دخلت بالصدفة على موقع وزارة تكنولوجيات الإتصال ياخي طحت بهالمبادرة الرائدة والفريدة من نوعها: سبر آراء باش ياخذو رأي المواطنين حول عملية بيع جزء من أسهم شركة إتصالات تونس للشركة الإماراتية "تيكوم". والله حاجة باهية ويعطيهم الصحّة كيف يحبّو يشاورو العباد، حاجة بصراحة تعمل الكيف. بون هو صحيح من حيث التوقيت إمّـخـّر شويّة إذا كان نيّة الوخيّان هي أنهم باش يشاورو المواطن التونسي وياخذو رأيو في عمليّة الخوصصة هاذي أو في إختيار الشركة اللي تمت البيعة معاها عندها توّة فوق العام، أما هذا ما يمنعش أنّها فكرة سبر الآراء عجبتني، خاصة كيف قريت الإقتراحات الثلاثة اللي ينجم زائر الموقع يختار ما بيناتها في ما يتعلق بالإضافة المنتظرة من شركة تيكوم وهي: "أوّلا- تعزيز الخدمات الجديدة"، "ثانيا- تدعيم تنافسيّة أكبر" و"ثالثا- المساهمة في تخفيض تعريفات الإتصال"، يعني بلغة أخرى تنجّم من خلال التصويت تعطي رأيك في عملية الخوصصة اللي تمّت وتعبّر بكلّ صراحة وشفافيّة يا على موافقتك، يا على... موافقتك، يا حتى على... موافقتك. ظاهرلي سبر آراء من النوع هذا كانو ينجمو يعوّضوه بسبر آراء آخر يكون أكثر وضوح بالنسبة للمواطن العادي بحيث يقولولو: "نحنا بعنا شركة إتصالات تونس للإماراتيين": "أوّلا- كان عجبك"، "ثانيا- بالسيف على والديك"، "ثالثا- وكلب جيفة على كرايمك". ظاهرلي الفرق ماهوش باش يكون كبير ياسر مع سبر الآراء المقترح
8 commentaires:
hhhhhhhhhhh
yaw mouch normal yaw mouch normal ya wa7da wa7da lel final :-))))
T3ich wetchouf ya Big !!
Tunisie Telecom ne sessera pas de nous étonner d'ici peu .. Il parrait que dernièrement, il y a eu un retard dans le verseement des salaires du personnel de Tunisie Telecom à cause d'une astuce de l'informaticien qui a mis en place l'application de Gestion de la paie. Il a parrait-il créer une table ou je ne sais quoi (un truc technique) au sein de son application qui empêche toute autre personne que lui de faire fonctionner le logiciel !!
Recevant un avis défavorable de sa direction pour sa demande d'une voiture de fonction, il a demandé sa mutation pour un autre service et "5alla ahl el bla fel bla" !!
il parrait que plus qu'un d irecteur centrale de cette grande société ont courrut vers lui pour débloquer la situation!! il a réintegré son poste et eu "sa voiture de fonction"!!!
Bon je ne sais pas si c'est une "7keya men 7keyat el 3eroui" ou bien une histoire vrai (qui m'a été rapportée par un cadre de Tunisie Telecom).
De toute façons, rien ne nous surprendra plus...
Wachta7 rabbi m3ak....
قداش من مرة تعديت من هنا وحبيت نتكلم ياخي نعزز هههه يشدني ضحك الهم ضحك الغبنة....تعرف انّا في بلاد الديمووووقراطية والشافااافية والاستفتاءات الجعبيّة وهات من هاك الاوي ما ينفع معانا كان سبر آراء فيه تقبل والا تقبل والي عندو ما يحكى هاوكا الحيط توة احنا انجمو بربي ننظرو لتحديات العولمة كيفهم وانجمو انبرمجو لمستقبل الوطن قدهم برذ ربي معاك وزيد فاش قام السبر ماداهم ديما 99,99%قابلين ومتهنين وعايشين في الخخخير لعينيهم
يعطيك الصحة على ها البوست
هي راهي النتائج متاع سبر الآراء اللي من النوع هذا واضحة ومعروفة بالمسبق و عادة ما تنتهي نهاية سعيدة و تكون كيما هكة
و في إطار الشفافية و تشريك المواطن و في إطار الحث على العمل الديمقراطي سواء في صيغه البسيطة أو المعقدة و في إطار استشراف الآفاق و نظرا لما توليه هذه الشركة من عناية موصولة بحرفائها ...إلخ
و الله تعبت يا بيغ تراب بوي، ما يسالش تتخيل نهاية الجملة؟
5ouya lghali hedhika bledna wisker walla tayer garnek ena netfaker inny sawart mara greve mata3 l5addama mta3 telecom
ta3rafchi ch3amloulhom wchniya tla3 bayhom fil bi3a.....3taw lkol 5addem parasol...ihh n3am parasol likol 5addem we7ed mil 5addema 9ally houma yodhrbou lflous 3la gloubhom wa7na ya3tiwna parasol w7atta ken jew ya3tiw fina fi counjiyet fi ha sif....
i7ki m3ahom trah.......
t'es toujours le premier à tomber sur des infos pareil!
faut dire que que personne n'a eu la presence d'esprit d'aller se balader sur le site du ministere de la tech!
البوس بعد الن...............
بدعة
Kif il 3ada yestelhou fina!
Enregistrer un commentaire