-être vrai, ou peut-être faux.

...

Mais ce qui est sûr c'est que SI j'avais voulu faire de la politique je l'aurais fait sur MON blog pour représenter "MES" opinions et mes idées politiques, et donc si je ne fais pas dans la politique ici, c'est que c'est:

...

1- MON choix

...

2- MON droit

...

3- et pour MES raisons que j'ai pas à expliquer à X ou Y...

...

Personne n'a donc le droit de m'imposer une certaine façon de faire, de dire ou d'écrire, ni de déplacer ce que j'écris de son contexte, ni plus simplement de me VOLER ce que j'écris.

...

Je n'irais pas plus loin que ça pour l'instant et je demande juste à la personne de retirer mon texte de son site. Merci de vous montrer plus respectueux de la propriété des autres dans le futur, et aussi de ne plus faire de la pub pour d'autre sites chez moi sans mon accord.

...

وكيما يقولو فيها: في الدنيا هاذي عاش من عرف قدرو

Avis aux pseudo-intellos

Continuez à snober le peuple, continuez à mépriser les gens de votre pays, continuez à les regarder de haut et à en parler comme des lâches, des chiens, des ignorants...

...

Mais si le pauvre ignorant trouve son excuse dans son ignorance, votre savoir ne vous rend que plus coupable.

...

Je m'adresse ici à tout ces cons qui viennent parler des tunisiens comme des brebis bien dréssées, juste parcequ'ils ont pu, par leur imminent savoir et leur haut niveau d'éducation se casser vers un autre pays.

...

Vous pouvez profiter de votre condition pour vider vos complexes sur nous, pauvres gens arriérés du tiers monde, mais au fait, c'est quoi la différence entre vous et ceux qui quittent le pays sur des embarcations clandestines pour l'autre rive de la méditerranée? Qu'avez vous fait de plus avec votre pseudo-culture et votre pseudo-savoir que de chercher à améliorer votre petite pseudo-situation?

...

Snobez le peuple, parlez lui avec vos grands mots qu'il ne comprendra jamais, mais si vous n'êtes rien, et vous ne serez jamais rien,c'est justement parceque pour ces pauvres gens, vous n'êtes rien de rien.

...

Ayez au moins un peu de respect pour vous mêmes et ne soyez pas ingrats envers vos origines, car comme je vous l'ai déja dit:

ما ينكر في أصلو كان الكلب الشارد

والفاهم يفهم

Rappel: Election du présentateur TV le plus antipathique de Tunisie: Le vote est ouvert

Si vous passez par ici n'oubliez pas de voter pour le présentateur TV le plus antipathique de Tunisie. Le vote est encore ouvert et la lutte est pour le moment acharnée entre 3laa Ecchebbi et Razi Ganzou3i, qui ont chacun 21.0% des votes du public, mais les outsiders comme Samir el Wéfi ou les vétérans comme Lotfi el Bahri attendent l'occasion pour prendre la tête du classement. Le suspens est total dans ce championnat des casseurs de patates professionnels !

Je laisse le vote ouvert jusqu'à ce que les résultats deviennent plus clairs, ensuite on pourra accorder un prix au vainqueur!

Allez-y, défoulez vous, ils l'ont bien mérité ces cons!

P.S: Je vous rappelle que vous ne pouvez choisir que deux noms au maximum de ceux qui sont dans la liste.

خــبـز أمّـــي

هيّا قلنا السلام عليكم

...

اليوم ما كنتش ناوي نكتب حتّى شيء، لكن اللإلهام هبط على راسي فجأة، قلت ما فيها باس نكتب كلمتين للجماعة لا يطيحو

(manque)

...

أكيد أنّكم تعرفو غناية "أمّي" متاع مارسيل خليفة، وأنا واحد من الناس اللّي يعجبهم الفنّان الملتزم هذا، وهو شيء ينجّم يظهر غريب شويّة، خاطرني لاني يساري ولاني قومي، ونحب العولمة وإقتصاد السوق والموسيقى السوقيّة المنحطّة بصفة عامّة كيف المزود والـقانقستار راب.

(gangster rap)

وزيد منظري لا علاقة بالناس اللي يسمعو مارسال خليفة، يعني لاني مطوّل شعري ولاني مهيّج لحيتي وعامل كاش كول متاع فلسطين على أكتافي، حاسيلو منظري عاطي أكثر على مارسال الخليقة من مارسال خليفة

...

بالرغم من هذا الكل تعجبني ياسر الغناية وكلماتها المؤثّرة

"أحنّ إلى خبز أمّي وقهوة أمّي ولمسة أمّي، وتكبر فيّ الطفولة يوما على صدر يوم

وأعشق عمري لأنّي إذا متّ أخجل من دمع أمّي"والبقية تعرفوها

...

يمكن هذا يرجع للحب الطبيعي لكل إنسان للأمّ، الله لا ينحّيها علينا أجمعين، وأنا بالذات تذكّرني الكلمات بالأعوام اللّي عدّيتهم بعيد على العايلة وعلى الوالدة بالخصوص

...

حاسيلو قبيلة شويّة قاعد خوكم نكمّل في شويّة خدمة في الدّار وحطّيت نسمع فيها ونتذكّر في أيّاماتي في الغربة، ولّيت قلت للوالدة تعملّي قهوة من يديّاتها الملاح نعدّل بيها دماغي

...

ما فمّاش دقيقة من زمان ناداتلي باش نهزّ قهوتي، نلقاها عملتلي قهوة بالنيسكافي ومعاها كعبة كايك مقرطسة في باكو بلاستيك... قلتلها يا امّيمتي، كان يشوفك مارسال خليفة تو يبدّلها الكلمات ويردّها

"أحنّ إلى نسكافي أمّي وإلى الكايك اللّي تشريهولي أمّي"

...

حتّى إنتي يا أمّي خلطت عليك العولمة ؟ علاش لا؟

...

هاذي زعمة أمّي أنا اللّي تتسمّى مرا كبيرة هكّا، إمّالا الأم المعولمة بالحق اللّي باش تربّيلنا أولادنا نحنا آش باش يغنّيو عليها؟

...

حاسيلو الدّنيا قدّاش ولاّت ماسطة وباسلة ملّي دخل علينا هالبلاستيك والباكوّات والإشهار اللّي مازال كان باش يلصّقوه في جبين كلّ مواطن باش وين يتلفّت يراه

...

والله ما فهمتش جماعة المعامل هاذم آشبيهم؟ ما ريتهم يصنعو كان في الرّهج حاشاكم، هاو ياغورت، هاو كايك، هاو مقرونة، هاي شاميّة... يا خويا ما فمّاش واحد يصنع كرهبة؟ كمبيوتر؟ راديو كاسات؟ حتّى دين أم بريكيّة؟

...

سيّبوهالنا الماكلة، أتوّ إنطيّبوها وحدنا تجي أبنّ و أنفع، ياخي نحنا باش نموتو بالشرّ كان تنقص ماركة متاع ياغورت ولاّ بشكوتو؟

...

هذا قالّك كبرنا مع طوم، تقولش ما عندناش ديار ولاّ عايلات وهو كبّرنا عندو في المعمل متاع البسكويت

...

ولاّ الأخرى قالتلك صافية تدوّم العشرة، توّة هذا كلام؟ الناس باش تتعاشر على خاطر جرد دبّوزة ماء؟ يحب يقول اللّي النّاس اللّي طلّقو من بعضهم هاذوكم خاطر ما شربوش الصافية؟

...

حاسيلو من غير ما إنطوّل عليكم، لا عاد فيها لا خبز أمّي ولا فطاير بابا، ومارسيل خليفة متاع الجيل القادم باش يغنّي على كارفور

...

هيّا بالسّلامة، كرّزت

بلادي يا أبلد بلاد

أنا بكل صراحة وبكل فخر نعتبر نفسي إنسان وطني برشة
...
أنا الحسّ الوطني جاني من قبل حتّـى ما أمّي يجيها الحسّ وتجيبني
...
سي ديجا أنا كي نقوم الصباح، وقبل ما نغسل وجهي نغنّي النشيد الوطني عالأقـل ثلاثة مرّات
...
برشة ناس قالولي نقص مالوطنيّة، خمّم شويّة في صحّتك ومستقبلك، موش نورمال الشيء اللّي تعمل فيه، راك ولّيت وطني أكثر حتّى من بطاقة التعريف
...
. الله غالب، قلتلهم، ما إنّجّمش
...
تونس بالنسبة لي شخصيّا هي البلاد الوحيدة في العالم اللّي إنّجّم نعيش فيها، وهذا ماهوش بوليتيك نعمل فيه باش يحطّوني مسهول ولاّ نتعدّى في التلفزة
...
باللّه سمّيولي بلاد ينجّم الواحد يشيخ بالضحك فيها أكثر من بلادنا؟
...
البلدان الأخرى ياسر فيها جدّيّات وناس معقدة، مغرومين يا بالخدمة، يا بالقراية والعلوم، يا بالسّلاح والحروبات، يا بالصلاة والعبادة
...
حاسيلو كثرولها بالحكايات هاذي متاع الكبّي والقينية
el guinya (موش غينيا متاع إفريقيا)
...
أنا خوكم مغروم بالحكايات الفارغة، والريق البارد، والقعدات ، والتكشيخ والضحك على الناس
...
في بلادي الغالية إنّجّم نضحك على الصفاقسي ونقلّو يا قرنيطة
...
وعلى الساحلي ونقلّو يا شرّاب الزّيت
...
وعلى الجندوبي ونقلّو يا دوبة-جن
...
وعلى جمهور الافريقي ونقولّو يا جبورة
...
وعلى مواطنينا بالخارج ونقلّهم يا زمقري
...
وعلى الجرايد، وعلى التلفزة، وعلى الكبير والصغير واللّي يدبي على الحصير
...
ونضحك حتّى على روحي ساعات، ونقول ملاّ بهيم، ملاّ بوهالي، ملاّ دغفة
...
بالله آش تحبّوني نمشي نعمل في بلاد أخرى ونسلّم في بلادتي و بلادة بلادي، أبلد بلاد وأحلى بلاد في العالم؟

Tyler Durden Says:

You are not your job.

You are not how much you have in the bank.

You are not the contents of your wallet.

You are not your fucking clothes...

Sticking feathers up your butt does not make you a chicken...

This is your life and it's ending one minute at a time...

Self-Improvement is masturbation. Self-Desruction might be the only answer.

You are not a beautiful and unique snowflake.You are the same decaying matter as everything else.

We are the all-singing all-dancing crap of the world.

You have to know, not fear, that someday you are going to die.Until you know and embrace that, you are useless.

I am Jack's wasted life,

I am Jack's broken heart,

I am Jack's inflamed senses,

I am Jack's smirking revenge...

صدام حسين و الصحافة بودورو

يبدوأنّ قصّة الحب بين صدام حسين وبعض الصّحف المنحطّة مازالت باش تتواصل إلى ما لا نهاية

ولعلّ السبب في هذا يرجع إلى أنّ الطيور على أشكالها تقع، يعني اللّي الزوز يتلاقاو في الرجعية والتخلّف والإنحطاط، وكيما يقولو الأنقليز

Misery Loves Company

وأكيد أنّو فمّا أسباب أخرى لعلّكم فهمتوها وحدكم، موش لازم لين نقولو هونيّا بير

...

المفيد قصة الحب متواصلة، وصدّام مازال عند بعض الساذجين من الناس، المتأثرين بهذا النوع من الصحافة، مازال يحمل صورة البطل القومي اللّي رفع رأس العرب ودافع عليهم ضدّ "الكفّار" و اليهود

ما نحبّش ندخل في مناقشة طويلة وزايدة على تقييم اللّي عملو صدّام خلال مسيرتو الطويلة، على خاطر الموضوع هذا مفروغ منّو بالنسبة لي و لأيّ إنسان عندو شويّة عقل ومنطق، ومع هذا مازلنا نسمعو ونقراو كل يوم، في ناس تشكر وتمجّد في صدّام، وعلى راسهم بعض الجرايد متاعنا، اللّي مازالت تحكي كاينّها الحرب متاع العراق بدات البارح وصدّام مازال باش يزدم، وقت اللّي هي الحرب هاذي وفات من قبل حتّى ما تبدى

...

على رأس هالجرايد هاذي واللّي غلّبت عليّا جريدة "الشروق" المحترمة اللّي ما زالت تحكيلي على جيش صدّام وعلى محاكمة "الرئيس صدّام"، وعلى نظريّات و مؤامرات وخرافات متاع أفلام الـ

science-fiction

هذا الكلّ باش ما يقولوش راهو صدّام خسر و تهرد وتكبّ سعدو وأيّامو وأيّام العراق معاه

...

يا سيدي باش نحكيلكم شبه نكتة صارتلي ما عندهاش برشة مع واحد تاكسيست، راجل كبير مسكين، قام يحكيلي على العراق وعلى صدّام بعد ما عدّاو الأخبار في الراديو، ونأكّدلكم أنّو الراجل ماهوش يفدلك ومتأكّد ألف في الميا من صحّة كلامو

...

قاللي يا سيدي اللّي السيّد اللّي يحاكمو فيه ما هوش صدّام، هاذاكا واحد من الـ50

sosies

اللّي عاملهم صدّام يشبهولو في العراق باش يتلّف بيهم الجرّة،

أما صدّام الحقيقي، فالسيّد قالّك راهو متخبّيلهم تحت الأرض هو و300.000 جندي، مانيش عارف عاد لا كيفاش ياكلو ولا كيفاش يتنفّسو عندهم أكثر من عام، والخطّة المدروسة والحاضرة من قبل الحرب حسب عمّ الرّاجل هي أنّهم باش يستنّاو الأمريكان حتّى يطمانو ووقتها باش يخرجولهم من تحت الأرض في اللّيل ويذبحوهم الكلّ

...

بصراحة أوّل ردّة فعل جات لبالي هي أنّي نقوللو هبّطني هوني راني ما نحملش الجهل العربي الأصيل، هذا إذا كان ما سبّيتوش

...

أما من بعد لقيت زايد باش نتعاند معاه ولاّ نحاول نفهّمو، وزيد هو راجل كبير آش مازالّو في الدنيا؟ خلّيه ينعم بجهلو حتّى يهز ربّي متاعو. ولّيت قلتلو يا بابا كلامك صحيح وتباركلّه عليك في الثقافة والبوليتيك

...

الحكاية هاذي ما حكيتهاش باش نضحّككم على راجل كبير مسكين، ولكن باش تشوفو قدّاش الناس ساعات تحبّ تعيش في الخيال والأسطورة، خاصّة لمّا تلقى صحافة تنفخلها في وذنيها وتكمّل على ما بيها

...

ظاهرلي في الحلقة الأخيرة من هالكوميدي دراماتيك لازمو صدّام بيدو يجبد نسخة من جريدة الشروق في وسط المحكمة ويبدى يندب فيهم حيار ويقوللهم "فكّو على ...ي ، راهي الحرب وفات و راني خسرت... أمها الكلبة. برّاو إكتبو على حاجة أخرى ينعن ...كم وقيلو ...ي"

...

ظاهرلي وقتها يمكن يبدّلو ساعة بساعة أخرى و يلوّجو على سخافات أخرى يحكيو عليها

العراق، أو أكثر بلاد سعدها مكبوب في العالم

مادامت الناس الكلّ تحكي على لبنان النّهارين، قلت أنا ما فيها باس كان نحكي على بلاد أخرى، حالها ما يقلّش على حال لبنان في التعاسة، ويمكن حتّى أتعس، ألا وهي كيما طلّعتوها، تباركلّه عليكم، العراق

...

من الحجّاج إبن جوزيف إلى الزرقاوي المستحمر مرورا بزدّام حسين، ما نظنّش اللّي فمّا بلاد في العالم سعدها مكبوب أكثر من العراق في تاريخ البشريّة

...

يا رسول الله، ما جاء حتّى رئيس ولاّ ملك ولاّ حتّى معتمد يصلح باش يحاول يلقى حلّ لها البلاد المسكينة؟

...

كل يوم يموتو هاو ميا، هاو خمسين، تقولش ذبّان قاعد يموت، موش بشر

...

والله أنا ما فهمتش ، وسامحوني في الكلمة، هالكمشة طحّانة اللّي يفجّرو في الكراهب على العباد آش مازالو يحبّو يعملو آخر؟

...

كان على الأمريكان باش تضربولهم على الطيّارة

(au sens propre et au sens figuré)

ماهم خارجين إلاّ كي يظهرلهم

...

و كانكم على سمعتنا كعرب و مسلمين، هاكم شوّهتو أمّها و ردّيتونا في الحضيض

...

و كان على "القضايا العربية النبيلة"، هاي أمّها الكلبة إتهردت، باش ما نقولش كلمة أخرى

...

أما عاد كان قلبكم حارقكم على الدّين، بجاه ربّي فهّموني أما هو الدين اللّي يقوللكم فجّرو كرهبة في وسط سوق، إذا كان ماهوش دين والديكم الكلب؟؟؟

Kleptomanie

حبيت اليوم نصارحكم بحقيقة لازم تعرفوها على شخصي المتواضع: أنا إنسان مغروم بالسرقة، هكّا من عند ربّي سبحانو. هوايتي اللي نعمل بيها كيف هي السرقة.

...

أما المقصود ـ باش ما نفهموش بعضنا بالغالط ـ ماهوش أنّي نحب نسرق الناس والعياذ بالله... الله يبعد علينا فلوس الحرام وأولاد الحرام

...

. لا، أنا نتفرهد ونشيخ كيف يسرقوني الناس

...

إي نعم، أنا هكّاكة، يبدى واحد يسرقلي في حاجتي وأنا نتلذذ و نتبنّن ونرحّملو على والدين والديه

...

القهواجي، الكسكروتاجي،البوسطاجي، العوّادجي، التونيزياناجي، التيليكومجي، بكلّهم يبداو يسرقو فيّا وأنا شايخ و ناصب تقول مسحور

...

يا سيدي لواش نطوّل فيها عليكم؟ منهم مرّة تعدّات جمعة كاملة وما سرقني حدّ، تي شويّة لا متّ، لوكان موش الدّوايات، والطبيب والفارماسيان، الله يرحم والديهم، زادو سرقوني باش تفرهدت

...

ومانيش فاهم الحكاية الغريبة هاذي منين جاتني بصراحة؟

زعمة خلل في الجينات متاعي ورثتو على العايلة والجدود، ولاّ مجرّد إستيناس بالسرقة والسرّاق حتّى لين ولاّتلي كيف "المخضّرات" اللّي ما عادش إنّجّم نستغنى عليها؟

اليوم بركة ناخذلها خوكم عالصّباح سيفت دوزة سرقة تعمل 66 كيف، أما شنوّة، بذخامة ، موش ريق بارد متاع نطّارة البورتابلوات

بجاه ربّي تأمّلو معايا الإبداع والفنّّ: توّة أنا خوكم عندي جرد خردة 205 أصغر منّي بالأشهرة سومها 3 ملاين وشويّة صرف، جيت باش نعمللها تأمين

MAE عند الـ(assurance)

اللّي هي زعمة معروفة أرخص وحدة في شركات التأمين

(الله لا تربّحهم، قولو آمين)

الجماعة هاذم، بالمزيّة وبالمعارف، قالولي نعملولك 6 شهور بـ200 دينار فقط

ميتين دنّوس يا دين الرّب يعاودولي شطر الكرهبة، نعطيهم للسيقورتة على ستة شهور؟

علاش لا؟

ولّيت كيف الرّاجل، دخّلت يدّي لجيبي ومدّيت الفليّسات وأنا نستحلى في هالسرقة الممتازة

والله لا يقطعلنا عادة

العرب واليهود

حبّيت نشوف معاكم العلاقة ما بين العرب واليهود من خلال اللغة اللّي في رأيي تنجم تكون أحسن مراية نشوفو فيها اللاّوعي الجماعي للشعوب و الحضارات المختلفة

وما دمت مازلت ما تعلمتش اللغة العبرية، باش نحكي بالأساس على اللغة العربية القحّة، و زادة الموش قحّة يعني الدّارجة

توّا نحنا من جهة نقولو "شماتة يهود" و"سياسة يهود" و "ملاّ يهودي" كدلالة على الخبث والدهاء والمكر والتكمبين وسوء النيّة

ومن جهة أخرى نقولو "عظم عربي" و زبدة عربي" و "زين عربي" للتعبير على الجمال الطبيعي والطعم الأصيل

أما زادة نقولو " خدمة عربي" و "سيدي عربي" و "الكرب" و "عربت خربت" للدلالة على المستوى المنحط و النذالة والتخلّف والتبلفيط و الرجعيّة

آش ينجّم يفهم الإنسان مالحكاية هاذي؟

أنا نفهم أنّهم العرب ، وأنا واحد منهم،عندهم مشكلة هويّة، يعني لا عارفين رواحهم باهين كيف العظم العربي ولا مشومين كي الخدمة العربي

و ظاهري حتّى أنهم يعرفو اليهود أكثر مالّي يعرفو رواحهم، ويمكن حتّى يعرّفو رواحهم كعرب باش ما يطلعوش يهود، بحيث كان نفرضو نهار نقومو في الصباح و نلقاو الدنيا فرغت ماليهود، ما يقعدلنا حتّى سبب باش نقعدو عرب. يولّي كل واحد يدبّر ملّة جديدة يلحم روحو معاها وتوفى حكاية العروبة إلى الأبد

أنا ما نحبّش نتدخّل في أمور ما تعنينيش، أما ظاهرلي كان نبداو نعرفو أرواحنا ومشاكلنا ، ومنين جينا، ولفين ماشين، أحسن ملّي نسبّو في الناس بالفارغ

الفخر و الفخرة

وأنا نكتب في موضوع التنمية المستديمة جاء لبالي سؤال حيّرني و أرّق ليلي كيما يقولو جماعة لغة الضاد

السؤال هو علاش كي يبدى الواحد يحكي بالعربية الفصحى يقول "بكلّ فخر" وكي يبدى يحكي بلوغتنا الدارجة يقول "من غير فخرة"؟

؟؟؟

زعمة لواش، قلت أنا، الفخر ميسالش والفخرة لا؟

زعمة الفخر باهي والفخرة دونيّة؟

ولاّ خاطرها الفخرة أنثى والفخر ذكر، نولّـيو نبجّـلو الفخر ونخلّيو الفخرة في الدار للقعدات والمناسبات؟

ولاّ زعمة خاطراللغة العربية الفصحى هي بطبيعتها لغة متاع ضربان اللوغة، يعني ما نستعملوها كان للتفشليم والتبلعيط، وهاذاكا علاش إنّـجّمو نبداو نفخرو بالكذب، حتّى كان ما عندنا شيء يستاهل الفخر؟

أمّـا اللغة الدّارجة، وبما أنّنا نستعملوها مابيناتنا، كي ما يبداش معانا برّاني، عاد ولّينا نحّينا منها حكاية التفوخير هذا مادامنا بكلّنا نعرفو مليح اللّي عندنا، وخاصة اللّي ما عندناش، والّي في الواقع ما فمّا شيء يستاهل باش نتفوخرو بيه على بعضنا ولا على النّاس، ياخي ولّـينا قلنا الفخرة موش باهية، و بالشوية بالشوية حتّى لين ولاّت عيب، و ولّى الواحد يحشم على روحو باش يتفوخر (وظاهرلي زادة من هنا جات كلمة "يتفورخ")، و ولّى الإنسان حتّى كيف باش يحكي حكاية فيها نوع هكّا مالتفوخير يحشم على روحو ويلقفها بكلمة"من غير فخرة" على خاطرو يخاف لا يتهنتل قدّام النّاس ويظهر كاينّو فخور و معتزّ وعندو كل مقوّمات الفخر و العزّة و الكرامة، كيما يقولوهاك الفشلامة، جماعة لغة الضاد المضروبة

Développement Durable

Le développement durable,
أو بالعربي التنمية المستديمة، هي التنمية اللّي تحافظ على البيئة السليمة والمحيط
معناها بالفلاّقي حتّى شيء ما يتلوّح، كل شيء يعملولو رسكلة ، يعني
."recyclage"
ونحنا في تونس، ومن غير فخرة، من أوّل البلدان في التنمية المستديمة
والدليل على هذا اللّي عندنا نحنا، حتّى شيء، وحتّى حـدّ، ما يتلوّح
تي هو حتّى علي بومنيجل ما عادش يتلوّح على الكورة
وعندو الحق، عم علي، أما خير ولاّ يضرّلنا الطبيعة متاعنا؟

ونزيدك على هذا يا سيدي عندنا نوع آخر ما تلقاه في حتّى بلاد أخرى، وإسمو تنمية المستديرة

النوع هذا يتحمّل فيه كل إنسان مسؤولية تنمية المستديرة متاعو، واللّي ما عندوش مستديرة باهية نسلّـفوه ويخلّص بالتقسيط

يبدى المواطن هذا ينمّي ينمّي ينمّي في المستديرة حتّى لين تنمو وتولّيلو

fond de commerce

وكيف يتعدّى واحد يسألو فاش تعمل، يقلّو: هاني إنّمّي

je traduis: "hani ennammi"

وهو في الحقيقة، كي إنّـمّـي،

ولاّ ما إنّـمّـيش

كيف كيف

على خاطر كي نبدا أنا داخل عليها

نمّـي نمّـي

على بعضو

وغيري ما إينمّـيش

الحقيقة موش آفار

وإنّـجّـم حتّى نقول، حكاية كي

...

كي شنوّة زعمة؟

La nation Arabe et le Club Africain de Tunis

La nation arabe telle qu'elle est aujourd'hui me rappelle beaucoup du CA (Club Africain de tunis).

Sérieusement, pensez-y. Il y'a tant de points communs:

- Les deux vivent, ou survivent, dans les souvenirs d'un glorieux passé.

- Les deux sont incapables de gagner.

- Les deux ont un complexe d'infériorité face à leur plus grand rival.

- Les deux parlent trop (haddara) et ne font rien.

- Les deux sont devenus des spéctateurs dans la compétition, et faute de remporter un titre quelconque, on leur a attribué le titre de "meilleur public du championnat". Autant dire ezzouz nabbara!

>

P.S: Remarquez que j'ai rien contre le CA. Sans être un fan du championnat tunisien, je suis un des rares qui supportent les trois grands clubs de la capitale (ST, EST et CA) en même temps.

Petit blog recrute modérateurs

Je crois que je ne peux plus continuer comme ça!

Je veux dire, ça fait trop longtemps que j'écris ce que je veux sur ce blog et il n'y'a personne qui viens me faire de leçons de morale, personne qui me dis de la fermer, personne pour me rappeler qui je suis et où je suis?

Merde, ça me manque tout ça! Comment vivre sans censure?

Moi j'ai tellement pris l'habitude que je suis devenu accro à ça. Merde, personne ne peux m'aider? J'ai des démangeaisons et des boutons qui me poussent dans le dos à cause de ce manque de censure, de cet excés de libérté de merde! J'ai besoin de retrouver mon identité, j'ai besoin d'un modérateur ici!