vendredi, novembre 16, 2007

زمــــن العـــجـــايـــب



ساعات نعمل دورة في المنتديات العربية على الأنترنات نتفقـد حالة التخلف السائد والخرافات والجاهلية متاع الألفية الثانية إلّي وصلنالها، وفي الكثير من الأحيان تصادفني مواضيع للنقاش يجتمعو عليها الأشقاء، أو بالأحرى الأشقياء العرب من كل حدب وصوب ويبدى ريقهم سايل على خاطر تصويرة، الأغلب أنها تكون "مبعولة" بالفوتوشوب، متاع تفاحة مكتوب عليها "صلي عالنبي تربح"، أو خليّـة متاع نحل مكتوب عليها "انزاد النبي وفرحنا بيه صلى الله عليه"، أو ثعلب ميّت وفي يدّو جربوع مازال يتنفس في جيبو سطوش فيه حرز الحصن الحصين وشويّة سينوج، وما شابه ذلك من المعجزات. حاسيلو أكيد راكم شفتو أشياء من النوع هذا وإلاّ بعثوهالكم على البلوتوث، وحتى كان ما شفتوش هاي بعض الأمثلة لعلها تهدي منكم من مازال على ضلال مبين هنا و هنا وهنا وهنا وهنا وهنا.

أنا بصراحة تامة نيتي ماهيش باش نستفز مشاعر الإيمان اللي تحيرت على البعض منكم هالعامين ولاّ الثلاثة الأخيرين، على خاطر كي تجي تشوف ماهيش مشكلة، وفي كل الحالات ماهيش مشكلتي. ربي يهدينا ويهديكم.

انجّم نفهم أنهم الناس اللي على قدّهم يصدقو أي حاجة تحكيهالهم، خاصة كيف تبدى حاجة تعجبهم ويحبو يصدقوها، كيما برشة مثلا كانو مصدقين إلى صدام باش يربح الحرب، أو أنهم 7000 يهودي ماجاوش يخدمو في مركز التجارة العالمي نهارة 11 سبتمبر، دايور شوف كيفاش سبحان الله إلّي في بالهم بالحكاية هاذي هوما كونشي العرب. أما نحب نفهم حاجة، خاصة بالنسبة للناس اللي عندها شوية عقل وتحب تحكي باللوجيك، توة الدين مازال في حاجة للخزعبلات من النوع هذا باش الناس تؤمن بيه؟ توة ربي سبحانو بعد ما بعث الأنبياء والرسل باش تهدي الناس على مر العصور مازال في حاجة باش ساعة ساعة يبعث كعبة دلاع مكتوب عليها بسم الله الرحمان الرحيم وإلاّ شجرة معوجة باش الناس تمشي تصلّي وترجع للطريق المستقيم؟ توّة الدين محتاج لخلايا النحل باش تعملّو البروباقاندا متاعو وتعلّقلو الشعارات وكأنها خلايا متاع شعبة؟ ياخي مازلنا في عصر المعجزات لتوة ما خرجنا من والديه في 2007؟؟

بجاه ربي فهموني إمّالا كيف هي الحكاية هكة، كعبة السفنارية هاذي أشكون إلّي خلقها ولشكون بعثها وآش يقصد بيها؟؟؟ ولاّ زعمة الأخرين بكلهم معجزات كان هاذي جات صدفة؟؟؟



حاسيلو كيف العادة، العالم ماشي ويتطور والمعجزات قاعدة تصنع فيها العباد بالعلم والتكنولوجيا والخدمة والذكاء، ونحنا قعدنا نصنعو كان في البهايم والبقر، تقولش الواحد يحوّس في بطوار.

الواحد ما ينجم يقول كان ... سبحانو ما أعظم شانو، آش يخلق، وآش يفصّل. ا


32 commentaires:

Clandestino a dit…

الله غالب
هذاكة اش عطا ربي

Anonyme a dit…

ya weldi ti chbik?
ak fi bled el fa99ous!
mamnou3 32lik tejbed 3al sfennaria!

ech bech ta3mel lek ejjboura?
khallihom!imanhom marbout eb taswira walla della3a!

khalleouna dho7ka 9oddem el touristes!

Anonyme a dit…

sob7ena allah ya fantouss, ke3bit esfenerya e5la9ha rabi bech etfakrik fiya! 9olli kifech! bahi wa9it elli edhrabthoulik bagouri ye fehim yemte3 el photoshop ye chikh fehmen elli ey7erib fi chi5 kehfen. kol wa7id ou zahrou, wa7id zahrou besfenerya kifik ou ya7id belfa9ous kias7abik. salli e3la elbagouri terbi7, yotlob wetmenna hani enkabirlik fih, en5allik etfantazmi tewa! aya tew tobi7ouna e3la ommik 7ouriya!

Anonyme a dit…

Franchement je n'ai pas pu mourir de rire quand j'ai découvert ta nouvelle bannière..hédhiya ib sara7a abda3t féha !

Anonyme a dit…

barra 3ad tawa bech y9oulou : el sfénnaria 5iar el mosta9bel, w talli ta5lit bin el 5odhrawatt wal fawakéh el jaffa wel chi3aratt el fawdhawiya elli tkammél mechwarha fel zigouett w y9oulou kiféch ki lemtar tsob el kayyassatt t3oum wel changa m3a el jma3a 5la3a hey!!
ps: a5ér a5bar 3ala kel la3zouza elli hezezha el wéd, el bikini mta3ha dolce gabbana.. yarah!!

Anonyme a dit…

يا خويا أنا نقول لا تعتقد و لا تنتقد ربّي يخلق و يفصّل كيف ما يحبّ أمّا أنا معاك إلّلي في وقتنا هذا إللي تجيبو إلربّي كعبة دلاّع و إلاّ آش من حاجة معوّجة ما هو إلاّ ناقص عقل و دين خاطر ربّي قبل ما يكون في الحاجات لمعوّجة هو في الحاجات لمسقّمة و في الإنسان نفسو قبل كل شي"و في أنفسكم أفلا ..."و إللي يحبّ يؤمن خاطرو حاير في حاجة يبقى عمرو الكل حاير كان كيف يخلقلو ربّي بقرة تخرى في الياغرت؟؟
أمّا إللي يؤمن باش يعمل و يصنع و يطوّر و يتسامح و يقبل اختلافات الناس لخرين و ما يبقرش في صنيعة ربّي هذاك مازال ما ثماش منو ياسر في بلادنا وهذاك علاش خويا تراب بوي يلزمك توسّع بالك و تمشي حتّى اعقر دار هالناس هاذي وما تخافش على إبداعاتك كان خذاوها و نشروها بالكش نهار آخر ينوبك ثواب و ياخذو عليك حبّك للعقل و دفاعك على اللوجيك أما كيف انلكدولهم عروق السفنارية ماو يقولولك هذاك نبت شيطاني
و يدكّو روسهم في الرمل و كأنك يابوزيد ماغزيت

Big Trap Boy a dit…

@ anonyme 1er:


خويا الأنونيم الباهي، علاش هكة تجبد في الحوار نحو الأسفل في عوض تقول كليمة واضحة ومفهومة تفيدنا بيها؟ أنا راهو ملّي نحيت الشراب من البانر متاع المدونة وليت وليّد عاقل وما عادش نقول الكلام الخايب، شوف قداش نكلم فيك بتربية، موش حاجة تعمل الكيف براس بوك؟

هيا عيش خويا، أنا متأكد أنك وليد باهي إنتي زادة، سيب علينا من الحكايات الفارغة، والله وما عندك علاش باش تحلّفني ما عنديش حتى الوقت باش نقعد نسبّ فيك، هيا ألعن الشيطان واخطانا من الحكايات البيدونة هاذي يعيش خويا الباهي

Big Trap Boy a dit…

@ charismatic:

J'ai pas bien saisi ce que t'as voulu dire, tu parles du post ou de la bannière?

@ imed:

el 3zouza fi 2 pièces sara héyya? hathéka lwéch emméla rabbi taya7 fina! :))

Big Trap Boy a dit…

@ anonyme 2:

أنا بالطبيعة مانيش ننتقد في اللي خلقو ربي، بالعكس فازة السفنارية عجبتني على خاطر تثبت أنو المولى سبحانو وتعالى يحب التفدليك وماهوش مغروم بالكبّي كيما برشة ناس يحبو يتكلمو بإسمو ويدافعو عليه.

هذا بالطبيعة في صورة ما تطلعش السفنارية زادة مفبركة بالفوتوشوب
:)

بخلاف النقطة هاذي عجبني تحليلك للمسألة، وخاصة أنو ربي موجود في الحاجات المستقيمة قبل المعوجة، ولو هو موجود نظريا في الزوز، وأنا من ناحيتي هاي الحانوت محلولة للي يحب يجي ياخو كلمة ويعطي كلمة، أما حكاية عقر دارهم هاذي فيها شوية نسبية على خاطر نحب نتجنب تخريج الكلام من إطارو وتسييس برشة حكايات يولي يدخل بينا في متاهات أخرى

على كل حال شكرا على تعليقك اللي عاود جبد مستوى الحوار نحو الفوق بعد ما هبط بيه أنونيم الأول نحو الأسفل

:)

Anonyme a dit…

et s'il s'avère que les 2 anonymes n'en font qu'un , we7ed barka hbat 3lih el wa7y (berrasmi mouch 9rah 3la delle3a) w hdeh rabbi!!

Big Trap Boy a dit…

@ mourad:

:))

هو كي تجي تشوف فكرتك ماهيش مستحيلة، أما أنا ما ظاهرلي كان السيد هو بيدو على خاطر حسب تجربتي المتواضعة في الحياة إلّي فيه طبّة ما تتخبى، ولو كان هو بيدو متخبي وراء شاشة الكمبيوتر

على كل حال نطلبو الهداية للناس الكل على خاطر نحنا ناس عاقلين وناس طيبة ونحبو الخير للجميع

:)

chady a dit…

ماحلاها الفلوكة بصراحة...حتى انا عامل تصويرة بريئة
http://chady07.blogspot.com/2007/11/blog-post_16.html
ملا غرايب وعجايب الله يهدي والله

Anonyme a dit…

Sobhanou ma a3tham chanou, chost ya btb, kifach ma a3tham channou mharam 3alihom makelt el gort we ettben. talkah sa3a sa3a yssouk fi sayara, oulla fi kar, ou houwa bloghat el koura ma zeltlou nokta ala fassilit el hayawane, ou division 3ala fassilt el inssan. El hassilou, ya3tick essahaa, ou ynahi 3alik el kahha ouel bahha.
ciao

Anonyme a dit…

tu parle pour rien dire ....perso j'attends tes innovations ...puisque tu critique l'autre alors montre nous tes capacités mentale et scientifique ....

Anonyme a dit…

2awalan: ilook you9tel surtout el hendrix ijdid, o hedha chay behi la7idhna fi klemik barcha rbeya (mouriba),mcha fi bailek jad 3lik houwa enna insade9 fik :P

theniyan: tout a une explication, el ya2ess ya a7abibi ya3mel ma akther et surtout el bassata mte3 la39oul, ma raw wejih rabi ken fi del3a et co.

thelithan: l'autre jour jetni dha7ka (je la partage avec vous mayselich izahou matloub), ja be7dhena rajel yetchaka min wledou kiffeh tal3oulou ka3ba lé (3la 7ad 9awlou) 3ad ech 9all (lol): el ness tichri fi libheyem o enna nouwled fihoum wleda lol

rabi3an: tawalit 3likoum mais c'etait pour rien dire :P

Big Trap Boy a dit…

@ CHADY:

ما فهمتش شنوة الغريبة والعجيبة في الحكاية، أما كان الفلوكة عجبتك مبروكة عليك، أنا في بالي باش نخليها لكلندو خاطر عندو مشروع حرقة، أما مادام حلات في عينك ما نشدش عليك

:))

@ O.P:

Merci :) surtout 3ala 7kéyit el ba77a haw souti meb7a7 layyamét :)

@ passenger:

Je ne crois pas que ce blog soit endroit adéquat pour parler de ma vie professionnelle ou de mes qualifications scientifiques et autres. Mais comme tu ne voudras certainement pas me croire sur parole, je ne peux prouver ici que le fait que je suis un bloggeur qui participe a animer un peu le débat public dans un pays ou le débat est trop souvent limité, notamment par des gens qui se sentent visés dès qu'on parle de sujets qui les dérangent.

Remarque que je t'ai pas demandé de me prouver que tu as le niveau scientifique ou la compétence professionnnelle minimum pour discuter ici, donc tu comprendras que ta remarque était un brin déplacée mon cher monsieur.

:)

(Putain je le fais bien le rôle du gentil non?)

:))

Big Trap Boy a dit…

Ah oui, sorry dolce_vita, il fallait que je le dise:

La nouvelle image que j'ai mis comme nouveau portrait a été selectionnée par les soins de Dolce_Vita notre conseillère spéciale chargée des graphismes et des couleurs :))

C'est un peu ça qui a déclenché le processus de changement de look hier soir :)) quoique je comptais le refaire de toute façon ;)

samsoum a dit…

BTB entame une nouvelle ère de changement civilisationnel. N'oublions jamais cette date 16/11/2007. C'est la date du nouveau changement par BTB :))

takamaka a dit…

ya BTB, yehdik.hna, t'as poussé un peu, ou plutot zla3tha.
ama normale, respect...

Big Trap Boy a dit…

@ Samsoum:

Tu veux pas que je garde cette barque minable pour 20 ans quand même! :))

@ Tamaka:

والله خاطيني، كيف جيت لقيتها مزلوعة

:))

Anonyme a dit…

خويا تراب بوي لعزيز سامحني انحبّ نوضّح إللي أنا أنونيم 2 متاع"لاتعتقد لاتنتقد" ماعندي حتّى علاقة بالأنونيم واحد إللي يكتب بالسّوري باش نرفع كلّ التباس و باش سي مراد ما تختلطش عليه الأمور

roy mustang a dit…

http://20ansapreschangementdu7november.blogspot.com/
je remarque qu'on parle toujours du changement ici.... vive le roi BTB;) j'ai vraiment admiré ton blog j'aimera bien être au même niveau (surtout l'ironie dans tes article c'est surtout ça qui m'a plus)
alors les musliman c depuis longtmeps qu'ils le font ils ont oublié "ellob" wa tilhaw bilkochour"... si leur dieu existait il leur aurai protégait par exemple des "karamita" القرامطة ki leur ont attaqué la mecque et volait les pierres noires... si leur dieu existe et puisque "kol chay youssabihou bissmil allah" il leur aurait protégait ses victmes innocentes en irak qui se compte par millier chake année des bombes... puisque ces bombes sont "tossabihou bissmillah" croire en un dieu sanguinaire et oublier leur existance médiocre.. c'est leur plus grand malheure..... bonne continuation.. ces photos sont vraiment connes

Anonyme a dit…

@ anonyme 2

ayya ki heyya el 7keya hakka, a3tina pseudo walla esm behi bech nrattbou el 3ala9at w nefhmou b3adhna, 3ala khater -7achek- barcha anonymes, koll marra izall9ou klima y compris des contradictions, wa9t'ha todkhel eddenya b3adh'ha, w n9ayydou 3ala les anonymes ben calcultarice!!!
ok khouya ??
merciiiiiiiiiiiiiiiiiiiiiiiiii


@BTB

finalement mouch battala fazet ettorbia el ma7leha, za3ma we7ed inajjem ichedd rou7ou??!! :P

Anonyme a dit…

هاو باش نسمّيلك روحي بوناب أزرق

خويا مراد علاش بالله احنا التوانسة
نسناسه برشة؟ خلّيني خويا في ستر ربّي ياخي باللاّزمة نعرفو بعضنا خلّلي كلامنا هو إللّي يعكس شخصياتنا و انأكّدلك أنّك دورين أفون تولّي تعرفني و تميّزني عالأنونيمات الكلّ إذا هذا خويا ما يقلّقكش

yes_in a dit…

J'ai pas pu ne pas écrire un post sur ca ...
le lien en bas dans "Link to this post"
...

brastos a dit…

mabldek ...:):):)

الكاتب a dit…

في نفس الإتجّاه. أنا ضحّكتني ياسر فازة التصويرة اللي شاخوا عليها بعض إخواننا من المتديّنين، متاع الجامع اللي ماطاحش وقت اللي ضرب التسونامي اندونيسيا، بينما أكثرهم، اذا موش كلّهم، يجهلوا انّ الكعبة بعظيم قدرها وجلالها، حصل وانّها تهدّمت بالمنجنيق من قبل الحجّاج ابن يوسف.

أنا ماعنديش مشكلة مع النّاس اللي تشوف في بعض الأمور علامات على عظمة الخالق، لأنّ ذلك من حقّهم ولأنّي أنا نفسي مؤمن بوجود الله وأرى ذلك في مختلف مناحي الحياة. لكن اللي يفدّدني ويكسّرلي البطاطا، همّ بعض المسلمين اللي يصدّقوا ايّ حاجة فيها ما يعتقدوا انّه اثبات لمعتقدهم الديني. كاينّهم ماهمش واثقين من ايمانهم اللي ساعات يعميلهم عينيهم وعقولهم ويخلّيهم ينزلوا الى حالة من السذاجة القريبة من الغباء أحيانًا

مع إحترامي لكلّ المؤمنين والمؤمنات ولكلّ اللامؤمنين واللامؤمنات ايضًا

Big Trap Boy a dit…

@ Nesr:

هاها، ذكرتني بهاك التصويرة متاع التسونامي، ظاهرلي حتى حد ما جاء لبالو وقتها أنو الجامع في البلاصة هاذيكا هو البنية الوحيدة المبنية بالسيمان في حين الداير بيها بكلها ديار متاع فقر وميزيريا مبنية باللوح

لا وزيد فما شكون قاللك شافو تصاور متاع الموجة مكتوب عليها "لا إله إلا الله" وهي جاية من البحر، كاينهم نساو أنها الناس إلّي هزها الماء يمكن 80 بالمئة مسلمين، أما موش مشكل مادام الجامع ما طاحش، أتوة يصلّي فيه الحوت كان المسلمين موش موجودين

:)

zapatas a dit…

Dans le meme contexte regardez l'article sur des Djins sui portent du jeans pour ceux qui boivent du Gin ds mon Blog http://zapatastn.blogspot.com/

zapatas a dit…

En parlant de la photos ou on vois un arbra dans une position que je vois personnellement Obscene !
En fait, tawwa brabbi fahhamni chkoun 9allek 9a3da tsalli bil3arbi Chkoun ena yodhmonli elli y'avais une autre arbre qui presentait un homme debout et qui faisait des choses malsaine a l'arbre qu'on voit ?? W ces Hommanoïdes a longues Barbes Hal mout5ollfin 9Assouha 3la 5ater ma 3ejbethomch ?
Hein ?
w Rabbi Yehdi lifsennerya ...

Anonyme a dit…

ma abledk el hassilou :)))

je commenterais quand m^me ton article en rappelant que les gens ne réagissent pas tous de la même manière par rapport à leurs convictions, religieuses ou autres ...

c'ets pour ça qu'une partie des association de "promotion de l'Islam" trouve efficace de fournir des preuves "matréielles" des miracles divins ..

alors qu'il est bien plus facile de rappeler que les miracles divins sont bien plus palpables quand on évoque la nature .. un arbre n'a pas besoin d'être incliné en la direction de la mecque pour nous rappeler des ni3ams de Allah ..

mais bon .. comme je te l'ai dit .. y en a à qui ce genre de choses, non vérifiées et invérifiables, plaisent ..

les légendes ont toujours influés sur le peuple ..

el mohem .. ce genre de chose n'a rien à voir avec le niveau d'éducation de celui qui y croit .. y a bien des Docteurs qui croient à des choses encore plus douteuses que ces légendes ..

le genre humain et ses mystères !

trapatouni a dit…

هيا سلام يا جماعة الكاذب زيد شوية وسألو

تفرجو في التصاور

http://forum-arab.com/vb/showthread.php?p=1560#post1560

لله في خلق شؤون ولكن ،،
لا تصل بنا الدرجة لهذا الغباء