mercredi, juin 06, 2007

مغامرات "تانتان" في عالم السياسة تتواصل

الحلقة 725 - "تانتان" ضد المدونات التونسية



والله كنت ساخف على حال البعض وتجنبت باش نكتب في الموضوع كيما عملت نادية "الحديد يزيد" في مدونتها بطريقة ديبلوماسية، من ناحية على خاطرني مانيش ديبلوماسي، ومن ناحية أخرى لأسباب إنسانية بما أنو عيب تعطي لواحد مشطة في خشمو وهو طايح في القاعة، أما زادة القباحة ربّي ما قالش بيها، ولهذا باش نلبس بوط باهي بالرغم من السخانة ونشوط على قوة جهدي. والليّ جابها لـ"ماتريالو" يوسّع بالو...

يوم التدوين للمغرب العربي ما عجبش برشة ناس وهذا من حقهم وحتى حدّ ما غصّب على حدّ باش يشارك حسب علمي. فمّا ناس قالت "لا" للفكرة وأعطات تفسيرها، بارك الله فيهم، وفمّا ناس قالت لا من غير تفسير وبارك الله فيهم، وفمّا ناس قالت لا وقامت تسمّع فينا في الكلام وسكتنا عليهم، ياخي هاو زادو على قدّام ولا حشموا ولا جعروا.

فمّا جماعة يعتبرو رواحهم الناطقين بإسم "تشي غيفارا" على الانترنت قالّك البلوغوسفير كيف عملت حملة المغرب الكبير تساند في الديكتاتورية وتهز في القفة اللي هي بالطبيعة صنعتنا الكلّ في المدونات التونسية، بالطبيعة مادامنا ما خذيناش ترخيص في النضال من عند أصحاب المواقع المحجوبة حاشى صلاّحهم.

اليوم في الفوروم متاع السيد الغضبان علينا واللي ما تنجموش تقراوه من تونس، وكان موش عيب تو نقول ملاّ راحة، نلقى النص التالي ونخلّيكم تقراوه في عقلكم على مدونة صاحبو "الغريب في باريس":

L'union des dictateurs et des bénits oui-oui !




بالله أعطيوني رايكم في هالمناضلين بو دورو... ومن بعد نستغربو كيفاش الأنظمة في البلدان العربية تقعد في الحكم بالثلاثين والأربعين سنة؟ عادي ياسر، مادام فمّا ناس من النوع هذا في المعارضة أنا واحد من الناس كان جيت نحكم راني شديت الكرسي 600 سنة موش عشرة وعشرين.

ما نيش باش نجاوب على السبّ والكلام الشخصي اللي قالو الحيوان هذا على خاطر ما يستحقش باش نعملّو طاولة وكراسي، أما نحب نوضح بعض الأمورللّي مازال ما فهمش:

أولا- المدونة متاعي والمدونات التونسية ماهيش مسؤولة على وضع البلاد وما هيش تنظيم سياسي ولا حتى جمعية مدنية باش نعملولها برنامج يعجب فلان وإلاّ فلتان. المدونة ماهي إلاّ مساحة شخصية يعمل بيها صاحبها اللي يظهرلو، اللّي عجبو عجبو واللّي ما عجبوش الله لا يفكّر بوالديه، جاب ربي ميكروسوفت عملتلكم في كل شباك مربع أحمر فيه قاطع ومقطوع الفوق على اليمين باش علاقتنا بيكم ما تطوالش أكثر من اللازم ونقعدو بالقدر

ثانيا- المدونة متاعي أنا شخصيا ، اللي فيها صور للبيرة والجنس (اللي بالطبيعة ما هيش حاجات مستانسين بها في بلادنا، وخاصة جماعة اليسار يتفجعوا منها برشة) هي اللي عملت حملة جمعت فيها المدونين التوانسة والمغاربة حول موضوع للحوار وللتفكير الجماعي ولا لفرض الرأي الواحد على الجميع، وكانت حملة ناجحة شخنا فيها وعملنا "بون كيف" والبريمة يعمل مجهودو باش "يحوّس يفهم" معانا.

في بالي اللي الناس اللي استانست بالفشل تتقلق من أي حكاية تنجح أما ما فيباليش للدرجة هاذي أموركم تاعبة فكريا قبل ما تكون نفسيّا

ثالثا- مدونتي وأي مدونة أخرى، يا متاع الحرية، هي حرّة، تكتب في اللي تحب، تساند اللي تحبّ، اتطفـّي الضوء على اللي تحبّ، تحقر اللي تحب...أمـــــورهــــــــــــا. بالعربي: نساندو الحكومة، نساندو كريم، نساندو نعيم، نساندو الكورة، نساندو البيرة، نساندو حزب الديك، نساندو شارون، نساندو الكلاب... حاجة تعنينا نحنا بركة، على مزاجنا قال المصراوي، باهي لحديـــــــــــث يا فريــــــــــــــــــــــد؟ أو نورمـــــــــــــااااال

رابعا- يا خويا سبحان الله، تي هو الحاكم، اللي عندو الشرطة والجيش والإدارة والكياسات والمكاتب والجامعات والسبيطارات والستاغ والصوناد و الحماية المدنية عمرو في ثلاثين سنة ما جاء قالّي لازمك تدخل معانا في التجمّع بالسيف عليك، باش تجي إنتي، أقوى حاجة في حياتك "كلافيي" متاع كمبيوتر تقولّي اليوم أدخل معانا للمعارضة بالسيف ما كانش نسمّيوك طحّان؟ ياخويا هاو إمّالا أنا باش ندوّرها بالرسمي تقفيف وتبندير في المدونة متاعي وحاولوا كيفاش تتعرضولي في الدورة إنتوما ونواة وفكرة والبريمة فيكم، وكان فمّا فيكم مناضل كبير يحسّ في روحو عامل عليّا مزيّة يخلّيها عندو وبارك الله فيه، راني ما طلبت مزايا من حتى حد، يعجبكشي توة قلة الحياء هاذي؟

خامسا- بجاه ربي هاللي عامل موقع "فكرة" ويسمّع في المدونين في الكلام قال آشنوة مستواهم ما عجبوش ويحكيو في التفاهات، بالله يعطيني آشنوة الفكرة اللي تصلح اللي جابها واللي ما في بالناش بيها خلّي نستفادو منّو، آه الديموقراطية باهية؟ والله ما فيبالناش. الحريّة لازمة؟ يزّي عاد؟ ما تقول هالكلام؟ والله من فمّك نسمع. إيه وإمبعّد؟ آش نعملو؟ نجيو الكلّنا بحذاك لهولاندا؟ تدبّرلي فيزا خلّي نولّي مناضل محترم كيفك أنا زادة؟ لا؟ ما فمّاش بلاصة معاك؟ يا لطيف، خسارة. هيّا تعرفشي كيفاش إمّالا؟ روح بيع اللوح وتواضع شويّة كيف تحكي مع العالم الثالث يا سي المواطن الـ"فايقلها"، ولاّ عندك "فكرة" ما خير؟

سادسا وأخيرا- إنشالله كلامي ما يجرحش الناس المحترمة اللي في المعارضة على خاطرو ماهوش موجّه ليهم ومن غير ما نعمّمو الأمور، "دايور" منهم شكون أصدقاء شخصيين ومنهم شكون شارك في التدوينة من أجل المغرب الكبير يوم 1 جوان، يا خويا حاشاكم وحاشا قدركم، أما هالهوايش ما حبّوش يحشمو ولازمهم شوية كبس.

من ناحية أخرى ما نفهمش كيفاش واحد بعقلو ويدعي أنو يفهم حتى شوية في السياسة، ينجم يعارض فكرة الإندماج المغاربي، قال شنوة لازم الحرية قبل. ياخي الحرية والإندماج ما ينجموش يصيرو بصفة متوازية؟ وإلا على خاطر فما حاجة خايبة لازمنا نبطّلوا الحاجات الباهية الكل في إنتظار هالحرية اللي الله أعلم بيها جاية وإلاّ لا. هذا تفكير متاع ناس تتعامل مع البلاد من وجهة نظر النقمة على النظام فقط، أما مصلحة البلاد ماهيش حاجة مهمة، إنشالله تخلى على ريوس اللي فيها...

الدعوة للإندماج المغاربي ما كانتش تحت شعار البندير كما توجه لذلك
بعض الحمير، ولكن من منطلق أنها العوائق السياسية وغيرها ما لازمهاش توقفنا على الأهداف اللي نحبّوها لرواحنا ولبلادنا. صحيح هذا يقعد رأي شخصي ويمكن أي واحد يناقشو، أما زادة كان باش يولّي البوليتيك ساحة لتبرطيع المغامرين من نوع "تان-تان" و"سكوبيدو" ورفاقه، ولردود الفعل المراهقة باش ما نقولش الصبيانية، بصراحة الواحد يقول يا خيبة المسعى

- آه بالله قبل ما ننسى ولو هي أمور شكلية وحكاية فارغة، أما مادامو صاحب النص مغروم بالحقوق وحبّ يتقوّى شوية على الفرنساوية متاعو ونحنا عرب ما نفهموش حبيت نقلّو اللي راهو المحامي كيف يؤدي القسم بالسوري يقولولها
"faire serment", mouch "faire serrement"
على خاطر ماهيش بولونة باش يكبسوها يعيش ولدي، وعلى كل حال بارك الله فيك على أخلاقك الرفيعة يا مناضل عقاب الزمان، يا أجمل هديّة ينجم الواحد يهديها لديكتاتور


Extraits de la BD "Tintin ministre", clickez pour agrandir


THE END.

27 commentaires:

عماد حبيب a dit…

صباح الخير بوها،

:)

من غير ما نطول و من غير ما نجبد الحكاية الأصلية الي أنا لا شاركت ولا باش نعلق عليها

حبيت نقول لك

أولا مبروك رجوع البانر

و ثانيا ثمة كلمتين انت قلتهم يستحقوا اني نساندك
و نحييك عليهم و خل يقيدوا قفاف موش مشكل
:))


يوم التدوين للمغرب العربي ما عجبش برشة ناس وهذا من حقهم وحتى حدّ ما غصّب على حدّ باش يشارك حسب علمي. فمّا ناس قالت "لا" للفكرة وأعطات تفسيرها، بارك الله فيهم، وفمّا ناس قالت لا من غير تفسير وبارك الله فيهم، وفمّا ناس قالت لا وقامت تسمّع فينا في الكلام وسكتنا عليهم،

et

فمّا جماعة يعتبرو رواحهم الناطقين بإسم "تشي غيفارا" على الانترنت قالّك البلوغوسفير كيف عملت حملة المغرب الكبير تساند في الديكتاتورية وتهز في القفة اللي هي بالطبيعة صنعتنا الكلّ في المدونات التونسية، بالطبيعة مادامنا ما خذيناش ترخيص في النضال



ترخيص في النضال


;)

أنا علقت قبل ما نقرى نص سامي، لكن تقريبا نعرفآش فيه و برغم أني نقدر كتاباته و نحاول نفهم دوافعوا لكن طبعا مانيش موافقو لا هو لا انت على كل شيئ و على طول الخط

انما حبيت نقول كلمة من القلق و بره

صليو على محمد و ألعنوا الشيطان،

:))

Anonyme a dit…

7assilou kil 3ada wa7dek ya TrapBoy.

maw el mochkla fi tounes elly 7atta 7ad me fhimm 7aja ismha "al 7urriyya achakh´sya".

En tout cas y7ibbou ya3mlou eux aussi nidhamm TOTALITAIRE mte3 mounadhLynn, malla takhallof.

ye sidi ikteb 3ala rou7ekk, we echa3b m3ak !
yekhy chnowwa el blog ? Ti maww keyenik tikteb filly yokhtor 3ala belik , wa7na naqraw welly me me 3ijbouch normally ...

nasr a dit…

Que quelqu'un propose une trêve.
Que tout le monde se remette en question.

Anonyme a dit…

bon tawwa ca y est qrit les 3 premiers paragraphes ...

yessir fih aghlatt mte3 Francais.

me fammech trève ; ti haww mrigg fi ejjmou3 el koll!

Anonyme a dit…

neghrin minek sadiki ... chihemek fihoum

Hamadi a dit…

Ce que tu dis el barto m'interpelent à une discussion il y a qq années avec une connaissance qui se dit opposant de gauche et éngagé.
Je lui posais une question :" Si tu deviens Président, aujourdhui, tu ferais quoi?"
Sa réponse est trés clair: "Je déclare l'état d'urgence, je suspend la constitution et je met tout cette "Hothala"(racaille) en prison".
Venons d'un juriste, et quelqu'un qui parlait des droits de l'homme ce n'est pas bizare pour moi :p.

Ce Monsieur est aujourdhui un fonctionnaire d'état, il a oublié ses engagements d'opposants sous prétexte de droit de réserve de sa fonction :P.

Hier, j'ai vu aussi que un certain Ghaouar un leader de l' UGET (il créa la zizanie chaque jeudi au campus) est membre du Conseil économique et Social, un organe consultatif de l'état au nom de personnalités compétentes :P. Le malheur que des personnes ont perdu leur avenir en le suivant au nom de ce militanisme.

Je ne tire sur Personnes et
Je ne généralise pas mais au moins ses gens qui se sentent opprimés et qui nous taxent pleins de choses que nous nous sentons pas (du moins moi) doivent se donner un peu de libérté et un peu de tolérances et accepter la différence et les prises de positions différentes.
chacun peut et veut servir à sa maniére et selon ses convictions. Personne n'est obligé de se conformer aux avis des autres. On attendra personne comme sauveur au port de la goulette, celui qui fut accueilli un certain 1 juin 1955 est mort et le clonage est interdit en Tunisie.

Sans rancune :P

Anonyme a dit…

Il faut montrer du respect envers les bloggueurs et leurs idées. BTB et MetallicNaddou en font partie.
Passons.

Laissons la politique de coté.

Les atteintes aux droits de l’homme sont une réalité en Tunisie.
Tout le monde en parle ( ONGs + US Department of State + ... ) ...
Sauf les bloggueurs tunisiens.

Ils sont 100 % à se montrer indifférents par rapport à un drame qui peut toucher chacun d’entre nous.

J’aurais aimé que cette proportion descende à 95%, par exemple.

Ce n’est pas le cas, et le constat est amer pour la Tunisphère ...

Les égyptiens font beaucoup mieux.

Rattrapons notre retard.

Naddo_O a dit…

@anonyme: tu sais quelle est la priorité dans ce cas là? c'est que les informations et les opinions arrivent jusqu'aux gens et qu'ils puissent ainsi avoir leur avis là dessus. le problème c'est que ce n'est pas le cas, et que les bloggers dissidents qui ont la possibilité et les infos nécessaires pour en parler renforcent encore plus la barrière créée par la censure en lui accoloant une autre barrière faite de mépris et d'éloignement volontaire. est-ce qu'ils servent la cause en faisant ça ? non!
c'est tout ce que je dis...

Anonyme a dit…

On est arrivé à cette situation non seulement à cause des gens au pouvoir mais aussi à cause de ceux de l'opposition

Infinity a dit…

Ce n'est pas nouveau !
Sami nous a habitué à ça :)
Franchement évitons les insultes .. et comme disait ma grand mère .. illi rékib forka 9ollou mabrouk li7san ..

SSssSSssSS a dit…

@Anonyme : tu sais pourquoi 100% des blogueurs n'en parlent pas parceque le pourcentage de ceux qui en parlaient a disparu, mathématiquement 100% le restera tant que 404 baché te5dem w thezz fel les blogs, comment veux tu avoir 95 % pourcent?

S'il y a 100 blogueurs et 5 parle de ce sujet qui ne laisse personne à vrai dire indiférent, donc on aura 95% pourcent d'indifférents mais quand on emmène en 404 ces 5 blogueurs nous aurons 95/95 qui en parlent et donc nous revoilà à 100% ;)
Il suffisait de calculer tu vois?

BTB : les chiens aboient...

VIOLONIST a dit…

a7la mén hal ijaba hadhi ma thammach.

Téméraire a dit…

Sommes-nous réellement des béni oui-oui? Fort probable.

Nous ne sommes pas des militants (même amateurs), nous sommes des simples citoyens, en fait comme le dit BTB des Nabbaras, ni plus, ni moins.

Je ne pense pas que nous servons les intérêts de n'importe qu'elle partie de cette contrée Maghrébine.

Quelqu'un (BTB) a suscité un rêve profond et nous l'avons suivi dans son élan, attirés par notre rêve, celui de l'Union.

Nous bloguons pour exprimer nos opinions et nos avis, pour parler de nos rêves et de nos envies et même nos fantasmes. Franchement, personne ne veut dépasser des lignes rouges pour que son Blog ne soit pas censuré.

Nous ne sommes pas les béni oui-oui, nous sommes les bouches cousues, les khobsistes, indivudualistes, akhta rassi we odhreb.

nasr a dit…

الجمل حيوان يحمل برشة حكم:
"الجمل ما يراش حدبتو
personne ne veut avoir tort, personne ne se trompe, radhia allahou 3anna.
الجمل ضحك ضحكة، تفلقت ِشفّتُو
On a eu un paradis virtuel de la liberté d'expression, voilà ce qu'on en fait.
encore une fois, que tt ce beau monde accepte de se remettre en question.

Anonyme a dit…

en 2 mots je pourrai peut etre conclure مالحبة عملتو" قبة "
bien sur c'est un avis personnel
si j'etais a votre place
نطفيه


ولكلام مع الي مايفهمكشي......

Anonyme a dit…

comme l'a écrit Stendhal:

"j'ai déjà assez vécu pour voir que différence engendre Haine"

j'espère que votre ouverture d'esprit ne s'arrêtera pas seulement au niveau de vos posts sur vos blogs....l'esprit critique ne consiste pas seulement à critiquer autrui mais à nous critiquer nous-mêmes.

Anonyme a dit…

Y´a une grande difference entre critiquer ; qui vise un theme ou une personne de maniere objective et se moquer des gens..

Et dire "P´tite frappe boy" n´a rien a voir avec une critique.

Anonyme a dit…

Une simple observation: Je ne vois de respect ni d'un coté, ni de l'autre.
Te sens-tu vraiment obligé d'insulter en retour?
Oui il est difficile de contenir sa colere! c'est un travail sur soi qu'on ne devrait pas negliger..
La tunisphere ne cesse de passer d'une crise a une autre, de pseudo-combat, a pseudo-debat: les sujets sont parfois très interessants, mais notre façon de faire 'a la tunisienne', cette agressivité inouie, on l'a dans le sang!
Je fais partie de ceux qui ont du mal a contenir leur colere, mais là, il m'est facile de donner mon avis, parce que je ne suis qu'une simple 'consommatrice' de vos articles :)

Je ne suis pas pour l'union du maghreb pour la simple raison qu'on a encore beaucoup de problemes a regler en interne et qui ne feront qu'amplifier, si on les fusionne a ceux des autres pays..
(un petit aperçu avec toutes ces insultes et commentaires loin d'etre constructifs)
C'est un beau rêve, certes, alors gardons-le en tête, et avançons pour l'atteindre.

Big Trap Boy a dit…

@ anonyme 5:35 PM

Oui c'est vrai, je n'ai aucun recpect pour ceux qui me manquent de respect, tu crois que je devrais en avoir? Pour quelles raisons?

Pour qu'il y'ait débat d'idées il faut qu'il y'ait un minimum de politesse et non pas commencer directement par s'attaquer de façon PERSONNELLE à des gens que l'on connait pas.

J'admet toutefois que je n'aurais pas dû leur répondre, c'est exactement ce qu'ils cherchent: ils veulent provoquer la polémique là où les choses bougent pour faire parler d'eux. Il se trouve que nous, bloggeurs tunisiens de ce qui s'appelle la Tunisphère avont fait bouger les choses, à notre façon, et avons réussi à faire du bruit. Eux par contre vivaient dans l'ombre et on commençait à les oublier, surtout en Tunisie.

C'était assez intelligent de leur part de m'insulter, je leur ai fait de la pub gratuitement.

Cyberdissidents à la con!

Big Trap Boy a dit…

@ Téméraire:

Je n'ai jamais dit que nous sommes des "Nabbaras" ya téméraire, j'ai dit que parmi nous famma quelques "nabbaras", famma une lègére nuance à faire :)

Anonyme a dit…

Wallahi je viens de suivre le lien vers le blog noir, et j'ai parcouru les articles qu'il y a, en particulier le premier. ah, je crois que ce mec a trouvé la solution que personne n'a trouvé avant, et que c seulement lui qui comprend tout et qui a raison (d'après ce qu'il pense).
a7na bien sur on respecte ce qu'il pense, et, donc lui il doit respecter ce que les autres pensent, bessif walla bel mziya.
ena j'ai un seul mot à dire ici: "El klém bléch flous", ou kima 9olt ya trap, elli t9al 3lik "nabbar", enti 5allih yechta7 Rabbi m3ah. (bech ma nahb'touch el mostawé mouch mostawéna ou n9oulou hék el verbe elli ya3mlouh el kléb 7acha men yasma3)

Anonyme a dit…

El 7ogra mouch behiya.. wel 7aggar ymout dhlil :D
T'en fais pas cher ami: ce ne sont pas des paroles qui changeront le monde, mais nos actes!

Anonyme a dit…

tu dit que chacun est libre de ce qu il dit ce qu il veut....
ecrit donc ce que tu veut et laisse les gens ecrire ce qu il veullent...

Big Trap Boy a dit…

@ le carcheriseur carcherisé:

Belle logique, je suis donc moi aussi libre d'appeler sa mère par tout les noms dans ce cas, non?

Libérté d'insultes, j'en ai jamais entendu parler!

:)

Anonyme a dit…

@ infinity:

حلو المثل، يعطيك الصحة :)

ثم مثل آخر أحلى:

قالك كي ترى وحدة هازة ساقيها للسماء قلها مبروك السحابة
(parapluie)

:-)))

Anonyme a dit…

Guerre du Fatah et Hamas
Voilà ce que vous faites Malek et BTB ..
Vous savez, vous avez raison tous les deux, mais :
- vous ne lisez pas assez l'un pour l'autre
- vous défendez tous les deux vos blogs personnels au lieu de défendre la nation qui a besoin de nous tous.

Brabbi etsamhou elkoll, we khallina nakraou haja okhra.

Je vous propose de continuer chacun suivant ses priorités, nous avons besoins de tous..

Nous sommes tous attachés à notre nation (tunisienne, maghrébine, arabe, islamique, africaine ou universelle ... fixez l'objectif que vous voulez, mais rappelez vous que on est pas contradictoires ni ennemis)..

Ne vous critiquez plus violemment les uns et les autres ...

Malek vous semblez concentré sur la critique du pouvoir, vous avez entièrement raison ..

BTB vous semblez concentré sur une critique sociale et comportementale plus large, vous avez entièrement raison, كما تكونون يولى عليكم ..

Nous parlons d'union .. alors unissez-vous .. Dépassez le moi pour le nous, c'est comme çà que l'union viendra..

Les priorités, ... tout est prioritaire, alors si quelqu'un essaye de corriger qq ch, rabbi y'inou !

Malek, Sami, Nadia, BTB, Samsoum, .. vous êtes tous des patriotes, j'ai eu plein de plaisir et j'étais content de découvrir vos blogs, dans ces temps pleins du hatta chay, bien que je suis contre l'exhibition de la bière et du sexe, et je suis contre la critique du TOUT sans exception..

Je suis pour la différence, je supporte le 0,001 % de bien que peut apporter chacun de nos compatriotes maghrébins, quelques soient leurs défauts ou leurs différences .. Personne n'est parfait.

BTB je fais des fautes de frappe aussi, mais je suis patriotiste :)

Je mets le même post sur le blog de BTB.

Faites moi plaisir, faites plaisir à la patrie, dites tous que vous oubliez ce différend et que vous vous unissez unefois pour toute.

Si vous le réussissez, çà démontrera à quel point nous pourrons surmontez l'égocentrisme et le faux amour propre qui séparent les peuples frères, et qui cause la dictature.

Qui sera le premier ?

Anonyme a dit…

علاش سي بيغ تراب بوي نزلت في الرًاجل نزلة مزمرة؟ محقكس! هاهاها

برجولية ها جماعة المعارضة هالقاعدلي البرا و يحلو في افامهم سعات يكثرولها,عملين في مناضلين شجعان

كالعادة يعطيك الصحة يا سي بيغ على الكلمتين

خوكم ولد الصحراء