طـلّع تـربـح: الإجابة على مسابقة اليوم

حبّيت أوّلا نشكر كل المشاركين في لعبة طلّع تربح متاع اليوم بحيث مشاركاتهم كانتلي فرصة لإكتشاف مخزون هائل من الأمثال والعبارات "الخراويّة" اللّي تزخر بها لغتنا التونسية. حاسيلو قدّاشنا شعب رومنسي يموت على الكلام الحلو

باش توصلو للجواب الصحيح كان لازمكم تعرفو قبل كل شيء آشكون السيّد اللي تصويرتو موجودة في وسط الخرية حاشاكم، والسيّد هذا هو الأديب الفرنسي الكبير

Jean Racine

وبما أنّ "جون راسين" موجود في وسط الخرية يكون الجواب عن السؤال هو كيما توصّللو أخيرا خونا "سكان" من راديو تونيزيكا:

"راسين في خرية"

ويقال أيضا "راسين في شاشيّة" وذلك للدلالة على علاقة متينة تجمع بين زوز أشخاص، شوف الشاعريّة متاعنا وين توصل

بناءا على ذلك نعلموكم من توّة أنّ الحصة القادمة من راديو تونيزيكا سوف يتم بثـّها من مدينة الرديّف حيث السياحة ما أقلّش من الخمسة نجوم واللاقمي خالص من عند خوكم، حاسيلو تفرهيدة ما تحكيش