lundi, novembre 10, 2008

مع أرابيكا ضدّ تشليك التدوين

الأنونيم …ماركه مسجّلة

في الاونة الاخيرة طلعت موضة اسمها الانونيم …من عالم التعليق…الى عالم الفايس بوك ….اى اى والله بالحق تجيك دعوة هكة جهامة بلا وجه ….والاسم مستعار….الزززززززززززززح ….تى هو اسمو الفاتشاتا متاع جد بوك…أنت تختفي وتلبس قناع ماسط و تعمل كونت وتدخل باش فقط تصقصي وتعرف فلان اش اسمو ووين قرى ولشكون يشبّه !!
يقول القايل شكون جبرك انت تقبل الدعوة من الاول على الفايس بوك- اللى ما عادش فايس والا الماسك بوك - ارفضها وسيب عبد السلام يسقى الاغنام والجو ربيع وامى السيسي تكنس والذيب يهقّ …اى عندكم حق أما تصير انّك تقبل أصدقاء جدد لانو عندكم أصحاب مشتركين وتصير انّك انت تشارك في مجموعة وما تدريش على الانونيم متخبى لغادي ؟؟
متخبّي لغادي …نياهاها !!!ويشدّك ….نياهاهاهاهاها !!!
وياحبّذا تطلع -بما انّك مشدود- مدوّن عاد ما تتفاهمش مع صاحب الماسك المختفي المجهول الانونيم -باسم الله الرحمان الرحيم - ياسر في الافكار آش يصيرلك في الحالة هذي ؟ نياهاهاهاها مرّة أخرى
صاحبنا الانونيم دوّرها جبدان أعراض ناس يبدى يجبدلك في سيرتك وسيرة اهلك وامّاليك ووين تسكن وبوك وامك واخواتك في التعاليق على مدونتك اي اي وليت تدفع فلوس لتيليكوم وللتوبنات باش تتسب …اللى يخدم في بيرو بصحتو رزق البيليك فلوس الحاكم وتسب بيها نورمال ماهى فلوس حرام حرام ….
أنا ومن منطلق حيرتي الوجودية الازليّة نحب نعرف التنسيس هذا لواه …؟
وشنوة علاقة نقاش الافكار والتوجهات والايديولوجيات والانتماءات بأمّك وأختك وبناتك وعهرك وفحشك وشربانك حتّى في دواء الفار لا قدّر اللّه ؟؟
وباش تتزادلو ها الانونيم عشرة حسنات كان سبّ على قاعدة وجبد مصطلحات “أوناسيّة ” التركيب معناها جابها من بلاصة في الديوان الوطنى للتطهير؟؟
برشة فينا نكتبو بطمأنينة غريبة …أو كنّا …لأنو الظواهر متاع التخلّف في الردود اللي تجي على التدوينات ماكانتش بها الكيفية هذى واذا كان فمة ما يقال فانو جاي من مصدر واضح زميل في الكفاح التدويني عندو حبّة في قلبو وفقعها وبعبع واتكلم على الملأ ماكانش عندنا برشة “شبيحات” معناها جمع متاع “شبيّح” تتفكروها الصور المتحركة هذيكة اللى فيها الشبح يضرب ويهرب وأبقى فركس عليه عاد انت تولى مجبرا أخاك لا بطل تعمل في حاجة تكرهها وتقاوم فيها الا وهي القمع أو الحجب أو الصنصرة كلو واحد …لانو ماعادش فيها تعدى المرة الاولى ….الثانية….السابعة …تمشي تخدم وتروّح تلقى مدونتك ملغمة بكلام سوقي تتلزّ تولى موش عمّار أمّا “عميراتو” وتركب فيلتر للتعاليق موش لانو انت اتحب كان كلام الشكر والتمجيد وموش لانك تموت على خدمة البوليسيّة امّا تركب فيلتر بالكشي يجيك نهار معلّق انونيم بعيد الشرّ يدرهلك خلايقك بالحديث على الامة العربية الواحدة من المشرق الى المغرب وضرورة التصدي للكفرة (اللى تبدى انت مقصود طبعا بكافر وزنديق) والجهاد الجهاد ويا تغيير يا بطل طلّعت الناس الكل والشعارات المزينة بكلام زايد (حاشا الشيخ زايد الله يرحمو كان ناس طيبة)
الادهى والامر رانا حارة حمص في قعر طنجرة شربة امالا كان جينا مليون والا حتى شطروا آش تعملو يا “أنونيم” ؟؟تعملوا مناشير توزعوها وتحطو فيها قاطعوا المدونين اصحاب الافكار الهدّامة وتعملو ليستة وتولى اغتيالات وتهديدات ؟؟
فمّة نوع آخر من الأنونيم اللى لاهو لاهو معناها يعمل فيها مدوّن …ثلاثة أربعة مدونات …يقطع قلبو وآش يعرف يكذب …ويبدى عاد ينسنس ويفتش في الضمائر متاع البشريّة و أقصى طموحو انّك تزيدو على …الجيمايل….الهوتمايل….الياهو…الفايس بوك….الجي تولك…. آش ما جاء ياخو بالخاطر …باش يعرف ماك وين يصب …ويجيك كلّ مرّة في هيأة وكلّ مرّة في شخصيّة …حرباء على حالها …العباد ما أوسع البال اللى خلقهولها ربيّ …زنس جيمس بوند عربي ما فمّاش خوه …أمّا هاوينو ساعات ينقش نقشات متاع تعاليق أنونيم زاده …اه امّالا يموت كان ما يعملهاش …الكيف متاعو استنباط الشخصيات كلّ مرّة نوع….والتنسنيس…ومن بعد يجيك في التعاليق على اساس انو انونيم ويمرجلك الكبدة بالذوق الرفيع… نحلف عليه مولود في مركز …الشيء راضعو في الحليب منذ نعومة حراشفه وهو كلوفي ونسناس…
وبما أنو أسئلتي الوجودية ديما يسطعها الحيط باش نكتفي بانى نقسم معاكم ها الاكتشاف …الانونيم ماركة مسجّلة ….كيف مدى الحياة بالضبط ….فهمتوووووووووووووووووووا والاّ ماهآه ؟؟
لذلك ما تخلوش المدونات تفسد بها الرهوط وما تحشمش كى تركب الفيلتر “عادي” جدّا نتصوّر أحسن ببرشة من انو المدونة تتشوّه بكلام تافه وجاي من تفكير نعجوي معتلّ
وامشي للفيس بوك افرز الاصدقاء الصحاح اللى عندك فيهم ثقة والبقية الغيهم -بالنسبة لي انا سكرتو-
وثالثا…ما تصدقش انو بكلنا مدونين ….فمّة الدونيين زاده
ورابعا…أكتب للروحك اولا…وأخيرا …
خامسا
خمس وخميس علي اش حكيت اليوم …تعمل القينيا

26 commentaires:

Big Trap Boy a dit…

أنا من ناحيتي كلّ مرّة نرجّع الرقابة المسبقة على التعليقات قبل نشرها وساعات كيف نلاحظ أنّ الشلايك إلّي جايين للتلويث وموش للتعليق خفّفوا عليّا من زياراتهم نعاود إنّحّي الرقابة على التعليقات على خاطر ديما نحبّذ النقاش يتمّ ليه ليه وما يقعدوش المعلّقين يستنّاو في سيادتي باش ننشر ردود الفعل الأخرى حول موضوع التدوينة، لكن كيف تجي تشوف تلقى بعض الناس جاية باش تجبد فلان وفلتان بإسمو ولقبو وسيرتو وعرضو نولّي نقول من الأحسن نعملو شويّة رقابة حماية للذوق العام وللسلم الإجتماعي من الراطسة متاع الجبورة إلّي رامية روحها على عالم المدونات المدّة الأخيرة

ظاهرلي الوقت حان باش نعملو حملة نظافة في المدونات متاعنا

HNANI a dit…

والله شيء يحيّر،الواحد ماعادش يعرف كيفاش يتصرّف مع حكاية التعاليق الخارجة على الموضوع... لكن أنا انقول يلزمو الواحد يكون ثابت و يجاوبهم ، ويعلّمهم آش معناه حوار و نقاش في موضوع من المواضيع

baz2x1 a dit…

79 posts en 2008 Vous allez perdre votre titre cette année.
Dommage vous aurez pu conserver le trophée avec une troisième victoire :)

Anonyme a dit…

Tous ensemble pour cette campagne de propreté !!!

خليّل a dit…

Et oui ya BIG, il y a trop de gents imbéciles.

Mais je suis pas d'accord avec toi sur faire le ménage, car les blogs sont libres d'expressions, ils sont libre à dire ce qu'il veulent et nous aussi, c'est ça la liberté d'expression, chez toi tu fait ce que tu veux, filtré, censuré avec des cons tu peux trouvé n'importe quoi.

Je sais qu'il existe toujours des imbéciles qui se cache derrière des pseudos anonymes mais bon il faut bougez pour contré ces merdeux.

Pour le moment je garde les commentaire ouvert au anonyme, je résiste quoi mais il faut tout d'abord qu'Arabica revient.

Tunisian and proud a dit…

yakhi vous n avez pas remarké ke le blog d arabica ne marche plus ?

censuré ou piraté ou desactivé ?

Anonyme a dit…

Tous ensemble pour cette campagne de propreté !!!

واحنا الكل معاكم

mandela a dit…

bon ena merte7 mil face book 5ater msakrinou 3liya b7yet ras 3ammar depwi juin dernier...
ema pour arabicca brabi comeback jitek bjeh isef wa nayla bras allet wal 3ozza w menat lo5ra...
plz arja3 fatouma sinon mwa oci je me casse

Anonyme a dit…

Salut tous les blogueurs.
On est tous d'accord qu'il y a beaucoup de commentaires diffamatoires et malsains.Activer la modération ne peut etre qu'un choix judicieux.Petit à petit ces commentaires vont disparaitre parce que celui qui laisse un message de ce genre,veut le transmettre en premier lieu au lecteurs du blog.
Sinon je pense que vous faites la confusion entre vos pseudos et vos vrais noms.Pour moi, vous etes aussi des anonymes.Civilisés ou pas ce n'est pas la question.Ces idées lumineuses et cette liberté de ton est du à une identité cachée.Je ne crois pas que Clandestino oserait évoquer les dessous de l'affaire "Tarek Dhiab" ,ou que free race critiquer ouvertement la politique du gouvernement ou meme big trap ridiculiser elfo9ma et Borhene si leurs blogs respectifs portaient leurs vrais nom.
j'exclus de ce raisonnement ceux qui sont à l'etranger.
La seule différence c'est que vous etes anonymes pour la bonne cause,vous voulez faire avancer les choses.Mais croyez moi,tout cela disparaitra une fois ou vous vous trouverez obligés de mentionner vos identités.
vous etes des anonymes à votre tour et ce ne sont pas les meet-up qui vont me faire changer d'avis.
Activez la modération,écrivez mais surtout épargnez nous ces discours ou vous vous prenez pour les victimes de la liberté d'expression.

DIDON a dit…

هالرهوط هذوما بلادنا معبية بيهم منهم الاي يشد القهوة ومنهم الاي يشد راس النهج ومنهم الاي يشد قدام الليساي ,,,,,ومنهم الاي يشد المدونات ويبدى يسيب عاد في الجهل والكبت والمرض ,,,,,متاعو
والخامج ما تنتظرشي منو حاجة نظيفة أبدا مهما ظهرت عليه علامات النظافة

Anonyme a dit…

j'espère que tu ne vas pas filtrer tous les anonymes btb car il y en a qui n'ont pas assez d'esprit pour trouver un pseudo qui les représente le mieux et de ce fait préfèrent garder l'anonymat. non pas pour cacher leur identité (pas seulement) mais le font juste, faute de mieux.

quant à la racaille de laquelle tu parles, eh ben ce sont les frustrés qui se vantent d'avoir laisser tel ou tel commentaire dans les blogs les plus visités..des frustrés qui, jadis, se masturbaient dans les toilettes en pensant aux filles et en maudissant leurs copains...aujourd'hui c'est une autre masturbation,où ils fantasment sur le pouvoir dont ils imaginent être pourvus quand il attaquent par derrière et plantent des aiguilles (car elles ne sont guère plus que ça) dans les dos.
remarque, même s'ils savent leur anonymat "inviolable" ils gardent quand même leur seule façon d'être: lâches, décérébrés et mesquins.

....sinon, ils leur reste toujours la branlette, et l'espoir de pouvoir un jour sortir leurs nez de leur Q.

Anonyme a dit…

Anonyme et malheureusement je vais rester "Anonyme (c)2008".
Je veux comprendre pourkoi vous voulez savoir c ki ki vous écrit! c clair hedhè houa ettentiss wè etnesniss b3inou...
Ça fé une grande différence entre qqun qui post avec Anonyme ou bien avec son blog!!
Mée themma 7èd ideal rahou, yofh-herli kif desfois je post sur ton blog, je ne te connais meme pas et je n'ai pas envi de te connaitre, elkolou virtuel...
illi inchouffou et je le commente c ce k tu écrit... no9ta wè arje3 li star.

Brabbi un blog c pas anonyme??!! qqun derriere un blog! anonyme est anonyme aussi!!

Je vé crée un blog nsemih anonyme.blogspot.com

Anonyme a dit…

wallahi ya big, 3matlou (walla 3meltelhom) 9dar fou9 ellezem.
echleyek eli ta7ki 3lyhom mayestehlouch article kemel .. khater houma tawa bech i7essou rwe7hom mouhemyne ou weslou wyne 7abou kif narvzouk.

ya khouya, anséhom ou mata3melhomch 9dar, ou arja3 at7efna bma9alatek yar7am bouk.

Anonyme a dit…

Maw kel 3ada kol sujet yodkhel fih el 7ouroub al salibiya we twalli loughet jihed we tetbalbez jemla !

YEkhi el 3riba me ynajjmouch el 7orrya ?
wella menech mrabbin fi environnement yasma7 bel 7oriya weta3adoudiya kima qal Said el Qomni ?

Anonyme a dit…

Big Trap Boy عزيزى البيغ تراب..يظهرلى ماتحبو كان ..صحيت يابيغ..وحدك يابيغ..قتلتنى بالضحك يا بيغ..وهات من هاكا اللاوي..هاذى عقلية متاع فداوى..متاع الطير يغنى وجناحو يرد عليه..وانا ما نعرفكش اشكون وشخصك ما يهمنيش..انا نتعامل مع بلوغ موش مع شخص واللى يعمل بلوغ ما يلزموش يتوقع التطبيل والتزمير...وعادي..بل عادي جدا انو ساعات يسمع حاجة ما تعجبوش وللا حلال عليكم حرام علينا..والمرة هاذى..ضهرتو حابين تعملو مونوبول متاع تدوين فى تونس..ننصحكم تلموا ارواحكم فى اجتماع عاجل وتعملو تعاضدية واحدة ..أى مدونة واحدة وتنجمو تسميوها ..مثلا الديوان الوطنى للتدوين وللا حاجة كيما هكة..واللى حل فمو تتطلقو عليه الرصاص..ديما نقعدو بعقلية..ماتحطش كرهبتك قدام دارى...مع تحياتى

Anonyme a dit…

je rejoins kobba dans ce qu'il a dit. au fait, a t on réellement besoin de savoir avec qui on communique même un travers un pseudo ? pourkoi cette obsession de personnifier tout ? à t on oublier que tout ça est virtuel ?

Anonyme a dit…

big hani anonyme wan n7ebech nsseb 7atta kan enti contre afkari mais ya wildi rak fi tounes ti hani na9ra fi boget mssara w 5alijiyine ar9a minna barcha leannou enti ya big 3almani w tnajem t9oul mol7ed w 3indek afkarek el5assa w fi bledna mezelna n3anou me jahl 'tfalm 3linaa etalvza) en plus i7ki bel farcha w bayen rou7ek enti chkoun 5alihom yssibou leannou elfareg yseeb maynajemch ya3mel blog yrod bih leannou jahel w na9ess fi rassou
aya 3la 5ir la3ziz wekteb chway 3al bled w surtout belehi radio mosiaque w hak sujeyetes tabbou 9al echneya chaja3a fi tar7 el mawadi3 5alou politique economie el fa9r les salaires w ye7kou 3al bleda fil kirane ...!!!! vraimen bled tanfa5.......

Zied El-Heni a dit…

Personnellement je ne croyais jamais que j'allais recourir au filtre. Au contraire, je diffusais tous tous les écrits critiques à mon égard, y compris ceux qui sont diffamatoires. Mais lorsqu'un "anonyme" a profité de l'ouverture de mon blog et l'absence de filtre pour porter atteinte à la dignité d'une collègue décédée lorsque j'ai publié l'annonce de sa mort et faire passer l'adresse d'un site porno non censuré, alors il fallait intervenir pour dire: Non... la liberté d'expression a des limites..
La liberté oui, mais aussi...
حدّ أدنى من الأخلاق!!؟

Anonyme a dit…

ظاهرلي الوقت حان باش نعملو حملة نظافة في المدونات متاعنا.........كان نعملو حملة نظافة غدوة يلزمك تسكّر البلوغ متاعك...ياللا عاد موديراسيون...كيف العادة..يلزمنا نبندرولك وللا نسكرو افامنا

Anonyme a dit…

BTB J'ai l'immense tristesse de t'annoncer le décès de Mitch Mitchell l'ex batteur des Jimi Hendrix Experience.

Il a été retrouvé mort dans sa chambre d'hotel.

Il avait 61 ans

Inna' l'Illèhi wa inna' ilayhi raji3oun

Anonyme a dit…

Et voici quelques moments sur lesquels nous pourrons tous nous receuillir:

http://www.oregonlive.com/news/index.ssf/2008/11/jimi_hendrixs_drummer_mitch_mi.html

Big Trap Boy a dit…

testingp

Anonyme a dit…

أولا أنا نحب نعبر على إعجابي بأسلوبك في النقد و على شبه إعجابي بالمواضيع المطروحة لأنه في بعض الأحيان نلقاك تنتقد في حاجة ما غير هدف بعبارة أخرى تنبر عل العباد لمجرد التنبير و ما توصلش لدرجة النقد البناء اللي يقدم الأفكار و المنهجيات و علاش لا الحلول ولكن مع ذلك نحب نشجعك على التعبير بكل حرية اما المشكلة اللي عاونت على تشليك التدوين هي مفهوم الحرية ولا نسبة الحرية المسموح بيها لأنه كيما انت خرجت على الخطوط الحمراء لبعض الإطارات و الكوادر الجربوعستانية فإنو الأنونيم خرج على الخطوط الحمراء اللي رسمتها انت أو أصحاب البلوقات بصفة عامة مش معناها قاعد نشجع فيهم على التعليقات السخيفة و البليدة لكن نحب نوصل معاك لتحديد مفهوم الحرية اللي يتفق عليها الجميع بش نقضيو على تشليك التدوين إذا نقولو مثلا كونو ننجمو نعبرو على كل شيء من دون ما نسيؤو للآخرين كيما هاكا القولة اللي قريناها في السنوات الأولى من الإبتدائي "تقف حريتك عندما تبدأ حرية غيرك" نلقاوك انت زادة تخرج على هالمفهوم في بعض مقالاتك كيما وقت اللي قلت 370 ركعة تراويح هوني أنا كنت عامل جو بالمقال متاعك حتى لين عرضتني هالعبارة فإني حسيت بالإساءة من طرف شخصك الكريم لأنك هوني ما تمنيكتش كان علي قلقك و إنما تمنيكت زادة على صلاة التراويح اللي ما ظاهرلي كان تقلقك في حتى شي و هوني زادة حسيت روحي مستهدف بما أني من هاكا الجماعة اللي يمشيو يصليو 370 ركعة اما ما نخليش كرهبتي قدام ديار الناس ما نحبش نظهر بمظهر اللي تسميهم انت جهلوت و ظلاميين لأني معاك في كل ما تنادي بيه من قيم التنوير و التقدم لكن زادة نحب نحافظ على جذوري و القيم الأصيلة متاعي و متاع الأمة هاذي اللي ما زلت ما فهمتش موقفك منها
كيما لا حظت انا انونيم لكن ما سبيتكش و ما حاولتش مش نطيح من قدرك ولا نجبدلك عرضك حاشاك وانما طرحت عليك بعض الأفكار و الأسئلة عساها تزيد تحسن في مستوى طرحك للمواضيع وإذا كاني غالط في حاجة ولا تختلف معايا في حاجة فما فيها باس كان تعاود تجاوبني وتقنعني بآراءك
في الختام نحب نحييك على حسك الفكاهي اللي هو أهم ما يميزك و يعجبني فيك و سامحني كان طولت عليك ايا سلام

Big Trap Boy a dit…

@ dernier commentateur anonyme:

أولا شكرا على تعليقك وكلامك المعقول

باش نحاول نجاوب على بعض النقاط وأولها أنّ الأنونيم كيف يسب بصفة مجانيّة، كأن يتهم شخص ما يعرفوش أو حتى يعرفو بالشذوذ الجنسي أو يقذف أمّه أو ما شابه ذلك، أو عندما يشهّر بالحياة الخاصة لأشخاص سواء كانوا مدونين أو غير ذلك، فهو لا يتجاوز الخطوط الحمراء التي وضعتها أنا كصاحب مدونة أو غيري، هاذي أفعال تقع تحت طائلة القانون الجزائي وبالطبيعة هي أعمال لا أخلاقيّة وهذا لا إختلاف فيه، لهنا ما وصلناش للحالات إلّي فيها شك أو جدال حول ما إذا كانت تعتبر سوء إستعمال للحريّة أو أنّها على خلاف ذلك تندرج في إطار حق كل إنسان في التعبير

من جهة أخرى باش نجاوب فقط على الحالة اللي ذكرتها إنتي فيما يتعلق بال370 ركعة تراويح مع أنّها ما تنجمش تلخص الحوار حول ما يسمى بالخطوط الحمراء، بالطبيعة الأمور هاذي حساسة شوية ودرجة حساسيتها تتغير مع تغير درجة حساسيّة المتلقي يعني القارئ، مثلا أنا كيف قلت 370 ركعة حبّيت نظهّر أنّها فترة الإنتظار باش تكون طويلة برشة، وما قلتش أنها صلاة التراويح حكاية بيدونة وسيّب عليكم منها، قلت فقط بما أنها طويلة برشة فماهوش معقول باش تحصر العباد في ديارها بكرهبتك ثلاثة سوايع حتى لين تعطي حق ربي. بالطبيعة تأويل القارئ ينجم يمشي في إتجاه آخر غير الشيء إلّي فكّر فيه الكاتب، وهنا لازم نتفاداو قدر الممكن محاكمة الناس على نواياهم على خاطر النيّة ما يعرفها كان صاحب الفكرة

Anonyme a dit…

أنا الأنونيم صاحب التعليق الأخير
في البداية بارك الله فيك لأنك منحتني من وقتك ومن اهتمامك بش تجاوبني لأنك انت هكا قاعد تبين للآخرين أنك تقبل الإنتقاد المهذب مش كان عبارات الشكر
اللي قلتوا ممتاز وهذاكا اللي كنت ننتظر فيه بش نعتمد عليه في التعليق هذا
إنت أنكرت سب الأشخاص و تعييرهم و التشهير بهم وهذا ما نشاركك فيه الرأي ولكن نلاحظ في بعض الأحيان أنك تخرج عن هذا الإطار نلقاك مثلا تجي تقول على برهان بسيس بلعوط وهذا ظاهرلي ما عندوش اسم آخر بخلاف السب و الثلب مانيش ندافع عليه اما ظاهرلي كي ما تعجبكش أفعالو انتقد افعالو و آراؤو مش تتهمو بالتبلعيط وكي تجي تقول على ياسر عرفات مقجول و أحمدي نجاد كاراكوز و وعلي بن نصيب فقمة فهذا الكل نراه سب و الطبيعي كي بش يجاوبك بش يسبك و يزيد يسبلك أمك مع العلم أني ما نوافقش على السلوك هذاكا لا كي تعملوا انت و لا كي يعملوه هوما كي تجي تقول على حماس جهلوت و ظلاميين فكل من يقتنع بالمقاومة في فلسطين بش يجي ضدك حتى كان حماس عملت برشة أغلاط و ساهمت في إحداث الفتنة خلي عاد اللي مخاخهم بسيطة و ما يتحكموش في مشاعرهم بش يجيو يتهموك بالكفر و الزندقة و ما إلى ذلك من الإفتراءات و ترجع انت تتهمهم بالتطرف و البهامة و الرجعية و هكذا دواليك
وكي تجي تقول على فتح انتهازيين و مرتزقة فكل من يحمل أفكار فتح و معجب زعمة بالزعيم ياسر عرفات بش يجي زادة يسبك
كيما لا حظت المشاكل كلها من الإعتداء على واحد في شخصو سواء كان بيغ تراب بوي أو من يتهجم على أشخاصهم ب.ت.ب وانا ترى اللي التعبير عن الرأي و الإنتقاد يجب أن يكون موجه للممارسات و الأفعال و ليس السب للأشخاص
كذلك استفزاز المشاعر ينجم يولد السب و الشتم و تشليك المدونات
و بالنسبة للمثال متاع 370 ركعة تراويح بما أنك قلت ما تقصدش بش تتمنيك على الصلاة فما فيها باس بش ما تستعملش التعابير المجازية أو الفكاهية عندما يتعلق الأمر ب العرق أو الدين أو اللون ...و هكاكا تتفادى استفزاز مشاعر الناس و التعليقات الركيكة و الناس الكل تفهم قصدك كيما تقصدو
مرة أخرى نقلك اللي أنا نحبك تواصل في العمل متاعك و تحسن فيه اذاكا علاش نوجهلك في النقد و سامحني كان كثرت شوية من النقد
سلام

Anonyme a dit…

toujours le meme anonyme
ظاهر فيك فديت من حكاية النقاش
العقلاني ما غير سبان و ما غير تشليك
على كل سامحني كان قلقتك