lundi, août 13, 2007

عــيــد "الـ" مــرأة


بمناسبة إحتفالنا اليوم في تونس بعيد المرأة حبّـيت نتقدّم بأحرّ وأصدق التهاني للنساء ونقوللهم كل عام وإنتوما حيين بخير يا عزيزاتي الباهين

لكن كيما تعرفوا العيد هذا إسمو عيد "الـ" مرأة، موش النساء، وهذا يفترض أنها فمّا حاجة تتكوّن من مجموعة متجانسة وتكوّن هي بيدها ذات مستقلّة على بقية الذوات في وسط المجتمع، وهذاكا علاش جات الصيغة في المفرد موش الجمع وزيد جات معرّفة. هذا يفترض باش تكون فمّا حاجة باينة ومعروفة عند الناس الكلّ إسمها "المرأة"، ويقابلها من جهة أخرى "الـ" راجل، وهذا بالطبيعة غالط، على خاطر الإنتماء البيولوجي لجنس الإناث أو الذكور ماهوش كافي حسب رأيي باش نجمعوا الناس الكل في نفس الباكو، على خاطر المجتمعات ما عادتش بالبساطة متاع المجتمع البدائي اللي يسمح بالتقسيمات هاذي متاع ذكورة تحاوز في الحلّوف ونساء تجمع في الطماطم وتنظّف في الديار وترضّع في الصغار

كيف تقولولي عيد المرأة التونسية أنا نفهم أنّو عيد تحتفل بيه أمّي و فاطمة بوساحة و وزيرة التجهيز والإسكان وسهام بن سدرين وجليلة بكّار والبنيّة اللي تخدم في معمل خياطة ب180 دينار في الشهر والملاهط اللي يخدمو في السّعدي والموّال وغيرهم ب100 دينار في الليلة. المرأة التونسية اللي نعرفها أنا تنجّم تكون أي حاجة من التلميذة المتخونجة مرورا بالطالبة اليسارية وصولا إلى جماعة جمعية بسمة والجمعية التونسية للأمهات وجمعية النساء الديمقراطيات، يعني شكشوكة كلبة ما تفرز منها شيء، وبالرغم من هذا مازلنا نحبّو نحتفلو بها الجمع الكريم في يوم واحد. علاش لا؟ المرّة الجاية نحتفلو باليوم الوطني للدفاع عن الحيوانات الأليفة نهارة الدور النهائي متاع كاس تونس لمصارعة الأكباش، مشكلة هي؟

حاسيلو ما دامتو شادّين صحيح باش نحتفلو اليوم ب"الـ" مرأة الوحيدة والفريدة اللي يتلخّصو فيها معاني الإنتماء الجنس اللطيف، فإنّو واحد كيفي أنا ما ينجم يقول كان ألف مبروك للمرأة الحقيقية الوحيدة في العالم اللي هي كيما يعرفو الناس الكلّ عزيزتي "مونيكا بلّوتشي". مبروك عزيزتي وكل عام وإنتي "الـ" مرأة رغم أنف جيسيكا ألبا وكل الممثلات الببوش بومصّة اللي قاعدين يطلعو من هوليوود

بالنسبة للأخرين تنجمو تستناو عيد النساء

:))



15 commentaires:

soumiaz a dit…

I have been following your blog for quit a while, I like your intake on things. This time I could ot follow your analysis...why is it about celebrating women in Tunisia. I would really like to understand what you mean.

Thank you

3amrouch a dit…

بيق تراب بوي: انا نكرهههههههههههههك
موش ظلم هاذا تو
مونيك بلوتشي ضربة وحدة

Big Trap Boy a dit…

@ Soumiaz:

Thank U for following my blog, even if it's the first time you post a comment here :)

The thing about this post is that today is a national holiday in Tunisia. It's called Women's Day and it is supposed to be a celebration of what has been accomplished in the field of women's rights and freedoms. My point is that in a complex modern society we can't talk about women as if all women represent the same situation and social status. Dividing the people in groups of men and women is not a sign of equality in a society that claims to be one of the most modern in the arab world.

I just tried to say it in a funny way :)

I hope I've made it clear to you.

Come back any time!
:)

Big Trap Boy a dit…

هاها عمروش، الله غالب، ماهم يحكيو على المرأة، ظاهرلي ما فماش مرأة تنجم تكون المرأة أكثر من مونيكا بلوتشي

:)

Sonya a dit…

aya béhi !! ya3TIK ESSA7A... si btb :P
:-D

Hayy a dit…

3id el mar2a w wzaret el mar2a w 7ou9ou9 el mar2a.. Il faut se rendre à l'évidence, on est loin d'avoir atteint une quelconque égalité

samsoum a dit…

Aah elli3b m3a monika belluchi laaaa!! 7addek 7add lemso99i..
Mlahet essa3di wallaw bi 100 TD?? Famma special 13 Aout? :))))

Tu vois le pb pour moi, c'est que je trouve tres degradant pour la femme d'avoir une journee speciale comme cela, ca me rappelle la journee de la liberte d'expression ou la journee pour les handicapes!! Dommage, car la femme vaut plus que cela.

Minika Ballouchi a dit…

Hakka ya BTB, ta7ki bya les7abek wa7bebek?

Big Trap Boy a dit…

@ Nafrouja:

Ayya ma tghiréch, héthi ma tkawwarch fel boutoula el watanéyya :))

@ Hayy:

ناقص كان باش يعملولنا مهرجان المرأة ولاّ معرض المرأة، واللي عندو مرا يجيب ينصب بيها على حرف الكياس باش التوريست يتفرّجو

@ Samsoum:

إيييه، إمّالا وينك إنتي؟ أما أسمع، اللي بو ميا راهم حويجة باهية، أما باقي فمّا الدوزيام شوا، أهوكا تبيع وتشري. إمشي للموّال تلقاهم أرخص عقاب الليل، بميا تهز زوز باهين

لوول، والله نفدلك، يمشيش في بالكم أنا حريف في هالأماكن المشبوهة؟؟

@ Minika Ballouchi:

Merci 3inayya 3al blog ejjdid :)) Sinon rahou notre histoire fi bélhom biha ejjmé3a, donc mahouch jdida el faza loool

Anonyme a dit…

خويا البي تي بي
كان فمّة ببوش بومصة راهي مونيكابلوشي:
عاملة روحها مرا و هي لا تعرف تطيّب لا تعرف تغسل لا حتى شي ,النهار الكل و هي قدام المرايا و لا شادّة التليفون ...
نهار جبتلها شويّة بسيسة متاع الوالدة ياخي شكات بية للأف بي اي زعمة زعمة محاولة اغتيال
الحاصيلو انا نحذّر فيك بكل اخوية و انتي دليلك ملك

Anonyme a dit…

je ne pense pas que vincent cassel apprécies le fait que monica ballouchi sa fasse tatouer ton nom sur sa peau :)

mimo a dit…

berjouliya ya BTB ma dém wselt 7attit tsawer l'mra illi te3jbek, walla 5allini n9oul "sa7ebtek", dhaher feha bech tafra7 bik barcha w t9oollek "3aychek 3zizi, ama 7a99ék 7attitélhom tsawer l'o5rin illi 3malnéhom ena w ayék!! hakkeka ysadd9ouna w y9addrou maché3rék"!! w kénék 3la tatouage, nans7ék 7otthoulha fi blassa ma ta3rafha kén enti walla 5allini n9oul ya3rfouha errjél s7a7, wa9tha illi yji y9ollék "ma7leh tatouage!" ta3ref kifeh tetsarref +h!!
aya ennistou!! sa7bi rajel

Anonyme a dit…

tu as oublié radhia nasraoui ta btp à part sihe ben sedrin
si tu veux citer tout le monde autant le faire bien :)

soumiaz a dit…

Thank you, I think I got it... I do not leave comments usually, I am of a listener, I like to see, hear what people have to say without interrupting (if I can) …I learn more that way .

آش كان عليه a dit…

مادمنا نحتفلو بها العيد متع المرا يعني أنو هالمرا مازالت بعيد على الخزمة و النهار هذا كيفو كيف يوم اللباس التقليدي و إلا يوم الأكلة الشعبية...
يالله
un jour férié de+ c.bon pour le moral