mardi, mars 25, 2008

تكسير العظام في اختيار منظومة الكنام

سامحوني كان ما فهمتش مليح أما حسب ما حاولت نستوعب من حكاية "الكنام" أو الصندوق الوطني للتأمين على المرض فإنّها المسألة كما يلي: فمّا ثلاثة أنظمة ولازمنا نختارو منها قبل ما يفوت الأجل ويحطّونا في نظام على كيفهم (كي تجي تشوف ماهيش باش تكون أوّل مرّة).

النظام الأوّل متاع الكرني والسبيطار والصفّ ومشّي دنّوس للفرملي باش يعدّيك قبل الناس وإيجا السبعة متاع الصباح وأقعد ستنّا الطبيب حتى يوصل التسعة ونصّ وحتّى يكمّل قهوتو العشرة وربع وكان موش عاجبك يمكن يسمّعوك وسخ وذنيك. حاسيلو تموت بقدرك في دارك خير.

النظام الثاني متاع تختار طبيب العائلة، ولازمو يكون جينيراليست متعاقد مع الكنام، وفي الحالة هاذي لازمك كان لا قدّر عليك ربّي ومرضت بمرض مشوم تتعدّى بـParcours du combattant، يعني مسيرة كاملة متاع إجراءات قبل ما تاخذ أوّل حربوشة تداوي بيها روحك. يا سيدي بن سيدي شدّ عندك: أوّل ما تبدى تظهر عليك علامات المرض تعمل دورة في الحومة متاعك وتعرض حالتك على عطّار العايلة وخضّار العايلة وجزّار العايلة، تشوف آش عندك كريدي السّاعة على خاطرك زادم على مشروع تنموي كبير، باهي؟ طلعتشي أمورك لاباس وخذيت ترخيص مبدئي من الناس إلّي تسالك كريدي؟ توّة تنجّم تمشي لطبيب العائلة "الجينيراليست"، يعني متاع الطبّ العام، وكلمة العام لهنا فعلا عرفوا يختاروها مليح على خاطر تقريبا هي المدّة إلّي باش تعدّيها قبل ما تتداوى. من غادي طبيب العائلة كان لقى عندك حاجة تدخل في اختصاص معيّن خاطيه هو يولّي يبعثك لبنكاجي العائلة، على خاطر المسألة كبرت وما عادش متاع لعب، عطاكشي البنكاجي موافقة مبدئيّة زادة هو؟ توّة تنجّم تمشي لطبيب الإختصاص إلّي باش يداويك كان قعد فيك ما يتداوى. حاسيلو النظام الثاني هذا متاع طبيب العايلة لازمك كلّ ما تقصد ربّي للطبيب تسلّم على العايلة متاعك الكلّ على خاطر احتمال كبير ما عادش باش ترجعلهم.

نجيو توّة للنظام الثالث والأخير، وهو نظام ساهل ماهل في ظاهرو، لا إجراءات ولا والو، ما عليك كان تجبد من جيبك وتخلّص من الميا للألف، سبيطار، كلينيك، طبيب عايلة، طبيب عزّاب، طبيب هجاجل، المفيد إجبد وكتّ الحبّ من جيبك، وأتوة نرجّعولك... بالطبيعة لهنا الإجراءات إلّي رتّحوك منها قبل ما تداوي باش يعوّضوهالك ثاني ومثلّث وإنتي تستنّى في هاك الفليّسات متاعك، وقتها بالطبيعة تشوف الإجراءات الإداريّة على أصولها، وهاذاكة علاش النظام الثالث هذا باش يمنعوه على الناس المرضى بالسكّر وضغط الدمّ والأعصاب وكلّ الأمراض إلّي عندها علاقة بالغزّول ومولاها يولّي حسّاس برشة قدّام البيروقراطيّة.

حاسيلو أهوكا عندكم الإختيار، وكان ما عجبكمش تقعدلكم الوقّاعة (بثلاثة نقاط فوق القاف) والأطباء الروحانيّين، تنجّموا تتّصلوا بيهم على أعمدة جريدتكم المفضّلة وربّي يجيب الشفاء. على كلّ فمّا خبر باهي وهو (كيما كنت متوقّع) التأخير في آخر أجل لإختيار المنظومة إلّي تواتيكم إلى نهاية شهر أفريل، مع أنّي نتوقّع تمديد آخر من هنا لوقتها كيما جرات العادة كلّ ما يقولولنا آخر أجل. تي المفيد الصحّة لاباس ولا يخلّينا ليهم.

27 commentaires:

Bel Malwene a dit…

ههههههههههههههههههههه
يا "ب ت ب" تعرف هالكنام عملولنا كيما المثل القائل "شدّوني من ز*ي لا نبول عليكم" ... الله يقدر الخير و أكهو

Anonyme a dit…

BTB, Merci de m'avoir expliqué les choses, c t un peu flou pour moi...
sinon il nous reste a choisir!!
laquelle des trois, c ma question ;)

mandela a dit…

hey par exemple hedhi 7keya chbeba wblougha salissa blida salissa ah... il moufid karek ya big jbedt 3al grave illy 3amlouh ettoba mta3 li5tissas willy nje7 preske mya bil mya wil wzara tor3ech wfama barcha oumour bech tetraje3 wil ghrib hna ettoba karzou min hal knam mta3 na...wil mouwatnin lam yo7arikou sekinan...ah yasha3b 9addech 7achinhoulek wenti beye3 rabbha blift'tin

lutfi a dit…

والوقاعة يلزمها تكون "كونفونسيوني" مع الكنام وإلا لا ?

Tarek طارق a dit…

ههههه
أما المرة هذية بش نختلف معاك "بيغ"... حسبما فهمت أنو نظام "الكنام" ماهوش إختراع تونسي... ز هذية طبعا مانتصورهاش مفاجأة... أما زادة تخلي تقييمنا ليه نسبي أكثر... بلغة أخرى هذا نظام موجود بالأساس لهنا في أمريكا... يعني نظام نظريا الاسس متاعو لهنا بدات بالرغم إلي مافماش نظام صحي عمومي بأتم ما في الكلمة من معنى... و بقية البلدان في العالم بما فيها دول الاتحاد الأوروبي قاعدة تنقل على النموذج الأمريكي... لكن المفارقة إلي أمريكا توة قادمة (سواء أوباما و إلا كلينتون ولى رئيس) على إصلاح جوهري على نظام التأمين يقتدي بالنموذج الأوروبي في الأساس... بالمناسبة طبيب العايلة أو المرور على طبيب عام هو من الأشياء المعمول بها لهنا زادة... أنا يظهرلي إذا كان بش يكون فمة مشكل مش في النظام الصحي في ذاتو و إنما في تطبيقاتو... و خاصة العقبات البيروقراطية إلي تمس مختلف جوانب الحياة... و طبعا التعطيل مشكل كبير في المسألة الصحية... لأنو الوقت فعلا من ذهب في الحالة هذية

Anonyme a dit…

ma na3rafch 3lech dima etwensè mouch 3ajibhom chay. mele 3ajibkom il wath3 il7ali: timchi li tbib bech tdewi, yo93od m3ak 5 min itha kan 3mal m3ak limli7 w yotlbek fi 35 dinar(mouch il koll bitbi3a). binnesba leya hatyeya ma3adech tobb ama tijara w tijara morb7a zede. ittobba 9a3din yistaghnew 3ala 7seb echa3b w mouch 3ajibhom liknam 3ala 5ater bech yna9selhom mil mad5oul le akthar w la a9al.
wene nra illi leknam 7aja behia 3ala 5ater t5alli enness ilkoll tnajam timchi liklinik, w tnajjam timchi li tbib specialiste. et je parle en connaissance de cause puisque mon pere a pu realise une operation dans une clinique et la cnam lui a rendu son argent.
bref a7na ettwense dima mit3all9in bil9dim w norfdhou koll mahou jdid 7atta min 9bal me n9aymouh wil amthla 3adida.
9oulouli ke ghalet
w brabbi une remarque au passage yezyouna mil klem izeyed le yezzi fi chara3 le yezzi fil blogosphere illi normalement fiha un certain niveau
amicalement

Anonyme a dit…

@ BTB:Reellement abde3et ya BTB..na7ki 3al ousloub..3andek na9chet 7lowin..ye3tik essa7a bien ke je ne partage pas tes idees a propos l'Etat/religion et j'ai deja repondu sous une forme"poetik"..

@Tarek Kahlaoui :و بقية البلدان في العالم بما فيها دول الاتحاد الأوروبي قاعدة تنقل على النموذج الأمريكي... hadha min chira we min chira o5ra:ي أمريكا توة قادمة... على نظام التأمين يقتدي بالنموذج الأوروبي في الأساس. tifhimchi 7aja?????

Anonyme a dit…

Merci d'avoir éclairci un peu plus cette histoire dans ma tête. Je me demande chkounou hal Einstein illi bet ymakhouer fi ... w tla3 b'hattal3a. On veut copier je ne sais quel modèle occidental, mais on n'a pas voulu se mettre une bonne fois pour toute dans le ciboulet que ça n'a rien à voir. Rabbi yihdi, comme si ce n'était pas assez compliqué comme ça l'ha dans ce bled !!

DJ WAEL a dit…

برجولية باش نبوستي هالميضوع في مدونتي مع ذكر المصدر بالطبيعة

Anonyme a dit…

ya tjr une 4iem solution
faire medecine et se soigner soit meme://///////

lutfi a dit…

akhyeb da3wa tawa we7ed ynajem yed3iha bewe7ed ykolou ya3tiCNAM !
7achekom bien sur

Ignescence a dit…

Bonjour,
J'aimerais commencer par féliciter BTB pour avoir expliqué les trois modalités d'adhésion à la CNAM tout en se faisant passer pour quelqu'un qui n'a rien pigé de toute l'histoire.
La CNAM, de point de vue théorique, bien évidemment est un concept très moderne et qui permet une equitabilité dans l'accès aux soins. Fort malheureusement, nous ne disposons pas de l'infrastructure nécessaire pour adopter un tels concept. De plus, l'histoire s'est planifié sur un coup de tête des décideurs et a été adopté si rapidement que personne n'a eu le temps de gober quoi que ce soit.
Merci BTB pour avoir braqué un spot sur ce sujet et continue à écrire, ça nous fais du bien.

Anonyme a dit…

voilà, je suis peut être naive mais voilà, j'étais sûre que cette histoire de la CNAM allait résoudre tous les problèmes. Voilà, à ce que j'a compris du post et d'après ce que je sais moi même de cette histoire, c'est le même système qu'ici en France. D'ailleurs ça s'appelle aussi la CNAM ici et ça marche. Bon, pour être honnête, ça marche pas trop bien pour l'Etat (le fameux trou de la sécu!) mais ça marche pour les malades parce qu'ils sont pris en charge et qu'ils sont remboursés quand ils consultent, sont hospitalisés, ou encore achètent des médicaments.
Maintenant, ce que je crains est que les infrastructures (qui sont loin d'être ceux de la France) ne suivent pas.
ça serait tellement bien pour tous les gens qui payent des fortunes pour des opérations et sont des fois obligés de vendre leurs biens (illi wrahom, willi 9odemhom) quand il y a une maladie grave (cancer surtout) dansa famille.
J'espère que ça marchera.
Je n'habite pas en Tunisie depuis quelques années, donc, je ne suis plus au courant de tout ce qui se passe là bas mais les blogs que je visite de plus en plus m'aide à me tenir au courant et de savoir ce qui se passe dans la tête des tunisiens et le cas échéant, je ne comprends pas pourquoi vous êtes tant sceptiques par rapport à cette nouvelle formule de la sécurité sociale.
J'ai du rater un truc.

HNANI a dit…

هههههههههه
هاذاك هو آنا عندي 5 شهر نستنا باش إرجعولي فليساتي.. و يضهرلي ماهم باش إرجعو هاك التفتوفة إلّا ما نقتنع بالحلول لولة ولّا الثانية.. وانا مانحبهمش وهاني مازلت شادة صحيح مانيش باش نختار الجديد و هوما شادين صحيح باش إعيفوني في القديم إلّي هو الثالث..
تعرف كيفاش أنا إبديت ،الحشايش الكل خذيتها حتي مالحريقة قالك نافعة.واشريت كتاب متاع الأعشاب بالتونسي علي خاطر القديم إلي عندي الأسماء مافهمتهاش.ز المهم قاعدة إنحظّر في صيدلية و نقري باش كيف نمرض إنداوي روحي هههههههه

Anonyme a dit…

Ok, expliquez moi, c'est quoi le problème avec le medecin traitant "tbib el3ayla"..Pourquoi vous êtes si sceptique? Après, on a presque tous un généraliste chez qui on va tout le temps, non? ça va changer quoi?

Anonyme a dit…

Ok, expliquez moi, c'est quoi le problème avec le medecin traitant "tbib el3ayla"..Pourquoi vous êtes si sceptique? Après, on a presque tous un généraliste chez qui on va tout le temps, non? ça va changer quoi?

Anonyme a dit…

Ok, expliquez moi, c'est quoi le problème avec le medecin traitant "tbib el3ayla"..Pourquoi vous êtes si sceptique? Après, on a presque tous un généraliste chez qui on va tout le temps, non? ça va changer quoi?

mandela a dit…

@bibi ce ki va changer brada bibi cke la bite du generaliste n'est pas la meme ke celle du doc de la familia wen7ebek tefhemha hedhi sur un air de sinsemilya...
crying blood...big up brada

Anonyme a dit…

exusez moi d'insistez..Ye5i tbib el3ayla mouch normalement dima généraliste?? Je veux qu'est ce qui va changer?? C'est juste que tu vas déclarer edoctour elflany "medecin traitant"..
Dans ma famille, on va chez le meme généraliste depuis qu'est bébés et quand il diagnostique chez un de nous un truc qui le dépasse, il nous redirige vers un spécialiste..Qu'est ce qui va changer??
Dhaherli, ma famille n'est pas unique et ma nech nosknou 3al gamra..
Mais, je repète, moi je n'habite plus en Tunisie et je suis assez satisfaite en France, du système de la CNAM. Voilà!
9oulouli c'est quoi le problème? Je suis sincère.

Big Trap Boy a dit…

حسب رأيي المشكل هنا هو في الغموض وقلّة الشفافيّة في التعامل مع تبليغ محتوى المنظومة الجديدة وبالطبيعة المصداقيّة تاعبة خلقي لأسباب أخرى، ولهذا فالمواطن يلقى روحو حاير وموش فاهم وين يحطّ ساقيه وآش يختار وقدّاش باش يقصّولو من شهريّتو وقدّاش باش يرجّعولو

يعني هي الحكاية عملوها بطبيعتها معقّدة وزيد ما وضّحوهاش للعباد كيما يلزم وزيد مشاكلهم مازالت ما تفضّتش مع الطبّة

هذا ما يمنعش أنها المنظومة الجديدة فيها جوانب إيجابيّة ونتصوّر أنّها باش تكون خير برشة من المنظومة القديمة بعد ما يوضّحولنا معالمها

yes_in a dit…

Il faut voir les choses de l'extérieur ...

Avec les prix du brut qui continuent a monter, et les nouvelles réduction des taxes sur la douane, le pays n'a plus de source de fonds; il a besoin ainsi de réduire les dépenses, et les plus grand secteurs qui lui coutent énormément c'est l'éducation et la santé ... le gouvernement a préférer de modifier le system de la santé pour essayer d'économiser ... et laisser l'éducation continuer (3ala akel education ettayara) .. ou bien il aurait pu réduire les subventions de l'essence, ce qui aurait eu des conséquences beaucoup plus graves pour le tunisien ... ceci pour même pas penser à toucher au pain, une des importantes dépenses de l'état ...

en conclusion, le Tunisien est gâté vu qu'il a hérité des caractères "naghnaagh" des Français et leur socialisme... je ne suis pas contre un socialisme modéré, en fait c'est le seul moyen de sortir du sous développement (développement soutenu par l'état); il n'y a que les Etats Unis qui a grandit avec le capitalisme pure et dure, aucun autre pays ne l'a fait ...
ya capitaliste sauvage ...

hehehe


PS. winuu el fasel ethaleth mta3 la7keya lokhra ??

mandela a dit…

barra 3ad ya btb mechya m3ak w7alla m3ak edenya...toll 3a numero mta3 samedi 29 tari9 el jadid ahawka errafi9 ftou7 farhdek wriglek wkateb alik page kemla...nchalah ma ysakrounech rab lblog 3al phaza...

kahloucha a dit…

YOUKADOUNA ILA ALJANNATI BISSALASILI

C'est mon commentaire sur ce qui se passe avec la CNAM et le peuple Tunisien.
Je ne prétends pas avoir compris le système CNAM, mais ce dilemme que sont entrain de vivre nos compatriotes en Tunisie me laisse vexé sur la faible capacité d'assimilation du tunisien moyen. Le cher tunisien ne veut pas se casser la tête pour comprendre. Il veut des solutions toutes prêtes, il a des doutes sur tous et craint toujours qu'on lui tende des pièges et pourtant c'est très simple.
Voila un exemple à la portée.
Si quelqu'un te propose de te rembourser 700 millimes sur chaque bière que tu vas boire, mais pour pouvoir s'organiser, il te demande de choisir entre trois systèmes:

1/ S'approvisionner chez les grossistes (c'est prés de chez toi, c'est moins cher, mais on risque de ne pas trouver qu'on demande, il y a une file d'attente énorme, il y a plusieurs autres risques et problèmes que chacun peut énumérer à sa guise et selon son vécu). Disons que chez ces grossistes la bière coûte 1 dinar, tu ne payeras que 300 millimes puisque 700 millimes sont automatiquement remboursé en présentant une carte à la caisse. Si pour un problème quelconque tu n'arrive pas a avoir ta bière et que tu décide d'aller l'acheter ailleurs, tu ne sera pas remboursé.

2/ S'approvisionner chez un magasin homologué de ton choix mais que tu dois désigner d'avance (magasin général, monoprix, carrefour, géant , ou autres enseigne à condition qu'elle soit homologuée). En cas de problème (et normalement ça sera très rare parce que chez l'espace qu'on a choisi nous même il y a toujours une réponse à tout) on peut te conseiller d'aller voir un autre magasin de la même enseigne ou encore une autre enseigne. Disons que la bière coûte 1 dinar aussi chez ton magasin, tu paye, tu prend ton ticket, tu l'envoi et tu recevra 700 millimes par voie de virement dans 3 semaines.
Pour des raisons d'organisation, tu ne peut pas acheter chez un autre magasin ou une autre enseigne sans consulter ton magasin initial.

3 S'approvisionner ou tu veut grossistes, magasin général, monoprix, carrefour, géant , ou autres enseigne, bars, restaurant, hôtels, résidences, palaces, etc.
Tu paye le tarif demandé, tu prend ton ticket, tu l'envoi et tu recevra toujous dans 3 semaine 700 millimes par bière consommé.

Et comme dit le monsieur DLILEK MLEK.

Big Trap Boy a dit…

@ Kahloucha :

Merci pour l'effort de simplification, juste que là tu confond le 2eme et le 3eme régime.

De toute façon le problème est surtout dans la précipitation et dans le manque de communication appropriée.

Sinon le tunisien a des raisons pour être sceptique et je ne crois pas qu'on puisse les ignorer.

:)

Anonyme a dit…

Pour ce qui est de faire médecine et de se soigner soi même c'est pas tellement évident, mais bon c'est toujours plus facile je suppose, pour le généraliste, toute la notion de la CNAM est basée sur le faite de revaloriser ce médecin "généraliste", ça sera pour les générations à venir ( càd à partir des étudiants de 4ème cette année en médecine)une micro spécialité de 3ans, ce n'est plus un pauvre généraliste qui a échoué au concours de résidanat mais un médecin de famille qui a +ou - "choisi" de faire cette spécialité.
Pour les modalité de ce processus, c'est vrai que ça reste flou, même les études médicales sont flous pour l'instant, il n'y a pas de textes clairs quant au moment de choisir cette "spécialité" par rapport au concours de résidanat, mais bon, moi je me dis qu'on a tous un peu peur devant les choses qu'on ne connait pas encore, mais dans quelques mois on comprendra tout. Ya 5abar lyoum bel Flous Ghodwa Blèch

SNAWSI a dit…

Ya trap: faudrait prévoir une sorte de protection sur tes articles!!
Je viens de lire ce même article sur mon facebook: les gens sont entrain de se le forwarder, sans même souligner la source ou mettre un lien vers ton blog !!!

Anonyme a dit…

الى يشوف التصويرة متاع الدبليون توا يفهم آش معنها هاك الثلاثة صوابع و الفاهم يفهم