lundi, août 27, 2007

إلـى السيد صالح الحاجة: بجاه ربّي أعملو كشطة




أولا نحب نعتذر للقراء الكرام على كلمة "أعملو كشطة"، وهي بالتأكيد كلمة بليدة وقبيحة وما كنتش باش نستعملها إذا كان ما جاش الموقف إلّي باش نعبّر عليه يثير فيّا من اللإشمئزاز الشيء الكثير. السيد صالح الحاجة أكيد راكم سمعتو بيه، رئيس تحرير جريدة الصريح وحسب علمي هو بيدو مولاها، يعني إنسان معروف في البلاد ومن المفروض ما يوصّلش روحو للمواقف هاذي إلّي أيّ واحد ينجم يقوللو فيهم يا سي صالح بجاه ربي أعملو كشطة.


سي صالح كتب اليوم إفتتاحية جايب فيها ما عندو تحت عنوان "أنا أحتقرهم"، والمقصود هنا هوما الناس اللي ياخذو الجرايد من عند الأكشاك باش يقراوها من غير ما يخلّصو، أو ساعات يدفعو 50 مليم لمولى الكشك ومن بعد يرجعوها مسكّرة وبالتالي سي صالح الحاجة راسو يتعرّى ويضربو الفقر وياكل الحصحاص. سي صالح اليوم بكى وتشهدر كيما حب، قال شنوّة نحنا تاعبين وعارقين وشاقين باش نطلّعو الجريدة في أبهى حلّة، وزيد نبيعو فيها بسوم أقل من حق باكو محارم متاع كرهبة (يعني مناديل ورقية) والناس باقي تقرى بوبلاش وتاكللنا في عرقنا...

يا سي صالح، بالله قلّي على آشكون تتمنيك؟ ومنين ليك لوغة اليتم هاذي الكلّ؟ توّة إنتي ولّيت مظلوم وحقّك مهضوم والعيب في الناس اللي ماهيش تخلّص فيك على المقالات النادرة والمعلومات القيمة اللي جريدتك توزع فيها على الخلق بوبلاش؟ توّة إنتي بالحق مقتنع إلّي جريدتك عندها قيمة تفوق أو حتى تساوي قيمة باكو "موشوار" من النوع الرفيع؟ ياخي إنتي حاقرو الموشوار؟ الموشوار يسوى من جريدتك الآلاف يا سي صالح، ويمكن هاذي فرصة باش ندعو المسؤولين على معامل الموشوار باش يزيدو في سومو فمّاش ما المخزون متاع الورق إلّي إنتي وأمثالك من أصحاب الجرايد بودورو قاعدين تفسّدو فيه يولّي يمشي بصفة حصريّة لمعامل الموشوار يا سي الصحافي المغوار.

بجاه ربّي كون موضوعي وقلّي بكل صراحة يا سي صالح: عمركشي شريت باكو موشوار ولقيت فيه 20 موشوار بيض والـ80 الباقين بكلّهم إشهار وإعلانات؟؟ عمركشي جبدت من جيبك موشوار باش تمسح بيه جبينك تلقاه معبّي بالكلام الفارغ وضرب البندير والتقفيف والمقالات المسروقة من جرايد ومجلات الشرق والغرب؟؟ عمركشي جيت تمخط في خشمك نهار ياخي طلعلك موشوار قاللك هاو فمّا العرّاف الفلاني والدقازة فلانة يداويو البرودة بزيت الخروع؟؟ عمركشي نهار متعدّي في الكياس ياخي عرضك موشوار هازّو الريح وحسّيتو يتمنيك عليك ويستبهل فيك ويتعامل معاك وكأنّك إنسان متخلّف ذهنيّا كيما جرايدكم تتعامل مع قرّاءها يا سي صالح؟؟ عمروشي أي موشوار خرجلك من باكوه أو حتى من وسط "رولو متاع بابيي توالات" وبدى يركّبلك في السكّر والعصب وغرض الدم والأمراض متاع رب العالمين الكلّ كيما جريدتك تعملّي كلّ ما تجي قدّامي يا سي صالح؟؟

توّة هاذا الكلّ وباقي إنتوما اللي خاسرين فينا يا سي صالح؟؟ بجاه ربي قدّاش يخلص أقوى صحفي عندك في جريدة الصريح يا سي صليح؟؟ 300، 400 دينار؟؟ والله كانك تعطي فيهم أكثر من ال400 نقوللك بصراحة إنتي غالط وما تعرفش تتصرّف، على خاطر ما فيهم حتى واحد يستاهل، كانشي لا إنتي قلبك حنين وتحب تخرج الصدقة للفقراء -ذهنيا- والمساكين -ثقافيّا-، ما عدى ذلك يا سي صالح راهو زايد لوغة اليتم، على خاطر جريدتك من كثر الإشهار اللي فيها ظاهرلي حتى كان ما تخرجش في الأكشاك إنتي رابح فيها، أخطا عاد الإعلانات متاع طلبات العروض متاع الدولة هاذيكا عاد ما قال حد لحد، يعني يا سي صالح، كانك متأكد ميا في الميا من أنّك خاسر في البيعة، رانا نكونولك شاكرين كان تقيّد فلسة وتسكّر الحانوت وتعمل على روحك وعلينا أكبر مزيّة.

يا سي صالح، الناس راهي ما عادش دغف كيما تتصورو، ولو كان جاء الحال غير الحال راني جيت معاك وقلتلك عندك ألف حق وما يجيش منو الناس تقرا وما تدفعش، أما أنا وإنتي نعرفو يا سي صالح إلّي الجرايد متاعنا ماهي إلاّ مؤسسات متكلّسة ومتعفـّنة تخدم في مصالح ضيقة متاع أصحابها من أمثالك في إطار منظومة أخرى متعفنة هي القطاع الإعلامي بصفة عامة، وفي إطار كيما هذا يا سي صالح ما تستنّاش من قرّاء جريدتك المتعفنة أنهم يكونو أقل تعفـّنا من المادة الإعلامية الموجهة ليهم وإلّي قاعدة تساهم في ترسيخ مبادئ العفن في أذهانهم، وبالتالي أنا نستغرب كيفاش إنتي تستغرب كيفاش هوما يمارسو معاك مثل هذه الأساليب المتعفّنة، خاصة وأن العفن ماشي ويولّي هو المبدأ في كل الميادين في إطار منظومة التعفين الإعلامي الشامل.

في هذا الإطار يا سي صالح الفقير المسكين الحنين إلّي يخدم بالخسارة من أجل خدمة الغاية الإعلامية النبيلة، أعطيني سبب واحد مقنع باش نعطي فلوسي، عرق جبيني اللي نخدم عليه مقابل جريدتك اللي ما تسواش فرنك باش سيادتك تحطّهم في جيبك هناني بناني؟؟ يا سي صالح الغضبان، كان ما في علمكش هاني نقولهالك، أنا في بلاصتك نحشم، على خاطر لو كان جات الدنيا دنيا راهم القراء متاعك يطالبوك بتعويضات على الضرر المادي والمعنوي إلّي قاعد تعمللهم فيه بهاك الجريدة العزيزة، موش يزيدو يدفعو الفلوس، أما ما دام الوضع على ماهو عليه، وفي إنتظار عودة الحق لأصحابو، وما دامك إنتي مازلت غضبان وتحبّ على فلوسك، إسمحلي باش نقوللك يا سي صالح، بجاه ربي بجاه ربي، وبراس إلّي يعزّ عليك، يا سي صالح الحاجة أعملو كشطة، بالكشي أتو ربي ينوب عليك وتخرج من حالة الفقر والخصاصة، واللي عند ربي موش بعيد


Juste au cas où, voilà le mode d'emploi:
كيفاش تعملو كشطة؟




28 commentaires:

Sharm a dit…

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worldub.blogspot.com

Slaim a dit…

ya weldi zayed m3ak, na77itli 5amja 3la glayybi

ya si sale7 it9ayyed walla mat9ayyedch, lazem ta3mlou kachta

achta7 wil kachta m3ak....

Clandestino a dit…

توة هكا بيق تراب ؟؟ سبقتنا ؟؟
احنا في البودورو قاعدين نتابعو فيها حالة صالح الحاجة اولا باول
على خاطر هي متواصلة من نهارة السبت مع بطاقة قم اقرا الجريدة
على كل حال يعطيك الصحّة

Hayy a dit…

Quand il dit "Ena a7ta9irouhom", je crois qu'il parle de tous les lecteurs. Vu la qualité de ses écrits, je le crois..

al_moudir a dit…

Toooooooooooooooooooooop
one of the best articles in the blogo

Neodallo a dit…

Primo: Congratulation for being selected ou nawerilna oujouhna ki montakhab ezzoughzough fi korea.

Secondo: Yar7am haka loufayem fi hanna9cha..

Tertio: Madhabya zada kan tzid ibbayeb 3a'jaridet el mou3ardha el 2oula fi tounes: El maou9ef..
Apparament hal jarida ma 3andha kan maou9ef wa7ed milli tkhal9et ou hya chadda fi 7kayette: ahom chaddou wa7ed fatt9ouh min ba3dhou, walla chaddou lakher gatt3ouh bidhareb, walla lokhra (7achakom) saybouha mil 7abess.. Houa bahi kil wa7ed yesma3 chouya chouya 3ala 9adhaya el moujtama3.. Ama rahou mafiha bass kan y7outtou fikra tousle77 walla machrou3 2ifid, famach nhar wa7ed yesra9 3alihoum oui 7aouel etabb9ou fil bled hadhi.. 3arfinha tawa snin elli hadhia blad kouthert fiha esser9a ouinnaheb ouizzouifrya ouil battala ouil karkara ouirrachi ouil mourtachi ouil.. ouil.. Hadhaka a3lach talbine chouya afkar jedida wa7ed i sallek bihom rou7ou fil kotidien ta3ou min ghir ma ya7ra9 dhaou walla yourchi bouliss walla 3aouen idara bach i sallek oumourou..

free rider a dit…

أعملو كشطة
lllllllllllllllllllllol

ahmed a dit…

@neodallo
ton pseudo tu la bien choisi.
neo : vient de neophyte tu es donc
3faaaat de 1ere. fi sabba si tu es
sabbab de profession ou 3fat tout court.
dallo: tu n'y piges que dalle visiblement.
tu nous fait chier avec ton langage
sms.apprends l'arabe ou le francais
comme tout le monde.

Neodallo a dit…

@ahmed:
Wana tawa yelzemni ensebbek walla nakhdek 3ala 9add a9lek ou nemchi net3allem El francais walla esbagnour walla al 3arbi??!!
Winna77i loughet SMS?!
Misalech, manach koulna 9arine ki sayetek ou fahmine eddinya kima 7adhertek.. Ou3dher jahlna ouetwadha3 oue9belna m3ak fiddinya, ou fil blad, ou fil kayasette ou fil bloguettes.. Ou kan 9all9ek hal pseudo, a ce point, i3taber min tawa illi bach nwalli ismi.. AHMED (!)

Takkou a dit…

Yonsor dinek ya 7ag 5alifa!!!

tunisianblogger a dit…

yesser tayara el post mte3ek ya big trap ;-) Ama ech kawlkom ya jme3et el blogshére law ken na3mloulou collecte si Salah élli yetyattem 3lina dhaher fih ma 3andouch 3ché lila :-)!!!!

Citoyen a dit…

المفروض صالح الحاجة يقول الحمد الله لأن هناك على الاقل من يقرأ صحيفته بخمسين مليم وهي مغلقة .الغريب أنه يسمح لنفسه بالمقارنة مع صحفي أنقليزي.يكب سعد العام.

ابو ناظم المرزوقي a dit…

يعطيك الصحة في ها الباكو اللي اعطيتهولو مسكر نستنالو فيه لي برشة ام كيفاش يعطيك قلبك وساعة ساعة تقرا فيها ها الجريدة التافهة اللي تنازلت حتى على لغتنا .برافو مرة اخرى

gouverneur de Normalland a dit…

bravo 3lik ya BTB !

pouvons nous -redaction de boudourou- publier ton article ?

merci beacoup

et encore bravo : du style, de l humour et de la staka ;)

truthfulreader a dit…

I completely understand your frustration, the newspaper and the TV in tunisia is pretty much BULL SHIT it has always been. the question is who to blame. Ana i m sure fi tounis there are alot of news people who wants to do their job correctly just like in Algeria and Morocco but the hand cant reach. our media is pretty much as bad as it is in N.Korea or Cuba we cant say nothing we cant express our opinion we cant be truthful we cant. HIGH ORDERS are to treat the people as if they have mental sickness. Im sure Mr salah is not even trying to make his newspaper more interesting. if it was for me i rather read ur articles which are honest, funny and discuss the issues without but we sarcasm ama hathika el denya fi tounis HONESTLY ITS TOOOOOOO SAAAAAAAD BUT ITS THE BITTER TRUTH

whatever a dit…

ahla bil m3allem. Hal moudda hathi 9rit ktab kharak lil 3ada ismou "le choc des civilisations" el kateb ismou chikh "Samuel hunington". Hal ktab hatha yahki 3la el mousta9bal mta3 la politique internationale fil hal el3lem il bidoun. Hasilou hal ktab hatha bi tarika aw bi okhra el 3alem elkol 9a3ed yemchi bih (no9sod el 3alem el faya9 elhgarb wou assia). lektab hatha fih barcha na9a2s 7asb ra2yi wenn' na9d mta3ou thiblou ktab akhour bsarah. 3ala kolli Hal hatha ktab yelzim yelzim ya9rah ay wahed yhib yefhim el3alem illi 3ayech fih welli bich y3ichou fih wladou. Wou nitsawer 3adam tarjemtou lil lougha el3arabiya khsara kbira yesser. Hasilou ana mathabia ken nchouf rdoud el fi3l mta3ek 3la elktab hatha ken nejjemt ta9rah, 3la elmoudawna mta3ek 9ariba.
wel ma3thra 3la hal ktiba chiniwa rahou ma3andith clavier 3arbi.
wassalam.

mimo a dit…

wallahi yar7am weldik 3la hal article!! ama bejoulliya, kol chay jé fi wejh si sale7 l 7aja mouch behi barcha 5ater l jarayed l o5rin bech y9oulou haw essari7 l wa7ida illi ma feha ma yete9ra alors ke la plupart des journeaux fi tounes 7keyethom fergha w ma 3ndek ma ta3mel behom a part temsa7 behom l vitre ta3 l karahba!! nzid 3la klemek ya big, "3omrek ma 5dhit bakou papier mouchoir w l9itou yekdheb 3lik kima yekdhbou jarayed ta3 l'bled l kol"
aya ennestou

bizguellif a dit…

أعملو كشطة واشطح ربي معـــــــاك

Chiheb a dit…

تحيّة بلوغسفريّة،أشكرك أخي على مقالك الجريء رغم أنّني كنت من المتابعين لبطاقات صالح الحاجّةفي جريدته الصّريح ولكنّني قاطعت الصّحافة التّونسيّة منذ مدّة طويلة.
يعني ليس هناك فيهاأي إضافة أو إفادة وأذكر مرّة هاتفت صاح الحاجّة شاكرا له مقالة حول إبداع الشّباب وشكرته عن شجاعته أمام الرّئيس وحديثه عن الكولّاج وأذكر أنّني طلبت منه قليلا من الفلفل الأكحل في صحيفته حيث أذكر كذلك أن الصحافة يمكنها أن تغيّر حكومات أمّا أنتم لم تحرجوا حتّى رئيس بلدّية.ولكن أنتم تعرفون أين صحفنا اليّوم

Anonyme a dit…

يا سي صالح لو كان متنّجمشي تعملوا كشطة.. برّ أعملوا ربايط صبّاط مو خير... حتّى هو العيد اقرب ويلزمك صبّا اجديد

zaratoustra a dit…

rabbi m3ak, je te soutient et je participerai fortement à une collecte offrant à 3ammek Salah Kachta mezyena.

النسر الأسود a dit…

"آ وي" قال الفرنساوي..هذاكه حال الصحافة في تونس، واحد انتهازي وقفّاف كيفما صالح الحاجة عندُه جريدة وصحفيين يخدموا عندُه واشهار وفلوس داخلة خارجة، وصحفيين لامعين كيفما عبد اللطيف الفراتي ورشيد خشانة ولطفي حجّي والهادي يحمد ونبيل الريحاني ومحمّد الفوراتي وغيرهم مضطرّين باش يخدموا مع جرئد الخارج والاّ يهجّوا..من غير مانحكيو على المحرومين حتّى من بطاقة صحفي لأنّهم ماعندهمش الأسلوب "الصريييح" جدًا جدًا متاع سي صالح الحاجة...

فهمتوا علاش حكومتنا الموقّرة عمرها ماقبلت السماح بتأسيس نقابة للصحفيين في تونس؟!...

brastos a dit…

bravo..
il ne mérite que ça ..

human a dit…

اول مرةازورك
ولن تكون الاخيرة
اعجبتنى مدونتك واتمنى ان نتحالف ضد البهامة

nirvanaghost a dit…

salut chui de passage... bravo bravo bravo bravo bravo bravo bravo bravo
:D

Dr.Gnitekram a dit…

Trappa U Rock!! li taskott saHafet laffen el kaskroutet, wallah ken majech hram wehed yleff zebla bjarayed 3arbi (hakka trabbit khater loughet el coran) rani chrit essatiH bedhemma

mohamed marzouk a dit…

Malgrè que j'ai souhaité ne pas avoir à lire certains termes utilisés dans votre article que je qualifierais d'"extravagants" :) ,
je suis entièrement d'accord avec ton jugement sur l'article de M. Salah El Hajja ce monsieur qui a "bâti" un journal qui aurait pu devenir un modèle pour le journalisme tunisien s'il a continuait à la manière de ces débuts: de la caricature saignante à profusion, pas de photos, une poignée de journalistes performants et motivés, un langage simple directe et sans langue de bois, presque pas de publicité, un bouquet d'articles écrits par des écrivains et hommes de lettres reconnus et qui n'étaient pour la plupart pas des journalistes, pas d'articles d'"informations judiciaires", des articles concernant des sports peu ou mal reconnus ou connus, ou concernant de petites équipes pas assez médiatisées etc....
Mais M. Salah n'a pas tenu bon et voulant profiter comme ses congénères de la publicité étatique et privé (controlé directement ou indirectement par l'état) a préféré faire dériver son journal de l'ancien petit joyau qu'il était vers un quotidien banal, médiocre, ne valant pas le papier sur lequel il est imprimé.

Stupeur a dit…

هيا وينك فيه عشيري؟