mardi, avril 17, 2007

يـــا ديــن الـــرّب



الدنيا ماكلة بعضها، حروبات وصوارخ والدم للركبة

قال شنوة كلّ واحد لازم يحارب ويدافع على دينو ودين ربّو

وهاذي حكاية بصراحة ماهيش داخلة لمخـّي، على خاطر الناس الكلّ يقولوا أنـّهم قاعدين يعبدو في رب واحد، ومن بعد درجين تلقاهم كلّ واحد جابد على الآخر سيف وإلاّ مدفع ويحبّ ينحـّيلو الرّب متاعو ويعوّضهولو بربّ آخر يظهرلو خير من ربّو


يعني المشكلة كيف تجي تشوف ماهيش مشكلة متاع ربوبة، على خاطر
الربوبة الصحاح كيف يجيو باش يتحاربو ماهمش في حاجة لبعابص الكبّار باش تضرب معاهم وإلاّ باش تحزّ حزّة باجيـّة كيما يقولو فيها

مادام ربّنا هو بيدو ربّهم، يعني نحنا نعبدو في ربّ واحد بطرق مختلفة و بأديان مختلفة

أنا كان ماشي في بالي المشكلة في ربّهم هوما. تلقاني خوك نبدا نخمّم بيني وبين روحي، ونقول آشبي ربّهم؟

ومن بعد قلت الحكاية ما تكون كان منهم هوما بيدهم وموش من ربّهم: يا خويا بعد اللّي مسيّبين ربّهم ولاهين بربّنا...ماهو لاباس؟

هو كي تجي تشوف، نحنا زادة ما عرفناش نتصرّفوا معاهم: كانو قايليننا وعمرهم ما يدورو بينا، ياخي مشينالهم بساقينا، قال شنوّة نحبّو ندخـّلوهم معانا ونردّوهم يعبدو في ربّنا، وتوّة كيف ولاّو مسيّبين مشاكل الدنيا الكلّ وعابدين ربّنا، ولّينا متـقـلّـقين وماهوش مساعدنا


أما زادة في الواقع عندنا الحق، على خاطرنا نحنا نعرفو اللّي كلّ واحد كيف يتولد يهبط من كرش أمّو على ديننا الحنيف، ومن بعد يمشي يتبع دين والديه اللّي يهوّدوه وإلاّ ينصّروه وإلاّ يمجّسوه. وهذا يعني اللي نحنا منعنا، على خاطر دين والدينا هو الدين الأصلي اللي تولدنا بيه، يعني دين دوريجين، موش معاود كيما دين والديهم هوما

نولّيوش نحنا كل مرّة شادّين واحد منهم إنـّحيولو في والديه باش يقعد على دينو الأصلي؟

آش عملنا وجاء مليح تراه ؟

خلاصة القول، وبما أنها الربوبة بطبيعتها ما تحتاجش لشكون باش يدافع عليها، أنا شخصيا ولّيت نرى اللّي أيّ واحد يدّعي أنّو يحارب باسم دين ربّو، مهما كان هذا الربّ، فهو في الحقيقة قاعد يحارب باش يدافع على دين والديه، لا أكثر ولا أقل

تي ربّي يهدي وبرّة








32 commentaires:

takamaka a dit…

ha ha ha.
bien visé BTB.
mais fait attentions à tes arrières, on peut te flingué...

Naddo_O a dit…

ya3tik douda 9taltni be4o7k, ama taw haw bech thayyej 3lina echa3b w la feyda, 5allini nohrob ! rabbi yehdik ! :D

Infinity a dit…

Tu devrais écrire pour le théatre wallah !

Bravo :)

Anonyme a dit…

7atta kif trabrab, ettrabrib mte3ik y4a77ak.

Félicitations pour ce blog excellent!

Anonyme a dit…

J’aime la guerre :p

Monsieur Untel a dit…

Excellent, "ya din errab !" ;)

Anonyme a dit…

mella enti ya bou rabbb !! mwahhhhhhh :D

Marsoise a dit…

Monsieur BTB s'ils vous plaît;)

Unknown a dit…

I béhi. Wou inti, ckounou rabbik?

Big Trap Boy a dit…

@ tamaka:

ça va, j'ai apporté mes armes et mis mon gilet pare-balles :)

@ Naddou:

pour le moment y'a pas de problèmes haya yézzi mel jobn ou o93od ochrob 7aja, walla méchia tetma3cha9 enti wel clavier mté3ik? :p

@ Infinity:

Merci, on m'a dit ça mais il faudrait que je quitte mon boulot avant :D

@ anonyme:

Merci, inchallah dima tjini wenrabréb 3lik, si ça te fait autant plaisir :)

@ Massir:

Chnowwa el 7kéya? enti Massir walla sou2él el malakayn? :)

@ Naufrage:

Chkounou hétha "bou errabb"?
:))

Anonyme a dit…

Hereusement Din Rabbi wou din Rabbik Kif kif

@tem a dit…

rien a dire, continue!
mm si ça necessite reflexion mais ce serait pour bientot!

Anonyme a dit…

c tres marrant bien que je connnais deja la blague. c le professeur d'education islamique, mecontent de la visite de l'inspecteur il s'adresse a ses eleves "ettarbia l islemeya heya medda t3arrafna 3la dinna, din sayed lmetfa9ed, din ommou, din welih w zeda 3la rabii rab sayed lmetfa9ed rab ommou rab rab weldih"

Adams a dit…

قريبا باش يحلولك دار للافتاء خاصة بالمدونين او تو تشوف آش يعملولك
:D

medmed a dit…

super

Leila Ben Soltane a dit…

أما مالا ربروب إنت

Big Trap Boy a dit…

@ Leila Ben Soltane:

آه ذكرتني بالربروب وأنا كنت ناسيه

كارني حكيت عليه هو زاده باش نبيـّنو الفرق ما بين الرب والربروب، هاذي مسألة فلسفية مهمة

:)

Anonyme a dit…

ya3tik essaha ki jbedt hkayet rabbhom, ou thakkartni illi din rabbi, ou din rabbhom mahouch kif kif. Ama nheb na3ref Twa rabbek houa rabbrom oulla la? Ou inti m3ana fi din rabbna, oualla ma3hom fi din rabbhom.
Questio que tu doit repondre.

Big Trap Boy a dit…

@ O.P:

Ena m3ak fi din rabbek ya khouya, ma t5afech, a7na 3morna ma neb3dou 3ala din rabbna ou din wéldina :))

هيّا يزّيو من التربريب وإنتوما ما صدّقتو لربّي (و لربّكم) لقيتو فرصة باش تبلبزو دين أمها

:))

Naddo_O a dit…

:))))))))

c'est trop génial ce post ! :)

ayya hani jit ma l9it 7ad, illotf nes tesdad3a w tafra7ch be4ief ! :D

et oui nitma3cha9 avec mon clavier, chnoua ghirt ? :P

maxulaprates a dit…

ya sahbi personne ma yhareb ala khater rabou .. akbar dalil : les islamistes awwal ma yebdew yotlbou le pouvoir .. alors quue ken jeou yhebbou yonsrou rabbhom rahom yetlhew bel ousakh wensakh elli partout .. yaamlou nahdha ijtima3eyya et ils relancent notre culture et notre civilsation

ama houma ylawejou al pouvoir la akthar la akal

el haasel mel amr .. rabbi ya hdihomwa ella yeddihom

Anonyme a dit…

errab a3lik ya okht héla


(7abboubou qui s'adresse à héla errokbi dans un interview )

Anonyme a dit…

qui tu as dis que وهذا يعني اللي نحنا منعنا،
rien n est assuré

Anonyme a dit…

c'est bien amma rabbek yesser trabrib!!! je t'encourage si t'as besoin d'aide tu peux compter sur moi, ena errab mta din rabhom el kol

Anonyme a dit…

ti chnia rabkom el hala hedhi!!! yeziou bla trabrib

baz2x1 a dit…

Dés le premier post que j'ai lut sur ce blog j'ai su que son créateur est rabroub. et depuis ni3bid firrab illi 5al9ou.
7assilou ma9oua rabbou.

kachbour a dit…

enti houwa mta3 rabbek w rabbhomm?
chwasslek lihom? ta3rafehom? chofetthom? fi belek bihom?
hadra fargha, assma3 klemi, ma fammech menhom, tawwa ne3ebdou fihom, ba3ed 1000 3am tattla3 lamoudha jdida, kima 9ball, sanba, narr, chamess ..., twwa rbouba, w ba3ed 7aja o5ra, w ya9raw 3lina w 3lihom fel tari5, non?

Anonyme a dit…

merci beaucoup pour ce recit tres veridique ca montre la connerie des hommes! yahya el koffar!
ou kolna andna fard rab! rbkom howa rabi ou rab jarkom howa rabkom! allez en paix mes amis ou khaliwa rboubetkom raydhin!

dobba a dit…

RAbroub ta3 traberib dhronetek ? aya rabbi we rabbek we rabbehom lekoll m3ak !

Anonyme a dit…

يعطيك صخطة يا البيغ!

و الله شعرة باش نموت من الضحك, راي رصتلي انقابل في ربي و ربك و ربوبهم الكل

أما انتا و حدك يالبيغ


خوك راعي الاجمال في الصحرا

Th3 F@TaL a dit…

ibjeh rabbi ya BTB 9olli achnowa il 7al illi ifhimtou rabna w rabhom we7id w la rabna w larabhom may7ib il 7arib.Yekhi houma mafihmouch rabna walla na7na mafhimnaichi rabhom mela winje din fil a7keya mela irab khati wil mochkla il okl fi din irrab...ma9wek ya bou rabbbb

rabroub001 a dit…

éna rabroub akbir wé7id irabrib fi idinya 7édi wéna rabik im3ak win7arbo rab7om mab3adna!.